ءتاڭىرتاۋ تورابى   ›   جاڭالىقتار   ›   شۋجي ەستەلىگى

گۋاڭدۇڭ ولكەسىنىڭ پارتيا، ۇكىمەت ورىندارىنىڭ ۋاكىلدەر ۇيىرمەسى شينجياڭعا كەلىپ، شينجياڭعا باعىتتامالى كومەكتەسۋ قىزمەتىن تەكسەردى

  لي شي، چىن چۋانگو، ما شيڭرۇي، شوكىرات زاكىر، سۇن جينلۇڭ، رىن شۋەفىڭ، لي پىڭشين قيمىلعا قاتىناستى

  اۆتونوميالى رايوندىق پارتكومنىڭ شۋجيى، شينجياڭ ءوندىرىس-قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسار چىن چۋانگو 6-ايدىڭ 26-كۇنى گۋاڭدۇڭ ولكەلىك پارتكومنىڭ شۋجيى لي شيگە، گۋاڭدۇڭ ولكەلىك پارتكومنىڭ ورىنباسار شۋجيى، ولكە باستىعى ما شيڭرۇيگە سەرىك بولىپ، قاشقار كونەشار اۋدانى وعۇساق قالاشىعى تومەنگى وعۇساق قىستاعىنداعى كەدەي وتباسى ابدۇرشيت مامەتتىڭ ۇيىنە امانداسا بارىپ، حال سۇرادى.

  ءتىلشىمىز ياۋ تۇڭ 6 - ايدىڭ 27 - كۇنى قاشقاردان حابارلايدى. 6 - ايدىڭ 25 - كۇنىنەن 27 - كۇنىنە دەيىن گۋاڭدۇڭ ولكەلىك پارتكومنىڭ شۋجيى لي شي، گۋاڭدۇڭ ولكەلىك پارتكومنىڭ ورىنباسار شۋجيى، ولكە باستىعى ما شيڭرۇي باستاعان گۋاڭدۇڭ ولكەلىك پارتيا، ۇكىمەت ۋاكىلدەر ۇيىرمەسى شينجياڭعا كەلىپ باعىتتامالى كومەكتەسۋ قىزمەتىن تەكسەردى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسار چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى سۇن جينلۇڭ، گۋاڭدۇڭ ولكەلىك پارتكومنىڭ ورىنباسار شۋجيى، گۋاڭجوۋ قالالىق پارتكومنىڭ شۋجيى رىن شۋەفىڭ، اۆتونوميالى رايوندىق پارتكومنىڭ ورىنباسار شۋجيى لي پىڭشين قيمىلعا قاتىناستى.

  شينجياڭداعى كەزدە، گۋاڭدۇڭ ولكەسىنىڭ پارتيا، ۇكىمەت ورىندارىنىڭ ۋاكىلدەر ۇيىرمەسى قاشقار ايماعىندا قىزمەت تەكسەردى، قاشقار ەكونوميكالىق اشۋ رايونى شىنجىن ونەركاسىپ باقشاسى، قاشقار كونەشار اۋدانى قاشقار گۋاڭچي اۆتوكولىك ساتۋ باقشا رايونى، وعۇساق قالاشىعى تومەنگى وعۇساق قىستاعى سەرىك زاۆودى، توقۇزاق قالاشىعى سەنترلى باستاۋىش مەكتەبى، قاشقار داشۋەسى جاڭا مەكتەپ رايونى، بيڭتۋان ساۋحۋ گۋاڭدۇڭ توقىماشىلىق، كيىم - كەشەك ونەركاسىپ باقشا رايونى دۇڭچۇنشيڭ سەرىكتەستىگى، لۇيمەي وڭتۇستىك شينجياڭ ورمان شارۋاشىلىعى ونەركاسىپ باقشاسى سياقتى جەرلەرگە بارىپ، شينجياڭعا كومەكتەسۋ قىزمەتى جاعدايىن ۇعىستى. قاشقار قالاسى جۇنميڭتۇڭشين بالاباقشاسى مەن قاشقار ايماقتىق ورنىقتىلىقتى قورعاۋ قولباسشىلىق ورتالىعىندا، قاشقار كونەشار اۋدانى SF09 حالىققا قولايلى ساقشى پۋنكتىندە قىزمەت تەكسەرىپ، قيىنشىلىعى بار قاۋىمنان حال سۇراپ، شينجياڭعا كومەككە كەلگەن كادرلارعا امانداسا باردى. شىنجىن قالاسى باعىتتامالى كومەكتەسەتىن ورىندارمەن، اۋداندارمەن، قالالارمەن كەڭەس وتكىزدى.

