تيانشان تورابى   ›   ۇيرەنۋ   ›   شولۋ

جاڭا داۋىردەگى پارتيانىڭ ۇيىمدىق لۋشيانىنا تاباندى بولايىق

  − ۇيىمداستىرۋ قىزمەتى جونىندەگى مەملەكەتتىك ءماجىلىستىڭ رۋحىن دايەكتىلەندىرۋ، تياناقتاندىرۋ تۋرالى (1)

  حالىق گازەتىنىڭ شولۋشىسى

  باس شۋجي شي جينپيڭ ۇيىمداستىرۋ قىزمەتى جونىندەگى مەملەكەتتىك ماجىلىستەگى ماڭىزدى سوزىندە جاڭا داۋىردەگى پارتيانىڭ ۇيىمدىق لۋشيانىن پارتيانىڭ ساياسي لۋشيانىنا قىزمەت ەتتىرۋدى مىقتاپ ارقاۋ ەتىپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، جاڭا داۋىردەگى پارتيانىڭ ۇيىمدىق لۋشيانى: جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ۇيىمدىق جۇيە قۇرىلىسىن ءتۇيىن ەتىپ، ادال، كىرشىكسىز، جاۋاپكەرلىكتى باتىل ارقالايتىن جوعارى ساپالى كادرلاردى باۋلۋعا، وتاندى سۇيەتىن، ۇلەس قوساتىن ءار جاقتاعى تاڭداۋلى دارىندىلاردى توپتاۋعا كۇش سالىپ، ءمورالدى دا دارىندى بولۋعا، ءمورالدى الدىڭعى ورىنعا قويۋعا، جارامدى ادامداردى عانا قىزمەتكە قويۋعا تاباندى بولىپ، پارتيانىڭ جاپپاي باسشىلىعىنا تاباندى بولۋ مەن ونى كۇشەيتۋگە، جۇڭگوشا سوتسياليزمگە تاباندى بولۋ مەن ونى دامىتۋعا پارمەندى ۇيىمدىق كەپىلدىك ازىرلەۋ ەكەندىگىن تەرەڭدەي بايىمدادى. پارتيامىزدىڭ تاريحىندا تۇڭعىش رەت بولعان، ماركسيزمنىڭ پارتيا قۇرۋ ىلىمىنە جاسامپازدىق ۇلەس قوسقان، بەلەستىك ماڭىز الاتىن بۇل ماڭىزدى بايىمداۋ جاڭا داۋىردەگى پارتيا قۇرىلىسى مەن ۇيىمداستىرۋ قىزمەتىنە العا باسۋ بەتالىسىن ايقىن كورسەتىپ، ءتۇبىرلى ولشەممەن قامتاماسىز ەتتى. ءماجىلىس رۋحىن ويداعىداي دايەكتىلەندىرىپ، تياناقتاندىرىپ، جاڭا داۋىردەگى پارتيا قۇرىلىسى مەن ۇيىمداستىرۋ قىزمەتىن جاقسى ىستەۋدە جاڭا داۋىردەگى پارتيانىڭ ۇيىمدىق لۋشيانىن، ءسوز جوق، ىشكەرىلەي ۇعىنۋ، وعان مىقتاپ تاباندى بولۋ، ونى مۇقيات امالياتتا ايگىلەۋ كەرەك.

  ءىستى ادام تىندىرادى. دۇرىس ساياسي لۋشيانعا دۇرىس ۇيىمدىق لۋشيان ارقىلى كەپىلدىك ەتۋ كەرەك. پارتيامىز باستان - اياق ۇيىمدىق لۋشياننىڭ ساياسي لۋشيانعا قىزمەت ەتۋىنە تاباندى بولىپ كەلدى. پارتيانىڭ 1 - قۇرىلتايىنداعى پارتيا پروگرامماسىندا پارتيانىڭ ۇيىمدىق قۇرىلىسىنىڭ پرينسيبى بەلگىلەنگەننەن تارتىپ پارتيانىڭ 6 - قۇرىلتايىندا «ۇيىمدىق لۋشيان» ۇعىمى ايقىن العا قويىلعانعا دەيىن، 1938 - جىلى ماۋ زىدۇڭ جولداس «ساياسي لۋشيان ايقىن بەلگىلەنگەننەن كەيىن، كادرلار شەشۋشى فاكتور بولادى» دەپ اتاپ كورسەتكەننەن «قابىلەتتى دە ءمورالدى» بولۋداي كادرلار ولشەمى مەن «جارامدى ادامداردى عانا قىزمەتكە قويۋ» سىندى كادرلار لۋشيانىن العا قويعاننان جاڭا جۇڭگو قۇرىلعاننان كەيىن پارتيامىز ءار كاسىپ، ءار سالاداعى كادرلار ءارى قىزىل، ءارى مامان بولۋدى باسا دارىپتەگەنگە دەيىن، رەفورما جاساۋدىڭ، ەسىك اشۋدىڭ العاشقى تۇسىندا دىڭ شياۋپيڭ جولداس كادرلار قوسىنىن توڭكەرىستەندىرۋ، جاستاندىرۋ، بىلىمدەندىرۋ، مامانداندىرۋ باعىتىن العا قويعاننان پارتيانىڭ 18 - قۇرىلتايىنان كەيىن باس شۋجي شي جينپيڭ پارتيا قۇرىلىسى مەن ۇيىمداستىرۋ قىزمەتى جونىندە ءبىر قىدىرۋ جاڭا ۇستانىم، جاڭا يدەيا، جاڭا ستراتەگيانى العا قويعانعا دەيىن، پارتيامىز پارتيا قۇرىلىسىن كۇشەيتۋدىڭ، ىستەرىمىزدىڭ دامۋىن ىلگەرىلەتۋدىڭ ايبىندى تاريحي بارىسىندا پارتيانىڭ ۇيىمدىق لۋشيانى جونىندەگى تانىمىن ۇزدىكسىز تەرەڭدەتتى. پارتيانىڭ 19 - قۇرىلتايىندا جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاپپاي سوتسياليستىك وسىزاماندانعان قۇدىرەتتى ەل قۇرىپ، «قوس 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ۇلى جوباسى جاسالدى. جاڭا ءداۋىر، جاڭا جورىق، جاڭا بورىش، جاڭا تالاپ. جاڭا داۋىردە جۇڭگوشا سوتسياليزمگە تاباندى بولۋ مەن ونى دامىتۋ سىندى ۇلى قوعامدىق توڭكەرىستى ويداعىداي جۇرگىزۋدە، پارتيامىز، ءسوز جوق، وزىنە جاسالعان ۇلى توڭكەرىستى باتىلدىقپەن جۇرگىزىپ، پارتيانى اناعۇرلىم بەرىك، پارمەندى ەتىپ قۇرىپ، پارتيانىڭ ۇيىمدىق باسىمدىعىن تولىق ساۋلەلەندىرىپ، بۇكىل پارتيانىڭ كۇرەس رۋحىن قاۋلاتىپ، اناعۇرلىم جاقسى كۇي، اناعۇرلىم شىنايى ستيل ارقىلى حالىق بۇقاراسىن ىنتىماقتاستىرىپ جانە باستاپ، قاجىماي - تالماي كۇرەس جۇرگىزۋ كەرەك.

  «ارقاۋىن تارتسا اۋ جايىلادى، نەگىزىن يگەرسە، قالعانى وڭىنا باسادى». جاڭا تاريحي باستامادا تۇرىپ، جاڭا داۋىردەگى پارتيانىڭ ۇيىمدىق لۋشيانىن ايقىن ورتاعا قويۋ پارتيانىڭ باسشىلىعىنا تاباندى بولۋدا، پارتيا قۇرىلىسىن كۇشەيتۋدە، پارتيانىڭ ۇيىمداستىرۋ قىزمەتىن ويداعىداي ىستەۋدە ايرىقشا ماڭىزدى ءمان الادى. ءار دارەجەلى پارتيا ۇيىمدارى مەن ۇيىمداستىرۋ تاراۋلارى جاڭا داۋىردەگى پارتيانىڭ ۇيىمدىق لۋشيانىنىڭ عىلمي ءمانى مەن امالياتتىق تالابىن تەرەڭ ءتۇسىنىپ، جاڭا داۋىردەگى پارتيانىڭ ۇيىمدىق لۋشيانىن پارتيا قۇرىلىسىنىڭ ۇلى ينجەنەرياسىن اتقارۋدى ىلگەرىلەتۋ، پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتۋ امالياتىندا دايەكتىلەندىرۋ، تياناقتاندىرۋ كەرەك.

  جاڭا داۋىردەگى پارتيانىڭ ۇيىمدىق لۋشيانىنا تاباندى بولۋدا، ەڭ الدىمەن، پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋ كەرەك. تۋ ايقىن تۇردە ساياسيدى دارىپتەپ، باس شۋجي شي جينپيڭنىڭ ۇيتقى ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيالى كادرلاردى «ءتورت تانىمدى» كۇشەيتۋگە، «ءتورت سەنىمدى» بەكەمدەۋگە تاربيەلەپ، جەتەكتەپ، پارتيانىڭ ساياسي ءتارتىبى مەن ساياسي قاعيداسىن قاتايتىپ، پارتيانىڭ ىشكى ساياسي تۇرمىسىن قاتاڭداستىرىپ، پارتيا ىشىندەگى بەلسەندى، اقاۋسىز ساياسي مادەنيەتتى دامىتىپ، بۇكىل پارتيانىڭ يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىنا شىنايى كەپىلدىك ەتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا تاباندى بولىپ، «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق تاربيەسىن تىڭعىلىقتى ورىستەتىپ، پارتيالى كادرلاردىڭ جەتە ۇيرەنۋىن، جەتە يگەرۋىن، شىنايى تياناقتاندىرۋىن باياندى ىلگەرىلەتىپ، مۇرات - سەنىمدى بەكەمدەپ، بيلىك جۇرگىزۋ قابىلەتىن جوعارىلاتىپ، احىلاق - ستيلدى كۇشەيتۋ كەرەك. ساياسي قۇرىلىستى پارتيا قۇرىلىسى مەن ۇيىمداستىرۋ قىزمەتىنىڭ جالپى بارىسىنا، بارلىق جاعىنا سىڭىرۋگە تاباندى بولىپ، بارلىق قىزمەتتى پارتيانىڭ جاپپاي باسشىلىعىنا تاباندى بولۋعا جانە ونى كۇشەيتۋگە، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋعا باعىتتاي وتىرىپ ىلگەرىلەتۋ، تەكسەرۋ كەرەك. ۇيىمداستىرۋ قىزمەتىنىڭ ءتۇرلى مىندەتتەرىنىڭ تياناقتانۋىن، ورىندالۋىن جاپپاي ىلگەرىلەتىپ، پارتيانىڭ ۇيىمدىق جۇيە قۇرىلىسىن كۇش سالا كۇشەيتىپ، ادال، كىرشىكسىز، جاۋاپكەرلىك ارقالايتىن، جوعارى ساپالى كادرلار قوسىنىن قالىپتاستىرىپ، وتاندى سۇيەتىن، ۇلەس قوساتىن، باتىلدىقپەن جاڭالىق اشىپ، جاسامپازدىق جاراتۋدى مۇرات ەتكەن ۇزدىك دارىندىلار قوسىنىن قۇرىپ، پارتيا قۇرىلىسى مەن ۇيىمداستىرۋ قىزمەتىنىڭ ساپاسىن ۇزدىكسىز جوعارىلاتۋ كەرەك.

  جاڭا داۋىردەگى پارتيانىڭ ۇيىمدىق لۋشيانىنا تاباندى بولۋدا ءار دارەجەلى پارتيا ۇيىمدارى مەن ۇيىمداستىرۋ تاراۋلارى جاۋاپكەرشىلىكتى شىنايى ارقالاۋلارى كەرەك. پارتكومدار (پارتيا باسشىلىق گرۋپپالارى) پارتيا قۇرىلىسىنا باسشىلىقتى كۇشەيتىپ، باستى جاۋاپكەرلىكتى ارقالاپ، باستى جۇمىستى مىقتى يگەرىپ، باستى رولدارىن ويداعىداي اتقارىپ، ءار شەپتىڭ، ءار سالانىڭ، ءار بۋىننىڭ پارتيا قۇرىلىسى قىزمەتىن ناقتى ۇستاپ، تەرەڭدەتۋ كەرەك. ۇيىمداستىرۋ تاراۋلارى «ساياسيدى دارىپتەيتىن، ادىلدىككە ءمان بەرەتىن، كاسىپكە جۇيرىك، ستيلى جاقسى» ۇلگىلى تاراۋ قۇرۋدى ۇزدىكسىز جالعاستىرىپ، ادال، كىرشىكسىز، جاۋاپكەرلىك ارقالايتىن، جوعارى ساپالى ۇيىمداستىرۋ قىزمەتى كادرلار قوسىنىن كۇش سالا قالىپتاستىرىپ، ساياسي دەڭگەيىن، ۇستانىمىن، وي جەلىسىن، قىزمەت مەحانيزمىن، قابىلەت دەڭگەيىن، كۇي ستيلىن زور دارەجەدە جوعارىلاتۋعا كۇش سالىپ، جاڭا لەپ، جاڭا تەبىنمەن جاڭا داۋىردەگى ۇيىمداستىرۋ قىزمەتىنىڭ جاڭا تاراۋىن تىڭ بەينەمەن، سونى تەبىنمەن ۇزدىكسىز جازىپ، «قوس 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ ۇلەس قوسۋ كەرەك. 

(شينحۋا اگەنتتىگىنىڭ 7 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى