ءتاڭىرتاۋ تورابى   ›   جاڭالىقتار   ›   شينجياڭ حابارلارى

بۇراتالا وبلىسى: اشىق اسپان، تۇنىق سۋدى قورعاپ، ەكولوگيالىق مەكەندى بىرگە قۇردى

ەرىكتى ءتىلشى ۋاڭ ياپيڭ

  ەبىنۇر كولى سازىنا اۋەدەن كوز تاستاعاندا (6 - ايدىڭ 30 - كۇنى تۇسىرىلگەن). ەبىنۇر كولى بۇراتالا موڭعۇل اۆتونوميالى وبلىسى ەكولوگيالىق ورتاسىنىڭ «قورعاۋشى قالقانى»، ول بۇكىل وبلىستىڭ، ءتىپتى، شينجياڭنىڭ سولتۇستىگىنىڭ ەكولوگيالىق تەپە - تەڭدىگىن ساقتايتىن ماڭىزدى سازدىق. جۋىق جىلداردان بەرى بۇل وبلىس جاساندى جولمەن جاڭبىر جاۋدىرۋ، كاسىپورىنداردى كوشىرۋ سياقتى كوپ ءتۇرلى تاسىلدەر ارقىلى سازدىقتى قورعاۋ تەبىنىن ارتتىرىپ، سازدىق ورگانيزمدەرىنىڭ كوپ تۇرلىلىگىن پارمەندى قورعاپ، سۋ ايدىنىن كەڭەيتتى. بۇل كۇندەرى ەبىنۇر كولى جاعاسىندا جاسىل قۇراق جايقالا ءوسىپ، قۇستار سايران سالۋدا. سۋرەتتى ان شياۋلۇڭ تۇسىرگەن

  الىسقا ساپار شەگۋدىڭ قاجەتى شامالى، 100 نەشە قادام جۇرسەڭىز بولعانى تابيعات قۇشاعىنا ەنىپ، جاسىل تاۋ، ءمولدىر سۋدان ءلاززات الاسىز، بۇل بۇراتالا قالاسى شويىڭپان قالاشىعى تاۋىنحامار قىستاعى پارتيا ياچەيكاسىنىڭ شۋجيى جيان جياڭشىڭ جونىنەن العاندا وتە رازى بولاتىن ءىس.

  «قىستاعىمىز بۇراتالا وزەنىنىڭ وڭتۇستىگىنە ورنالاسقان، سوڭعى 2 جىلدان بەرى ۇكىمەت وزەن جاعالاۋىنىڭ ەكولوگيالىق قورشاعان ورتا ماسەلەسىن وڭاۋ تەبىنىن بارىنشا كۇشەيتتى، مەن سۋدىڭ اناعۇرلىم ءمولدىر، سۋ مولشەرىنىڭ وتكەن جىلدارداعىدان مولايعانىن شىنايى سەزىندىم»، - دەدى جيان جياڭشىڭ.

  تاۋىنحامار قىستاعىنىڭ كوركەم كورىنىسى بۇراتالا موڭعۇل اۆتونوميالى وبلىسىنىڭ ەكولوگيالىق وركەنيەت قۇرىلىسىنىڭ ءبىر شاعىن كارتيناسى. سوڭعى جىلداردان بەرى ەكولوگيالىق وركەنيەت قۇرىلىسىنىڭ ىشكەرىلەي ىلگەرىلەۋىنە ىلەسە، بۇراتالا وبلىسىنىڭ اسپانى اشىق، سۋى ءمولدىر، جەرى جاسىل بولا ءتۇستى، بۇقارانىڭ تابىس سەزىمى، باقىت سەزىمى بارعان سايىن ارتتى.

  زاڭسىز قازىلعان 322 ماشينالى قۇدىقتى جاپتى

  جىڭ اۋدانىندا ادامدار زەر سالىپ قارايتىن بولسا، اتىزدارداعى زاڭسىز قازىلعان ماشينالى قۇدىقتىڭ قىزمەتتەن توقتاعانىن بايقايدى. جىڭ اۋداندىق قورشاعان ورتانى قورعاۋ مەكەمەسى پارتيا باسشىلىق گرۋپپاسىنىڭ شۋجيى تۋ گەرىل اتالعان اۋداننىڭ زاڭسىز قازىلعان 155 ماشينالى قۇدىقتى جاپقاندىعىن ايتتى.

  قازىرگە دەيىن بۇراتالا وبلىسىندا زاڭسىز قازىلعان 322 ماشينالى قۇدىق تۇگەلدەي جابىلدى.

  بۇراتالا وبلىستىق قورشاعان ورتانى قورعاۋ مەكەمەسىنىڭ باستىعى سانبايىر مىنالاردى ءبىلدىردى: ەكولوگيالىق ورتانى قورعاۋ − ۇرپاقتار يگىلىگىنە ارنالعان ۇلى ءىس، بۇراتالا وبلىسى ەڭ قاتاڭ سۋ بايلىعىن باسقارۋ ءتۇزىمىن اتقارىپ، جەر استى سۋ بايلىعىن باسقارۋدى شىنايى كۇشەيتىپ، زاڭسىز قازىلعان ماشينالى قۇدىقتاردى ءۇزىلدى - كەسىلدى جابادى.

  قورشاعان ورتانى جاپپاي جونگە سالۋدى كۇشەيتتى

  بيىل بۇراتالا وبلىسى ەكولوگيالىق ورتانى قورعاۋ جاعىندا ورىن تەۋىپ وتىرعان ماسەلەلەردى تۇرگە ءبولىپ، اشالاپ، 4 جاقتاعى 18 ناقتى مىندەتتى ورىندادى.

  تاۋ - كەن گەولوگياسى ورتاسىن قورعاۋ ءۇشىن، تاۋ - كەن بايلىعىن اشۋ قيمىلىنىڭ تاۋ - كەن گەولوگيا ورتاسىنا جاساعان ىقپالى مەن ءبۇلدىرۋ ارەكەتىن ەڭ زور شەكتە الاستادى، بيىل 3 - ايدا بۇراتالا وبلىستىق مەملەكەت جەر بايلىعى مەكەمەسى «تاۋ - كەن اشىپ، ەكولوگيالىق ورتانى ءبۇلدىرۋدى قايتادان قالپىنا كەلتىرۋ، جونگە سالۋ جاعدايىن تەكسەرۋ جونىندەگى شۇعىل حابارلاندىرۋدى» تاراتتى. حابارلاندىرۋدى تاپسىرىپ العان اۋدانداردىڭ - قالانىڭ قاتىستى تاراۋلارى بەلسەنە ارەكەتكە كەلىپ، رەتتەۋ، وزگەرتۋ جوبالارىن دەرەۋ جاسادى.

  بۇراتالا وبلىستىق مەملەكەت جەر بايلىعى مەكەمەسى پارتيا باسشىلىق گرۋپپاسىنىڭ شۋجيى شۇي گۇيشان: وبلىس بويىنشا 21 جابىق كەندى قالپىنا كەلتىرۋگە، جونگە سالۋعا تۋرا كەلىپ وتىر، ءبىز 2018 - جىلدىڭ سوڭىنان بۇرىن مۇنىڭ 10ىن، 2019 - جىلدىڭ سوڭىنان بۇرىن قالعان 11ىن ورىنداپ بولۋدى جوسپارعا الدىق. قازىر بۇل قىزمەت تارتىپپەن جۇرىلۋدە، - دەدى.

  «قورشاعان ورتا ماسەلەسىن رەتتەۋ، وڭاۋ قىزمەتى جونىندە اۋداندار - قالا، قاتىستى تاراۋلار يدەيانى بىرلىككە كەلتىرىپ، دەڭگەيدى جوعارىلاتۋى؛ <ءبىر ماسەلە، ءبىر جوبا، ءبىر قوسىن> پرينسيبىنەن جازباي، جۇمىس كەستەسىن جاساپ شايقاس جۇرگىزۋى، كۇشىنەن قالدىرۋدى باسقارۋى؛ رەتتەۋدى، وزگەرتۋدى مىقتى ۇستاپ، ونىمدىلىگىنە شىنايى كەپىلدىك ەتىپ، جاۋاپكەرشىلىكتى قۋزاستىرۋدى، جاۋاپقا تارتۋدى قاتايتىپ، نىسانانىڭ ورىندالۋىنا شىنايى كەپىلدىك ەتۋى كەرەك». بۇل بۇراتالا وبلىستىق پارتكومنىڭ ءارقايسى اۋدان - قالا جانە قاتىستى تاراۋلارعا قويعان ناقتى تالابى.

  قاتىستى اۋداندار - قالا «2019 - جىلدىڭ سوڭىندا جىڭ اۋدانى قالاشىعىنىڭ تۋىندايتىن سۋ يگىلىگى ينجەنەرياسىن تامامدايمىز، 2020 - جىلدىڭ سوڭىنان بۇرىن اراسان اۋدانىندا اڭگىرلىك قالاشىعىن قۇرامىز، كوكتوعاي اسىل تۇقىمدى مال فەرماسىنىڭ قوقىر - قوقسىق كومۋ الاڭىن سالامىز...» دەپ ۋادە بەردى.

  وزەن - كولدەردى جاقسى قورعادى

  بۇراتالا وبلىسىنىڭ سۋ بايلىعىن قورعاۋ، سۋ ايدىنىن، جاعالاۋ جەلىسىن باسقارۋ، سۋدىڭ لاستانۋىنان ساقتانۋ، تىزگىندەۋ، سۋ ورتاسىن وڭاۋ قىزمەتىن جەبەۋ ءۇشىن، بۇراتالا وبلىسى وزەن الابى اۋماعى 50 شارشى كيلومەتردەن جوعارى وزەندەر مەن سۋ ايدىنى اۋماعى ءبىر شارشى كيلومەتردەن جوعارى كولدەردە وزەن (كول) باستىعى ءتۇزىمىن جاپپاي اتقاردى. پارتيا مەن ۇكىمەتتىڭ نەگىزگى باسشىلارى مەن وزەندەر اعىپ وتەتىن وڭىرلەردىڭ اكىمشىلىك باسشىلارى وزەن (كول) باستىعى نەمەسە وزەن بولىگى باستىعى مىندەتىن ارقالادى.

  جۋىقتا بۇراتالا قالاسى چىندەل قالاشىعى العۇنباشيڭ جاڭا قىستاعى پارتيا ياچەيكاسىنىڭ شۋجيى، وزەن بولىگى باستىعى داباتى قاتتى قاربالاس بولدى. ول وسى قالاشىقتىڭ سۋ يگىلىگىن باسقارۋ پۋنكتى قىزمەتكەرىمەن بىرگە تۇتاس قالاشىقتاعى ەگىنجاي سۋ يگىلىگى ينجەنەرياسىنا تور جايۋ ۇلگىسىندە ءبىر - بىرلەپ تەكسەرۋ جۇرگىزىپ، تەكسەرۋدەن بايقالعان كومەسكى حاۋىپتەردى ءبىر - بىرلەپ ەستەلىككە الىپ شىقتى. داباتى: بۇرىن مۇنداي تەكسەرۋ قىزمەتىن قالاشىقتىڭ سۋ يگىلىگىن باسقارۋ تاراۋلارى دەربەس ورىندايتىن، وزەن باستىعى ءتۇزىمى اتقارىلعاننان بەرى، مەن سياقتى وزەن بولىگى باستىقتارى دا بۇل جۇمىسقا ات سالىساتىن بولدى، وزەن ارناسىن باسقارۋ قىزمەتىن باتىلدىقپەن جاقسى ىستەيمىن، - دەدى.

  ەبىنۇر كولى بۇراتالا وبلىسىنىڭ ەكولوگيالىق تەپە - تەڭدىگىن ساقتايتىن ماڭىزدى سازدىق. بۇراتالا وبلىستىق سۋ يگىلىگى مەكەمەسى سۋ ونىمدەرى باسقارماسىنىڭ باستىعى ۋاڭ رۇيمين ەبىنۇر كولىنىڭ سولتۇستىك جاعالاۋىندا توراڭعى كوشەتتەرىنىڭ قاۋلاي ءوسىپ كەلە جاتقاندىعىن قۋانا كوردى. «توراڭعى كوشەتتەرىنىڭ كوپتەپ ءوسۋى ەبىنۇر كولى ورتاسىن قورعاۋ قىزمەتىنە دەگەن ەڭ جوعارى ماراپات»، - دەدى ۋاڭ رۇيمين.

  بىلتىردان باستاپ، بۇراتالا وبلىسى ەبىنۇر كولىنىڭ شىعىس جانە سولتۇستىك جاعالاۋىنداعى تۇزدى قۇرت ءسۇزۋ رايوندارىنىڭ بارلىق ءوندىرىس، تۇرمىس قۇرىلعىلارىن تۇگەلدەي الىپ تاستاپ، «ىشكى قۇرلىقتىق سۋ ايدىنىندا ءسۇزۋ - اۋلاۋعا رۇقسات ەتۋ كۋالىگىن» قايتارىپ الدى. بيىل بۇراتالا وبلىستىق ورمان شارۋاشىلىعى مەكەمەسى جانە دە ءبىر ميلليون يۋاننان استام قارجىمەن 1000 مۋ سەكسەۋىل ورمانىن وتىرعىزىپ، سازدىقتىڭ ەكولوگيالىق جامىلعىسىن قالپىنا كەلتىردى.

  سونىمەن بىرگە، ەبىنۇر كولى سۋ الابىنىڭ لاستانۋىنان ساقتانۋ جانە ونى تىزگىندەۋ قىزمەتى دە ۇزدىكسىز العا ىلگەرىلەتىلدى. قازىر 7 قالا - قالاشىقتاعى لاس سۋدى ءبىر جاقتى ەتەتىن زاۆودتار تۇگەلدەي ءبىرىنشى دارەجەلى A ىعىستىرۋ ولشەمىنە جەتتى.

  قورشاعان ورتانى قورعاۋ جاعىنداعى وسى ءبىر قىدىرۋ شارالاردىڭ تياناقتاندىرىلۋى ەبىنۇر كولى سازدىعىندا تىڭ تىرشىلىك تىنىسىن قاۋلاتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى