ءۇرىمجى قالاسىنىڭ حالىققا تيىمدىلىك جاساۋ شارالارى مادەنيەت تۇتىنۋىن جەبەدى
ءتىلشىمىز جاڭ بەي 6 - ايدىڭ 18 - كۇنى ۇرىمجىدەن حابارلايدى. «اكەم شانشي تەاترىن كورۋدى ۇناتاتىن. كارتچكا بىتىرسە جەڭىلدىك جاسالاتىنىن ەستىپ، ول كىسىگە <مادەنيەتتە تيىمدىلىك جاساۋ كارتچكاسىن> ءبىتىردىم. وسى دەمالىس كۇندەرىندە شانشي تەاترى <لاۋۋانجي> قويىلادى ەكەن. سونىمەن، اكەمە بەلەت ساتىپ اپەردىم»، - دەيدى قول تەلەفون الەۋمەتتىك تۇعىرىندا «مادەنيەتتە حالىققا تيىمدىلىك جاساۋ كارتچكاسىن» ءوتىنىش ەتكەن ءۇرىمجى قالاسىنىڭ تۇرعىنى لياڭ ۋىن 6 - ايدىڭ 12 - كۇنى قۋانا.
ءۇرىمجى قالاسى 2017 - جىلى 2 - ايدا مەملەكەت بويىنشا تۇڭعىش توپتا مادەنيەت تۇتىنۋىن تۇيىندەردە سىناق ەتەتىن قالا بولىپ بەلگىلەندى. ءبىر جىلدان بەرى ءۇرىمجى قالاسى مادەنيەتتە حالىققا تيىمدىلىك جاساۋ شارالارىن اتقارىپ، مادەنيەت تۇتىنۋ ۇلگىسىن جاڭالاپ، بۇقارانىڭ كوپ دەڭگەيلى مادەنيەت قاجەتىن قاناعاتتاندىرۋمەن بىرگە، ويىن - ساۋىق بازارىن جانداندىردى.
«مادەنيەتتە حالىققا تيىمدىلىك جاساۋ كارتچكاسى» ءۇرىمجى قالاسىنىڭ مادەنيەتتە حالىققا تيىمدىلىك جاساۋ شارالارىنىڭ ەڭ تىكە بەينەسى. قۇنى 500 يۋان كەلەتىن «مادەنيەتتە حالىققا تيىمدىلىك جاساۋ كارتچكاسىنىڭ» قالا تۇرعىندارى 100 يۋانىن عانا تولەيدى، ال قالعان 400 يۋانى ۇكىمەتتىڭ قوسىمشا قاراجاتىنان تولەنەدى. «بىلتىر تاراتىلعان 10 مىڭ دانا <مادەنيەتتە حالىققا تيىمدىلىك جاساۋ كارتچكاسى> قىسقا ۋاقىتتىڭ ىشىندە ساتىلىپ بولدى. وسى كارتچكامەن ينتەرنەت، قول تەلەفون جانە ناق ورىندا بەلەت ساتىپ الۋ سياقتى تاسىلدەر ارقىلى قالاعا قاراستى ۇيىرمە - توپتاردىڭ، سونداي - اق بىرلەسكەن ورىنداردىڭ كونسەرت بەلەتىن ساتىپ الۋعا بولادى، توتەنشە قولايلى»، - دەيدى ءۇرىمجى قالالىق مادەنيەت مەكەمەسى مادەنيەت بازارى باسقارماسىنىڭ ورىنباسار باستىعى پاڭ يىڭ.
ۇعىسۋعا قاراعاندا، «مادەنيەتتە حالىققا تيىمدىلىك جاساۋ كارتچكاسى» جولعا قويىلعاننان بەرى ءۇرىمجى ىلگەرىندى - كەيىندى ءۇرىمجى قالاسىنىڭ تۇڭعىش كەزەكتى تەاتر كوركەمونەر فەستيۆالى، «ەسكەك ەسەيىك» اتتى بالالار تەاترى كونسەرتى سياقتى «مادەنيەتتە حالىققا تيىمدىلىك جاساۋ كارتچكاسى» بويىنشا 10 نەشە كونسەرت وتكىزدى، 190 نەشە رەت ساۋدالىق كونسەرت قويىلىپ، كورەرمەن 70 مىڭ ادامعا (رەتكە) جەتىپ، كونسەرت بەلەتىنەن 4 ميلليون 63 مىڭ يۋان كىرىس كىردى. ءۇرىمجى تەاترحاناسى، شينجۇڭ تەاترحاناسى سياقتى 3 ورىندا كورەرمەن سانى ورتا ەسەپپەن %80تەن اسىپ، كوپ تۇردەگى ساندا ەڭ جوعارى دەڭگەي جاراتىلدى.
مادەنيەتتە حالىققا تيىمدىلىك جاساۋ شارالارىنىڭ اتقارىلۋى ۇكىمەتتىڭ قالاعا قاراستى ۇيىرمە - توپتارعا قوسىمشا قاراجات بەرۋىن كورەرمەندەرگە تىكە قوسىمشا قاراجات بەرۋگە وزگەرتىپ، كورەرمەندەر كارتچكامەن تۇتىنۋدى ەركىن تاڭداپ، ءبىر جاعىنان، بەلەت ساتىپ الىپ كونسەرت كورۋ سىندى تۇتىنۋ ادەتىن قالىپتاستىرسا، ەندى ءبىر جاعىنان، مادەنيەت تۇتىنۋ بازارىن دا جانداندىرىپ، ويىن - ساۋىق ۇيىرمەلەرى، اسىرەسە، قالاعا قاراستى ۇيىرمە - توپتار بازاردى جەتەكشى ەتىپ، سارا تۋىندىلار جاراتىپ، ساپانى ءوسىرىپ، كونەنى جاڭالاپ، ءوز دەڭگەيىن جوعارىلاتتى.
قالاعا قاراستى ۇيىرمە - توپتار بازار قىسىمىنا توزۋمەن بىرگە، كومەسكى كۇشىن اشىپ، ەڭ تاڭداۋلى تەاترلەرمەن اناعۇرلىم كوپ كورەرمەندى باۋرادى. ءۇرىمجى قالالىق بەيجيڭ تەاترى ۇيىرمەسى مەن قالالىق شانشي تەاترى ۇيىرمەسى ىشكى ولكەلەردىڭ تاڭداۋلى تەاتر ويىندارىن ەنگىزۋمەن بىرگە، ارتيستەردىڭ كاسىپتىك قابىلەتىن ۇزبەي ءوسىردى ءارى بالالار تەاترىنە قاراي بۇرىلىس جاسادى. بىلتىر ءۇرىمجى قالالىق كوركەمونەر تەاترى ەنگىزگەن 23 رەتكى بالالار تەاترىنەن قۇرالعان «ەسكەك ەسەيىك» اتتى بالالار تەاترى كونسەرتى جازعى دەمالىستا جاس وسپىرىمدەرگە مادەنيەت سيلاپ، كونسەرت بەلەتىنەن 910 مىڭ يۋان كىرىس كىرگىزدى. ءۇرىمجى قالالىق مادەنيەت مەكەمەسى كوركەمونەر باسقارماسىنىڭ جاۋاپتىسى ۋاڭ في: ءۇرىمجى قالاسىنا قاراستى ۇيىرمە - توپتار كونسەرت بەلەتىنەن وسىنشاما كوپ كىرىس تابارىن بۇرىن ويلاۋعا دا باتىلى بارمايتىن ەدى، - دەدى.
