تيانشان تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

قۇمدى القاپتاعى كەدەيلىكتى جونگە سالۋ اترەتىنىڭ باستىعى

  − اۆتونوميالى رايوندىق سۋ يگىلىگى مەڭگەرمەسىنىڭ شەريا اۋدانى بوستان اۋىلى ءدوڭباق قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، ءبىرىنشى شۋجي ساۋ زىحۇڭ جونىندە

  ءتىلشىمىز يۋان لەي

  شەريا اۋدانى بوستان اۋىلى ءدوڭباق قىستاعى قۇمدى القاپتىڭ ىشكى جاعىنا ورنالاسقان، كەدەيلىك مولشەرى %56كە جەتەدى، اۋىر كەدەي قىستاق. قايتكەندە كەدەيلىكتەن دالمە - ءدال قۇتىلدىرىپ، قىستاق تۇرعىندارىن بايىتىپ، دوڭگەلەك داۋلەتتى ورەگە جەتۋگە باستاۋعا بولادى دەگەن ماسەلە اۆتونوميالى رايوندىق سۋ ىستەرى مەڭگەرمەسىنىڭ شەريا اۋدانى بوستان اۋىلى ءدوڭباق قىستاعىنداعى «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، ءبىرىنشى شۋجي ساۋ زىحۇڭ ءدوپ كەلگەن ماڭىزدى ساياسي مىندەتى بولدى. ءبىر جىلدان استام ۋاقىتتان بەرى، ول قىستاق جاعدايىن تياناق ەتىپ، اقىل - پاراساتىن جۇمساپ، قىستاق تۇرعىندارىنا «بايۋ ءادىسىن» كورسەتىپ، قاجىرلىلىقپەن تەر توگىپ، كەدەيلىكتەن قۇتىلدىرۋدان قامال الۋدىڭ جاڭا حيكاياسىن جازدى.

  ءبارىن تەگىس يگەرىپ، يدەياداعى «كەدەيلىكتىڭ تامىرىن» جۇلىپ تاستادى

  2017 - جىلى 2 - ايدا ساۋ زىحۇڭ ءدوڭباق قىستاعىنا كەلگەندە، قىستاقتا ارتىق ەڭبەككۇشتەردىڭ كوپ ەكەندىگىن، ايتسە دە سىرتقا شىعىپ جۇمىس ىستەۋدى قالامايتىندىقتارىن، مۇنداعى باستى سەبەپتىڭ كونەشىل كوزقاراستا ەكەندىگىن بايقادى. قىستاق تۇرعىندارىن قايتكەندە قول قۋسىرىپ قاراپ وتىرمايتىن، باسقالارعا الاقان جايمايتىن ەتۋگە، ولارعا كەدەيلىكتەن قۇتىلىپ، بايۋعا باستايتىن يدەيانى قايتكەندە ءبىر - بىرلەپ سىڭىرۋگە بولاتىندىعى جونىندە ساۋ زىحۇڭ كەڭ ويلانىپ - تولعانۋ جانە تەكسەرىپ - زەرتتەۋ ارقىلى قىزمەت اترەتىنىڭ ارتىقشىلىعىن تولىق ساۋلەلەندىرىپ، ءبارىن تەگىس يگەرىپ، قىستاق تۇرعىندارىنىڭ يدەياسىنداعى «كەدەيلىكتىڭ تامىرىن» جۇلىپ تاستاۋعا قۇلشىندى. ول قىزمەت اترەتىندەگىلەردى جانە قىستاق كادرلارىن باستاپ، اۋىل شارۋاشىلىعىنا تيىمدىلىك جاساۋ ساياساتتارىن ۇگىتتەدى، قولدانىلمالى تەحنيكا جانە مەملەكەتتە ءبىر تۇتاس قولدانىلاتىن ءتىل - جازۋ جونىندەگى ۇيرەنۋدى كۇشەيتىپ، باعىمشىلىق ءىرى وتباسىلارىن، اۋىلعا قايتقان جۇمىسكەرلەردى ۇيىمداستىرىپ، «اڭگىمە ايتۋ، دامۋدى تىلگە تيەك ەتۋ» قيمىلىن ورىستەتىپ، قىستاق تۇرعىندارىن ونەر ۇيرەنۋگە، زاۆودتارعا بارۋعا، قاجىرلىلىقپەن بايۋعا شابىتتاندىردى.

  قىستاق تۇرعىندارى سىرتقا شىعىپ جۇمىس ىستەۋدىڭ داڭقتى ءىس ەكەندىگىن بىرتىندەپ تانىپ جەتتى. ساۋ زىحۇڭ جاعدايعا قاراي جەتەكشىلىك ەتىپ، تەحنيكاسى بار قىستاق تۇرعىندارىن ۇيىمداستىرىپ، 6 ۋاقىتشا قۇرىلىس اترەتىن جانە 12 اعاششىلار اترەتىن قۇردى ءارى ولاردى مال قورالارىن جاساۋ، بەيقۇت ءۇي قۇرىلىسى سياقتى نىسانداردا ءوز جەرىندە جۇمىسقا ورنالاستىردى. سونىمەن قاتار، ول توڭىرەكتەگى اۋدان، قالالارمەن، كاسىپورىندارمەن بەلسەنە بايلانىس جاساپ، باعىتتامالى تانىستىرۋ، الەۋمەتتىك يگىلىك سيپاتىنداعى جۇمىس ورىندارىن ورنالاستىرۋ سياقتى تاسىلدەردەن پايدالانىپ، ىلگەرىندى - كەيىندى 160 نەشە كەدەي قىستاق تۇرعىنىن سىرتقا شىعاردى جانە ءوز جەرىندە، جاقىن ماڭدا جۇمىسقا ورنالاستىردى.

  «وتباسىمىز بۇرىن ەگىمشىلىكپەن جانە باعىمشىلىقپەن شۇعىلدانىپ، جىلىنا نەبارى 5000 − 6000 يۋان كىرىس كىرگىزەتىن. قازىر قىزمەت اترەتىنىڭ كومەگىندە جەرىمىز بەن مالدارىمىزدى كوتەرمەگە بەردىك، ءوزىم سىرتتا جۇمىس ىستەپ، ايىنا 3500 يۋان، جىلىنا 40 مىڭ يۋان كىرىس كىرگىزەمىن!» وسى ەسەپتى ىستەگەن قىستاق تۇرعىنى ءماتيۇسىپ راجاپتىڭ جۇزىنەن قۋانىشتىڭ لەبى ەستى.

  جاعدايعا قاراي ىستەپ، كەدەيلىكتەن قۇتىلدىرۋدىڭ «تۋرا امالىن» تاپتى

  ءدوڭباق قىستاعىنىڭ شالعايلىعى، ءوندىرىس ورەسىنىڭ تومەندىگى، كاسىپ سالاسىنىڭ جالاڭدىعى سياقتى ماسەلەلەرگە مەڭزەس، ساۋ زىحۇڭ تەرەڭ ويلانىپ - تولعانىپ، ەگىمشىلىك پەن باعىمشىلىقتى ۇشتاستىرۋدى قىستاق تۇرعىندارىن كەدەيلىكتەن قۇتىلدىرىپ، بايىتۋدىڭ نەگىزگى جولى ەتۋدى بەلگىلەدى.

  ول جان - جاققا شاپقىلاپ ءجۇرىپ، 82 كەدەي وتباسىنىڭ شاعىن سوماداعى قارىز اقشا الۋىنا كومەكتەسىپ، ولاردىڭ دامۋ قارجىسى تاپشى بولۋ قيىنشىلىعىن شەشتى؛ سۋ يگىلىگى مەڭگەرمەسىنىڭ قولداۋىندا مەملەكەتتىڭ كەدەيلەردى سۇيەمەلدەۋ نىسانى قارجىسىنان 9 ميلليون يۋاننان كوبىرەك اقشاعا يە بولىپ، 199 مال قوراسىن سالدى، 215 اۋلا شارۋاشىلىعى نىسانىن تياناقتاندىردى، كەدەي وتباسىلارعا 2822 قوي، 224 ەسەك ساتىپ اپەردى؛ قىستاق تۇرعىندارىن اتتانىسقا كەلتىرىپ، جەر مەن مالداردى وتكەرمەلەۋدى ورىستەتىپ، ەگىنشى - مالشىلاردى ەگىمشىلىك، باعىمشىلىق شەبەرلەرىمەن وتكەرمەلەۋ كەلىسىمىن جاساسۋعا جەتەكتەدى.

  قازىر قىستاق تۇرعىنى مومىنديز يمىن ءوزىنىڭ شاعىن اۋلاسىن اۋىزعا السا بولعانى، ەرەكشە قۋانادى، ول بىلاي دەدى: قازىر اۋلام شاعىن جەمىس باعىنا، كوكونىس باقشاسىنا اينالدى، بۇلاردىڭ ءدامىن تاتىپ ءماز بولۋمەن قاتار، جايقالا وسكەنىنەن ءلاززات الىپ وتىرمىن، ونىڭ ۇستىنە كىرىسىم دە ارتتى.

  مەحانيزممەن قامتاماسىز ەتىپ، قىستاق تۇرعىندارىنىڭ «قاپشىعىن» قالىڭداتتى

  «كەدەيلىكتەن قۇتىلدىرۋدان قامال الۋ جۇيەلى ينجەنەريا، ول ءبىر قىزمەت مەحانيزمىمەن قىزمەت اترەتىندەگىلەردىڭ، قىستاق كادرلارىنىڭ مىندەتى مەن جاۋاپكەرشىلىگىن ايقىنداپ، ءتۇرلى قىزمەتتەردى جوعارى ساپامەن، جوعارى ونىمدىلىكپەن ىلگەرىلەتۋدى قاجەت ەتەدى»، - دەدى ساۋ زىحۇڭ.

  قىستاقتا تۇرۋ باستالىسىمەن، ساۋ زىحۇڭ قىزمەت اترەتىندەگىلەر مەن قىستاق كادرلارىن باستاپ وتباسىلارىن ارالاپ، وتباسىلارىن كوتەرمەگە الىپ، وتباسىلارعا قونىپ، كەدەي وتباسىلارىمەن اڭگىمەلەسىپ، ولاردىڭ مۇڭ - مۇقتاجىن سۇراپ، جاعداي ۇعىسىپ، كەدەي وتباسىلارىنىڭ ارحيۆىن تۇرعىزىپ، كارتچكالاندىرۋ قىزمەتىنە «قايىرىلا قاراپ»، كەدەيلەردى سۇيەمەلدەۋ نىساندارىنىڭ دالمە - ءدال بولۋىنا، كەدەيلەردى سۇيەمەلدەۋ شارالارىنىڭ دالمە - ءدال بولۋىنا كەپىلدىك ەتتى.

  ساۋ زىحۇڭ قىزمەت اترەتىندەگىلەر مەن قىستاق كادرلارىن ارالاستىرىپ گرۋپپاعا ءبولىپ، ءارقايسى قىستاق تۇرعىندارى گرۋپپاسىن بىرلىك ەتىپ، جاۋاپكەرشىلىك اۋماعىن بەلگىلەپ، وزدەرى بايلانىس جاسايتىن اۋماقتاعى كەدەي وتباسىلارعا اپتا سايىن بارىپ، ءوندىرىس، تۇرمىس جاعدايىن ۇعىسۋدى تالاپ ەتتى. وسى نەگىزدە، باستاماشىلدىقپەن ءدوڭباق قىستاعىنىڭ كەدەيلىكتەن قۇتىلدىرۋدان قامال الۋ ارناۋلى ءبانىن قۇرىپ، ءبىرىنشى شۋجي باستاماشى بولاتىن، قىستاقتا تۇراتىن 2 كادر كومەكتەسەتىن، 2 قىستاق كادرى ارناۋلى ىستەيتىن «2 + 2 + 1» ۇلگىسىن قولدانىپ، كەدەيلىكتەن قۇتىلدىرۋدان قامال الۋ مىندەت جاۋاپكەرشىلىگىن ادامعا دەيىن بەلگىلەپ، ۋاقىت شەگىن ايقىنداپ، جەر جاعدايىنا، قىستاق جاعدايىنا قاراي، وتباسىلارعا، ادامعا قاراي شارا قولداندى ءارى اۋداندىق، اۋىلدىق ەكى دارەجەلى كەدەيلەردى سۇيەمەلدەۋ تاراۋلارىمەن مەرزىمدى تۇردە بايلانىس جاساپ، حالىققا تيىمدىلىك جاساپ، كەدەيلەردى سۇيەمەلدەۋ ساياساتىن ۇعىسىپ، قارجىلىق نىسانداردىڭ قولداۋىنا بەلسەنە قول جەتكىزىپ، كەدەيلىكتەن قۇتىلدىرۋدان قامال الۋ قىزمەتىنىڭ جوعارى مەن تومەندە توعىسۋىن، سول مەن وڭدا بىردەي ىستەلۋىن، بىرىككەن كۇش قالىپتاستىرۋىن ءونىمدى ىلگەرىلەتتى.

  «كەدەيلىكتەن قۇتىلدىرۋ ارناۋلى ءبانى بىزگە اقىل كورسەتىپ، وي جەلىسىمىزدى ايقىنداپ، قارجى توپتاپ، نىسان تاۋىپ، تەحنيكا ۇيرەتتى، ءبىز، ءسوزسىز، جۋىق ارادا كەدەيلىكتەن قۇتىلامىز»، - دەدى قىستاق تۇرعىنى ايشىحان تاشمات. ايشىحان سياقتى قازىر قىستاقتاعى كەدەيلەر كەدەيلىكتەن ەرتەرەك قۇتىلۋعا قۇلشىنۋدا.

  ساۋ زىحۇڭ «كەدەيلىكتەن قۇتىلدىرۋدان قامال الۋدىڭ توتە جولى جوق، تەك تاباندىلىقپەن ىستەسەك بولعانى، بۇقارانىڭ جاقسى تۇرمىسى ءبىزدىڭ ناتيجەمىز بولادى»، - دەدى. قىزمەت اترەتى مەن قىستاق «ەكى كوميتەتىنىڭ» بىرگە قۇلشىنۋىندا ءدوڭباق قىستاعىنداعى كەدەيلەر 2017 - جىلعى 245 وتباسىنداعى 702 ادامنان قازىرگى 197 وتباسىنداعى 551 ادامعا ازايدى، بيىل بۇكىل قىستاقتى كەدەيلىكتەن قۇتىلدىرۋدى ىسكە اسىرماق.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى