شينحۋا اگەنتتىگىنىڭ 7 - ايدىڭ 6 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا جىجياڭ ولكەسى انجي اۋدانى حۋاڭدۋ قىستاعىنداعى شارۋا پارتيا مۇشەلەرىنىڭ جولداعان حاتىندا كەدەي وڭىرلەرگە اق شۋلان شاي مايساسىن جىلۋ رەتىندە اتاماقشى بولعاندىقتارىن العا قويعاندىعى تۋرالى ماڭىزدى نۇسقاۋ بەرىپ، مىنانى باسا دارىپتەدى: «سۋ ىشكەندە قۇدىق قازۋشىنى ۇمىتپاۋ، بايىعاندا پارتيانىڭ قامقورلىعىن ۇمىتپاۋ» دەگەن ءسوز وتە جاقسى ايتىلعان. سۋ ىشكەندە قاينارىن ۇمىتپاۋ، پارتيانىڭ قامقورلىعىن ۇمىتپاۋ تانىمىن كۇشەيتۋ، پارتيانىڭ قامىن جەۋ، الدىمەن بايىعاندارى كەيىنگىلەردىڭ بايۋىنا كومەكتەسۋ رۋحىن اسقاقتاتۋ كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە جەتۋ جونىنەن توتەنشە مانگە يە.
بيىل 4 - ايدا حۋاڭدۋ قىستاعىنداعى 20 شارۋا پارتيا مۇشەسى شي جينپيڭگە حات جولداپ، قىستاقتاعىلاردىڭ اق شۋلان شاي ەگىپ بايىعاندىقتارىن مالىمدەپ، 15 ميلليون ءتۇپ شاي مايساسىن كەدەي وڭىرلەردەگى بۇقارانىڭ كەدەيلىكتەن قۇتىلۋىنا كومەكتەسۋگە جىلۋ رەتىندە اتاماقشى بولىپ وتىرعاندىقتارىن العا قويعان بولاتىن.
شي جينپيڭ ماڭىزدى نۇسقاۋ بەرگەننەن كەيىن، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى قاتىستى جاقتارمەن بىرگە دەرەۋ تياناقتاندىرىپ، حۋنان ولكەسىنىڭ گۋجاڭ اۋدانى، سىچۋان ولكەسىنىڭ چيڭچۋان اۋدانى جانە گۇيجوۋ ولكەسىنىڭ پۋ - ان اۋدانى، يانحى اۋدانى سياقتى 3 ولكە، 4 اۋدانداعى ارحيۆكە الىنعان، كارتچكالانعان 34 قىستاقتى جىلۋ الاتىن وبيەكتى ەتۋدى بەلگىلەدى. جىلۋ الاتىن 4 اۋدان تۇگەلدەي مەملەكەت دارەجەلى كەدەي اۋداندار جانە ولكە بەلگىلەگەن اۋىر كەدەي اۋداندار، جىلۋ الاتىن بۇقارا تۇگەلدەي كەدەيلىكتەن ءالى قۇتىلا الماعان ارحيۆكە الىنعان، كارتچكالانعان كەدەيلەر.
جۋىقتا حۋاڭدۋ قىستاعىنداعى شارۋا پارتيا مۇشەلەرى باتىس بولىكتەگى كەدەي قىستاقتارعا اق شۋلان شاي مايساسىن جىلۋ رەتىندە اتاۋ كەلىسىمىنە قول قويۋ سالتىن وتكىزدى. كەلىسىمگە ساي، حۋاڭدۋ قىستاعىنىڭ تۇرعىندارى «باييە − 1» اق شۋلان شاي مايساسىن وسى 34 كەدەي قىستاقتىڭ ەگۋىنە جىلۋ رەتىندە اتاپ، ەگۋ جۇمىسىنا جەتەكشىلىك ەتىپ جانە شايدى كوتەرمەگە الىپ ساتىپ بەرىپ، جەردى اينالىمعا سالۋ، شاي مايساسىن جارناعا سىندىرۋ، وندىرىستىك ەڭبەك تاسىلدەرى ارقىلى ارحيۆكە الىنعان، كارتچكالانعان 1862 وتباسىنداعى 5839 كەدەيدى كىرىستى ارتتىرىپ، كەدەيلىكتەن قۇتىلۋعا باستايدى.
