− ۇيىمداستىرۋ قىزمەتى جونىندەگى مەملەكەتتىك ءماجىلىستىڭ رۋحىن دايەكتىلەندىرۋ، تياناقتاندىرۋ تۋرالى (2)
حالىق گازەتىنىڭ شولۋشىسى
پارتيانىڭ كۇش - قۋاتى ۇيىمنان كەلەدى. پارتيانىڭ جاپپاي باسشىلىعى، پارتيانىڭ بارلىق قىزمەتى پارتيانىڭ پارمەندى ۇيىمدىق جۇيەسى ارقىلى جۇزەگە اسادى. باس شۋجي شي جينپيڭ ۇيىمداستىرۋ قىزمەتى جونىندەگى مەملەكەتتىك ماجىلىستە «جاڭا داۋىرگە قادام تاستاعاندا، جاڭا ساپاردى باستاعاندا، ءسوزسىز، پارتيانىڭ ۇيىمدىق جۇيەسى قۇرىلىسىنا، ءتىپتى دە ءمان بەرىپ، پارتيانىڭ ساياسي باسشىلىق قۋاتىن، يدەيالىق جەتەكشىلىك قۋاتىن، بۇقارانى ۇيىمداستىرۋ قۋاتىن، قوعامعا ۇندەۋ سالۋ قۋاتىن ۇزدىكسىز كۇشەيتىپ، پارتيا مۇشەلەرىن ۇيىمداستىرىپ، دارىندىلاردى ۇيىستىرىپ، بۇقارانى اتتانىسقا كەلتىرىپ، پارتيا 19 - قۇرىلتايىندا العا قويىلعان ۇلى نىسانانى ورىنداۋ ءۇشىن ىنتىماقتاسا كۇرەس جۇرگىزۋ كەرەكتىگىن» باسا دارىپتەپ اتاپ كورسەتتى. ءار دارەجەلى پارتكومدار مەن ۇيىمداستىرۋ تاراۋلارى باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، پارتيا قۇرىلىسىن ىلگەرىلەتۋدىڭ جاڭا ۇلى ينجەنەرياسىندا، پارتيانى جاپپاي قاتاڭ جونگە سالۋدى ىلگەرىلەتۋ امالياتىندا شىنايى دايەكتىلەندىرۋ، تياناقتاندىرۋ كەرەك.
پارتيامىز ماركسيزمنىڭ پارتيا قۇرۋ پرينسيبى بويىنشا قۇرىلعان، پارتيانىڭ ۇيىمدىق قۇرىلىسىنا ەجەلدەن ايرىقشا ءمان بەرىپ، پارتيانىڭ ورتالىق ۇيىمدارىن، جەرگىلىكتى ۇيىمدارىن، نەگىزگى ساتى ۇيىمدارىن قامتىعان بەرىك ۇيىمدىق جۇيەسىن قالىپتاستىرعان. بۇل دۇنيە جۇزىندەگى وزگە ءارقانداي ساياسي پارتيا ازىرلەي المايتىن كۇشتى باسىمدىق. پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن باتىل قورعاپ، پارتيا ورتالىق كوميتەتىندە، ءسوز جوق، اسقاق ابىروي، بۇلجىماس كەسىم جاسايتىن بەدەل بولۋعا كەپىلدىك ەتىپ، پارتيالى كادرلاردىڭ مەيلى قايسى سالادا، قايسى دارەجەدە، قايسى مەكەمەدە، قايسى ۇيىمدا بولسا دا، «ءتورت تانىمدى» بەرىك ورناتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىنا كەپىلدىك ەتۋ كەرەك. پارتيانىڭ جەرگىلىكتى ۇيىمدارىنىڭ ءتۇبىرلى مىندەتى − پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ دايەكتىلەندىرىلۋىن، تياناقتاندىرىلۋىن قامتاماسىز ەتۋ، سوندىقتان بۇيرىقتى تاباندا اتقارۋعا، تيىم سالىنعاننان تاباندا تيىلۋعا شىنايى قول جەتكىزۋ كەرەك. پارتيا باسشىلىق گرۋپپاسى پارتيا ورتالىق كوميتەتىنىڭ جانە جوعارى دارەجەلى پارتيا ۇيىمىنىڭ شەشىمدەرى مەن ورنالاستىرۋلارىن دايەكتىلەندىرىپ، تياناقتاندىرىپ، باعداردى مەڭگەرۋ، جالپى جاعدايدى باسقارۋ، تياناقتاندىرۋعا كەپىلدىك ەتۋ سىندى ماڭىزدى رولدى ساۋلەلەندىرۋ كەرەك. پارتيانىڭ نەگىزگى ساتى ۇيىمدارى − پارتيا تۇلعاسىنىڭ «جۇيكە ۇشى»، سوندىقتان جاۋىنگەر قامالدىق رولىن تولىق ساۋلەلەندىرۋ كەرەك. ءاربىر پارتيا مۇشەسى، اسىرەسە، باسشى كادرلار پارتيا جونىندەگى تانىم مەن ۇيىمدىق كوزقاراستى كۇشەيتىپ، يدەيادا ۇيىمدى شىنايى مويىنداۋدى، ساياسيدا ۇيىمعا سۇيەنۋدى، قىزمەتتە ۇيىمعا بويسۇنۋدى، سۇيىسپەنشىلىك جاقتا ۇيىمعا سەنۋدى سانالى تۇردە ىسكە اسىرۋ كەرەك.
«ءۇي سالۋ ءۇشىن، تاعانىن بەرىك قالاۋ كەرەك». پارتيانىڭ ۇيىمدىق جۇيەسىن كۇشەيتۋ ءۇشىن، ءسوزسىز، نەگىزگى ساتىنى مىقتاپ يگەرۋدىڭ ايقىن بەتالىسىن ورناتۋدان جازباي، نەگىزگى ساتى پارتيا ۇيىمىنىڭ قۇرىلىسىن زور كۇشپەن كۇشەيتۋ كەرەك. ۇيىمداستىرۋ قۋاتىن ءوسىرۋدى ءتۇيىن ەتىپ، ساياسي يقۋاتتى كورنەكتىلەندىرىپ، نەگىزگى ساتى ۇيىمىن اقاۋسىزداندىرىپ، ۇيىمدىق ورنالاسۋدى ساپالىلاندىرىپ، تاۋەلدىلىك قاتىناسىن جونگە سالىپ، قيمىل تاسىلىنە جاڭالىق ەنگىزىپ، پارتيا ۇيىمىنىڭ قامتۋىن جانە قىزمەتتىڭ قامتۋىن كەڭەيتىپ، نەگىزگى ساتى پارتيا ۇيىمىنىڭ جاۋىنگەر قامالدىق رولىن تولىق ساۋلەلەندىرىپ، پارتيا ۋستاۆىندا بەلگىلەنگەن ءتۇرلى مىندەتتەردى تابىسپەن ورىنداۋ كەرەك. كاسىپورىن، اۋىل - قىستاق، ورگان، ءىسورىندارى، الەۋمەتتىك اۋماق سياقتى سالالارداعى پارتيا قۇرىلىسى قىزمەتىن مىقتاپ يگەرۋدەن جازباي، نەگىزگى ساتى پارتيا ۇيىمىنىڭ جاپپاي العا باسۋىن، جاپپاي شىڭدالۋىن ىلگەرىلەتۋ كەرەك. قوعامدىق ۇيىمداردىڭ پارتيا قۇرىلىسىن كۇشەيتىپ، شەتەلدەگى پارتيا قۇرىلىسى قىزمەتىن ويداعىداي ىستەپ، جاڭادان گۇلدەنگەن كاسىپ كۇيى مەن ينتەرنەت پارتيا قۇرىلىسى قىزمەتىن كۇشەيتۋ جونىندە ىزدەنىس جاساپ، پارتيانىڭ جاڭادان گۇلدەنگەن سالالارداعى ۇندەۋ قۋاتىن، ۇيىستىرۋ قۋاتىن كەڭەيتۋ كەرەك. ياچەيكانىڭ ولشەمدەنۋ، ارناعا ءتۇسۋ قۇرىلىسىن كۇشەيتىپ، ءاربىر ياچەيكانىڭ تەگىس كۇشەيۋىنە مۇمكىندىك جاساۋ كەرەك. پارتيا مۇشەلەرى قوسىنىنىڭ ساپاسىن ءوسىرىپ، پارتياعا جاڭادان مۇشە قابىلداۋدىڭ وتكەلىن مىقتاپ يگەرىپ، پارتيا مۇشەلەرىن تاربيەلەۋدى، باسقارۋدى قاتايتىپ، ۇيىمدىق تۇرمىستى قاتاڭداستىرىپ، پارتيا مۇشەلەرى قوسىنىنىڭ ومىرشەڭدىگىن كۇشەيتۋ كەرەك.
نەگىزگى ساتى پارتيا ۇيىمدارىنىڭ ۇيىمداستىرۋ قابىلەتىنىڭ كۇشتى بولۋ - بولماۋىندا كەلەلى مىندەتتەردى تياناقتاندىرۋدى مىقتى ۇستاۋ − سىنتاس ءارى قايراق. نەگىزگى ساتى پارتيا ۇيىمدارى پارتيا ورتالىق كوميتەتىنىڭ ءبىر قىدىرۋ كەلەلى ستراتەگيالارىن، كەلەلى قىزمەتتەرىن دايەكتىلەندىرۋ، تياناقتاندىرۋ بارىسىندا باسشىلىق رولدى ويداعىداي ساۋلەلەندىرۋ كەرەك. ساياسي جەتەكشىلىكتى كۇشەيتىپ، پارتيا ۇيىمى ءبىر تۇتاس باسشىلىق ەتەتىن، ءتۇرلى ۇيىمدار بەلسەنە سايكەسەتىن، بۇقارا كەڭ كولەمدى قاتىناساتىن نەگىزگى ساتىنى جونگە سالۋ جۇيەسىن ورناتىپ، پارتيانىڭ بۇقارالىق قىزمەتىنىڭ باسىمدىعىن جانە پارتيا مۇشەلەرىنىڭ ۇزدىك، ۇلگىلىك رولىن تولىق ساۋلەلەندىرىپ، پارتيا مۇشەلەرى قاۋىمى مەن ءتۇرلى ۇيىمداردى پارتيانىڭ باسشىلىعىندا جانە جۇڭگوشا سوتسياليزم تۋىنىڭ استىندا ءبىر تۇتاس ارەكەتتەنۋگە ىنتىماقتاستىرۋ، ۇيىستىرۋ كەرەك. بۇقاراعا قىزمەت كورسەتۋدى، بۇقاراعا باقىت اكەلۋدى نەگىزگى ساتىنى جونگە سالۋدىڭ شىعار ءتۇيىنى جانە تابان تىرەر تياناعى ەتىپ، حالىق جۇرتشىلىعىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ ارقىلى بۇقارانىڭ پارتياعا سەنۋىنە جانە پارتيانى قولداۋىنا قول جەتكىزۋ كەرەك. قارا - سۇرقيا كۇشتەردى الاستاۋ ارناۋلى كۇرەسىن سايكەسە ىشكەرىلەي ورىستەتىپ، نەگىزگى ساتى بيلىگىنە كەدەرگىلىك جاسايتىن، وعان قول سۇعاتىن ماسەلەلەردى كۇش سالا شەشىپ، اۋىل - قىستاق نەگىزگى ساتىلارىنىڭ ساياسي ەكولوگياسىن تازارتۋ، جاقسارتۋ كەرەك. پارتيا قۇرىلىسىن مىقتاپ يگەرىپ، كەدەيلىكتەن قۇتىلدىرۋدان قامال الۋدى جەبەۋدى، اۋىل - قىستاقتىڭ گۇلدەنۋىن جەبەۋدى تىڭعىلىقتى ىلگەرىلەتىپ، نەگىزگى ساتى پارتيا ۇيىمىنىڭ شۋجيلەرىن جاقسى تاڭداپ، مىقتىلاردان قويىپ، ءبىرىنشى شۋجي، قىستاقتا تۇراتىن قىزمەت اترەتى، ستۋدەنت قىستاق كادرى سياقتى كۇشتەردەن ۇتىمدى پايدالانىپ، بۇقارانى ۇيىمداستىرىپ، كورىكتى مەكەندى بىرگە كوركەيتۋ كەرەك.
جەرگە سىڭىرىلسە، تامىر تارتادى، تامىرىن تەرەڭ تارتسا، جاپىراعى جايقالادى. پارتيانىڭ نەگىزگى ساتى ۇيىمدىق قۇرىلىسىن كۇشەيتۋدىڭ تەتىگى − تياناقتاندىرۋدى قاتاڭ، مىقتى يگەرۋ. كەيبىر سالالارداعى پارتيانىڭ باسشىلىعى نەگىزگى ساتىلاردا تياناقتاندىرىلعاندا ساقتالىپ وتىرعان «جول ورتادا بوگەلۋ» ماسەلەسىن كۇش سالا شەشىپ، پارتيانىڭ باسشىلىعىن دايەكتىلەندىرىپ، تياناقتاندىرىپ، پارتيانىڭ قۇرىلىسىن ناقتاپ تياناقتاندىرۋ كەرەك. رەفورمادا جاڭالىق اشۋدى ىلگەرىلەتىپ، ءبىر تۇتاستىق پەن ايىرۋدى ۇشتاستىرىپ، تۇرگە ايىرىپ جەتەكشىلىك ەتىپ، جاڭا وي جەلىسىمەن، جاڭا شارامەن، جاڭا ادىسپەن ءتۇرلى سالاداعى نەگىزگى ساتى پارتيا ۇيىمدىق قۇرىلىسىن جاپپاي، جۇيەلى ىلگەرىلەتۋ كەرەك. نەگىزگى ساتى پارتيا قۇرىلىسى قىزمەتىنەن دوكلات بەرۋ، باعالاۋ، تەكسەرۋدى قاتاڭداستىرىپ، سوڭىنا ءتۇسىپ ونىمدىلىگىن قۋزاستىرۋ مەن زەرتتەۋ، باقىلاۋ، تەكسەرۋدى كۇشەيتىپ، نەگىزگى ساتى پارتيا ۇيىمى جۇيەسىن نىعايتىپ، پارتيانىڭ بيلىك جۇرگىزۋ عيماراتىنىڭ تاعانىن بەكەمدەۋ كەرەك.
(شينحۋا اگەنتتىگىنىڭ 7 - ايدىڭ 5 - كۇنى بەيجيڭنەن بەرگەن حابارى)
