ءتاڭىرتاۋ تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

قىستاق تۇرعىندارىن بايۋعا باستادى

  − توقسۋ اۋدانى بەيسەمبىبازار اۋىلى شوڭقىششى قىستاعى پارتيا ياچەيكاسىنىڭ بۇرىنعى شۋجيى يلحام ياسىن جونىندە

  ءتىلشىمىز بارشا تەگىس قىزى

  2014 - جىلى توقسۋ اۋدانى بەيسەمبىبازار اۋىلى شوڭقىششى قىستاعى اۆتونوميالى رايون جاعىنان كەدەيلەردى سۇيەمەلدەۋ، وركەندەتۋدەگى ءتۇيىندى قىستاق بولىپ بەلگىلەنگەن كەزدە، قىستاقتا 77 كەدەي وتباسى بار بولاتىن. 2017 - جىلى شوڭقىششى قىستاعى كەدەيلىك قالپاعىن الىپ تاستادى. 2013 - جىلداعىمەن سالىستىرعاندا، قىستاق كوللەكتيۆىنىڭ كىرىسى 112 مىڭ يۋانعا جەتىپ، 11 ەسە ارتتى؛ شارۋالاردىڭ جان باسىندىق ورتاشا كىرىسى 9300 يۋاننان اينالىپ، %57.6ارتتى. بۇعان سەبەپشى بولعان شوڭقىششى قىستاعىندا قىستاق تۇرعىندارىن بايۋعا باستاعان جاقسى ياچەيكا شۋجيى يلحام ياسىن ەدى.

  2008 - جىلى يلحام وسى قىستاقتا ستۋدەنت باستىعى مىندەتىن ۇستىنە الدى، 2013 - جىلى كوپ بەلەتپەن قىستاق پارتيا ياچەيكاسىنىڭ شۋجيى بولىپ سايلاندى. جاقسى باسشىلىق القاسى عانا جاقسى تۇرمىسقا باستاي الادى. قىستاقتا 5 جىل ستۋدەنت قىستاق باستىعى بولىپ ىستەگەن يلحام قىستاقتىڭ كەدەي بولۋىنىڭ باستى سەبەبى باسشىلىق القانىڭ السىزدىگىندە ەكەندىگىن جەتە تانىدى.

  قىستاق پارتيا ياچەيكاسىنىڭ شۋجيى بولىپ تاعايىندالعان سوڭ، يلحام باسشىلىق القانى قۇدىرەتتەندىرۋدىڭ «كەشەندى شاراسىن» العا قويدى: ياچەيكانىڭ ءار اپتادا ءبىر رەتكى ۇيرەنۋ كۇنى ءتۇزىمىن ورناتىپ، قىستاق كادرلارى مەن پارتيا مۇشەلەرىنىڭ پارتيالىلىقتى كۇشەيتىپ، پارتيانىڭ لۋشيان، باعىت - ساياساتتارىن يگەرۋىنە مۇمكىندىك تۋدىردى؛ الىستان تاربيەلەۋ تۇعىرىنان پايدالانىپ، پارتيا مۇشەلەرىن، كوممۋنيستىك جاستار وداعى مۇشەلەرىن ەگىن، مال شارۋاشىلىعىنىڭ قولدانىلمالى تەحنيكالارىن ۇيرەنۋگە مەرزىم سايىن ۇيىمداستىرىپ، پارتيا ياچەيكاسىنىڭ بايۋعا باستاۋ قابىلەتىن ارتتىردى؛ قىستاق كادرلارىنىڭ «1 + 1» جەتەكتەپ تاربيەلەۋ ءتۇزىمىن ورناتىپ، اۋىلعا ورالعان جاستاردان، قوسىننان قايتقان اسكەريلەردەن، اۋقاتتانۋدىڭ سەركەلەرىنەن ءبىر توبىن تاڭداپ الىپ، قىستاق «ەكى كوميتەتىنىڭ» مۇشەلەرىنىڭ اربىرەۋى ءبىر اداممەن بايلانىس ورناتىپ، جەتكىزۋ، كومەكتەسۋ، جەتەكتەۋ قىزمەتىن جاقسى ىستەدى؛ قىستاقتاعى پارتيا مۇشەلەرىنىڭ بايۋعا باستاۋ ءتۇزىمىن جولعا قويىپ، ءبىر وتباسى 5 وتباسىن باستاپ، ەرەكشە ەگىنشىلىك، باعىمشىلىق كاسىپتەرىن دامىتتى.

  «كەدەيلىكتەن قۇتىلدىرۋدان قامال الۋ − وتە قيىن جۇمىس، ءبىر وتباسىنىڭ كۇشىمەن شەشۋگە كەلمەيدى». يلحام مەن «ەكى كوميتەتتىڭ» مۇشەلەرى قايتا - قايتا اقىلداسۋ ارقىلى، سىرتقا شىعارۋ، ىشپەن بىرلەسۋ سىندى كەدەيلىكتەن ورنىقتى تۇردە قۇتىلدىرۋ مەحانيزمىن قۇرۋدى ۇيعاردى. شارۋالار كەشكى مەكتەبىنە سۇيەنە وتىرىپ قىستاق تۇرعىندارىن كىرىستى ارتتىرۋعا جەتەكتەدى.

  قىستاق سىرتقا شىعىپ شارۋاشىلىق قۇرىپ تابىسقا جەتكەن قىستاق تۇرعىندارىن اۋىلعا قايتىپ ساۋدامەن اينالىسۋدا كورگەن - بىلگەندەرى مەن تاجىريبەلەرىن سويلەۋگە ۇسىنىس ەتىپ، ارتىق ەڭبەككۇشتەردى سىرتقا شىعىپ جۇمىس ىستەپ كىرىستى ارتتىرۋعا جەتەكتەدى. قازىر قىستاقتان ءار جىلى 70تەي ادام سىرتقا شىعىپ جۇمىس ىستەيدى.

  وتباسىلاردىڭ شەكتى ءوندىرىس ماتەريالدارىنا سۇيەنە وتىرىپ بايلىق جاراتتى. 2014 - جىلى يلحامنىڭ دانەكەر بولۋىمەن قىستاقتا ەسەك باعىمشىلىعى كاسىپتىك سەلبەستىك كووپەراتيۆى قۇرىلدى. يلحام كووپەراتيۆكە مۇشە بولىپ كىرگەن كەدەي وتباسىلارعا ءوسىمى قازىنادان تولەنەتىن شاعىن سوماداعى قارىز اقشا الىپ بەرىپ، ولاردىڭ باعىمشىلىقپەن اينالىسۋىنا قارجى بولماۋ قيىنشىلىعىن شەشتى. قازىر قىستاقتىڭ ەسەك باعىمشىلىعى سەلبەستىك كووپەراتيۆىندە ءجۇزدىڭ ۇستىندە ەسەك بار. ءسويتىپ، سەلبەسۋ، ماماندانۋ جولىمەن كىرىستى ارتتىرۋ ارناسىن قالىپتاستىردى.

  ايەلدەردىڭ «جارتى الەمدىك» رولىن ساۋلەلەندىردى. يلحام «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرعان قىزمەت اترەتىنىڭ كومەگىندە ايەلدەردىڭ تىگىنشىلىك تەحنيكا كۋرسىن اشىپ، قىستاق ايەل ۋاكىلدەر القاسىنىڭ باستاماشىلىعىندا كيىم - كەشەك مانەرلەۋ سەلبەستىك كووپەراتيۆىن قۇرىپ، الدىمەن زاكازدى ورىنداۋ، بىتىراندى مانەرلەۋ، شوعىرلى ساتۋ تاسىلدەرى ارقىلى ءوندىرىس ورىستەتىپ، كەدەي وتباسىنداعى ايەلدەردىڭ جۇمىستانىپ كىرىسىن ارتتىرۋىنا ءتۇيىندى كومەكتەستى. قازىر كيىم - كەشەك سەلبەستىك كووپەراتيۆىنە مۇشە بولعان ايەلدەردىڭ سانى 40تان اسىپ، وتباسىلارىنداعى كىرىستى ارتتىرۋدىڭ تىرەكتەرىنە اينالدى.

  شوڭقىششى قىستاعىنىڭ ەگىس قۇرىلىمى جالاڭ بولعاندىقتان، جەردىڭ تۇرعىندار كىرىسىن ارتتىرۋعا قوساتىن ۇلەسى بارعان سايىن ازايدى. جەردەن پايدالانۋدىڭ ونىمدىلىگىن قالاي ەڭ جوعارى شەككە جەتكىزۋگە بولادى دەگەن ماسەلەنى شەشۋ جولىندا يلحام تالاي رەت سىناق جاساسا دا ونىمدىلىگى ويداعىداي بولمادى. بىلتىر ءبىر كۇنى يلحام ءوزىن مازالاپ كەلگەن ماسەلەنى توقسۋ اۋداندىق حالىق شيپاحاناسىنىڭ شوڭقىششى قىستاعىندا تۇرعان «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى جوۋ شۇنجيانعا ايتتى. «بۇقارانى استرا ەگۋگە شابىتتاندىرۋعا بولادى، بۇل ءدارى ءشوپ تۇماۋ ءدارىسىنىڭ باستى قۇرامى، تەز پىسادى، سۇرانىس جوعارى، كوپ مولشەردە ەكسەك، اۋداندىق شيپاحانا توقتام جاساپ ساتىپ الاتىن ءدارى ءوندىرۋ سەرىكتەستىگىن ىزدەسەدى» دەگەن جوۋ شۇنجياننىڭ ۇسىنىسىنا يلحام قاتتى قۋانادى.

  جەدەل ىسكە كىرىسۋ كەرەك. ىسكە اسىرۋ مۇمكىندىگى جاعىندا ىشكەرىلەي زەرتتەۋ جۇرگىزگەننەن كەيىن، يلحام مەن قىستاقتا تۇرعان قىزمەت اترەتى 3 قادامعا ءبولىپ ءجۇرۋ جوسپارىن جاسادى. ءبىرىنشى قادامدا، تولىق دايىندىق جاسادى. قىستاقتا تۇرعان قىزمەت اترەتىنىڭ دانەكەر بولۋىمەن يلحام شينجياڭ حۋاشىدان ءدارى - دارمەك شەكتى جارنا سەرىكتەستىگىمەن سەلبەستىك جوبا كەلىسىمىن جاساپ، سەرىكتەستىكتىڭ ماماندارىن توپىراققا سىناق جۇرگىزىپ، شوڭقىششى قىستاعىندا استرا ەگۋگە بولاتىندىعىن دالەلدەۋگە ۇسىنىس ەتەدى. ەكىنشى قادامدا، ۇلگى كورسەتۋدى جاقسى ىستەدى. بۇقارانىڭ ۋايىمى زور، ەگۋگە باتىلدىق ەتپەۋدەي ماسەلەسىنە مەڭزەس، يلحام قىستاق «ەكى كوميتەت» ءماجىلىسىن اشىپ، قىستاق كوللەكتيۆىنىڭ جەرىندە الدىمەن 350 جەرگە سىناق رەتىندە ەگۋگە بەكيدى. سىناق رەتىندە ەگۋدىڭ ءساتتى بولۋ سالىستىرماسىن جوعارىلاتۋ ءۇشىن، يلحام ءدارى ءوندىرۋ سەرىكتەستىگىن تەحنيكالىق كومەك بەرۋگە شاقىرادى. سول جىلى استرا ەگۋ بارىنشا ءساتتى بولىپ، ءار مۋ جەردەگى استرادان كىرگەن تازا كىرىس 3000 يۋانعا جەتەدى. ءۇشىنشى قادامدا، كولەم قالىپتاستىردى. سىناق رەتىندە ەگۋ ءساتتى بولعاننان كەيىن، يلحام قىستاق «ەكى كوميتەتىنە» ۋاكىل رەتىندە شينجياڭ حۋاشىدان ءدارى - دارمەك شەكتى سەرىكتەستىگىمەن ءار كيلوگرام استرانى ەڭ تومەن بولعاندا 12 يۋانعا ساتىپ الۋ زاكاز كەلىسىمىن جاسايدى، سونىمەن قىستاق تۇرعىندارىنىڭ بەلسەندىلىگى بارىنشا ارتىپ، تۇتاس قىستاقتىڭ استرا ەگۋ اۋدانى قازىر 1000 مۋعا جەتتى.

  2018 - جىلى 5 - ايدا شوڭقىششى قىستاعىنىڭ جاپپاي دوڭگەلەك داۋلەتكە جەتۋىنە باستاماشى بولعان يلحامعا ۇيىم جاڭا اۋىر مىندەت ارقالاتىپ، ونى وسى اۋىلدىڭ اراءمالى قىستاعىنىڭ پارتيا ياچەيكاسىنا شۋجيى ەتىپ تاعايىنداپ، وعان اراءمالى قىستاعىنىڭ تۇرعىندارىن كەدەيلىكتەن قۇتىلدىرۋدان قامال الۋدىڭ جاڭا ساپارىنا باستاۋ مىندەتىن جۇكتەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى