ءتىلشىنىڭ ءۇرىمجى قالالىق وقۋ-اعارتۋ مەكەمەسىنەن ۇعىسۋىنشا، ءۇرىمجى قالالىق ورتا-باستاۋىش مەكتەپتەر 2017-، 2018-وقۋ جىلى ەكىنشى ماۋسىمى 7-ايدىڭ 4-كۇنى اقىرلاسادى، جازدىق كانيكول ۋاقىتى 7-ايدىڭ 5-كۇنىنەن 8-ايدىڭ 25-كۇنىنە دەيىن. جاڭا وقۋ ماۋسىمى 8-ايدىڭ 26-كۇنى تىزىمدەلەدى، 8-ايدىڭ 27-كۇنى وقۋ باستالادى، 2019-جىلى 1-ايدىڭ 20-كۇنى قىسقى كانيكولعا تارايدى.
ءۇرىمجى قالالىق وقۋ-اعارتۋ مەكەمەسى ءارقايسى رايوندىق (اۋداندىق) وقۋ-اعارتۋ مەكەمەسىنە، مەكەمەگە قاراستى ءارقايسى مەكتەپتەرگە (مەكەمە-ورىندار) ماۋسىمدىق، سونداي-اق، كانيكول قىزمەتىن جالپى بەتتىك جاقسى ىستەۋدى، وقىتۋشى-وقۋشىلاردىڭ كانيكولدى كوڭىلدى، اقاۋسىز، حاۋىپسىز ءارى ماعىنالى وتكىزۋىنە كەپىلدىڭ ەتۋدى تالاپ ەتتى.
ءۇرىمجى قالالىق وقۋ-اعارتۋ مەكەمەسى كانيكولعا تاراۋدان بۇرىن، تۇتاس وقىتۋشى-وقۋشىلارعا ءبىر رەت ءورت ءوشىرۋ حاۋىپسىزدىگى، ازىق-تۇلىك دەنساۋلىق ساقتاۋ حاۋىپسىزدىگى، قاتىناس حاۋىپسىزدىگى، قيمىل حاۋىپسىزدىگى، توراپ حاۋىپسىزدىگى، زاڭسىز سۇعاناقتىق جاساۋدان، سۋعا كەتۋدەن ساقتانۋ جاقتارداعى حاۋىپسىزدىك بىلىمدەرىن ۇيرەتۋدى، بالالاردى ويىن زالىنا، تيجارات سيپاتىندىق ءان، ءبي زالىنا، توراپحا، شاراپحا سىندى ازامات جاسىنا تولماعاندار كىرۋگە بولمايتىن ورىندارعا بارماۋعا تاربيەلەۋدى، ورتا-باستاۋىش مەكتەپ وقۋشىلارىنا حاۋىپسىز، زاڭ-تۇزىمگە بويسۇنىپ، مادەنيەتتى، ادەپتى بولۋ، ۇلكەندى قۇرمەتتەپ، كىشىنى ايالاۋ سىندى العىس ايتۋ تاربيەسىن جۇرگىزۋدى، تاراۋدان بۇرىن، مەكتەپ جينالىسىن، كلاس جينالىسىن، اتا-انالار جينالىسىن اشۋ ارقىلى «اتا-انالارعا ۇقتىرۋ» سىندى كوپ ءتۇرلى تاسىلمەن، وقۋشىلارعا يدەيا-احىلاق تاربيەسىن جۇرگىزۋدى، ءتۇرلى فورماداعى وتباسى تاربيەسى تاقىرىپتىق قيمىلىن وتكىزىپ، اتا-انالاردىڭ وقۋشىلارعا ءونىمدى جەتەكشىلىك ەتۋىن جەبەۋدى، اتا-انالاردىڭ بالالاردىڭ جازدىق كانيكۋل مەزگىلىندەگى باسقارۋ قابىلەتىن كۇشەيتۋدى تالاپ ەتتى.
ءۇرىمجى قالالىق وقۋ-اعارتۋ مەكەمەسى الۋان ءتۇرلى باي مازمۇندى كانيكول قيمىلدارىن ورىستەتۋگە دەم بەردى. ءارقايسى مەكتەپتەر مەكتەپتىڭ ءىس جۇزىندىك جاعدايىن شىعار ءتۇيىن ەتىپ، كانيكول قيمىلىن جوسپارلاپ، «ءتۇرلى-ءتۇستى جاز كۇندەرى» جازدىق كانيكول امالياتتىق كەستەسىن تاراتىپ، وقۋشىلاردىڭ كانيكول كەزىندە اقاۋسىز، بەلسەندى، وسپىرىمدەر ساباقتان سىرتقى قيمىلدارىنا، قوعامدىق امالياتتىق قيمىلدار مەن ءۇي شاراۋسىنا كوپتەپ قاتىناسۋعا دەم بەرىپ، وقۋشىلاردىڭ ەڭبەك تاربيەسىنە، جازدىق كانيكولداعى زەرتتەۋ امالياتىنا بەلسەنە قاتىناسىپ، كوڭىلدى، اقاۋسىز، حاۋىپسىز ءارى ماعىنالى كانيكولدى وتكىزۋىنە باسا ءمان بەردى.
