تيانشان تورى
تيانشان تورى   ›   ۇيرەنۋ   ›   شولۋ

ونەگەلەردىڭ شۇعىلاسىمەن گۇلدەنۋ ساپارىن نۇرلاندىرايىق

حالىق گازەتىنىڭ شولۋشىسى

  ومىردەن وتكەنىمەن، تاريحتىڭ جۇلدىزدى اسپانىندا جارقىراپ تۇراتىندار بار. ۋاقىت - كەڭىستىكتەن اتتاپ ءوتىپ، ءارقاشان سەنىم سارايىن نۇرلاندىرىپ تۇراتىن شام - شىراق ىسپەتتى رۋح بار.

  پارتيانىڭ 97 جاس تۋعان كۇنى قارساڭىندا، ج ك پ ورتالىق كوميتەتى جىڭ دىرۇڭ قاتارلى 7 جولداستى «مەملەكەتتىك تاڭداۋلى كوممۋنيستىك پارتيا مۇشەسى» دەپ تانۋ تۋرالى قاراردى جاريالادى. بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ۇزدىك ۇلگىلى تۇلعالارعا ايرىقشا ءمان بەرەتىندىگىن ايگىلەدى، بۇل بۇكىل پارتياداعى جولداستار ءۇشىن زور شابىتتاندىرۋ. ولاردىڭ ۇلەسىن ەستەن شىعارماۋ، ولاردىڭ ەڭبەكتەرىن ماداقتاۋ، ولاردىڭ رۋحىن اسقاقتاتۋ، ءسوز جوق، بۇكىل پارتيادا، بۇكىل قوعامدا جاقسىعا قاراپ وي تۇزەيتىن، اۆانگارد بولۋعا ۇمتىلاتىن قۇدىرەتتى وڭ ەنەرگيا توپتايدى.

  ونەگە − كوزگە كورىنەتىن فيلوسوفيا، ولار كوممۋنيستەردىڭ رۋحاني قاسيەتىن تۇسىندىرەدى. «قىزىل نازارياشى» جىڭ دىرۇڭ پارتياعا، مەملەكەتكە ءوزىن ارناپ، ءومىر بويى ماركسيزمنىڭ اقيقات شۇعىلاسىنا تالپىندى؛ بولاشاقتىڭ «تۇقىمىن» سەپكەن جۇڭ ياڭ وتاننىڭ تۇقىم عىلىمىن زەرتتەۋ جانە شيزاڭنىڭ وقۋ - اعارتۋ ءىسى ءۇشىن بارىن سالدى؛ ءتارتىپ تەكسەرۋ شەبىنىڭ «بارلاۋشى اسكەرى» لي چۋانشين قيىن ماسەلەلەردى شەشۋگە باتىلدىقپەن شىنداپ كىرىسىپ، ءوز ومىرىمەن ادالدىق، كىرشىكسىزدىك، جاۋاپكەرلىك ارقالاۋ رۋحىن ءتۇسىندىردى؛ «قۇتقارۋ - كومەكتەسۋ پۋنكتىنىڭ ماڭگىلىك باستىعى» شۇي شۋاي كوزى تىرىسىندە قيىندىقتا قالعانداردى قۇتقارىپ، ومىرىمەن باسقالارعا جارىق ساۋلە شاشتى؛ «ديقان شۋجي» جياڭ شىكۇن بۇقارانىڭ كەدەيلىكتەن قۇتىلىپ، بايۋى ءۇشىن جۇرەك قانىن سارقا جۇمساپ، كەلتە عۇمىرىندا پارتياعا كىرۋ سەرتىن اسقاقتاتىپ ءوتتى؛ اسكەري ونەركاسىپتەگى جەتەكشى تۇلعا جاڭ جين بەلىن بەكەم بايلاپ رەفورما جاساپ، شەكتى عۇمىرىن شەكسىز ىسكە ارنادى؛ ارميانى قۇدىرەتتەندىرۋدىڭ اتويشىسى جاڭ چاۋ كوك اسپاندا ارمان قۋىپ، ءومىر مەن ءولىم تايتالاسىندا سوعىس ۇشاعىن امان الىپ قالۋدى عانا ويلادى. ولار سەنىمگە تاباندىلىقتى، پارتياعا ادالدىقتى، وتانعا شەكسىز ادال ماحابباتتى، حالىقشىل شىن نيەتتى، ءىس تىندىرۋداعى تۋراشىلدىقتى، ءوزىن تارتىپكە شاقىرۋداعى قاتاڭدىقتى، دارقان كوڭىل، داڭعىل كوكىرەكتى شوعىرلى تۇردە ايگىلەپ، جاڭا داۋىردەگى جۇڭگو كوممۋنيستەرىنىڭ مۇرات - سەنىمدى ارەكەت كۇشىنە اينالدىرعان ساياسي قاسيەتى مەن اۆانگاردتىق وبرازىن جاندى تۇردە كورسەتە ءبىلدى.

  «كوتەرىلگەن كۇن قول سوزىمدا تۇرعانداي شىڭ باسىندا، اقشا بۇلتتار باۋىرلاپ جاتىر تابان استىندا». توڭكەرىستىك جىلدارداعى «قۇرىش جاۋىنگەرلەر»، قۇرىلىس جىلدارىنداعى «كومپىس وگىزدەر»، رەفورما جاساپ، ەسىك اشۋداعى «ءىزاشارلار»... پارتيامىز قۇرىلعان 97 جىلدان بەرى، سانسىز ونەگەلەردىڭ جەتەكشىلىگىندە، ميلليونداعان پارتيا مۇشەلەرىنىڭ ادالدىقپەن ۇلەس قوسۋىندا، جۇڭحۋانىڭ بايتاق دالاسىندا كونەنىڭ ورنىن جاڭا باسقان ايبىندى ساپار شەگىپ، تاريحي داستانداي دامۋ حيكىمەتىن ومىرگە اكەلدى. «مەزگىل ايالسىز، حالىق ارداگەرسىز بەلگە اسپاس، الەم بايانسىز، ۇلى ءىس مۇراگەرسىز جالعاسپاس». بۇگىنگى تاڭدا، جاڭا ءداۋىردىڭ ەسىگى اشىلدى، جاڭا ساپاردىڭ جولى سالىندى. ۇلى ارماندى جۇزەگە اسىرۋ، ۇلى كۇرەس جۇرگىزۋ، ۇلى ينجەنەريا اتقارۋ، ۇلى ءىستى ىلگەرىلەتۋ ونەگەلەردىڭ كۇشىن قاجەت ەتەدى. اۋەلگى ماقساتتى ۇمىتپاي، بورىشتى ەستە بەرىك ساقتاعان ۇزدىك تيپتەردىڭ بويىنداعى قۇربان بەرۋ جانە ۇلەس قوسۋ رۋحى جۇڭگو كوممۋنيستىك پارتياسىنىڭ قان تامىرىندا ماڭگى اعىپ جاتادى، ول 89 ميلليوننان استام پارتيا مۇشەسى جاڭا داۋىردە جاڭا لەپ، جاڭا جاۋاپكەرشىلىك، جاڭا ىسكەرلىك كورسەتىپ، جۇڭحۋا ۇلتىنىڭ ۇلى گۇلدەنۋىنىڭ تاريحي ماڭىزدى مىندەتىن ارقالاۋعا ىنتالاندىرادى.

  «تيپتىڭ ءوزى -- ءبىر ءتۇرلى ساياسي كۇش». ونەگەدەن قانشالىق ىنتالانا ۇيرەنسە، جۇرەكتەگى تىلەكتەستىك تە سونشالىق كۇشەيەدى؛ ونەگەگە قاراپ قانشالىق كوپ بوي تۇزەسە، ءىس - ارەكەت ستيلى دە سونشالىق تۇزەلەدى. ۇلگىلەردەن ۇيرەنۋدە قالىڭ پارتيا مۇشەلەرى ىشتەن سىرتقا، جوعارىدان تومەنگە قاراي قايتا - قايتا ءوزىن سالىستىرىپ، مۇرات - سەنىمىنىڭ بەكەم - بەكەم ەمەستىگىن، رۋحاني جاقتا «كالتسيدىڭ» كەم - كەم ەمەستىگىن تەكسەرۋى؛ ءوز - وزىنەن كوممۋنيستەردىڭ قاسيەتىن ساقتاعان - ساقتاماعانىن سۇراۋى، سىن - سىناقتاردان وتە ءبىلۋى كەرەك. ونەگەلەرگە ۇقساپ باعۋدا، يدەيالىق جاقتا شىنايى سىلكىنۋ، ارەكەت جاقتا شىنايى تياناقتاندىرۋ، ۇنامسىز ستيل - سالتتاردان باس تارتۋ، كورنەكتى ماسەلەلەرمەن بەتپە - بەت كەلۋ، بيلىگىنەن الباتى پايدالانۋدان، ءىرىپ - شىرۋدەن اۋلاق بولۋ، قىسىلعاندا قارايلاساتىن جۇرەك جىلىتار ىستەردى كوبىرەك ىستەۋ، قيىن تۇيتكىلدەردى شەشۋگە كوبىرەك كۇش سالۋ، اياق ءىزىن نەگىزگى ساتىعا قالدىرىپ، حالىقتان ماقتاۋ الۋ كەرەك.

  بورىش جاۋاپكەرشىلىك ارقالاۋعا شاقىرادى، ونەگە داۋىرگە جەتەكشىلىك ەتەدى. ءبىز ونەگەلەردى قامشى ەتىپ، بەكىمدى كۇشەيتىپ، قوزعاۋشى كۇش توپتاپ، اۋەلگى ماقساتتى وزگەرتپەيتىن، سەنىمدە بەرىك تۇراقتى ساياسي قاسيەتتى الاۋلاتىپ، ادالدىقپەن ۇلەس قوساتىن، حالىقتىڭ باقىتىن كوزدەيتىن اسقاق قۇلىق قالىپتاستىرىپ، جاۋاپكەرشىلىك ارقالاپ، ىسكەرلىك كورسەتەتىن، قامال الىپ، قيىندىقتى جەڭەتىن كۇرەسكەرلىك رۋحتى جالىنداتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، ءبىر نيەتپەن جۇڭگو ارمانىن جۇزەگە اسىرۋدىڭ قۋاتتى كۇشىن توپتاپ، جاڭا داۋىرگە ءتان شۇعىلالى ناتيجە جاراتۋعا قۇلشىنايىق!

  (شينحۋا اگەنتتىگىنىڭ 6 - ايدىڭ 28 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.