  6 - ايدىڭ 27 - كۇنى تۇستەن بۇرىن گۋاڭدۇڭ ولكەسى مەن شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانىنىڭ باعىتتامالى كومەكتەسۋ قىزمەتى جونىندەگى اڭگىمە ءماجىلىسى قاشقار قالاسىندا وتكىزىلدى. چىن چۋانگو اۆتونوميالى رايوندىق پارتكوم، حالىق ۇكىمەتى جانە تۇتاس شينجياڭداعى ءار ۇلت حالقى اتىنان گۋاڭدۇڭ ولكەسىنىڭ پارتيا، ۇكىمەت ورىندارى ۋاكىلدەر ۇيىرمەسىنىڭ شينجياڭعا قىزمەت تەكسەرە كەلگەندىگىن قىزۋ قارسى الىپ، گۋاڭدۇڭ ولكەسىنىڭ ۇزاق ۋاقىتتان بەرى شينجياڭدى بار كۇشپەن قولداپ، قالتقىسىز كومەك كورسەتىپ كەلگەندىگىنە شىن جۇرەكتەن العىس ايتتى. چىن چۋانگو مىنانى اتاپ كورسەتتى: سوڭعى جىلداردان بەرى، گۋاڭدۇڭ ولكەلىك پارتكوم، ولكەلىك حالىق ۇكىمەتى باس شۋجي شي جينپيڭنىڭ گۋاڭدۇڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن جان - جاقتى دايەكتىلەندىرىپ، تياناقتاندىرىپ، «تورتتە مەملەكەت بويىنشا الدا ءجۇرۋدى» مىقتاپ ارقاۋ ەتىپ، يدەيانى ونان ارى ازات ەتىپ، رەفورما جاساپ، جاڭالىق اشىپ، شىنايى يگەرىپ، ناقتى ىستەپ، تالىقپاي تالپىنىپ، دۇيىم جۇرتتى جالت قاراتارلىقتاي ناتيجەگە قول جەتكىزدى. ءبىز گۋاڭدۇڭ ولكەسى پارتيا، ۇكىمەت ورىندارى ۋاكىلدەر ۇيىرمەسىنىڭ شينجياڭعا قىزمەت تەكسەرە كەلۋىنە وراي، گۋاڭدۇڭ ولكەسىنىڭ تاماشا تاجىريبەلەرىن، تاماشا ادىستەرىن مۇقيات ۇيرەنىپ جانە ودان پايدالانىپ، جۇڭگوشا سوتسياليستىك شينجياڭ قۇرۋدى جەدەلدەتەمىز.

  چىن چۋانگو مىنانى اتاپ كورسەتتى: گۋاڭدۇڭ ولكەلىك پارتكوم مەن ولكەلىك حالىق ۇكىمەتى شينجياڭعا باعىتتامالى كومەكتەسۋ قىزمەتىنە ايرىقشا باسا ءمان بەرىپ، شينجياڭعا كومەكتەسۋ قىزمەتىن قاشاندا ماڭىزدى ساياسي جاۋاپكەرشىلىك ساناپ، ونى كوكەيدە ساقتاپ، ناقتى يگەردى. شينجياڭعا كومەكتەسۋ قىزمەتىنىڭ دەڭگەيى جوعارى، ۇستانىمى جاڭا، كوز اياسى كەڭ، شاراسى پارمەندى، ونىمدىلىگى كورنەكتى بولىپ، قاشقار ايماعى مەن بيڭتۋان 3 - شىسىنىڭ قوعام ورنىقتىلىعىن، كەدەيلىكتەن قۇتىلدىرۋدان قامال الۋدى، ەكونوميكانىڭ دامۋىن، حالىق تۇرمىسىن جاقسارتۋدى، ۇلتتار ىنتىماعىن، قوعامنىڭ العا باسۋىن پارمەندى جەبەپ، شينجياڭنىڭ ورنىقتىلىعىن، دامۋىن جەبەۋدە ماڭىزدى رول اتقارىپ، كورنەكتى ۇلەس قوستى، ءبىز مۇنى ماڭگى ەستەن شىعارمايمىز، ماڭگى العىس ايتامىز. تۇتاس شينجياڭ جوعارىدان تومەنگە دەيىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، پارتيا 19 - قۇرىلتايى مەن پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، «كەشەندى شارالاردى» اتقارىپ، ورنىقتىلىق، دامۋ قىزمەتتەرىن كۇش سالا ويداعىداي ىستەپ، شينجياڭعا كومەكتەسۋ قىزمەتىنە وسكەلەڭ ءمان بەرىپ، شينجياڭعا كومەكتەسۋ ابزالدىلىعىن تولىق ساۋلەلەندىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالىق الاڭسىز تىرشىلىك ەتەتىن جۇڭگوشا سوتسياليستىك شينجياڭدى قۇلشىنا قۇرىپ، ءىس جۇزىندىك ارەكەتىمەن شي جينپيڭ جولداستى ۇيتقى ەتكەن پارتيا ورتالىق كوميتەتىن الاڭسىز ەتىپ، تۇتاس شينجياڭداعى ءار ۇلت حالقىن باقىتقا كەنەلتىپ، گۋاڭدۇڭ حالقى كورسەتكەن قالتقىسىز كومەكتىڭ قارىمجىسىن قايتارادى.

  لي شي ولكەلىك پارتكوم، ولكەلىك ۇكىمەت اتىنان شينجياڭنىڭ تالاي جىلدان بەرى گۋاڭدۇڭنىڭ قىزمەتىن زور كۇشپەن قولداعاندىعىنا العىس ايتتى. ول مىنانى اتاپ كورسەتتى: باس شۋجي شي جينپيڭ شينجياڭنىڭ دامۋىنا، ورنىقتىلىعىنا ايرىقشا ءمان بەرىپ، شينجياڭ قىزمەتى جانە شينجياڭعا باعىتتامالى كومەكتەسۋ قىزمەتى جونىندە ءبىر قىدىرۋ ماڭىزدى نۇسقاۋلار جاساپ، شينجياڭعا كومەكتەسۋ قىزمەتىن ويداعىداي ىستەۋىمىز ءۇشىن ءتۇبىرلى ولشەم جانە ارەكەت باعدارلاماسىن ازىرلەدى. اۆتونوميالى رايون، سونداي - اق بيڭتۋان شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ادالدىقپەن اتقارىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، شينجياڭنىڭ جالپى جاعدايى ورنىقتى، جاعدايى مەڭگەرىلگەن، جاعدايى جاقسارا تۇسكەن اۋقىمنىڭ قالىپتاسۋىن پارمەندى تۇردە ىلگەرىلەتىپ، ءتۇرلى قىزمەتتەر كورنەكتى جەتىستىكتەرگە قول جەتكىزدى. شينجياڭنىڭ جاقسى تاجىريبە، جاقسى ادىستەرىنەن ۇيرەنىپ جانە بۇدان ۇلگى الىپ، شينجياڭمەن اراداعى اۋىس - كۇيىستى، سەلبەستىكتى تەرەڭدەتىپ، ءوزارا تيىمدىلىك جەتكىزىپ، تەڭ يگىلىككە كەنەلە دامۋدى ءتىپتى دە جاقسى ىسكە اسىرامىز. شينجياڭعا باعىتتامالى كومەكتەسۋ قىزمەتى باس شۋجي شي جينپيڭنىڭ، پارتيا ورتالىق كوميتەتىنىڭ گۋاڭدۇڭعا تاپسىرعان ماڭىزدى ساياسي مىندەتى، گۋاڭدۇڭنىڭ بۇكىل ەلدىڭ جالپى جاعدايىنا بويسۇنۋداعى، قىزمەت كورسەتۋدەگى بۇلتارتپاس بورىشى، جاۋاپكەرشىلىگى، گۋاڭدۇڭ مەن شينجياڭنىڭ سەلبەستىك جاساسىپ دامۋىن تەرەڭدەتۋدەگى تاپتىرماس وراي. كەزەكتە گۋاڭدۇڭ باس شۋجي شي جينپيڭنىڭ مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە گۋاڭدۇڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، ج ك پ گۋاڭدۇڭ ولكەلىك 12 - كەزەكتى كوميتەتى ءتورتىنشى جالپى ءماجىلىسىنىڭ ورنالاستىرۋلارى بويىنشا، «ەكى ماڭىزدى تەرەزە» بولۋعا كۇش سالىپ، «تورتتە مەملەكەت بويىنشا الدا ءجۇرۋدى» ورىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ گۋاڭدۇڭ توپىراعىندا ءونىمدى تياناقتاندىرىلۋىن، سۇبەلى تابىستارعا قول جەتكىزۋىن ىلگەرىلەتۋدە. ءبىز، ءسوزسىز، ساياسي دەڭگەيدى ءوسىرىپ، شينجياڭعا باعىتتامالى كومەكتەسۋ قىزمەتىن ويداعىداي ىستەۋدى باس شۋجي شي جينپيڭنىڭ ۇيتقىلىق ورنىن باتىل قورعاۋداعى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋداعى ناقتى ارەكەت ەتىپ، قىزمەت سەرپىنىن كۇشەيتىپ، شينجياڭعا باعىتتامالى كومەكتەسۋ قىزمەتىنىڭ جاڭا جاعدايىن ۇزدىكسىز اشامىز.

  لي شي مىنانى باسا دارىپتەدى: قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، اۆتونوميالى رايونمەن جانە بيڭتۋانمەن جۇرەكتەس بولىپ، تىزە قوسا وتىرىپ، قول ۇستاسا قۇلشىنىپ، شينجياڭعا باعىتتامالى كومەكتەسۋ قىزمەتىنىڭ ۇزدىكسىز جاڭا تىڭعىلىقتى جەتىستىكتەرگە قول جەتكىزۋىن ىلگەرىلەتەمىز. بىرىنشىدەن، نازاردى كەدەيلىكتەن قۇتىلدىرۋدان قامال الۋ قىزمەتىنە شوعىرلاندىرىپ، شينجياڭعا حالىق تۇرمىسى جاعىندا كومەكتەسۋ قىزمەتىن ءۇرتىس ويداعىداي يگەرىپ، ءتۇيىندى حالىق تۇرمىسى ينجەنەريالارى قۇرىلىسىن كۇشەيتىپ، جەرگىلىكتى بۇقارانىڭ جۇمىسقا ورنالاسىپ، كىرىسىن ارتتىرۋىنا، كەدەيلىكتەن قۇتىلىپ، اۋقاتتانۋىنا مۇمكىندىگىنشە كومەكتەسەمىز. ەكىنشىدەن، قان جاساۋ قابىلەتىن كۇشەيتىپ، شينجياڭعا كاسىپ سالاسى بويىنشا كومەكتەسۋدى زور كۇشپەن ىلگەرىلەتىپ، ءوندىرۋ مەن ساتۋدى ۇشتاستىرۋدى اناعۇرلىم كۇشەيتىپ، ەرەكشە باسىمدىعى بار كاسىپ سالالارىن زور كۇشپەن دامىتامىز. ۇشىنشىدەن، سۇرانىستى نىشان ەتۋدەن جازباي، شينجياڭعا اقىل - پاراسات جاعىندا كومەكتەسۋ سەرپىنىن كۇشەيتىپ، وقۋ - اعارتۋ جانە ەمدەۋ جاقتارىندا شينجياڭعا «ۇيىرمە ۇيىمداستىرۋ فورماسىندا» كومەكتەسۋدى ءۇرتىس ىلگەرىلەتىپ، كومەككە يە بولعان جەردىڭ دارىندىلار قوسىنىن جەتىلدىرۋىنە جانە كۇشەيتۋىنە كومەكتەسەمىز. تورتىنشىدەن، كاسىپ سالاسى مەن قالالاردىڭ توعىسۋىن ىلگەرىلەتىپ، قالا مەن قالاشىق نەگىزدىك قۇرىلعىلارىنىڭ كەمەلدەنۋىنە كومەكتەسىپ، جەرگىلىكتى ورىننىڭ الەۋمەتتىك قىزمەت كورسەتۋ ورەسىن ۇزدىكسىز جوعارىلاتامىز. بەسىنشىدەن، گۋاڭدۇڭ مەن شينجياڭنىڭ جانە بيڭتۋاننىڭ ۇشتاسۋىن، سەلبەستىك جاساسۋىن كۇشەيتىپ، تىلدەسۋ، سايكەسۋ مەحانيزمىن كەمەلدەندىرىپ، شينجياڭعا كومەكتەسۋ قىزمەتىنىڭ مىعىم بىرىككەن كۇشىن ىشكەرىلەي قالىپتاستىرامىز.

  اڭگىمە ماجىلىستە شوكىرات زاكىر، سۇن جينلۇڭ اۆتونوميالى رايوننىڭ، بيڭتۋاننىڭ ورنىقتىلىق، دامۋ جانە باعىتتامالى كومەكتەسۋ قىزمەتىنىڭ جاعدايىن تانىستىردى، ما شيڭرۇي گۋاڭدۇڭ ولكەسىنىڭ ەكونوميكالىق، قوعامدىق دامۋىن جانە باعىتتامالى كومەكتەسۋ قىزمەتىنىڭ جاعدايىن تانىستىردى.

  گۋاڭدۇڭ ولكەسىنىڭ باسشىلارىنان ۋاڭ ۋيجۇڭ، لين شاۋچۇن، زوۋ ميڭ، جياڭ ليڭ، اۆتونوميالى رايوننىڭ جانە بيڭتۋاننىڭ باسشىلارىنان ما شۋەجۇن، سارقىت اقان ۇلى، جاڭ چۇنلين، ليۋ جيانميڭ، جۇڭگو وڭتۇستىك اۆياتسيا توبى شەكتى سەرىكتەستىگىنىڭ باسالقاسى، پارتيا باسشىلىق گرۋپپاسىنىڭ شۋجيى ۋاڭ چاڭشۇندەر جوعارىداعى قيمىلدارعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى