6-ايدىڭ 23-كۇنى، اۆتونوميالى رايوندىق حالىق قۇرىلتايى تۇراقتى كوميتەت ورگانىنىڭ قاعىلىق اۋدانى سايباع اۋىلى باش توعىرال قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى اتىز باسىنا بارىپ، قىستاقتاعى كەدەي وتباسىلارىنىڭ بارقىت ءشوبىن ۇزۋىنە كومەكتەستى.
6-ايداعى قاعىلىق اۋدانى سايباع اۋىلى باش توعىرال قىستاعىندا بارقىت ءشوبى جايقالا ءوستى، التىن سارى ءتۇستى اتىز ديقانداردىڭ ءۇمىتى ەدى. باش توعىرال قىستاعىنىڭ تۇرعىنى سەيت باراتتىڭ 5 مۋ جەرى دە مول ءونىم بەردى، الايدا، ول الاڭداي باستادى.
- «ۇيدە مەن جالعىز ءبيداي جيناۋعا شىعا الامىن،ءبىراق، مەنىڭ دەنساۋلىعىم جاقسى ەمەس، ەندى قايتەمىن، اتىزداعى ءبيداي كوز الدىمدا شىرىپ كەتەتىن بولدى»،-دەيدى. 70 نەشە جاسقا كەلگەن سەيت بارات سياقتى ەڭبەككۇشى كەمشىل بولعان سەميالاردىڭ «ءونىم جيناۋ» قيىن ماسەلەسىن شەشۋ ءۇشىن، اۆتونوميالى رايوندىق حالىق قۇرىلتايى تۇراقتى كوميتەتى ورگانىنىڭ باش توعىرال قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىندەگى بارلىق پارتيالى كادرلار باس بولىپ اتىز باسىنا بارىپ، ءبيداي ورىپ، بارقىت ٴشوپ ءۇزىپ، قىستاق تۇرعىندارىنىڭ باستى قيىنشىلىعىن شەشتى.
قامبادا جينالىپ بولعان ءبيدايدى كورگەن سىدىق بارات: «العىسىمىز شەكسىز، پارتيا مۇشەلەرى جارايدى»،-دەدى.
«بۇقارا قيىنشىلىققا جولىققاندا، ٴاربىر كوممۋنيست اتويلاپ العا شىعۋمىز كەرەك، ءبىز بۇقارالىق قىزمەت وتەۋدى اتىز باسىنا جەتكىزىپ، پارتيانىڭ قامقورلىعى مەن مەيىر - شاپاعاتىن حالىق بۇقاراسىنا جەتكىزدىك. قىزمەت اترەتى قىستاققا تۇسكەننەن بەرى،قاشاندا جاقسى يدەيا، جاقسى ستيلدە تۇرىپ، بۇقارالىق قىزمەتتى شىنايى ىستەپ، نەگىزگى ساتىنىڭ نەگىزىن بەكەمدەپ، قىستاق تۇرعىندارىنىڭ سەنىمى مەن قولداۋىنا يە بولدى»،-دەيدى قىزمەت اترەتىنىڭ باستىعى، قىستاقتىڭ ءبىرىنشى شۋجيى احىمەتجان ازەز.
«بۇقارالىق قىزمەتتىڭ ۇلكەن-كىشىلىگى جوق، ٴبىز قىستاق تۇرعىندارىنىڭ ۇساق جۇمىسىن ءوزىمىزدىڭ ۇلكەن جۇمىسىمىز رەتىندە ۋاعىندا ءبىتىرىپ، ولاردىڭ سەنىمىنە يە بولىپ، ولارمەن بولعان قاتىناسىمىزدى جاقسارتتىق»،-دەيدى احىمەتجان ازەز.
قىستاقتاعى قىزمەت اترەتى بۇقارامەن تىعىز بايلانىس جاساۋ ارقىلى قىستاق تۇرعىندارىنىڭ نەنى قاجەت ەتەتىندىگىن ءبىلدى. قىستاق تۇرعىندارىنىڭ مادەني تۇرمىسىن بايىتۋ ءۇشىن، قىزمەت اترەتى ەرىكتىلەردىڭ قىزمەت وتەۋ، ءبي، دەنەتاربيە اترەتى قاتارلى «ءۇش اترەتتى» قۇرىپ، باستاماشىلىق، جەتەكشىلىك رولدى ساۋلەلەندىرىپ، قىستاق تۇرعىندارىنىڭ يدەيالىق جاقتان بۇرىلىس جاساپ، كۇش-قۋاتتى توپتاۋعا جەبەدى.
«ءار دۇيسەنبى كۇنى مەملەكەت تۋىن شىعارۋ سالتىنا قاتىناسىپ، ٴار اپتانىڭ سوڭىندا قىستاقتاعى مادەني قيمىلدارعا قاتىناسۋ ادەتىمىزگە اينالدى»،-دەيدى قىستاق تۇرعىنى حانقىز قۇربان تەبىرەنە، ول جانە: «پارتيانىڭ جاقسى كادرلارى جاقسى ساياساتىن بىزگە جەتكىزدى، بىزگە كوپتەگەن جاقسى ناقتى ىستەر ىستەپ بەردى، كوپشىلىك كوڭىلىندە ساقتايدى. قازىر، قىستاقتاعىلار شوگەل بولىپ كەتتى، قىستاق تا كوركەيدى، ٴبىز بۇدان بىلايعى جەردە ٴتىپتى دە قۇلشىنىپ، ونان ارى ىنتىماقتاسىپ، تۇرمىسىمىزدى جاقسارتۋعا ورتاق كۇش سالامىز»،-دەدى.
احىمەتجان ازەز بىلاي دەدى: «ءبىز جالعاستى بۇقاراعا دەگەن تەرەڭ سۇيىسپەنشىلىكپەن تىڭعىلىقتى تۇردە بۇقارا ەڭ كوڭىل بولەتىن ەڭ تىكە، ەڭ رەال مۇددە ماسەلەسىن شەشىپ بەرەمىز».
