ءتاڭىرتاۋ تورابى   ›   زاڭ تارازى   ›   زاڭنان كەڭەس

اۆتونوميالى رايون كەدەيلەردى سۇيەمەلدەۋ سالاسىندا ءىرىپ - ءشىرۋ جانە ستيل ماسەلەسىنە ساياتىن 8 تيپتىك دەلونى حابارلاندىردى

  ءوز حابارىمىز. جاقىندا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى كەدەيلەردى سۇيەمەلدەۋ سالاسىندا ءىرىپ - ءشىرۋ جانە ستيل ماسەلەسىنە ساياتىن 8 تيپتىك دەلونى اشىق جاريالادى. بۇل 8 تيپتىك دەلو مىنالار:

  1. اراسان اۋدانى اڭگىرلىك قالاشىعى تولى قىستاعى پارتيا ياچەيكاسىنىڭ بۇرىنعى شۋجيى ما شىنحۋانىڭ كەدەيلەردى سۇيەمەلدەۋگە بەرىلگەن كومەك قاراجاتتى باسقاعا جۇمساۋ، يەمدەنىپ الۋ ماسەلەسى. 2014 - جىلى ما شىنحۋا قوي ساتىپ الۋ راسمياتىن جالعاننان جاساۋ ءتاسىلى ارقىلى ەنەلىك مالداردى اسىلداندىرۋ كومەك قاراجاتىنان 60 مىڭ يۋاندى الدامكوستىكپەن العان، سونداي - اق ونى ءوزى يەمدەنگەن؛ كەدەيلەردى سۇيەمەلدەۋ وندىرىسىندە سيىر باعىمشىلىعى نىسانى قاراجاتىنان 86 مىڭ يۋان ىركىپ قالىپ، ونى سيىر ساتىپ الۋ بارىسىنداعى تاماق، جاتىن ورىن، قاتىناس سياقتى اقىلاردى تولەۋگە جۇمساعان؛ 2017 - جىلى 8 - ايدا ما شىنحۋا كەدەيلەرگە سيىر بەرىپ سۇيەمەلدەۋ قاراجاتىنان 166 مىڭ 200 يۋان قىمقىرىپ، ونىڭ 110 مىڭ يۋانىن قىستاق كوميتەتىنىڭ كۇندەلىكتى شىعىسىنا جۇمساعان، 56 مىڭ 200 يۋانىن ءوزى يەمدەنىپ العان. مۇنان سىرت، ما شىنحۋانىڭ تارتىپكە، زاڭعا اۋىر دارەجەدە قايشىلىق جاساعان ماسەلەلەرى دە بار. 2018 - جىلى 4 - ايدا ما شىنحۋاعا پارتيادان ايداۋ جازاسى بەرىلدى، ونىڭ زاڭعا قايشىلىق جاساعان قىلمىسىنا ساياتىن ماسەلەسى ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرىلدى.

  2. حوتان ايماعى ساعىزكول اۋىلدىق پارتكومنىڭ بۇرىنعى مۇشەسى، اۋىل باستىعىنىڭ ورىنباسارى ياڭ ميننىڭ كەدەيلەردى سۇيەمەلدەۋ نىسان ينجەنەرياسىنان پايدا تۇسىرگەن ماسەلەسى. 2017 - جىلى 5 - ايدا ياڭ مين 2016 - جىلى بەيقۇت ءۇي سالىپ كەدەيلەردى سۇيەمەلدەۋ ينجەنەرياسى قاراجاتىن ەسەپتەۋ قولايلىلىعىنان پايدالانىپ، ءمالىم ينجەنەريا قوجايىنىنان 60 مىڭ يۋان پايدا العان (ءار ۇيدەن 1000 يۋان دەسەك، 60 ءۇي). مۇنان سىرت، ياڭ ميننىڭ تارتىپكە، زاڭعا اۋىر دارەجەدە قايشىلىق جاساعان باسقا دا ماسەلەلەرى بار. 2018 - جىلى 5 - ايدا ياڭ مينگە پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، ونىڭ زاڭعا قايشىلىق جاساعان قىلمىسىنا ساياتىن ماسەلەسى ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرىلدى.

  3. توقسۋ اۋدانى ىشكى ارىق قالاشىعى وي ءمالى قىستاعى پارتيا ياچەيكاسىنىڭ بۇرىنعى شۋجيى قۇربان مامەتتىڭ بەيقۇت ءۇي سالىپ كەدەيلەردى اۋقاتتاندىرۋ ينجەنەرياسى بويىنشا سالىناتىن ۇيلەرگە بەرىلگەن كومەك قاراجاتتى قىمقىرۋ ماسەلەسى. 2014 - جىلدان 2015 - جىلعا دەيىن، قۇربان مامەت ەرەجەگە قايشىلىق جاساپ، كەدەيلەردى سۇيەمەلدەۋگە ارنالعان قۇنى 45 مىڭ 400 يۋاندىق زاتتىق ماتەريالداردى كەدەيگە جاتپايتىن وتباسىلارىنا تاراتىپ بەرگەن. 2016 - جىلى قۇربان مامەت باسقالاردىڭ اتىندا بەيقۇت ءۇي سالىپ كەدەيلەردى سۇيەمەلدەۋ ينجەنەرياسى بويىنشا سالىنعان 2 بەيقۇت ۇيگە بەرىلگەن 61 مىڭ يۋان كومەك قاراجاتتى قىمقىرعان ءارى ءوزى يەمدەنگەن. مۇنان سىرت، قۇربان مامەتتىڭ تارتىپكە، زاڭعا اۋىر دارەجەدە قايشىلىق جاساعان باسقا دا ماسەلەسى بار. 2018 - جىلى 5 - ايدا قۇربان مامەتكە پارتيادان ايداۋ جازاسى بەرىلدى، ونىڭ زاڭعا قايشىلىق جاساعان قىلمىسىنا ساياتىن ماسەلەسى ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرىلدى.

  4. ماكىت اۋدانى قۇرما اۋىلى تام ءدوڭ قىستاعى پارتيا ياچەيكاسىنىڭ بۇرىنعى شۋجيى داۋىت اۋىتتىڭ بەيقۇت ۇيگە ءوسىمى قازىنادان تولەنەتىن قارىزدى بەلگىلەمەگە قايشى ءبىتىرۋ سياقتى ماسەلەلەرى. 2013 - جىلدان 2014 - جىلعا دەيىن داۋىت اۋىت قىزمەت قولايلىلىعىنان پايدالانىپ، بەلگىلەمەگە قايشى تۇردە 5 كەدەي وتباسىنىڭ اتىنان بەيقۇت ءۇي سالۋعا ءوسىمى قازىنادان تولەنەتىن 140 مىڭ يۋان قارىز الىپ، وعان مال قورا سالىپ العان. مۇنان تىس، داۋىت اۋىتتىڭ تارتىپكە، زاڭعا اۋىر دارەجەدە قايشىلىق جاساعان تاعى باسقا ماسەلەلەرى بار. 2018 - جىلى 4 - ايدا داۋىت اۋىت پارتيادان ايدالىپ، ونىڭ زاڭعا قايشىلىق جاساعان قىلمىس ماسەلەسى ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرىلدى.

  5. شەريا اۋدانى ۇلىساي اۋىلدىق پارتكومنىڭ بۇرىنعى ورىنباسار شۋجيى، اۋىل باستىعى مامەتجان ءماتتۇردىنىڭ بەيقۇت ءۇي سالۋعا پايدالاناتىن قارجىنى باسقاعا جۇمساۋ، يەمدەنىپ الۋ ماسەلەلەرى. 2016 - جىلى 12 - ايدا مامەتجان ءماتتۇردى باسقالارمەن سەرىكتەسىپ جالعان تالون جاساپ، ۇلىساي اۋىلىنىڭ 2015 - جىلى سالىناتىن بەيقۇت ءۇي قۇرىلىسىنىڭ نەگىزدىك قۇرىلعى نىسانىنداعى 118 مىڭ يۋاندى قىمقىرىپ، ونىڭ 108 مىڭ يۋانىن جەردى تەگىستەۋگە، اۋىلدىق ۇكىمەت اسحاناسىنىڭ كۇندەلىكتى شىعىمى سياقتىلارعا پايدالانىپ، 10 مىڭ يۋاندى ءوزى يەمدەنگەن. مۇنان تىس، مامەتجان ءماتتۇردىنىڭ تارتىپكە اۋىر دارەجەدە قايشىلىق جاساعان تاعى باسقا ماسەلەلەرى بار. 2018 - جىلى 5 - ايدا مامەتجان ءماتتۇردىعا پارتيا ىشىندەگى مىندەتىنەن قالدىرۋ، قىزمەت مىندەتىنەن قالدىرۋ جازاسى بەرىلىپ، ورىنباسار ءبولىم دارەجەلى جاي كادر دارەجەسىنە ءتۇسىرىلدى.

  6. بۋرىلتوعاي اۋدانى كوكاعاش اۋىلى اقوتكەل قىستاعى پارتيا ياچەيكاسىنىڭ بۇرىنعى شۋجيى قۇداكەلدى ءماجىن ۇلىنىڭ بەلگىلەمەگە قايشىلىق جاساپ، بەيقۇت ۇيگە بەرىلگەن تولىقتاما قاراجاتتان يگىلىكتەنۋ ماسەلەلەرى. 2011 - جىلى 4 - ايدان 2015 - جىلى 5 - ايعا دەيىن، قۇداكەلدى ءماجىن ۇلى قىزمەت قولايلىلىعىنان پايدالانىپ، باسقالاردىڭ اتىن جامىلىپ، بەلگىلەمەگە قايشى تۇردە ءبىر بەيقۇت ۇيگە بەرىلگەن 35 مىڭ 300 يۋاندى ءوزى العان؛ بەيقۇت ۇيدەن يگىلىكتەنۋگە شارتى تولىمسىز 2 تۋىسىنا بەيقۇت ۇيگە بەرىلەتىن تولىقتاما قاراجاتتان جيىنى 72 مىڭ 500 يۋاندى بەلگىلەمەگە قايشىلىق جاساپ ۇستەمەلەپ الىپ بەرگەن؛ 2018 - جىلى 4 - ايدا قۇداكەلدى ءماجىن ۇلىنا پارتيادا ءبىر جىل قالدىرىپ بايقاپ كورۋ جازاسى بەرىلدى.

  7. موڭعۇلكۇرە اۋدانى اقدالا قالاشىعىنىڭ بۇرىنعى ورىنباسار قالاشىق باستىعى مۇرات جۇمان ۇلىنىڭ اپاتتان قۇتقارۋ ارناۋلى قارجىسىن باسقاعا جۇمساۋ ماسەلەسى. 2014 - جىلدان 2016 - جىلعا دەيىن مۇرات جۇمان ۇلى اقدالا قالاشىعىنىڭ حالىق ىستەرى قىزمەتىنە جاۋاپتى بولىپ تۇرعان مەزگىلدە، قىزمەتكەرلەرگە «اپاتقا ۇشىراعان حالىقتىڭ تۇرمىستىق قۇتقارۋ كومەك قارجىسى تىزىمدىگىن» جالعاننان جاساۋعا ءجون كورسەتىپ، اپاتتان قۇتقارۋ ارناۋلى قارجىسىنان 32 مىڭ 500 يۋاندى قىمقىرىپ، اۋىلدىق ۇكىمەت اسحاناسىنىڭ كۇندەلىكتى شىعىمى سياقتىلارعا پايدالانعان. 2018 - جىلى 6 - ايدا مۇرات جۇمان ۇلىنا پارتيادا ءبىر جىل قالدىرىپ بايقاپ كورۋ جازاسى بەرىلىپ، جاي قىزمەتكەر دارەجەسىنە ءتۇسىرىلدى.

  8. قاراءشار حۇيزۋ اۆتونوميالى اۋدانى بەيدالياڭ اۋىلى ليۋشىحۋ قىستاعى پارتيا ياچەيكاسىنىڭ بۇرىنعى ورىنباسار شۋجيى ءۋالي شيرىپتىڭ كەدەيلەردى سۇيەمەلدەۋ ارناۋلى قارجىسىن قىمقىرۋ ماسەلەسى. 2017 - جىلى 10 - ايدا ءۋالي شيرىپ كەدەيلەردى سۇيەمەلدەۋ بويىنشا قوي ساتىپ الۋ جۇمىسىنا جاۋاپتى بولعان ورايدان پايدالانىپ، باسقالارمەن استاسىپ قوي ساتىپ الاتىن 34 مىڭ 900 يۋاندى قىمقىرىپ، ءوزى 10 مىڭ يۋانىن يەمدەنىپ العان. 2018 - جىلى 5 - ايدا ءۋالي شيرىپكە پارتيا ىشىندەگى مىندەتىنەن قالدىرۋ جازاسى بەرىلدى.

  جوعارىداعى تيپتىك دەلولار كەدەيلەردى سۇيەمەلدەۋ سالاسىنداعى ءىرىپ - ءشىرۋ ماسەلەلەرى ءالى دە وڭاي تۋىلىپ، كوپ تۋىلىپ وتىرعاندىعىن پاش ەتتى، از ساندى نەگىزگى ساتى پارتيالى كادرلارى قولىن تارتۋدى بىلمەگەن، ولاردىڭ كەدەي بۇقارانىڭ مۇددەسىنە سۇعاناقتىق جاساۋ ماسەلەسى ءالى دە كورنەكتى، ولار پارتيا ورتالىق كوميتەتىنىڭ كەدەيلىكتەن قۇتىلدىرۋدان قامال الۋ ستراتەگيالىق ورنالاستىرۋىنا قايشى كەلىپ، پارتيا مەن مەملەكەت وبرازىنا اۋىر دارەجەدە زيان جەتكىزىپ، پارتيانىڭ بيلىك جۇرگىزۋ نەگىزىن ءبۇلدىرىپ، بۇقارانىڭ تابىس سەزىمىنە اۋىز سالىپ وتىر.

  بۇكىل رايونىمىزداعى ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ - تەكسەرۋ ورگاندارى باس شۋجي شي جينپيڭنىڭ كەدەيلىكتەن قۇتىلدىرۋدان قامال الۋ جونىندەگى جەلىلەس ماڭىزدى ءسوزى مەن ماڭىزدى نۇسقاۋىنىڭ، بەكىتۋىنىڭ رۋحىن مۇقيات دايەكتىلەندىرۋى، ساياسي تۇرعىنى شىنايى جوعارىلاتۋى، «ءتورت تانىمدى» بەرىك ورناتۋى، كەدەيلەردى دالمە - ءدال سۇيەمەلدەۋدىڭ، كەدەيلىكتەن دالمە - ءدال قۇتىلدىرۋدىڭ نەگىزگى جالپى جوباسىنان اۋىتقىماۋى، كەدەيلىكتەن قۇتىلدىرۋدان قامال الۋدى، ءسوز جوق، ورىنداۋعا ءتيىستى ماڭىزدى ساياسي مىندەت ەتۋگە، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ ماڭىزدى تۇتقاسى ەتۋگە تاباندى بولۋى، ارناۋلى وڭاۋ قىزمەتى جوباسىنىڭ تالابىن قاتاڭ تياناقتاندىرۋى، دارەجە بويىنشا جاۋاپكەرشىلىكتى قاتايتىپ، ءادىس - شارانى كۇشەيتىپ، نازاردى كورنەكتى ماسەلەلەرگە شوعىرلاندىرىپ، ارناۋلى وڭاۋدى ورنىقتى ىلگەرىلەتۋى، قاتاڭ ءتارتىپ پەن تاماشا ستيل ارقىلى كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋگە دەم بەرۋى كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى