ءتاڭىرتاۋ تورابى   ›   ۇيرەنۋ   ›   شولۋ

پارتيانىڭ باستان - اياق ۇلى ءىستىڭ قۇدىرەتتى باسشىلىق ۇيتقىسىنا اينالۋىنا شىنايى كەپىلدىك ەتتى

  − پارتيانىڭ 18 - قۇرىلتايىنان بەرى پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ جونىندە جالپى شولۋ

  شينحۋا اگەنتتىگىنىڭ ءتىلشىسى لين حۇي

  ايبىندى جورىق جول باستاۋشىنىڭ كۇشىنە مۇقتاج.

  پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ جاپپاي باسشىلىعىنا ايقىن تۋ ۇستاي تاباندى بولىپ جانە ونى كۇشەيتىپ، پارتيانىڭ باسشىلىعىن ەل باسقارۋدىڭ بارلىق قيمىلدارىندا ساباقتاستىردى، جۇڭگوشا سوتسياليزم ءىسىنىڭ دامۋىندا بۇرىن - سوڭدى بولماعان نۇرلى بولاشاق جارىققا شىقتى.

  قۇدىرەتتى تە پارمەندى ساياسي پارتيا سوتسياليستىك ءىرى ەلدى دۇنيەنىڭ شىعىسىندا قاسقايىپ تۇرۋعا باستادى.

  بۇل جۇڭگوشا سوتسياليزمنىڭ ماندىك ەرەكشەلىگى بەلگىلەگەن، ءسوز جوق، باسىپ وتۋگە ءتيىستى جول

  − پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ − پارتيا مەن مەملەكەتتىڭ ءتۇبىرلى تياناعى، جان تامىر تياناعى ءارى بۇكىل ەلدەگى ءار ۇلت حالقىنىڭ مۇددە تياناعى، باقىت تياناعى

  2017 - جىلى كۇز، جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى.

  باس شۋجي شي جينپيڭنىڭ «جاڭا داۋىردەگى پارتيا قۇرىلىسىنىڭ باس تالابى − پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ...» دەگەن اسقاق ءۇنى حالىق سارايىندا ۇزاققا دەيىن جاڭعىردى.

  «پارتيانىڭ باسشىلىعىنا تاباندى بولۋدان» «پارتيانىڭ جالپى بەتتىك باسشىلىعىنا تاباندى بولۋعا جانە ونى كۇشەيتۋگە» دەيىن، بىرنەشە ارىپتەگى وزگەرىستىڭ ءمانى تەرەڭ ءارى كەلەلى ەدى.

  پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگو كوممۋنيستىك پارتياسىنىڭ بيلىك جۇرگىزۋ تاجىريبەسىن تەرەڭ قورىتىندىلاپ، پارتيا باسشىلىعىنىڭ سيپاتى، ورنى، رولى جونىندە ءبىر قىدىرۋ كەلەلى تۇجىرىمدار جاسادى:

  − «جۇڭگوشا سوتسياليزمنىڭ ەڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى − جۇڭگو كوممۋنيستىك پارتياسىنىڭ باسشىلىعى، پارتيا − ەڭ جوعارعى ساياسي باسشىلىق كۇش»؛

  − «پارتيا، ۇكىمەت، ارميا، حالىقتىق قۇرىلىمدار، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتەدى»؛

  − «ءسوز جوق، پارتيانىڭ باسشىلىعىنا تاباندى بولىپ، دەموكراتيالىق ورتالىقتاندىرۋ تۇزىمىنە تاباندى بولىپ جانە ونى كەمەلدەندىرىپ، پارتيانىڭ ءتۇرلى قىزمەتكە باسشىلىق ەتۋ ءتۇزىلىس - مەحانيزمىنە تاباندى بولىپ، پارتيانىڭ بارلىق قىزمەتكە باسشىلىعىنا شىنايى كەپىلدىك ەتۋ، پارتيانىڭ جالپى جاعدايدى مەڭگەرىپ، بارلىق جاقتى سايكەستىرۋىنە شىنايى كەپىلدىك ەتۋ كەرەك»؛

  ......

  باس شۋجي شي جينپيڭنىڭ ءبىر قىدىرۋ ماڭىزدى سوزدەرى پارتيانىڭ جالپى بەتتىك باسشىلىعىنىڭ كەلەلى ءمانىن تەرەڭ پايىمداپ، مازمۇنى مەن امالياتتىق تالابىن بايىتىپ، پارتيانىڭ باستان - اياق جۇڭگونىڭ العا باسۋ باعدارىن مىقتاپ يگەرۋىنە، باستان - اياق جۇڭگوشا سوتسياليزم ىستەرىنىڭ بەرىك باسشىلىق ۇيتقىسىنا اينالۋىنا شىنايى كەپىلدىك ەتتى.

  پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋدى جۇڭگوشا سوتسياليزمنىڭ ماندىك ەرەكشەلىگى بەلگىلەگەن −

  2018 - جىلى 3 - ايدىڭ 11 - كۇنى تۇستەن كەيىن، بەيجيڭدەگى حالىق سارايى.

  مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ ءۇشىنشى جالپى جيىنىندا «جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسى» داۋىسقا سالىنىپ ماقۇلداندى، «جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى» دەگەن ءسوز نەگىزگى زاڭعا جازىلدى.

  جۇڭگو كوممۋنيستىك پارتياسىنىڭ باسشىلىعى بولماسا، جۇڭگوشا سوتسياليزم جولى، نازارياسى، ءتۇزىمى، مادەنيەتى بولمايدى. جۇڭگو كوممۋنيستىك پارتياسىنىڭ باسشىلىعىنان ايرىلسا، سوتسياليزم مەن كوممۋنيزم باعدارىنان اۋىتقيدى.

  پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ − پارتيا مەن مەملەكەتتىڭ ءتۇبىرلى تياناعى، جان تامىر تياناعى ءارى بۇكىل ەلدەگى ءار ۇلت حالقىنىڭ مۇددە تياناعى، باقىت تياناعى. سوتسياليزمنىڭ ماندىك ەرەكشەلىگى ءبىزدىڭ، ءسوز جوق، پارتيانىڭ جالپى بەتتىك باسشىلىعىنا تاباندى بولۋىمىز بەن ونى كۇشەيتۋىمىزدى بەلگىلەدى.

  پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋدە بەدەلدى باسشىلىق ۇيتقى ورناتۋ − بۇلجىماس اقيقات −

  بۇل − تاريحي ءسات: 2016 - جىلى 10 - ايدا، پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن ايقىندادى.

  ءبىر ساياسي پارتيادا، ءبىر مەملەكەتتە باسشىلىق ۇيتقى اسا ماڭىزدى.

  89 ميلليوننان استام پارتيا مۇشەسى بار ءىرى پارتيانى ويداعىداي قۇرىپ، ءبىر ميلليارد 300 ميلليوننان استام حالقى بار ءىرى مەملەكەتتى ويداعىداي جونگە سالىپ، پارتيانىڭ ىنتىماعى مەن ورتالىقتانعان ءبىر تۇتاستىعىنا كەپىلدىك ەتۋ، پارتيانىڭ باسشىلىق ۇيتقىسىن قورعاۋ اسا ماڭىزدى.

  پارتيا ورتالىق كوميتەتىندە ۇيتقى، بەدەل بولعاندا عانا، بۇكىل پارتيانى ۇيىستىرىپ، ارى قاراي بۇكىل ەل حالقىن تىعىز ىنتىماقتاستىرىپ، جۇدىرىقتاي جۇمىلعان، المايتىن قامالى جوق جويقىن كۇش قالىپتاستىرىپ، ۇلى ىسكە، ۇلى ارمانعا قاراي توقتاۋسىز ىلگەرىلەي الادى.

  پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ − پارتيانىڭ باستان - اياق جالپى جاعدايدى تەگىس مەڭگەرۋىنىڭ، ءار جاقتى سايكەستىرۋىنىڭ ءتۇبىرلى كەپىلى −

  2015 - جىلى 1 - ايدىڭ 16 - كۇنى، ءبىر جولعى ماڭىزدى ءماجىلىس جۇرت نازارىن جاپپاي اۋداردى.

  سول كۇنى ورتالىق كوميتەت ساياسي بيۋروسىنىڭ تۇراقتى كوميتەتى تولىق ءبىر كۇن ءماجىلىس اشىپ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارىنىڭ قىزمەت مالىمەتتەرىن تىڭداپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن اناعۇرلىم ايگىلەدى، بۇل بۇكىل پارتيا ءۇشىن ماڭىزدى ۇلگىلىك مانگە يە.

  پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيانىڭ باسشىلىعىن ەل باسقارۋدىڭ جالپى بارىسى مەن ءار جاعىندا ناقتى دايەكتىلەندىردى.

  ورتالىقتىڭ كەدەيلەردى سۇيەمەلدەۋ، وركەندەتۋ قىزمەتى ماجىلىسىنەن ورتالىقتىڭ بىرلىكساپ قىزمەتى ماجىلىسىنە، ادەبيەت - كوركەمونەر قىزمەتى جونىندەگى اڭگىمە ماجىلىستەن ورتالىقتىڭ قالا قىزمەتى ماجىلىسىنە، ەكولوگيالىق ورتانى قورعاۋ جونىندەگى مەملەكەتتىك ماجىلىستەن ورتالىقتىڭ سىرتقى ىستەر قىزمەتى ماجىلىسىنە دەيىن... باس شۋجي شي جينپيڭ ءبىر قىدىرۋ ماڭىزدى ماجىلىستەرگە قاتىناسىپ ءارى ماڭىزدى ءسوز سويلەپ، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى سياقتى ءار جاقتاعى قىزمەتتەر جونىندە تالاپتار قويىپ، پارتيانىڭ جالپى جاعدايدى مەڭگەرۋدەگى، ءار جاقتى سايكەستىرۋدەگى باسشىلىق ۇيتقىلىق رولىن تولىق ساۋلەلەندىرىپ، جۇڭگوشا سوتسياليزم ىستەرىنىڭ ۇزدىكسىز العا دامۋىن تۇبىرىنەن قامتاماسىز ەتتى.

  بۇل ماركسيزمدىك بيلىك باسىنداعى پارتيانىڭ باتىلدىقپەن وزىنە توڭكەرىس جۇرگىزۋدەگى قايتا تۇلەۋ جولى

  − پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولىپ، پارتيانىڭ توڭكەرىستىك شىنىعۋدا قۇدىرەتتى جالىندى ومىرشەڭدىك كۇشتى جالىنداتىپ، پارتيانىڭ جالپى بەتتىك باسشىلىعىنا ارىندى جىگەرمەن، بەرىك سەنىممەن تاباندى بولۋىنا جانە ونى كۇشەيتۋىنە مۇمكىندىك جاسادى

  پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ − ءارى جۇڭگوشا سوتسياليزم ىستەرىن ىلگەرىلەتۋدىڭ ءتۇبىرلى كەپىلى، ءارى جۇڭگو كوممۋنيستىك پارتياسىنىڭ وزىندىك كەلەلى سىناعى.

  پارتيانىڭ بيلىك باسىنداعى ورنى، باسشىلىق ورنى تۋادا بولعان ەمەس ءارى ءبىر - اق جولدا كەلە سالعان ەمەس. تەمىر سوعۋ ءۇشىن قۇرىش بولۋ كەرەك.

  پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى باسقارۋداعى، پارتيانى جونگە سالۋداعى كەڭ، بوس، ءالسىز بولۋ جاعدايىن باتىل وزگەرتىپ، پارتياعا، حالىققا بارىنشا جاۋاپتى بولۋداي جاۋاپكەرلىك رۋحپەن، ساياسي كورەگەندىكپەن جانە مويىماس ەرىكپەن پارتيانى بۇلجىماستان جاپپاي قاتاڭ جونگە سالىپ، پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتىپ، پارتيامىزدى حالىق شىن جۇرەكتەن قولدايتىن، ءتۇرلى داۋىلدى تولقىنداردىڭ سىنىنان وتە الاتىن قۇدىرەتتى ماركسيزمدىك بيلىك باسىنداعى پارتيا ەتىپ شىنىقتىرۋعا قۇلشىندى.

  ساياسي قۇرىلىستى ءبىر تۇتاس باسشىلىققا الىپ، پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن قورعادى −

  ايقىن تۋ ۇستاپ ساياسيدى دارىپتەۋ − پارتيامىزدىڭ ماركسيزمدىك ساياسي پارتيا رەتىندەگى ءتۇبىرلى تالابى. پارتيانىڭ ساياسي قۇرىلىسى − پارتيانىڭ ءتۇبىرلى قۇرىلىسى، ول پارتيا قۇرىلىسىنىڭ باعدارى مەن ونىمدىلىگىن بەلگىلەيدى.

  پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانىڭ ورتالىق كوميتەتكە بويسۇنۋىنا كەپىلدىك ەتۋدى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋدى ساياسي قۇرىلىستىڭ ماڭداي الدى مىندەتى ەتىپ، ءبىر قىدىرۋ كەلەلى شارالار قولداندى: «جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەردى» جاريالادى، نۇسقاۋ سۇراۋ، مالىمدەۋ ءتۇزىمىن كەمەلدەندىردى جانە تياناقتاندىردى، رايونداردىڭ، تاراۋلاردىڭ پارتكومدارى (پارتيا باسشىلىق گرۋپپاسى) پارتيا ورتالىق كوميتەتىنە مالىمەت بەرۋ قىزمەتىن كۇشەيتتى، ورتالىق كوميتەت ساياسي بيۋروسىنداعى جولداستار پارتيا ورتالىق كوميتەتى مەن باس شۋجي شي جينپيڭگە قىزمەتتەرىنەن جازباشا ەسەپ بەردى...

  قاعيدا بەلگىلەپ، قاعيدانى ايقىنداپ، ستيلدى پاك، سالتتى دۇرىس ەتتى. جەر - جەر، تاراۋلار ساياسي تانىمدى، جالپى جاعداي تانىمىن، ۇيتقى تانىمىن، قاتار تۇزەۋ تانىمىن مىقتاپ ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن تاباندى دا سانالى تۇردە قورعاپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتادى. بۇكىل پارتيا، بۇكىل ەل حالقى جۇڭگو كوممۋنيستىك پارتياسىنىڭ باسشىلىعىن اناعۇرلىم قولداپ، پارتيانىڭ باسشىلىق ورنىن اناعۇرلىم بەكەمدەدى.

  پارتيانىڭ تۇپكى ماقساتىن قاي - قاشان دا ەستە بەرىك ساقتاپ، كوممۋنيستەردىڭ رۋحاني تىرەگىن سومدادى −

  2017 - جىلى 10 - ايدىڭ 31 - كۇنى پارتيا 19 - قۇرىلتايى جەڭىسپەن جابىلىپ ءبىر اپتا وتكەنسوڭ جۇڭگو كوممۋنيستىك پارتياسىنىڭ 1 - قۇرىلتايى اشىلعان جەردەگى ەسكەرتكىش سارايى ەرەكشە قوناقتاردى قارسى الدى −

  باس شۋجي شي جينپيڭ ج ك پ 19 - كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرىن باستاپ، جۇڭگو كوممۋنيستىك پارتياسىنىڭ نارت قىزىل پارتيا تۋى الدىندا پارتياعا كىرگەن كەزدەگى سەرتتەرىن قايتا ەسكە الدى: «مەن ءوز ەركىممەن جۇڭگو كوممۋنيستىك پارتياسىنا كىرەمىن. پارتيانىڭ پروگرامماسىن جاقتايمىن، پارتيانىڭ ۋستاۆىنا بويسۇنامىن، پارتيا مۇشەسىنىڭ بورىشىن وتەيمىن، پارتيانىڭ قاۋلىلارىن اتقارامىن، پارتيانىڭ تارتىبىنە قاتاڭ بويسۇنامىن، پارتيانىڭ قۇپيالىعىن ساقتايمىن، پارتياعا ادال بولامىن، جۇمىستى بەلسەندىلىكپەن ىستەيمىن، كوممۋنيزم ءۇشىن اقتىق دەمىمە دەيىن كۇرەسەمىن، پارتيا مەن حالىققا بارىمدى قۇربان ەتۋگە قاي - قاشان دا دايىنمىن، پارتياعا ەشقاشان وپاسىزدىق ىستەمەيمىن». ايبىندى ءۇن زالدا جاڭعىردى.

  بۇل جاڭا كەزەكتى پارتيا ورتالىق كوميتەتى باسشىلىق كوللەكتيۆىنىڭ ساياسي سەنىمدى بەكەمدەۋ تۋرالى ايبىندى جارناماسى، سونداي - اق بارلىق كوممۋنيستىك پارتيا مۇشەلەرىنىڭ مۇرات - سەنىمىن تازارتۋ بولماق.

  ادام رۋحسىز جاساي المايدى، مەملەكەت رۋحسىز قۇدىرەتتەنبەيدى، پارتيا رۋحسىز كوركەيمەيدى. 97 جىلدان بەرى، پارتيامىز ساتسىزدىكتەردى باسىنان كەشىرسە دە تىنباي قايراتتانۋدا سەنىم مەن مۇراتقا سۇيەنگەن. تاريح پەن رەال مىنانى قايتا - قايتا دالەلدەدى: كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتى − كوممۋنيستەردىڭ ساياسي جانى، كوممۋنيستەردىڭ ءارقانداي سىناقتان سۇرىنبەي وتە الۋىنداعى رۋحاني تىرەگى.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ يدەيالىق قۇرىلىسىنا وسكەلەڭ ءمان بەرىپ، بۇكىل پارتيانى پارتيانىڭ تۇپكى ماقساتىن ەستە بەرىك ساقتاۋعا، كوممۋنيستەردىڭ ساياسي قاسيەتىن ماڭگى ساقتاۋعا تاربيەلەپ، باستاپ، پارتيانىڭ بۇقارالىق لۋشيان تاربيەسى جانە امالياتتىق قيمىلى مەن «ۇشتە قاتاڭ، ۇشتە شىنايى بولۋ» تاقىرىپتىق تاربيەسىن ىركەس - تىركەس ورىستەتىپ، «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىن ۇدايىلاندىرۋدى، تۇزىمدەندىرۋدى ىلگەرىلەتىپ، «كالتسي تولىقتاپ، سۇيەكتى بەرىكتەپ»، نەگىزدى بەكەمدەدى، بۇكىل پارتيانىڭ مۇرات - سەنىمى اناعۇرلىم بەكەمدەلدى، پارتيالىلىق اناعۇرلىم كۇشەيدى.

  ستيلدى دۇرىستاپ، ءتارتىپتى قاتايتىپ، جانعا باتىرا وتىرىپ ۋىتتى ايداپ، پارتيانىڭ پارمەندى باسشىلىق تۇلعاسىن سومدادى −

    2018 - جىلى 2 - ايدىڭ 24 - كۇنى كوكتەم مەرەكەسى دەمالىسى اقىرلاسقان ءۇشىنشى كۇنى، ج ك پ 19 - كەزەكتى ورتالىق كوميتەتىنىڭ ءبىرىنشى كەزەكتى شارلاۋى بويىنشا 15 شارلاۋ گرۋپپاسى 30 جەرگىلىكتى ورىنعا، مەكەمە پارتيا ۇيىمدارىنا جايعاسۋ قىزمەتىن ورىنداپ، پارتيا 19 - قۇرىلتايىنان كەيىنگى ورتالىقتىڭ تۇڭعىش كەزەكتى شارلاۋ قىزمەتىن جاپپاي ورىستەتتى.

  شارلاۋ − پارتيانى جاپپاي قاتاڭ جونگە سالۋدىڭ كەلەلى شاراسى، پارتيا ىشىندەگى باقىلاۋدىڭ ستراتەگيالىق تۇزىمدىك ورنالاستىرۋى، پارتيانىڭ ءوزىن كىرشىكسىزدەندىرۋىنىڭ ءونىمدى جولى. پارتيا 19 - قۇرىلتايىنان كەيىن، ورتالىقتىڭ تۇڭعىش كەزەكتى شارلاۋىن دەر كەزىندە ورىستەتىپ، پارتيانى جاپپاي قاتاڭ جونگە سالۋ ماڭگى جالعاسادى دەگەن بەكىم مەن ەرىكتى ايگىلەدى.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋدى «ءتورتتى جاپپاي ورىنداۋ» ستراتەگيالىق ورنالاستىرۋىنا ەنگىزىپ، بەرىك بەكىممەن، قايتپاس جىگەرمەن، بۇرىن بولىپ كورمەگەن سەرپىنمەن پارتيانى باسقاردى، پارتيانى جونگە سالدى.

  18 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسىن اشقانىمىزدا، ءبىر - بىرلەگەن سالماقتى سان - سيفرلار پارتيانى قاتاڭ جونگە سالۋدىڭ سەرپىنىن ايگىلەدى:

  − 5 جىلدان بەرى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ورتالىقتىڭ «سەگىز ءتۇرلى بەلگىلەمەسىنىڭ» رۋحىنا قايشىلىق جاساعان 189 مىڭ ماسەلەنى تەكسەرىپ، 256 مىڭ پارتيالى كادردى ءبىر جاقتى ەتتى؛

  − 2014 - جىلدان بەرى، مەملەكەت بويىنشا 7020 ورىننىڭ پارتكومى (پارتيا باسشىلىق گرۋپپاسى)، پارتيا باس ياچەيكاسى، پارتيا ياچەيكاسى، 430 ءتارتىپ تەكسەرۋ كوميتەتى (ءتارتىپ تەكسەرۋ گرۋپپاسى) جانە 65 مىڭنان استام پارتيالى باسشى كادر سۇراققا تارتىلدى؛

  − 5 جىلدان بەرى، پارتيا ورتالىق كوميتەتىنىڭ بەكىتۋىمەن ولكە، ارميا دارەجەلىدەن جوعارى پارتيالى كادرلاردان، سونداي - اق ورتالىق كوميتەت باسقاراتىن كادرلاردان 440 ادامعا دەلو تۇرعىزىپ تەكسەرۋ جۇرگىزىلدى؛

  ......

  پارتيا 19 - قۇرىلتايىنان بەرى، پارتيانى جاپپاي قاتاڭ جونگە سالۋ بوساڭسىعان جوق، توقىراعان جوق، قايتا كۇشەيە ءتۇستى. ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى سايتىنداعى ساندى مالىمەتتە قازىرگە دەيىن، پارتيا 19 - قۇرىلتايىنان كەيىن ورتالىق ءتارتىپ تەكسەرۋ كوميتەتى مەملەكەتتىك باقىلاۋ - تەكسەرۋ كوميتەتى دەلو تۇرعىزىپ تەكسەرگەن ورتالىق كوميتەت باسقاراتىن كادر 13كە جەتكەندىگى كورسەتىلدى. 2018 - جىلدان بەرى، 5 - ايدىڭ 31 - كۇنىنە دەيىن مەملەكەت بويىنشا ورتالىقتىڭ «سەگىز ءتۇرلى بەلگىلەمەسىنىڭ» رۋحىنا قايشىلىق جاساعان 18 مىڭ 985 ماسەلە تەكسەرىلىپ، 27 مىڭ 99 ادام ءبىر جاقتى ەتىلدى، 19 مىڭ 227 ادامعا پارتيا ءتارتىبى، اكىمشىلىك ءتارتىپ بويىنشا جازا بەرىلدى.

  ستيلدى دۇرىستاپ، ءتارتىپتى قاتايتىپ، ءىرىپ - شىرۋگە قارسى تۇرىپ، سۇرقيالىقتى جازالادى. جاسىنداي جارقىلداعان ارىنمەن پارتيانى جاپپاي قاتاڭ جونگە سالىپ، پارتيا ستيلىنىڭ، ۇكىمەت ستيلىنىڭ ايتارلىقتاي جاقسارۋىنا قول جەتكىزىپ، حالىق بۇقاراسىنىڭ شىن جۇرەكتەن قولداۋىنا بولەندى.

  تۋلاعان تولقىنداردا تىرەكتىڭ كۇشى ايگىلەنسە، تاۋلار اراسىندا شىڭنىڭ ايباتى اسقاق كورىنەدى. پارتيا 18 - قۇرىلتايىنان بەرى، پارتيا قۇرىلىسى جونىندەگى ءبىر قاتار جاڭا ورنالاستىرۋلار، جاڭا شارالار، جاڭا تالاپتار پارتيانىڭ ءوز - وزىنە توڭكەرىس جاساۋ بارىسىندا اناعۇرلىم مىعىم، اناعۇرلىم پارمەندى بولۋىنا مۇمكىندىك جاسادى:

  ءتۇزىم ارقىلى پارتيانى جونگە سالۋدى ونان ارى دارىپتەگەن پارتيا ورتالىق كوميتەتى ىلگەرىندى - كەيىندى پارتيا ىشىندەگى 90نان استام زاڭ - ەرەجەگە وزگەرىس ەنگىزىپ جاريالاپ، ەرەجە بويىنشا پارتيانى باسقارۋعا، پارتيانى جونگە سالۋعا پارمەندى تىرەك ازىرلەدى؛

  نەگىزگى ساتى قۇرىلىسىنا اناعۇرلىم ءمان بەرىپ، پارتياعا مۇشە قابىلداۋ جانە قاتاڭ تاربيەلەۋ - باسقارۋ قىزمەتىن تىڭعىلىقتى، ويداعىداي ىستەپ، نەگىزگى ساتى پارتيا ۇيىمى قۇرىلىسىن ءبىر تۇتاس ىلگەرىلەتىپ، نەگىزگى ساتى پارتيا ۇيىمى قىزمەتىندەگى ولقىلىقتاردى تولىقتادى؛

  جوعارى ساپالى، ماماندانعان كادرلار قوسىنىن جەتىلدىرۋگە اناعۇرلىم ءمان بەرىپ، ءمورالدى دا قابىلەتتى بولۋعا، ءمورالدى الدىڭعى ورىنعا قويۋعا، كادرلاردىڭ شار تاراپتان بولۋىنا، جارامدىلاردى عانا قىزمەتكە قويۋعا، كاسىپتى جوعارى قويۋعا، ءادىل، تۋراشىل بولۋعا تاباندى بولىپ، جاقسى كادر ولشەمىن ناقتى تياناقتاندىردى...

  سان - ساناقسىز شىڭداۋدان ءوتىپ، قۇرىشتاي سومدالىپ شىقتى. پارتيامىزدىڭ ءار رەتكى ءوز - وزىنە توڭكەرىسى ءوز - ءوزىن قاراپايىم تۇزەۋ عانا ەمەس، ىشتەن سىرتقا دەيىن ىشكەرىلەي وزگەرىس جۇرگىزۋ، تەرەڭ دەڭگەيدەن قايتا سومداۋ بولىپ كەلەدى. پارتيانى جاپپاي قاتاڭ جونگە سالۋ پارتيامىزدىڭ توڭكەرىستىك شىڭدالۋ بارىسىندا تىڭ، قۇدىرەتتى جالىن مەن ومىرشەڭدىك قاۋلاتۋىنا، پارتيانىڭ جالپى بەتتىك باسشىلىعىنا تاباندى بولۋدىڭ جانە ونى كۇشەيتۋدىڭ اناعۇرلىم مىعىم، سەنىمدى بولۋىنا مۇمكىندىك جاسادى.

  بۇل ۇلتتىڭ گۇلدەنۋىنىڭ ۇلى ارمانىنا اپاراتىن نۇرلى جول

  − پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيانىڭ ءارقاشان پارمەندى باسشىلىق ۇيتقى بولۋىنا شىنايى كەپىلدىك ەتىپ، «جۇڭگو» اتتى الىپ كەمەنىڭ جەڭىسپەن شۇعىلالى بولاشاققا قاراي جۇزۋىنە باعدار كورسەتتى

  97 جىل داۋىلدى نوسەرلەردى باسىنان كەشىرگەن جۇڭگو كوممۋنيستىك پارتياسى وسى بارىستا ءارقاشان اۋەلگى ماقساتتى ۇمىتپاي، بورىشتى ەستە بەرىك ساقتاپ، ءىرى ەلدەگى ءىرى پارتيانىڭ جاۋاپكەرشىلىكتى ارقالاۋ ونەگەسىن تۇلعالادى.

  97 جىلدىق ۇدىرە العا تارتۋ بارىسىندا جۇڭگو كوممۋنيستىك پارتياسى باستان - اياق حالىقپەن بىرگە ويلاپ، بىرگە ىستەپ، جۇڭگو حالقىنىڭ ۇلى ارمانىن ارقالاعان كەمەنى تولقىن جارا العا باسۋعا جەتەكتەدى.

  جۇڭگونىڭ ءىسىن جاقسى ىستەۋدىڭ كىلتى − پارتيادا. جاڭا داۋىرگە قادام تاستاپ، تىڭ ساپاردى باستاعاندا، تەك پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيانىڭ جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن ۇزدىكسىز نىعايتقاندا عانا، ءبىر نيەتپەن جۇمىلىپ، جۇڭگو ارمانىن جۇزەگە اسىرۋدىڭ تەلەگەي كۇشىن اناعۇرلىم ويداعىداي ۇيىستىرۋعا، جۇڭحۋا ۇلتىنىڭ اناعۇرلىم جارقىن بولاشاعىن اشۋعا بولادى.

  پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيانىڭ باعداردى مەڭگەرۋ، جالپى جاعدايدى جوسپارلاۋ، ساياسات بەلگىلەۋ، رەفورمانى جەبەۋ قابىلەتى مەن تاباندىلىعىن ۇزدىكسىز ارتتىردى −

  2018 - جىلى 1 - ايدىڭ 5 - كۇنى ورتالىق پارتيا مەكتەبىنىڭ بايانداما زالى ادامعا لىق تولدى.

  وندا وتىرعان ورتالىق كوميتەتتىڭ جاڭادان تاعايىندالعان مۇشەلەرى، كانديدات مۇشەلەرى مەن ولكە، مينيسترلىك دارەجەلى نەگىزگى باسشىلارعا باس شۋجي شي جينپيڭنىڭ ءسوزى تەرەڭ وي سالدى: «كەزەكتە ەلىمىز ءىرى ىستەر ىستەۋگە بولاتىن تاريحي وراي مەزگىلىندە تۇر، دامۋ جاعدايى جالپى العاندا جاقسى، الايدا العا باسۋ جولى ءساتتى بولا بەرمەيدى، ناتيجەگە قول جەتكىزگەن سايىن، ەرەكشە بايىپتى بولۋ، امانشىلىقتا جامانشىلىق بولاتىن تاۋقىمەت تانىمىن ۇستانۋ كەرەك، ستراتەگيالىق قاتەلىك وتكىزۋگە، وماقاستىراتىن قاتەلىك وتكىزۋگە استە بولمايدى».

  قۇبىلمالى دا اۋمالى - توكپەلى حالىقارالىق جاعداي، كۇردەلى دە سەزىمتال توڭىرەكتەگى ورتا، ماشاقاتتى دا سالماقتى رەفورما، دامۋ، ورنىقتىلىق مىندەتى پارتيامىزدىڭ ساياسيدا توتەنشە بەرىك بولىپ عانا قالماستان، قابىلەتىنىڭ دە اسا كۇشتى بولۋى كەرەكتىگىن بەلگىلەگەن.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيامىزدىڭ بيلىك جۇرگىزۋ قابىلەتى قۇرىلىسىنا وسكەلەڭ ءمان بەرىپ، بۇكىل پارتيانىڭ، اسىرەسە، باسشى كادرلاردىڭ ۇيرەنۋىن پارتيا مەن حالىق ىستەرىنىڭ دامۋىن ىلگەرىلەتۋدىڭ تابىستى تاجىريبەسى ەتۋدى مىقتى يگەرۋگە تاباندى بولىپ، پارتيانىڭ جالپى بەتتىك باسشىلىق ەتۋ قابىلەتى مەن دەڭگەيىن ۇزدىكسىز جوعارىلاتتى.

  − ورتالىق كوميتەتتىڭ ساياسي بيۋروسى جوعارى ارقىلى تومەنگە جەتەكشىلىك ەتىپ، باستاماشىلدىقپەن ونەگە بولدى، پارتيا 18 - قۇرىلتايىنان قازىرگە دەيىن ورتالىق كوميتەتتىڭ ساياسي بيۋروسى 49 رەت توپتىق ۇيرەنۋ وتكىزدى، ونىڭ مازمۇنى پارتيانى جونگە سالۋ، مەملەكەتتى جونگە سالۋ، ارميانى جونگە سالۋ، رەفورما، دامۋ، ورنىقتىلىق، ىشكى ساياسات، ديپلوماتيا، مەملەكەت قورعانىسى سياقتى جاقتاردى قامتىدى.

  − ءار دارەجەلى پارتيا مەكتەپتەرىندە، اكىمشىلىك شۋەيۋاندارىندا، كادرلار شۋەيۋاندارىندا پارتيالى كادرلاردى تاربيەلەۋدىڭ، كۋرستان وتكىزۋدىڭ تۇزىمدەنگەن، ارنالانعان جۇيەسى قالىپتاستى؛

  − قالىڭ پارتيا مۇشەلەرى مەن كادرلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ءار ءتۇرلى فورمامەن مۇقيات ۇيرەندى، ۇيرەنۋ بارىسىندا وي ەلەگىنەن وتكىزدى، اماليات بارىسىندا ءمانىن ءتۇسىندى، ءبىلۋ مەن ارەكەتتى بىرلەستىردى...

  حالىقتى ۇستاز تۇتىپ، امالياتتان ۇيرەنگەن جۇڭگو كوممۋنيستىك پارتياسى باتىلدىقپەن العا ىلگەرىلەيتىن، جاۋاپكەرشىلىك ارقالاپ، ىسكەرلىك كورسەتەتىن جاڭا تەبىن، جاڭا بەينەمەن بۇكىل ەلدەگى ءار ۇلت حالقىن باستاپ جۇڭگوشا سوتسياليزم ىستەرىنىڭ تىڭ جورىعىنا ارشىندى قادام تاستادى.

  پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، تەلەگەي تەڭىز كۇش ۇيىستىرا وتىرىپ قامال الىپ، قيىندىقتاردى جەڭدى −

  2018 - جىلى 6 - ايدىڭ 24 - كۇنى، ج ك پ ورتالىق كوميتەتى، مەملەكەتتىك كەڭەس جاريالاعان ەكولوگيالىق ورتانى قورعاۋدى جاپپاي كۇشەيتىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن تاباندىلىقپەن ويداعىداي جۇرگىزۋ پىكىرى كوپتىڭ نازارىن اۋداردى.

  «كورىكتى جۇڭگو قۇرۋدىڭ جالپىلىق ورنالاستىرۋى» دەپ اتالاتىن وسى حۇجات اسپانى اشىق، سۋى تۇنىق، توپىراعى تازا بولۋداي 3 ۇلكەن قورعاۋ شايقاسىن ويداعىداي جۇرگىزۋدى نەگىزگى ءتۇيىن ەتۋدى باسا دارىپتەپ، لاستانۋعا سايىس جاريالاۋدىڭ بەرىك بەكىمى مەن مىزعىماس ەركىن ايگىلەدى. جۇرت «پىكىردىڭ» «پارتيانىڭ ەكولوگيالىق ورتانى قورعاۋعا باسشىلىق ەتۋىن جاپپاي كۇشەيتۋدى» ارناۋلى ءبىر تاراۋ رەتىندە باسا دارىپتەپ، پارتيانىڭ باسشىلىعىنىڭ كەلەلى سايىستارعا توتەپ بەرۋ، اۋىر قيىن ماسەلەلەردى جەڭۋ جونىنەن كەلەلى ءمان الاتىندىعىن تاعى ءبىر رەت ايگىلەگەندىگىنە نازار اۋداردى.

  پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ بارلىق قيىنشىلىقتار مەن حاۋىپ - قاتەرلەردى جەڭۋدىڭ «كومپاسى».

  «ءجۇز شاقىرىم جولدىڭ توقسان شاقىرىمىن باسساڭ دا ءالى جولدامىن» دەپ ءبىل. جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزۋ جورىعىندا، لاستانۋدان ساقتانۋ جانە ونى جونگە سالۋدان قامال الۋ شايقاسى تەكتەس ۇزاق ۋاقىتتىلىق پەن كۇردەلىلىك قاباتتاسقان قيىنشىلىقتار مەن سىن - سايىستاردىڭ تالايى كەزدەسەدى.

  ەل ىشىنە كوز جىبەرگەندە، رەفورمانى جاپپاي تەرەڭدەتۋ تەرەڭ يىرىمگە قاراي بەتتەدى، ەڭ سوڭىندا 30 ميلليوننان استام «كەدەيدىڭ كەدەيىن» كەدەيلىكتەن قۇتىلدىرۋدان قامال الۋعا تۋرا كەلەدى، ءىرىپ - شىرۋگە قارسى تۇرۋ كۇرەسى ءالى دە قاتاڭ...

  حالىقاراعا كوز جىبەرگەندە، دۇنيە ءجۇزىنىڭ ەكونوميكالىق، ساياسي جاعدايى اناعۇرلىم قىم - قۋىت تا كۇردەلى، ساۋدا قورعانىمپازدىعى باس كوتەردى، ءىرى ەلدەر قاتىناسى ىشكەرىلەي رەتتەلۋدە...

  ءبىز جۇڭحۋا ۇلتىنىڭ ۇلى گۇلدەنۋى سىندى ارمانىمىزدى جۇزەگە اسىرۋعا ەجەلدەن ءدال قازىرگىدەي جاقىنداپ كورمەگەنىمىزبەن، ءبىزدىڭ ءدوپ كەلىپ وتىرعان قيىنشىلىقتارىمىز بەن سىن - سايىستارىمىز دا ەجەلدەن ءدال قازىرگىدەي زور بولىپ كورگەن ەمەس.

  پارتيانىڭ جالپى بەتتىك باسشىلىعىنا تاباندى بولعاندا جانە ونى كۇشەيتكەندە عانا، بىزدە قيىنشىلىقتارعا، سايىستارعا توتەپ بەرەتىن مىزعىماس تىرەك بولادى، سوندا عانا، تەلەگەي تەڭىز كۇشتى ىنتىماقتاستىرا ۇيىستىرىپ، ماشاقاتتى دا داڭقتى تاريحي بورىشتى ورىنداپ، العا باسۋ جولىنداعى قاتەرلەر مەن سىن - سايىستارعا توتەپ بەرە الامىز.

  پارتيانىڭ جالپى بەتتىك باسشىلىعى جەتەكشىلىك ەتكەن «جۇڭگو» سىندى الىپ كەمە شالقار ايدىنعا قاراي بەت الدى −

  جاز ماۋسىمىنداعى حايناننىڭ تۇنىق تەڭىزىنەن سامال جەل ەسەدى، تەڭىز جاعاسىندا ساياحاتشىلار قايشالىسادى، دەسەدە، حاينانداعى قالىڭ كادر - جۇرتشىلىق ءىس تىندىرىپ، شارۋاشىلىق قۇرۋدىڭ قىزۋ ناۋقانىنا كىرىستى.

  حايناننىڭ ولكە جانە ەكونوميكالىق ەرەكشە رايون بولىپ قۇرىلعانىنىڭ 30 جىلدىعى قارساڭىندا، پارتيا ورتالىق كوميتەتى حايناننىڭ رەفورما جاساپ، ەسىك اشۋدى جاپپاي تەرەڭدەتۋىنە قولداۋ كورسەتۋ جونىندەگى جەتەكشى پىكىردى جاريالاپ، حاينان ەكونوميكالىق ەرەكشە رايونىنا جاڭا كەلەلى جاۋاپكەرشىلىك جانە مىندەت جۇكتەپ، جۇڭگونىڭ رەفورما جاساپ، ەسىك اشۋىنىڭ جاڭا ساپارىن باستادى.

  ۇدەرە العا تارتقان جاڭا ءداۋىر، شىعىستىڭ ايبىندى تولقىنى. سىرتقا ەسىك اشۋدى اناعۇرلىم جوعارى باستامادا ىلگەرىلەتىپ، رەفورما سىناق تۇيىندەرىن اناعۇرلىم كەڭ كولەمدە ىلگەرىلەتۋ، «ءۇش ۇلكەن قامال الۋ شايقاسىن» ويداعىداي جۇرگىزۋدى جوسپارلاۋدان قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتۋگە دەيىن، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ باسشىلىق ۇيتقىلىق رولىن كورنەكتىلەندىرىپ، جالپى جاعدايدى جالپىلاي يگەرىپ، ءتۇرلى جاقتاردى سايكەستىرىپ، قولباسشىلىق ەتىپ، ەل باسقارۋدىڭ ايبىنى اسقاق، قۇلاشىن كەڭ جايعان ءبىرسىپىرا جاڭا امالياتتارى جۇڭگوشا سوتسياليزم ىستەرىنىڭ شىت جاڭا جاعدايىن ونان ارى اشتى.

  پارتيا 18 - قۇرىلتايىنان بەرى، پارتيانىڭ جالپى بەتتىك باسشىلىعىنا تاباندى بولۋدىڭ جانە ونى كۇشەيتۋدىڭ جاندى امالياتى پارتيامىزدىڭ باسشىلىق ورنىن اناعۇرلىم بەكەمدەپ، پارتيا مەن مەملەكەت ىستەرىندە تاريحي جەتىستىكتەرگە قول جەتكىزىپ، تاريحي سيپاتتى وزگەرىستەر تۋدىرىپ، جۇڭحۋا ۇلتىنىڭ ۇلى گۇلدەنۋىنىڭ بولاشاعىن ونان ارى نۇرلاندىردى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، پارتيانىڭ جالپى بەتتىك باسشىلىعىنا مىزعىماستان ۇزدىكسىز تاباندى بولعاندا جانە ونى كۇشەيتكەندە، «جۇڭگو» سىندى الىپ كەمە، ءسوز جوق، شالقار تەڭىزدە تولقىن جارا ۇدەرە تارتىپ، نۇرلى بولاشاققا جەڭىسپەن شەرۋ تارتادى!

  (شينحۋا اگەنتتىگىنىڭ 7 - ايدىڭ 5 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى