ءتاڭىرتاۋ تورابى   ›   ۇيرەنۋ   ›   شولۋ

ادال، كىرشىكسىز، جاۋاپكەرلىك ارقالايتىن جوعارى ساپالى كادرلاردى باۋلۋعا كۇش سالايىق

− ۇيىمداستىرۋ قىزمەتى جونىندەگى مەملەكەتتىك ءماجىلىستىڭ رۋحىن دايەكتىلەندىرۋ، تياناقتاندىرۋ تۋرالى (3)

حالىق گازەتىنىڭ شولۋشىسى

  پارتيانىڭ جاڭا داۋىردەگى ۇيىمدىق لۋشيانىن دايەكتىلەندىرىپ، ادال، كىرشىكسىز، جاۋاپكەرلىك ارقالايتىن، جوعارى ساپالى كادرلار قوسىنىن قۇرۋ − تەتىك. باس شۋجي شي جينپيڭ ۇيىمداستىرۋ قىزمەتى جونىندەگى مەملەكەتتىك ماجىلىستە: كادرلار قىزمەتىنىڭ ساپالىق باۋلۋ، ىستەردى ءبىلۋ، ادامداردى تانۋ، تاڭداپ ءوسىرۋ، مىندەتكە قويۋ، قاتاڭ باسقارۋ، دۇرىس باعداردى ىنتالاندىرۋ جۇيەسىن ورناتۋ كەرەك، − دەپ ايقىن ورتاعا قويدى. بۇل ماڭىزدى تالاپ پارتيامىزدىڭ جاڭا داۋىردەگى كادرلار قىزمەتىنىڭ زاڭدىلىعىن تەرەڭ يگەرگەنىن ايگىلەدى، ول كادرلار قوسىنى قۇرىلىسىن جۇيەلى ىلگەرىلەتىپ، كادرلاردىڭ قىزمەت ساپاسىن جاپپاي جوعارىلاتۋدىڭ ماڭىزدى شاراسى بولىپ تابىلادى.

  بيلىك جۇرگىزۋدىڭ تەتىگى − دارىندىلاردان قولداۋ تابۋدا. ساياسي لۋشيان بەلگىلەنگەن سوڭ، كادرلار شەشۋشى فاكتور بولادى. پارتيا 19 - قۇرىلتايىندا بەلگىلەنگەن مىندەتتەردى تياناقتاندىرىپ، «قوس 100 جىلدىق» كۇرەس نىساناسىن ىسكە اسىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا، ءسوز جوق، سانسىز ادال، كىرشىكسىز، جاۋاپكەرلىك ارقالايتىن، جوعارى ساپالى كادرلاردى باۋلۋ كەرەك. پارتيا 18 - قۇرىلتايىنان بەرى، ءبىز جاڭا داۋىردەگى جاقسى كادر ولشەمىن دايەكتىلەندىرىپ، پارتيانىڭ كادر باسقارۋ پرينسيبىن تياناقتاندىرىپ، پارتيا ۇيىمىنىڭ باسشىلىق ەتۋ جانە وتكەلدى يگەرۋ رولىن كۇشەيتىپ، ادام تاڭداۋدىڭ، ادام ىستەتۋدىڭ ساياسي وتكەلىن، مىنەز - قۇلىق وتكەلىن، ستيل وتكەلىن، كىرشىكسىزدىك وتكەلىن مىقتى يگەردىك، كادرلاردى كورسەتۋ - تەكسەرۋ ءتاسىلىن جاقسارتىپ، «ارحيۆتە كورسەتىلگەندەردىڭ بارلىعىن قاراۋعا، جەكە باسىنا قاتىستى ىستەر مالىمەتىندە كورسەتىلگەندەردىڭ بارلىعىن اداقتاۋعا، ءتارتىپ - تەكسەرۋ، باقىلاۋ - تەكسەرۋ ورگاندارىنىڭ پىكىرىندە كورسەتىلگەندەردىڭ بارلىعىن تىڭداۋعا، قاعيدانى، ەرەجەنى بۇزعان ماسەلە دەرەكتەرىن كورسەتەتىن ناقتى، تەكسەرۋگە بولاتىن ارىز - ارمانداردا، اشكەرەلەۋلەردە كورسەتىلگەندەردىڭ بارلىعىن تەكسەرۋگە» تاباندى بولىپ، «تەك داۋىس سانىمەن عانا ادام تاڭداۋ، تەك نومىرىنە عانا قاراپ ادام تاڭداۋ، تەك − GDPگە قاراپ ادام تاڭداۋ، تەك جاسىنا قاراپ ادام تاڭداۋ» سياقتى ادام تاڭداۋداعى سىڭار جاقتىلىقتى باتىل تۇزەتتىك، «ماسەلەسى بار كادرلاردى وسىرۋدەن» ساقتانىپ، كادرلاردىڭ جوعارى شىعا الۋىن، تومەن تۇسە الۋىن ىلگەرىلەتىپ، كادرلاردى باقىلاۋ - باسقارۋدى كۇشەيتتىك، ادام تاڭداۋ، ادام ىستەتۋ احۋالى مەن سالت - ستيلدى ايتارلىقتاي جاقسارتىپ، جاڭا داۋىردەگى كادرلار قىزمەتىن ويداعىداي ىستەۋگە قۇندى تاجىريبەلەر جيناقتادىق. سونىمەن بىرگە، ءبىز مىنالاردى ايقىن كورە ءبىلۋىمىز كەرەك، جاڭا بورىش، جاڭا مىندەت، جاڭا تالاپ الدىندا، كەيبىر كادرلاردىڭ مۇرات - سەنىمىندە، ساياسي جاۋاپكەرلىگىندە، ءىس تىندىرۋ ونەر - قابىلەتىندە، رۋحاني كۇيىندە، قىزمەت ستيلىندە ءالى دە جەتەرسىزدىكتەر مەن پارىقتار ورىن تەبۋدە، بۇلار دەرەۋ شەشۋدى قاجەت ەتىپ تۇر. كادرلاردىڭ اقاۋسىز ءوسىپ - جەتىلۋى ءتۇرلى جاقتارعا سايادى، كادرلار قىزمەتى − جۇيەلى ينجەنەريا، سوندىقتان «كەشەندى شارالاردى» ويداعىداي اتقارۋعا شەبەر بولۋ كەرەك. ادال، كىرشىكسىز، جاۋاپكەرلىك ارقالايتىن، جوعارى ساپالى كادرلاردى كۇش سالا باۋلىپ، تۋ باستان باۋلۋ، ۇزبەي باۋلۋ، تۇتاس بارىستىق باۋلۋ سىندى ساپالىق باۋلۋ جۇيەسىن، كۇندەلىكتى باعالاۋ، تۇرلەر بويىنشا باعالاۋ، جاقىن ارالىقتان باعالاۋ سىندى ىستەردى ءبىلۋ، ادامداردى تانۋ جۇيەسىن، ءمورالدى الدىڭعى ورىنعا قوياتىن، جارامدى ادامداردى عانا قىزمەتكە قوياتىن، ءىس پەن ادام سايكەسەتىن تاڭداپ ءوسىرۋ، مىندەتكە قويۋ جۇيەسىن، يدەيانى باسقاراتىن، قىزمەتتى باسقاراتىن، ستيلدى باسقاراتىن، ءتارتىپتى باسقاراتىن قاتاڭ باسقارۋ جۇيەسىن، ناقتى ىسكەرلىكتى قادىرلەيتىن، جاۋاپكەرلىك ارقالاۋعا باستاماشى بولاتىن، قايرات قوسىپ، دەم بەرەتىن، بەتالىسى دۇرىس ىنتالاندىرۋ جۇيەسىن ورناتۋ كەرەك، بۇل پارتيانىڭ كادرلار قىزمەتى، اسىرەسە، پارتيا 18 - قۇرىلتايىنان بەرگى جاندى اماليات جونىندەگى عىلمي قورىتىندى، جاڭا ءداۋىر تالابىنا ۇيلەسىپ، كادرلار قوسىنى قۇرىلىسىن كۇشەيتۋدىڭ تابيعي تاڭداۋى. ءار دارەجەلى پارتكوم مەن ۇيىمداستىرۋ تاراۋلارى مۇنى تەرەڭ ءتۇسىنۋى، يگەرۋى، شىنايى مىقتى ۇستاپ، تياناقتاندىرۋى كەرەك.

  ادال، كىرشىكسىز، جاۋاپكەرلىك ارقالايتىن، جوعارى ساپالى كادرلاردى باۋلىپ، كادرلار قىزمەتى جۇيەسىن ورناتۋدا جانە كەمەلدەندىرۋدە جۇيەلى جوسپارلاۋدى كۇشەيتۋمەن بىرگە، قىزمەتتىڭ ماڭىزدى تۇيىندەرىن مىقتى يگەرۋ كەرەك. تاربيەلەۋ - باۋلۋدا ساياسي ساپانى كورنەكتىلەندىرىپ، ساياسي سانانى، ساياسي قابىلەتتى جوعارىلاتۋدى كادرلاردى تاربيەلەۋ - باۋلۋ قىزمەتىنىڭ جالپى بارىسىنا ءسىڭىرىپ، پارتيالىلىق تاربيەنى، ساياسي ءمورال تاربيەسىن، ءتارتىپ تاربيەسىن تاباندىلىقپەن كۇشەيتىپ، ساياسي جاتتىعۋعا، ساياسي شىنىعۋعا كوڭىل ءبولىپ، كادرلاردىڭ قاشاندا ساياسيدا مىزعىماۋىنا، سۇيەنىش بولا الۋىنا، سەنىمدى بولۋىنا مۇمكىندىك جاساۋ كەرەك. ادام بايقاۋدا، ادام تانۋدا ءتۇبىرلى ءمانىن يگەرۋگە شەبەر بولىپ، ساياسي ولشەمدى كورنەكتىلەندىرىپ، ساياسي ادالدىققا، ساياسي تۇراقتىلىققا، ساياسي جاۋاپكەرلىككە، ساياسي قابىلەتكە، ساياسيدا تەجەمدى بولۋعا ىشكەرىلەي تەكسەرۋ جۇرگىزۋدى كۇشەيتىپ، جايشىلىقتا كوبىرەك كۇش سالىپ، كادرلاردى جان - جاقتى، كوپ تۇرعىدان، جاقىننان تەكسەرىپ، ءبىلىپ، جاپپاي، تاريحي، ديالەكتيكالىق تۇرعىدا كادرلارعا تالداۋ جاساپ جانە ولاردى تانىپ، «ەكىبەتكەيلەردى» ەسىكتەن استە كىرگىزبەۋ كەرەك. تاڭداپ وسىرۋدە، ىستەتۋدە كاسىپتى جوعارى قويۋعا تاباندى بولىپ، كاسىپكە قانداي ادام كەرەك بولسا، سونداي ادام تاڭداپ، جۇمىس ورنىنا قانداي ادام تاپشى بولسا سونداي ادام سەپتەپ، لايىقتى كادرلاردى لايىقتى جۇمىس ورنىنا قويۋ كەرەك. قاتاڭ باسقارۋدى داعدىلى، كۇندەلىكتى جۇرگىزۋگە كوڭىل ءبولىپ، ءار دارەجەلى باسشى كادرلارعا، اسىرەسە، ءبىرىنشى باسشىعا، بيلىك شوعىرلانعان، قارجى توپتالعان، بايلىق مول جينالعان ءتۇيىندى تاراۋلار مەن شەشۋشى جۇمىس ورىندارىنداعى كادرلارعا باقىلاۋ جۇرگىزۋدى كۇشەيتىپ، شەشۋشى ادامداردى ويداعىداي باسقارۋ، باسقارۋدى شەشۋشى بۋىنداردا تياناقتاندىرۋ، شەشۋشى ىستەردى مىقتاپ يگەرۋ، شەشۋشى ساتتەردى مىقتاپ يگەرۋ، ەرتە باستان، بولماشى ىستەردەن مىقتى ۇستاۋعا، بىرتىندەپ وزگەرۋدەن ساقتانۋعا تاباندى بولىپ، قۇلاق بۇراپ، بىلەك سىبانۋدىڭ، بەت قىزارتىپ، تەر شىعارۋدىڭ داعدىلى كۇيگە اينالۋىنا مۇمكىندىك جاساۋ كەرەك. بەتالىسى دۇرىس ىنتالاندىرۋدا قىزمەت ىستەۋ بەتالىسىن كۇشەيتىپ، جاۋاپتى بولۋعا باتىل، جاۋاپكەرلىك ارقالاۋعا باتىل، ءىس تىندىرۋعا شەبەر، ناقتى ناتيجەسى كورنەكتى، تازا، تۋراشىل، كىرشىكسىز كادرلاردى بار كۇشپەن بايقاپ، ماراپاتتاپ جانە تاڭداپ ءوسىرىپ، ءىس تىندىرمايتىنداردى، ءىسى ماندىمايتىنداردى باتىل رەتتەپ، تۋ ايقىن تۇردە جاۋاپكەرلىك ارقالاۋعا باتىل كادرلارعا قولداۋ كورسەتىپ، دەم بەرۋ كەرەك. كادرلار قىزمەتى جۇيەسىن ورناتۋدىڭ، كەمەلدەندىرۋدىڭ تالابى بويىنشا، ادام تاڭداۋدىڭ، ادام ىستەتۋدىڭ ءىس جۇزىندىك جاعدايىمەن بايلانىستىرىپ، كەمدىك - كەمىستىكتەردى تەكسەرىپ، ولقىلىقتاردى تولىقتاپ، ماڭىزدى تۇيىندە سەرپىلىس جاساۋ بارىسىندا جالپى تۇلعالىق ىلگەرىلەۋدى جۇزەگە اسىرىپ، رەفورما جاساۋ، جاڭالىق اشۋ بارىسىندا تۇزىمدەردى اقاۋسىزداندىرۋ، كەمەلدەندىرۋ كەرەك.

  مىقتىنى مىقتى تانيدى. ادال، كىرشىكسىز، جاۋاپكەرلىك ارقالايتىن، جوعارى ساپالى كادرلاردى باۋلىپ، كادرلار قىزمەتى جۇيەسىن ورناتۋدا، كەمەلدەندىرۋدە ۇيىمداستىرۋ تاراۋلارى مەن ۇيىمداستىرۋ كادرلارى ىستەردى ءبىلىپ، ادام تانيتىن، ادامدى لايىقتى ورنىنا قويا بىلۋگە شەبەر كاسىپتىك قابىلەتتى، كاسىپتىك رۋحتى ۇزدىكسىز جوعارىلاتۋ كەرەك. كادرلاردى باسقاراتىن، كادرلاردى ىستەتەتىن كادرلاردا «تاۋعا قاراپ، اسىل تاس تانيتىن، ءداريادان مارجان تاباتىن» ادام تانىعىشتىق كورەگەندىك بولۋ، «ءجون - جوسىقتى بىلۋگە ءناسيحاتتاپ، دارىندىلار كوپتەپ شىعاتىن» ادام ىستەتۋ جولى بولۋ، «توپ ىشىنەن سان مارتە ىزدەيتىندەي» دارىندىلاردى ايالايتىن ىنتا بولۋ، «قۇرىش يىقپەن ادىلەت جۇگىن ارقالايتىن» ادالدىق، تۋراشىلدىق بولۋ كەرەك. ءار دارەجەلى ۇيىمداستىرۋ تاراۋلارى مەن قالىڭ ۇيىمداستىرۋ كادرلارىندا وسىنداي دەڭگەي، وسىنداي كوكىرەك، وسىنداي ونەر بولۋ كەرەك.

  (شينحۋا اگەنتتىگىنىڭ 7 - ايدىڭ 6 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى