تيانشان تورى   ›   زاڭ تارازى   ›   زاڭنان كەڭەس

ءۇرىمجى يمين سارايىندا قاتىناس قاعيداسىنا قايشى ارەكەتتەردى ءبىر جايلى ەتۋگە بولاتىن بولدى

  ءبىر اپتالىق سىناقتان كەيىن، 7-ايدىڭ 2-كۇنى، ءۇرىمجى قاتىناس ساقشىسى يمين سارايىندا قاتىناس زاڭىنا قايشى ارەكەتتەردى ءبىر جايلى ەتتى. بۇندا، قىزىل شىراقتان ءوتۋ، قارقىننان اسىرۋ، قاعيداعا قايشى اۆتوكولىك توقتاتۋ قاتارلى 8 ءتۇرلى ناق مايداندا بولماعان قاتىناس زاڭىنا قايشى ارەكەتتەردى ءبىر جايلى ەتۋگە بولادى.

  2-كۇنى تاڭەرتەڭ، ءتىلشى يميڭ سارايىنا كەلگەندە، اكىمشىلىك قىزمەت وتەۋ ورتالىعىنىڭ 1-قاباتى B رايونىندا، 9-تەرەزەدەن 16-تەرەزەگە دەيىن قاتىناس زاڭىنا قايشى ارەكەتتەردى ءبىر جايلى ەتۋ تەرەزەسى ەكەندىگىن كوردى. 8 تەرەزەنىڭ ورتاسىندا ءنومىر الۋ ماشيناسى بار، ۇلكەن زالدا ءجون كورسەتۋشى كاسىپ ءتۇرىن بىتىرۋگە كەلگەن قالا تۇرعىندارىنا كومەك كورسەتەدى.

  ءۇرىمجى قاتىناس ساقشىسى يمين سارايىندا اۆتوكولىكتەردىڭ قاتىناس زاڭىنا قايشى ارەكەتتەرىن ءبىر جايلى ەتتى، شوفەرلەر قاتتى رازى بولعاندىقتارىن ءبىلدىردى.

  قالا تۇرعىنى جاۋ مىرزا دوسىنان يمين سارايىندا اۆتوكولىكتەردىڭ قاتىناس زاڭىنا قايشى ارەكەتتەرىن ءبىر جايلى ەتۋىنە بولاتىندىعىن ەستىگەن سوڭ، 2-كۇنى تاڭەرتەڭ ەرتە اكىمشىلىك قىزمەت وتەۋ ورتالىعىنا كەلىپ، ءنومىر الدى. «قازىر 11 دەن استى، مەن ءنومىردى تەز الىپ الدىم، الدىمدا ءبىر عانا ادام بار»،-دەدى.

  جاۋ مىرزا تىلشىگە: «يمين سارايىنان قاتىناس زاڭىنا قايشى ارەكەتتەردى ءبىر جايلى ەتۋگە بولاتىندىعى وتە قولايلى بولدى، قاتارعا تۇرۋدىڭ قاجەتى جوق، باسقا جاقتارى دا قولايلى، اۆتوكولىكتى اۋلانىڭ ىشىنە توقتاتۋعا بولادى ءارى ءجون كورسەتىپ بەرەدى، ول دا ۋاقىتتى ۇنەمدەيدى»،-دەدى.

  التايدان كەلگەن الماس نابيوللا ۇلى وسىدان ءبىراز ۋاقىت بۇرىن ۇرىمجىدە قاتىناس زاڭىنا قايشى اۆتوكولىك توقتاتقان بولاتىن، 7-ايدىڭ 2-كۇنى ول جۇمىس بابىمەن ۇرىمجىگە كەلگەندە دوسىنان يمين سارايىندا تەز بىتىرۋگە بولاتىندىعىن ەستىپ وسىندا كەلەدى. «قاتارعا دا تەز تۇردىم، قازىر ءبىتىرۋ ۇستىندەمىن، راسىندا تەز ءارى قولايلى ەكەن»،-دەدى ول.

  ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى زاڭ-ءتۇزىم اترەتىنىڭ حالىق ساقشىسى ۋاڭ شىڭلي: «يمين سارايىندا قاتىناس زاڭىنا قايشى ارەكەتتەردى ءبىر جايلى ەتۋ 6-ايدىڭ سوڭىندا سىناق رەتىندە باستالعان بولاتىن، 7-ايدىڭ 2-كۇنى رەسمي ىسكە قوسىلدى، ءار كۇنى ساعات 10:30 دان 18:30 عا دەيىن، تۇستە دەمالمايدى. قازىر 8 تەرەزەنىڭ ىشىندە 6 تەرەزە قاراپايىم ءتارتىپ تەرەزەسى، 1 تەرەزە ادەتتەگى ءتارتىپ تەرەزەسى 1 تەرەزە قىزمەت وتەۋ ۇعىسۋ تەرەزەسى»،-دەدى.

  سىناق مەزگىلىندە، ءار كۇنى كەلىپ كاسىپ ءتۇرىن بىتىرەتىن قالا تۇرعىندارىنىڭ سانى ۇزدىكسىز ارتتى، العاشقى 30 نەشەدەن كۇنىنە 100 دەن استامعا ارتتى، بۇدان بىلاي ءبىز ادام سانىنىڭ احۋالىنا نەگىزدەلىپ، اۆتوماتتى ءبىر جايلى ەتۋ ماشيناسىن ورناتۋدى ويلاستىرامىز، كوپشىلىككە دە قولايلى»،-دەدى قاتىناس ساقشى تارماق اترەتىنىڭ يمين سارايىنداعى تۇڭعىش ۋاكىلى پىڭ ۋيحۇڭ.

  ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتىنىڭ ورىنباسار اترەت باستىعى ىلھام يبىرايىم بىلاي دەدى: «بۇدان كەيىن، وسىندا كوپتەگەن قىزمەت وتەيتىن بولامىز، مىقتاعاندا ءبىر رەت بارۋدى ورىندايمىز»،-دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى