ءتاڭىرتاۋ تورابى   ›   ۇيرەنۋ   ›   شولۋ

شي جينپيڭنىڭ پارتيا قۇرىلىسى يدەياسىنىڭ جەتەكشىلىگىندە شىنايى ىستەپ، جاۋاپكەرلىكتەرىن ارقالادى

  − پارتيانىڭ 18 - قۇرىلتايىنان بەرگى ۇيىمداستىرۋ قىزمەتى جونىندە شولۋ

  شينحۋا اگەنتتىگىنىڭ ءتىلشىسى

  جۇڭگونىڭ ىستەرىن جاقسى ىستەۋدىڭ كىلتى پارتيادا؛ پارتيا مەن حالىق ىستەرى دامىپ قانداي ساتىعا جەتسە، پارتيا قۇرىلىسىن دا سول ساتىعا جەتكىزۋ كەرەك.

  پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جورىعىندا پارتيانى جاپپاي قاتاڭ جونگە سالۋدى «ءتورتتى جاپپاي ورىنداۋ» ستراتەگيالىق ورنالاستىرۋىنا ەنگىزىپ، ۇزدىكسىز جاڭا ىزدەنىستەر جاساپ، پارتيا قۇرىلىسىن نە ءۇشىن يگەرۋ كەرەك، كىم يگەرەدى، نەنى يگەرۋ كەرەك، قالاي يگەرۋ كەرەك دەگەن سياقتى بەتالىستىق، ءتۇبىرلى، جالپى جاعداي سيپاتىن العان، ستراتەگيالىق ءبىر قىدىرۋ كەلەلى ماسەلەلەرگە جۇيەلى تۇردە جاۋاپ بەرىپ، شي جينپيڭنىڭ پارتيا قۇرىلىسى يدەياسىن قالىپتاستىردى. وسى يدەيانىڭ جەتەكشىلىگىندە، ءار دارەجەلى پارتيا ۇيىمدارى «ءتورت تانىمدى» شىن مانىندە كۇشەيتىپ، «ءتورت سەنىمدى» بەكەمدەپ، پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋ اياق الىسىنا تىعىز ىلەسىپ، پارتيانى قاتاڭ باسقارۋعا، كادرلاردى قاتاڭ جونگە سالۋعا تاباندى بولىپ، نەگىزگى ساتىنىڭ نەگىزىن قاتاڭ يگەرىپ، پارتيا مەن حالىق قاجەت ەتكەن جاقسى كادرلاردى كۇش سالا باۋلىپ، تاڭداپ ءوسىرىپ، شار تاراپتان دارىندىلاردى توپتاپ، پارتيا قۇرىلىسى ءتۇزىمى رەفورماسىن تىڭعىلىقتى ىلگەرىلەتىپ، جالپى جاعدايعا قىزمەت ەتۋ بارىسىندا زەيىن - زەردە، كۇش - قۋاتتى ۇيىستىرىپ، نازاردى نەگىزگى كاسىپكە شوعىرلاندىرۋ بارىسىندا شىنايى ىستەپ، جاۋاپكەرلىك ارقالاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋگە پارمەندى ۇيىمدىق كەپىل ازىرلەدى.

  تاعاندى بەرىكتەپ، نەگىزدى نىعايتىپ، مۇرات - سەنىمدى بەكەمدەدى

  ۇلى ءداۋىر ۇلى رۋحقا ۇندەيدى، وسكەلەڭ ءىس بەرىك سەنىمدى قاجەت ەتەدى. مۇرات - سەنىم − كوممۋنيستەردىڭ رۋحاني «كالتسيى»، ءسوز جوق، قالىڭ پارتيالى كادرلاردى سەنىم نەگىزىن بەكەمدەۋگە، رۋحاني كالتسيدى تولىقتاۋعا، يدەيالىق رولدى ورنىقتى ۇستاۋعا تاربيەلەۋ، جەتەكتەۋ كەرەك.

  باس شۋجي شي جينپيڭ بىلاي دەپ اتاپ كورسەتتى: جاڭا داۋىردەگى پارتيا قۇرىلىسى پارتيانىڭ ۇزاق ۋاقىت بيلىك جۇرگىزۋ قابىلەتى قۇرىلىسىن، العاباسارلىق جانە كىرشىكسىزدىك قۇرىلىسىن كۇشەيتۋدى نەگىزگى جەلى، پارتيانىڭ ساياسي قۇرىلىسىن ءبىر تۇتاس جەتەكشى، مۇرات - سەنىم، باستى ماقساتتى بەكەمدەۋدى ءتۇپ تاعان، بۇكىل پارتيانىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋدى كۇش سالۋ ءتۇيىنى ەتۋ كەرەك. بۇل قالىڭ پارتيالى كادرلاردىڭ ايقىن تۋ ۇستاي وتىرىپ ساياسيدى دارىپتەۋىنە، سەنىم نەگىزىن نىعايتۋىنا، پارمەندى پارتيالىلىقتى شىڭاۋىنا باعدار كورسەتتى. پارتيا ورتالىق كوميتەتىنىڭ عىلمي ورنالاستىرۋىندا، پارتيانىڭ 18 - قۇرىلتايىنان بەرى، پارتيا ىشىندە ءبىر قىدىرۋ تاقىرىپتىق تاربيە ورىستەتىلىپ، «شەشۋشى ازشىلىقتان» بۇكىل پارتيا مۇشەلەرىنە قاراي كەڭەيىپ، شوعىرلى تاربيەدەن ۇنەمىلىك تاربيەگە قاراي كولەم الىپ، بۋىندار ءوزارا قابىسىپ، ساتىلار بويىنشا ىشكەرىلەتىلىپ، ۇزدىكسىز كۇش سالىنىپ، تاباندىلىقپەن ەڭبەك ەتىلدى.

  − يدەيالىق جان - جۇيەنى شارپىپ، «ءتورت ءتۇرلى بۇرىس ستيلدىڭ» ىندەت تامىرىن تەرەڭدەپ قازدى. 2013 - جىلى 6 - ايدان 2014 - جىلى 10 - ايعا دەيىن، بۇكىل پارتيادا پارتيانىڭ بۇقارالىق لۋشيان تاربيەسى امالياتتىق قيمىلى ىشكەرىلەي ورىستەتىلدى، قالىڭ پارتيالى كادرلار «ايناعا قاراۋ، جاعا - جەڭدى تۇزەۋ، كىر - داقتاردى جۋۋ، اۋرۋدى ەمدەۋ» باس تالابىن مۇقيات دايەكتىلەندىرىپ، ماسەلەلەرگە تالداۋ جاساپ، ءتۇپ تامىردى تەرەڭ قازىپ، ءبىر رەت يدەيالىق سىناقتان جانە قاتاڭ پارتيالىلىق شىنىعۋدان ءوتتى. ولكە، قالا، اۋدان دارەجەلى 767 مىڭ باسشى كادرعا ءبىر ميلليون 315 مىڭ رەت پارتيا ساباعى ءوتىلدى؛ ورتالىق بەلگىلەگەن 21 ءتۇرلى ارناۋلى وڭاۋ مىندەتى تولىق ورىندالدى. كوپشىلىك ءبىر اۋىزدان: بۇل ءبىر رەتكى جان تەبرەنتكەن «يدەيالىق ستيل دۇرىستاۋ»، ەستەن كەتپەس «ساياسي سىناق»، توتە ۇرىمتال جەرگە تيەتىن «سۇيەكتى قىرىپ ۋىتتى ايداۋ»، جۇلىنعا تيەتىن «كونەنى تالقانداپ، جاڭانى ورناتۋ» بولدى، - دەپ اڭىس ەتتى.

  − يدەيالىق شاڭ - داقتاردى تازارتىپ، قاتاڭ دا شىنايى كادر بولۋعا ۇمتىلدى. اۋدان، باسقارما دارەجەلىدەن جوعارى باسشى كادرلار سىندى «شەشۋشى ازشىلىقتى» مىقتى يگەردى، 2015 - جىلى پارتيا ىشىندە «ۇشتە قاتاڭ، ۇشتە شىنايى بولۋ» ارناۋلى تاربيەسى ورىستەتىلىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن ۇيرەنۋدى، دايەكتىلەندىرۋدى ماڭداي الدى مىندەت ەتىپ، قاتاڭ، شىنايى بولماۋداعى كورنەكتى ماسەلەلەردى شەشۋگە نازاردى شوعىرلاندىرىپ، پارتيالى كادرلاردى ادال، كىرشىكسىز، باتىل جاۋاپكەرلىك ارقالايتىن جاقسى كادر بولۋعا جەتەكتەدى جانە جەبەدى. ارناۋلى تاربيەنىڭ شىڭاۋى ارقىلى، قالىڭ پارتيالى كادرلار يدەيا، ستيل، پارتيالىلىق جاقتارىندا تاعى دا «كالتسي تولىقتاپ»، «جانارماي قۇيىپ»، ۇلگىلى رولى ءتىپتى كورنەكتىلەنە ءتۇستى.

  − «ەكىنى ۇيرەنۋدى، بىردە تولىمدى بولۋدى» ورىستەتىپ، تولىمدى پارتيا مۇشەلەرىن شىڭادى. 2016 - جىلى 2 - ايدان باستاپ، «ەكىنى ۇيرەنۋ، بىردە تولىمدى بولۋ» ۇيرەنۋ تاربيەسى بۇكىل پارتيا مۇشەلەرى اراسىندا ورىستەتىلدى. نەگىز ۇيرەنۋدە، كىلت ىستەۋدە تالابى بويىنشا، جاپپاي قامتۋعا، ۇدايىلاندىرۋعا، جاڭالىق اشۋعا ءمان بەرۋگە، ناقتى ونىمدىلىككە ۇمتىلۋعا تاباندى بولىپ، ماسەلەنى نىشان ەتۋدى كورنەكتىلەندىردى، جوعارى ارقىلى تومەندى جەتەكتەۋدى كورنەكتىلەندىردى. مەملەكەت بويىنشا 3 ميلليون 900 مىڭنان استام پارتيا ياچەيكاسى ارناۋلى تاقىرىپتاعى ۇيرەنۋدى جاپپاي ورىستەتىپ، پارتيا ياچەيكاسىنىڭ شۋجيى سياقتى نەگىزگى ساتى پارتيا ءىسى تىرەكتىلەرىنەن 3 ميلليون 600 مىڭنان استام ادام (رەت) تاربيەلەندى. 2017 - جىلى ۇيرەنۋ تاربيەسىن ۇدايىلاندىرۋ، تۇزىمدەندىرۋ تىڭعىلىقتى ىلگەرىلەتىلىپ، بۇكىل پارتيانىڭ شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىنىڭ يدەيالىق نەگىزى اناعۇرلىم بەكەمدەلدى. «ەكىنى ۇيرەنۋ، بىردە تولىمدى بولۋ» ۇيرەنۋ تاربيەسى − ءبىر رەتكى قاتاڭ «ساياسي جوقتاما»، جالپى بەتتىك «پارتيالىلىقتى تەكسەرۋ»، ول پارتيا مۇشەلەرىنىڭ سالاۋات ساناسىن اناعۇرلىم كۇشەيتىپ، پارتيا مۇشەلەرىنىڭ ساياسي ساناسىن جوعارىلاتىپ، كوممۋنيستەردىڭ اۋەلگى ماقساتىن وياتتى.

     ۇيرەنۋ بارىسىندا تاعاندى بەرىكتەپ، نەگىزدى نىعايتتى. پارتيانىڭ 18 - قۇرىلتايىنان بەرى، كادرلاردى تاربيەلەۋ، باۋلۋ ۇزدىكسىز كۇشەيتىلدى جانە جاقسارتىلدى. رايوندار، تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى نازاريامەن قارۋلانۋدىڭ ماڭداي الدى مىندەتى ەتىپ، شوعىرلى تۇردە كەزەكپەن تاربيەلەۋدى، ارناۋلى تاقىرىپتا تاربيەلەۋدى ۇيىمداستىرىپ ورىستەتىپ، قالىڭ پارتيالى كادرلاردى اۋەلگى شىعارمانى وقۋعا، ءتۇپ نۇسقانى ۇيرەنۋگە، قاعيدانى تۇسىنۋگە ۇيىمداستىرىپ، بۇكىل پارتيانىڭ يدەيالىق، نازاريالىق دەڭگەيىنىڭ ءوسۋىن پارمەندى تۇردە جەبەدى. بۇكىل ەل بويىنشا ءار ءتۇرلى، ءار دارەجەلى كادرلار، كاسىپورىنداردىڭ شارۋاشىلىق باسقارۋشىلارى سياقتىلاردان 100 ميلليوننان استام ادام (رەت) تاربيەلەندى، ورتالىق پارتيا مەكتەبى (مەملەكەتتىك اكىمشىلىك شۋەيۋانى) سياقتى مەملەكەت دارەجەلى كادرلاردى تاربيەلەۋ، باۋلۋ قۇرىلىمدارى 90 مىڭنان استام كادردى (رەت) تاربيەلەدى. جاندى دا تەرەڭ، ساناعا ورناپ، كوڭىلگە ۇيالايتىن تاربيە ارقىلى، قالىڭ پارتيالى كادرلار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن اناعۇرلىم سانالى تۇردە قورعاپ، «ءتورت سەنىمدى» اناعۇرلىم بەكەمدەپ، اۋەلگى ماقساتتى ۇمىتپاۋ، ۇدەرە العا تارتۋ جاۋاپكەرلىك سەزىمى مەن بورىشتىلىق سەزىمىن اناعۇرلىم قاۋلاتتى.

  كادرلاردى ويداعىداي تاڭداپ، كادرلار قوسىنىنىڭ جالىندى ومىرشەڭدىك كۇشىن قاۋلاتتى

  پارتيانى جونگە سالۋدىڭ، مەملەكەتتى جونگە سالۋدىڭ ماڭىزدى ءتۇيىنى ەڭ الدىمەن ادام تاڭداۋدا، ادام ىستەتۋدە. ساياسي لۋشيان بەلگىلەنگەننەن كەيىن، كادرلار شەشۋشى فاكتور بولادى.

  پارتيا مەن حالىق قاجەت ەتكەن جاقسى كادرلاردى باۋلۋ، تاڭداپ ءوسىرۋ − شي جينپيڭنىڭ پارتيا قۇرىلىسى يدەياسىنىڭ ماڭىزدى مازمۇنى. باس شۋجي شي جينپيڭ بىلاي دەپ تەرەڭ ماعىنادا اتاپ كورسەتتى: «پارتيانىڭ كادرلارى − پارتيا مەن مەملەكەت ىستەرىنىڭ تىرەكتى كۇشى. كادرلاردى پارتيا باسقارۋ پرينسيبىنە تاباندى بولىپ، ءمورالدى دا قابىلەتتى بولۋدان، ءمورالدى الدىڭعى ورىنعا قويۋدان، كادرلاردى جەر - جەردەن سارالاۋدان، قابىلەتتىلەردى مىندەتكە تاعايىنداۋدان، پارتيا ىستەرىن باستى ورىنعا قويۋدان، ءادىل دە تۋراشىل بولۋدان جازباي، جاقسى كادر بولۋ ولشەمىن ناقتاپ تياناقتاندىرۋ كەرەك».

  پارتيانىڭ 18 - قۇرىلتايىنان بەرى، ءار دارەجەلى پارتيا ۇيىمدارى باس شۋجي شي جينپيڭنىڭ ادام تاڭداۋ، ادام ىستەتۋ ماڭىزدى يدەياسىن ىشكەرىلەي دايەكتىلەندىرىپ، جاڭا داۋىردەگى جاقسى كادر بولۋ ولشەمىن مۇقيات تياناقتاندىرىپ، پارتيا ىستەرىن باستى ورىنعا قويۋدان جازباي، ادام مەن قىزمەت ورنىنىڭ ءوزارا سايكەسۋىن، ادام مەن ءىستىڭ ءبىر - بىرىنە ساي بولۋىن كورنەكتىلەندىرىپ، ءار دارەجەلى باسشىلىق القالارىنا تاڭداۋلىلاردى تاڭداپ ەنگىزىپ، الۋەتتەندىرىپ، كادرلار قوسىنىنىڭ جالىندى ومىرشەڭدىك كۇشىن قاۋلاتتى.

  − ساياسي ولشەمدى ءبىرىنشى ورىنعا قويۋعا تاباندى بولدى. ساياسي وتكەلدى قاتاڭ يگەرىپ، كادرلاردىڭ دايەكتى ساياسي بەينەسىنە ءمان بەرىپ، قالاي ايتقانىنا قاراپ قانا قويماي، اسىرەسە، قالاي ىستەگەنىنە قاراپ، مۇرات - سەنىمى بەرىك، «ءتورت تانىمى» كۇشتى، يدەيا، ساياسي، ارەكەت جاقتارىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاعان كادرلاردى شىن مانىندە تاڭداپ ءوسىرىپ، ساياسيدا تولىمسىز بولعانداردى «ءبىر بەلەتپەن تەرىستەپ»، باتىل تۇردە ىستەتپەدى، باسشىلىق ورنىندا وتىرعاندارىن باتىل تۇردە رەتتەپ، سيپاتى اۋىرلارىن قاتاڭ ءبىر جاقتى ەتتى.

  − «تورتكە قاراۋدى» تالقاندادى. 2014 - جىلى «كادرلاردى مىندەتكە تاعايىنداۋ ەرەجەسىنە» وزگەرىس ەنگىزىپ شىعارىپ، پارتيا ۇيىمىنىڭ باسشىلىق ەتۋ جانە وتكەلدى يگەرۋ رولىن كۇشەيتىپ، كورسەتۋ، تەكسەرۋ ءتاسىلىن جاقسارتىپ، دەموكراتيالىق جولمەن كورسەتۋ ناتيجەسىن اۋەلدەگى تاڭداپ ءوسىرىپ مىندەتكە قويۋدىڭ «ماڭىزدى نەگىزى ەتۋدى» «ماڭىزدى پايدالانۋ ماتەريالى» ەتۋگە وزگەرتىپ، كادرلاردىڭ ءمورال مەن دارىن جاقتارىنداعى بەينەسىن ىشكەرىلەي تەكسەرىپ، «يە بولعان بەلەت سانىنا عانا قاراۋ» ماسەلەسىن شەشتى. باسەكەلى تاڭداپ ءوسىرۋ ءتاسىلىن كەمەلدەندىرىپ، مىندەت كولەمىن ۇيلەسىمدى بەلگىلەپ، شارت تولىمدىلىعىن قاتايتىپ، ءتارتىپ پەن ءادىستى قاتايتىپ، تەكسەرۋ وتكەلىن يگەرۋدى قاتايتىپ، «يە بولعان ناتيجەسىنە عانا قاراۋ» ماسەلەسىن شەشتى. ناتيجەنى تەكسەرۋ قىزمەتىن جاقسارتىپ، ادامدى ىشكى ءوندىرىس جالپى ءونىم قۇنىنىڭ ارتۋ سالىستىرماسىنا قاراپ باعالاماي، ۇقساماعان وڭىرلەردەگى، ۇقساماعان جىكتەگى، ۇقساماعان تۇردەگى كادرلاردىڭ ەرەكشەلىگىنە قاراي پارىقتى تەكسەرۋدى جولعا قويىپ، «GDPعا عانا قاراۋ» ماسەلەسىن شەشتى. جاستى ساتىلار بويىنشا قىسقارتپاي، «ءبىر سىدىرعىلىقتان» اۋلاق بولىپ، ءاربىر جاس كەزەڭىندەگى كادرلاردىڭ بەلسەندىلىگىن جۇمىلدىرۋعا ءمان بەرىپ، «جاسقا عانا قاراۋ» ماسەلەسىن شەشتى. ءار جاق جاپپاي: قازىر كادرلار قىزمەتىنىڭ «تەگى تۇزەلىپ، قاينارى تازارىپ، اۋەلگى ناعىز قالپىنا قايتتى»، كادرلار بەلەت ءۇشىن، ناتيجە ءۇشىن، GDP ءۇشىن، جاس ءۇشىن باس قاتىرمايتىن بولدى، قىزمەتتەگى ۇشقالاقتىقتى ازايتىپ، تىڭعىلىقتى ىستەيتىن بولدى، - دەپ اڭىس ەتتى.

  − «ماسەلەسى بار كادرلاردى وسىرۋدەن» باتىل ساقتاندى. 2016 - جىلى 8 - ايدا، «ماسەلەسى بار كادرلاردى وسىرۋدەن ساقتانۋ جونىندەگى پىكىردى» باسىپ تاراتىپ، تاڭداپ ءوسىرۋ، مىندەتكە تاعايىنداۋ قىزمەتىنىڭ جاۋاپكەرلىگىن جاپپاي تياناقتاندىرىپ، پارتكوم (پارتيا باسشىلىق گرۋپپاسى) شۋجيى، ءتارتىپ تەكسەرۋ كوميتەتىنىڭ شۋجيى (ءتارتىپ تەكسەرۋ گرۋپپاسىنىڭ باستىعى) كانديداتتىڭ پاك، تارتىپشىلدىگى جونىندەگى قورىتىندى پىكىرگە قول قويۋ ءتۇزىمىن جولعا قويدى؛ «ءتورتتى، ءسوز جوق، تەكسەرۋ» تالابىن العا قويىپ، كادرلاردى سارالاۋعا «رەنتكەن اپپاراتى» مەن «دياگنوز قويۋ» اسپابىن قولداندى.

  − كادرلار بايلىعىنىڭ جايعاسۋىن ساپالىلاندىردى. دالمە - ءدال عىلمي جولمەن ادام تاڭداپ، ادام ىستەتىپ، جوعارى ساپالى ماماندانعان كادرلار قوسىنىن كۇش سالا قۇردى. كادرلاردىڭ ءوسىپ - جەتىلۋ جولىن ساپالىلاندىرىپ، نەگىزگى ساتى ءبىرىنشى شەبىندە جانە جاپالى رايونداردا كادرلاردى باۋلۋ مەن سىناۋعا ءمان بەرىپ، قاجەتتى ساتىلى جانە بىرتىندەپ ىلگەرىلەۋ ۇلگىسىندەگى باۋلۋ مەن شىنىقتىرۋعا تاباندى بولىپ، شيزاڭعا كومەكتەسەتىن، چيڭحايعا كومەكتەسەتىن، شينجياڭعا كومەكتەسەتىن كادرلاردى تەڭ دارەجە بويىنشا ۇزدىكتەرىن تاڭداپ جىبەرىپ، كادرلارعا سايكەستى مىندەت بەرىپ ورتالىقتاعى ورىنداردىڭ تۇيىندە تۇرىپ كەدەيلەردى سۇيەمەلدەۋ جانە شىعىس، باتىس بولىكتەردىڭ كەدەيلەردى سۇيەمەلدەۋ بويىنشا سەلبەسۋ قىزمەتىنە قاتىناسۋعا تاڭداپ جىبەردى.

  − كادرلاردىڭ جوعارىلاۋىن دا، تومەندەۋىن دە ىلگەرىلەتتى. 2015 - جىلى 7 - ايدا «باسشى كادرلاردىڭ جوعارىلاۋىن، تومەندەۋىن ىلگەرىلەتۋدەگى بىرنەشە بەلگىلەمەنى (سىناق رەتىندە اتقارىلادى)» باسىپ تاراتىپ، تۇڭعىش رەت ورتالىقتىڭ پارتيانىڭ ىشكى زاڭ - ەرەجەسى فورماسىمەن باسشى كادرلاردىڭ جوعارىلاۋى، تومەندەۋى جونىندەگى تۇڭعىش ارناۋلى بەلگىلەمە ەتتى. «بەلگىلەمەنى» دايەك ەتىپ، 2017 - جىلى 11 - ايدىڭ اياعىنا دەيىن بۇكىل ەلىمىز بويىنشا جيىنى اۋدان - باسقارما دارەجەلىدەن جوعارى 28 مىڭ 207 كادر رەتتەلدى، مۇندا ولكە - مينيسترلىك دارەجەلى 147 ادام، مەڭگەرمە - مەكەمە دارەجەلى 2347 ادام، اۋدان - باسقارما دارەجەلى 25 مىڭ 713 ادام رەتتەلىپ، ۇزدىكتەر وسەتىن، ناشارلار تۇسەتىن، جارامسىزدار قاتاردان قالاتىن ادام تاڭداۋ، ادام ىستەتۋ مەحانيزمى العاشقى ادىمدا قالىپتاستى.
 − كادرلاردىڭ ءىس ىستەپ، شارۋاشىلىق قۇرۋ ومىرشەڭدىك قۋاتىن قاۋلاتتى. ۇكىمەت قىزمەتكەرلەرىن تۇرگە ايىرۋ رەفورماسىن تەرەڭدەتىپ، «كاسىپتىك، تەحنيكالىق تۇردەگى مەملەكەت قىزمەتكەرلەرىن باسقارۋ بەلگىلەمەسىن (سىناق رەتىندە اتقارىلادى)»، «اكىمشىلىك زاڭ اتقارۋ تۇرىندەگى مەملەكەت قىزمەتكەرلەرىن باسقارۋ بەلگىلەمەسىن (سىناق رەتىندە اتقارىلادى)» باسىپ تاراتىپ، قىزمەتكەرلەردى تۇرگە ءبولىپ باسقارۋ ءتۇزىمىن جەدەل كەمەلدەندىرىپ، ارنا بويىنشا دامىتۋ، قۇنىتتاپ باسقارۋ، مامانداندىرۋ قۇرىلىسىن جۇزەگە اسىردى. اۋداننان تومەنگى ورگاندارداعى مەملەكەت قىزمەتكەرلەرىنىڭ مىندەتى مەن مىندەت دارەجەسىن قاتار اتقارۋ ءتۇزىمىن ورناتتى، وسى بويىنشا نەگىزگى ساتىداعى ءبىر ميلليون 200 مىڭنان استام مەملەكەت قىزمەتكەرىنىڭ دارەجەسى جوعارىلادى. ءىسورىندارداعى كادرلاردى باسقارۋ جاعىنداعى ساياسات، زاڭ - ەرەجەلەر جۇيەسى قۇرىلىسىنىڭ اياق الىسىن جەدەلدەتىپ، ءىسورىندارداعى باسشى كادرلاردى باسقارۋدىڭ «1+5» ءتۇزىمى جۇيەسىن ورناتتى. 2018 - جىلى 5 - ايدا ورتالىق كوميتەت كەڭسەسى «قالىڭ كادرلاردى جاڭا داۋىردە جاڭا جاۋاپكەرلىك ارقالاپ، تىڭ ىسكەرلىك كورسەتۋگە ونان ارى ىنتالاندىرۋ جونىندەگى پىكىردى» باسىپ تاراتىپ، نازاردى كادرلار قوسىنى قۇرىلىسىنداعى «بوگەلۋ تۇيىندەرى» مەن «قينالۋ تۇيىندەرىنە» شوعىرلاندىرىپ، ءبىر قىدىرۋ جۇيەلى سەپتەلگەن، ناقتى دا جارامدى جاڭا وي جەلىلەرىن، ناقتى شارالاردى العا قويىپ، ءىستى باستى ورىنعا قويۋدىڭ، كادرلاردى جاۋاپكەرلىك ارقالاپ ىسكەرلىك كورسەتۋگە شابىتتاندىرۋدىڭ كۇشتى سيگنالىن تاراتتى.

  كادرلاردى قاتاڭ جونگە سالىپ، ەڭ باتىل پوزيتسيامەن، ەڭ ءۇزىلدى - كەسىلدى شارامەن كادرلاردى جونگە سالۋدى جاڭالادى

  باس شۋجي شي جينپيڭ: «پارتيانى پارتيا باسقارۋدا، ەڭ اۋەلى، كادرلاردى جاقسى باسقارۋ كەرەك؛ پارتيانى قاتاڭ باسقارۋدا، ءتۇيىندىسى كادرلاردى قاتاڭ باسقارۋ كەرەك»، - دەپ باسا دارىپتەدى. پارتيا 18 - قۇرىلتايىنان بەرى ءار دارەجەلى پارتيا ۇيىمدارى كادرلارعا قاتاڭ ولشەممەن تالاپ قويۋدان، كادرلاردى قاتاڭ شارامەن باسقارۋدان، كادرلاردى قاتاڭ تارتىپپەن تەجەۋدەن جازباي، ەڭ باتىل پوزيتسيامەن، ەڭ ءۇزىلدى - كەسىلدى شارامەن كادرلاردى جونگە سالۋدى جاڭالاپ، كادرلاردى قاتاڭ جونگە سالۋدىڭ ءبىر قىدىرۋ «كەشەندى شاراسىن» جولعا قويىپ، پارتيانىڭ ىشكى ساياسي ەكولوگياسىن ساپالىلاندىردى، كىرشىكسىزدەندىردى.

  − كۇندەلىكتى باسقارۋدى، باقىلاۋدى كۇشەيتتى. سىرلاسۋدى، سويلەسۋدى ۇنەمى ورىستەتىپ، كادرلارعا ەسكەرتۋ، حات ارقىلى ءمان - جاي ۇعىسۋ، ساقتاندىرۋ تەبىنىن ارتتىرىپ، كادرلاردى پارتيا ۇيىمىنىڭ ءونىمدى باسقارۋىندا بولعىزدى. 2015 - جىلى 6 - ايدا «ۇيىمداستىرۋ، كادرلار تاراۋلارىنىڭ باسشى كادرلارعا ەسكەرتۋ، حات ارقىلى ءمان - جاي ۇعىسۋ جانە ساقتاندىرۋ جونىندەگى اتقارۋ ەرەجەسى» باسىپ تاراتىلعاننان بەرى، جەر - جەر جيىنى 907 مىڭ ادام (رەت) ەسكەرتتى، حات ارقىلى ءمان - جاي ۇعىستى، ساقتاندىردى، مۇنىڭ ىشىندە 698 مىڭ ادام (رەت) ەسكەرتىپ، 129 مىڭ ادام (رەت) حات ارقىلى ءمان - جاي ۇعىسىپ، 80 مىڭ ادام (رەت) ساقتاندىردى. سونىمەن بىرگە، مال - مۇلىك جونىندە شەشىم جاساۋ ۇقىعىنا، ورنالاستىرۋ ۇقىعىنا يە ماڭىزدى قىزمەت ورىندارىنداعى كادرلاردى، وتە - موتە، پارتيا مەن ۇكىمەتتىڭ نەگىزگى جاۋاپتىلارىن ءتۇيىندى باقىلاۋدى كۇشەيتىپ، باسشى كادرلاردىڭ ەكونوميكالىق جاۋاپكەرلىگىنە قازىنالىق باقىلاۋ جۇرگىزۋ ءتۇزىمىن كەمەلدەندىردى؛ شاڭحاي، بەيجيڭ سياقتى 5 ولكە، رايون، قالادا باسشى كادرلاردىڭ تۋىستارىنىڭ ساۋدا ىستەۋ، كاسىپورىن اشۋ ارەكەتتەرىن ارناعا ءتۇسىرۋدى تۇيىندەردە سىناق ەتتى. قالىڭ باسشى كادرلار ۇيىمنىڭ جاندارىندا، باقىلاۋدىڭ كوز الدىلارىندا ەكەنىن شىنايى سەزىندى.

  − باسشى كادرلاردىڭ جەكەلىك قاتىستى ىستەرىن مالىمدەۋ ءتۇزىمىن كەمەلدەندىردى. بۇل تۇزىمدە اۋدان - باسقارما دارەجەلىدەن جوعارى كادرلاردىڭ ۇيىمعا كىرىسى، ءۇيى، قارجى قوسۋى، جۇبايى مەن پەرەزەنتتەرىنىڭ جۇمىس ىستەۋى سياقتىلارعا قاتىستى 14 مازمۇندى مالىمدەۋى تالاپ ەتىلدى. 2014 - جىلى ءىشىنارا تەكسەرىپ انىقتاۋ باستالعاننان بەرى بۇكىل ەلىمىزدەگى باسشى كادرلاردان جيىنى ءبىر ميلليون 200 مىڭنان استام ادام (رەت) تەكسەرىپ انىقتالىپ، شىنايى مالىمدەمەۋ سياقتى ماسەلەلەر سەبەبىنەن 125 مىڭ ادام ءبىر جاقتى ەتىلىپ، 11 مىڭ ادام مىندەتكە تاعايىندالۋدان ۋاقىتشا توقتاتىلدى نەمەسە ءوسىرۋ تولىمدىلىعى، زاپاس كادر رەتىندە سايلانۋ تولىمدىلىعى كۇشىنەن قالدىرىلدى. 2017 - جىلى 2 - ايدا ورتالىق «باسشى كادرلاردىڭ جەكەلىك قاتىستى ىستەرىن مالىمدەۋ بەلگىلەمەسىنە» وزگەرىس ەنگىزىپ، تەكسەرىپ انىقتاۋ ناتيجەسىن ءبىر جاقتى ەتۋ ءادىسىن بەلگىلەپ، نازاردى «شەشۋشى ازشىلىققا» ونان ارمان شوعىرلاندىرىپ، باسشى كادرلاردىڭ ۇقىعىن جۇرگىزۋ ارەكەتىمەن تىعىز قاتىستى وتباسى ىستەرىن، وتباسى مال - مۇلكى جاعدايىن كورنەكتىلەندىردى، تەكسەرىپ انىقتاۋ ناتيجەسىن پايدالانۋ مەن جاۋاپكەرلىگىن قۋزاستىرۋدى كورنەكتىلەندىردى. پارتيالى باسشى كادرلار دەموكراتيالىق تۇرمىس جيىنىندا جەكەلىك قاتىستى ىستەرىنەن جاپپاي مالىمەت بەردى. مالىمدەۋدەن جاسىرۋ جاي ءىس بولماي، وتىرىك ايتۋدىڭ بوداۋى بولاتىن بولدى. باسشى كادرلاردىڭ جەكەلىك قاتىستى ىستەرىن مالىمدەۋ ءتۇزىمى كادرلاردى مىندەتكە تاعايىنداۋعا ءبىر قابات «سۇزگى» قوسىپ، كادرلاردى قاتاڭ جونگە سالۋداعى ءونىمدى شاراعا اينالدى.

  − كورنەكتى ماسەلەلەردى ارنايى رەتتەۋدى، جونگە سالۋدى شوعىرلى ورىستەتتى. قىزمەت ورنىنان ارتتىرىپ كادر سەپتەۋ، جۇبايى شەتەلگە قونىس اۋدارىپ كەتكەن نەمەسە ۇل - قىزى شەتەلگە قونىس اۋدارىپ كەتكەن سالت باستى كادرلار، كادرلاردىڭ ارحيۆىن وتىرىك جاساۋ، باسشى كادرلاردىڭ بەلگىلەمەگە قايشىلىق جاساپ، قوسىمشا مىندەت اتقارۋى، بەلگىلەمەگە قايشىلىق جاساپ شەتەلگە (شەكارادان) شىعۋ، «جاتىپ ءىشۋ» سياقتى كورنەكتى ماسەلەلەرگە مەڭزەس، ءار دارەجەلى ۇيىمداستىرۋ، كادرلار قىزمەتى تاراۋلارى ورتالىقتىڭ تالابىنا ساي ارنايى رەتتەۋدى، جونگە سالۋدى شوعىرلى ورىستەتىپ، كەزەڭدىك ونىمدىلىكتەرگە قول جەتكىزدى. ادام تاڭداۋدى، ادام ىستەتۋ جاعىندا شارلاپ تەكسەرۋدى قانات جايدىرىپ، ولكە، رايون، قالالاردى جانە ورتالىقتاعى ورىنداردى جاپپاي قامتۋدى جۇزەگە اسىرىپ، ءمانساپ ىزدەۋ، ءمانساپ سۇراۋ، بەلەت جيناۋ، پارا بەرىپ سايلانۋ، اراعا كىسى سالۋ، قۇلاققاعىس ەتۋ سياقتى ءبىر توپ كورنەكتى ماسەلەلەردى دەر كەزىندە بايقادى جانە رەتتەپ جونگە سالدى؛ ۇيىمداستىرۋ تاراۋىنىڭ «12380» اشكەرەلەۋ تۇعىرىنىڭ رولىن ساۋلەلەندىردى، 5 جىلدان استام ۋاقىتتان بەرى ادام تاڭداۋ، ادام ىستەتۋ جاعىندا 65 مىڭنان استام اشكەرەلەۋدى قابىلداپ، 4000نان استام اشكەرەلەۋدى تەكسەرىپ انىقتاپ، 11 مىڭنان استام ادامنىڭ جاۋاپكەرشىلىگىن ءبىر جاقتى ەتىپ جانە تۇزەتىپ، ادام ىستەتۋ ورتاسىنىڭ پاك ستيلدە، دۇرىس سالتتا بولۋى ارقىلى ساياسي ەكولوگيانىڭ كىرشىكسىزدىگىن جەبەدى.

  − ءتۇزىم قاپاسىن ۇزدىكسىز بەكەمدەدى. ءتۇزىم تۇبىرگە، ۇزاق كەلەشەككە سايادى. ورتالىق كادرلاردى مىندەتكە تاعايىنداۋ، كادرلار تاربيەسى ەرەجەسى، پارتيا باسشىلىق گرۋپپاسى قىزمەت ەرەجەسى، جەرگىلىكتى پارتكومداردىڭ قىزمەت ەرەجەسى، پارتيا ىشىندە جاۋاپقا تارتۋ ەرەجەسى، دەموكراتيالىق تۇرمىس جيىنىنا قاتىستى ءبىرقانشا بەلگىلەمە سياقتى پارتيا ىشىندەگى كوپتەگەن ماڭىزدى زاڭ - ەرەجەلەرگە وزگەرىس ەنگىزىپ جانە زاڭ - بەلگىلەمەلەر شىعارىپ، پارتيا ۋستاۆىن نەگىز، ولشەم، ەرەجە سياقتى پارتيا ىشىندەگى زاڭ - بەلگىلەمەلەردى ارقاۋ ەتكەن پارتيا ىشىندەگى زاڭ - بەلگىلەمە تۇزىمدىك جۇيەسىن قالىپتاستىرىپ، باسشى كادرلار ۇقىعىنىڭ شەكاراسىن بارعان سايىن ايقىنداپ، پارتيانى باسقارۋدىڭ، پارتيانى جونگە سالۋدىڭ تەتىگىن بارعان سايىن قاتايتىپ، پارتيانى جاپپاي قاتاڭ جونگە سالۋدىڭ تياناقتانۋىن جەبەدى.

نەگىزدى نىعايتىپ، مىعىم جاۋىنگەرلىك قامالدى بەكەمدەدى

  نەگىز بەكەم بولماسا، جەر تەربەلىپ، تاۋ تەڭسەلەدى. نەگىزگى ساتىلارداعى پارتيا ۇيىمدارى مەن پارتيا مۇشەلەرى قوسىنى پارتيانىڭ بيلىك جۇرگىزۋىنىڭ نەگىزى، كۇش - قۋات قاينارى.

     باس شۋجي شي جينپيڭ: «نەگىزگى ساتىنىڭ نەگىزى قىزمەتىن جاقسى ىستەۋ توتەنشە ماڭىزدى، نەگىزگى ساتىداعى ءاربىر پارتيا ۇيىمى مەن كوممۋنيستىك پارتيا مۇشەسى تۇگەلدەي كۇشتى نەگىزگى ماقسات تانىمى مەن جاۋاپكەرلىك تانىمىنا يە بولسا، تۇگەلدەي جاۋىنگەرلىك قامال رولىن، ۇزدىك ونەگەلى رولىن ساۋلەلەندىرسە بولعانى، پارتيامىز زور كۇش - قۋاتقا يە بولادى، مەملەكەتىمىز زور كۇش - قۋاتقا يە بولادى، حالقىمىز زور كۇش - قۋاتقا يە بولادى، پارتيانىڭ بيلىك جۇرگىزۋ نەگىزى مىزعىماستاي بەرىك بولادى»، - دەپ اتاپ كورسەتتى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋدى نەگىزگى ساتىعا كەڭەيتۋدى ىلگەرىلەتىپ، نەگىزگى ساتىنى يگەرىپ، نەگىزدى كۇشەيتىپ، پارتيانىڭ بيلىك جۇرگىزۋ نەگىزىن ۇزدىكسىز بەكەمدەدى. پارتيا ورتالىق كوميتەتىنىڭ ورنالاستىرۋلارىنا، تالاپتارىنا ساي، ءار دارەجەلى پارتيا ۇيىمدارى ۇيىمداستىرۋ قۋاتىن جوعارىلاتۋدى ءتۇيىن ەتىپ، ساياسي فۋنكتسيانى كۇشەيتىپ، نەگىزگى ساتىلارداعى پارتيا ۇيىمدارى مەن پارتيا مۇشەلەرى قوسىنى قۇرىلىسىن زور كۇشپەن كۇشەيتىپ، نەگىزگى ساتىلارداعى ءاربىر پارتيا ۇيىمىن قۇدىرەتتى جاۋىنگەرلىك قامالعا اينالدىرىپ، ءاربىر پارتيا مۇشەسىنىڭ ۇزدىك ونەگەلى رولىن ساۋلەلەندىرۋگە كۇش سالدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى