تيانشان تورى   ›   بىلگەنگە مارجان   ›   پايدالى كەڭەس

جاڭادان اشەكەيلەنگەن ۇيگە قانشا ۋاقىتتا كوشىپ كىرۋ كەرەك؟

  جاڭا ءۇيدى اشەكەيلەپ بولعاننان كەيىن كوپتەگەن ادام دەرەۋ كوشىپ كىرۋگە اسىعادى، الايدا، ءسىز جاڭا ۇيگە كوشىپ كىرۋدەن بۇرىن كوڭىل بولۋگە ءتيىستى ىستەردى بىلەسىز بە؟ وتباسىڭىزداعىلاردىڭ دەنساۋلىق اقاۋسىزدىعى ءۇشىن ءۇيدى اشەكەيلەۋ بارىسىندا ىستەتكەن سىر، بوياۋ، تاقتاي، پانەركا سياقتى ماتەريالدىڭ قۇرامىنداعى فورمالدەگيد، اممياك گازى، ەتيلەن سياقتى دەنساۋلىققا زياندى گازداردىڭ قانشا ۋاقىتتا ءيىسى كەتەتىندىگىنەن حاباردار بولۋىڭىز كەرەك. اشەكەيلەۋ ماتەريالدارىنىڭ ىشىندە از ءيىس بولسا دا دەنساۋلىققا زياندى. ەگەر دەر كەزىندە جاقسى ءبىر جاقتى ەتپەسە ادام دەنساۋلىعىنا زيانى اسا زور.

  جاڭادان اشەكەيلەنگەن ۇيگە قانشا ۋاقىتتا كوشىپ كىرۋ كەرەك؟

  اۋا الماستىرعان ۋاقىت از دەگەندە 5 – 6 ايعا تولعان بولۋى كەرەك، ەڭ جاقسىسى ءبىر جاز قويىپ قويۋ كەرەك. جاز كۇندەرى تەمپەراتۋرا جوعارى بولاتىندىقتان، فورمالدەگيد سياقتى گاز مولىنان شىعادى. كەيبىرەۋلەر نەگە مۇنشا ۋاقىت توسۋ كەرەك دەۋى مۇمكىن، بۇنىڭ جاۋابى وتە وڭاي، جاڭادان اشەكەيلەنگەن ۇيدەن شىعاتىن بوگدە ءيىس ادام دەنەسىنە سىمىرىلگەننەن كەيىن، دەنساۋلىقتى زيانداپ، تىنىس جولى اۋرۋلارىن وڭاي پايدا قىلادى.

  ەگەر وتباسىڭىزدا جۇكتى ادام بولسا جاڭادان اشەكەيلەنگەن ۇيگە جايىراق كىرگەن ابزال، اسىرەسە، جاڭادان جۇكتى بولعان كەزدەگى العاشقى ءۇش اي ىشتەگى نارەستەنىڭ ءوسىپ – جەتىلۋىندەگى ماڭىزدى مەزگىل بولىپ، بۇل كەزدە زياندى گازدەر ادام دەنەسىنە سىمىرىلەتىن بولسا اناعا جانە ىشتەگى نارەستەگە اسا زياندى.

  ەگەر باسقا تۇرارجاي بولسا ءبىر جىلدان كەيىن كوشىپ كىرگەن ەڭ ابزال، ەگەر شارت – جاعداي جار بەرمەسە، ءار كۇنى ءۇيدىڭ تەرەزەلەرىن اشىپ، اۋا الماستىرىپ، ۇيگە الوي، اكتيۆتەنگەن كومىر (活性炭) سياقتى زياندى گازدەردى وڭاي سىمىرەتىن زاتتاردى قويىپ قويۋ كەرەك.

  جاڭادان اشەكەيلەنگەن ۇيگە بالالار قانشا ۋاقىتتان سوڭ جاتۋ كەرەك؟

  بالالار جاڭادان اشەكەيلەنگەن ۇيگە ءبىر جىلدان كەيىن جاتۋ كەرەك. ويتكەنى، بالالاردىڭ دەنە مۇشەلەرىنىڭ جەتىلۋى تولىق بولماعاندىقتان، جاڭادان اشەكەيلەنگەن ۇيگە جاتۋ ولاردىڭ دەنساۋلىعىن زياندايدى. سوندىقتان، ۇيگە اۋا تازارتاتىن وسىمدىكتەر مەن جابدىقتاردى كوبىرەك قويۋىمىز كەرەك.

  جاڭا ۇيدەگى بوگدە ءيىستى قالاي جوعالتۋعا بولادى؟

  تەرەزەنى اشىپ اۋا الماستىرۋ. جاڭادان اشەكەيلەنگەن ءۇيدىڭ الدىمەن ەسىك – تەرەزەسىن اشىپ، اۋا الماستىرۋىمىز كەرەك. بولمەلەردەگى ىشكاپتى، تارتپالاردى اشىپ، اۋا الماسۋدى تەزدەتۋىمىز كەرەك. الايدا، اۋا رايى وزگەرىسىنە كوڭىل ءبولۋىمىز، كۇن جاۋعاندا ەسىك – تەرەزەلەردى مىقتاپ جابۋىمىز، جاڭادان ساتىپ العان ءۇي جيھازدارىنىڭ بۇلىنۋىنەن ساقتانۋىمىز كەرەك.

  اكتيۆتەنگەن كومىر ارقىلى بوگدە ءيىستى جوعالتۋ. اكتيۆ كومىر ارقىلى بوگدە ءيىستى جوعالتۋىمىزعا بولادى. ونى ساۋدا دۇكەندەرىنەن نەمەسە توراپتان ساتىپ الۋىمىزعا بولادى. اكتيۆتەنگەن كومىردى قالتارىس ورىندارعا قويىپ، ۇنەمى ەسىك – تەرەزەنى اشىپ، اۋا الماستىرىپ، ۇيدەگى بوگدە ءيىستى جوعالتۋىمىز كەرەك.

  ءۇيدى اشەكەيلەپ بولعاننان كەيىن، جاڭا ۇيگە تەزىرەك كوشىپ كىرگىمىز كەلەتىنى شىندىق. الايدا، وتباسىنداعى ادامداردىڭ دەنساۋلىعى بارىنەن دە ماڭىزدى. سوندىقتان، جاڭا ۇيگە ۇيدەگى دەنساۋلىققا زياندى بوگدە يىستەر جوعالعاننان كەيىن كوشىپ كىرۋ كەرەك، سوندا عانا حان سارايىنداي جاڭا ۇيىڭىزدە الاڭسىز جاتا الاسىز.

حانزۋشادان اۋدارعان: مۇقامادي ءشارىپ ۇلى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى