تيانشان تورابى   ›   ۇيرەنۋ   ›   شولۋ

ۇزدىك جاس كادرلاردى بايقاۋعا، باۋلۋعا، تاڭداپ وسىرۋگە كۇش سالايىق

ۇيىمداستىرۋ قىزمەتى جونىندەگى مەملەكەتتىك ءماجىلىستىڭ رۋحىن دايەكتىلەندىرۋ، تياناقتاندىرۋ تۋرالى (4)

حالىق گازەتىنىڭ شولۋشىسى

  باس شۋجي شي جينپيڭ ۇيىمداستىرۋ قىزمەتى جونىندەگى مەملەكەتتىك ماجىلىستە جاڭا داۋىردەگى جاس كادرلار قىزمەتىن ويداعىداي ىستەۋدى، ۇزدىك جاس كادرلاردى كۇش سالا بايقاۋدى، باۋلۋدى، تاڭداپ ءوسىرۋدى، «جاڭا ءداۋىر جۇڭگوشا سوتسياليزم يدەياسىن ادالدىقپەن دايەكتىلەندىرەتىن، جاڭا داۋىردەگى جاقسى كادر ولشەمىنە ساي كەلەتىن، ادال، كىرشىكسىز، جاۋاپكەرلىك ارقالايتىن، سانى جەتكىلىكتى، ومىرشەڭدىگى قاۋلاعان، جوعارى ساپالى ماماندانعان جاس كادرلار قوسىنىن قۇرۋدى» ارناۋلى تۇردە باسا دارىپتەدى. بۇل پارتيا مەن مەملەكەت ىستەرىنىڭ دامۋىنا قاتىستى عاسىرلىق ۇلى جوبا.

  جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ تەتىگى پارتيادا، ادامدا، تۇپتەپ كەلگەندە، ءار ۇرپاق سەنىمدى ءىزباسارلار باۋلۋدا، جەتىلدىرۋدە. پارتيامىز ەجەلدەن جاس كادرلار قىزمەتىنە ايرىقشا ءمان بەرىپ كەلەدى، ءىزباسار باۋلۋدىڭ نەداۋىر كەمەلدى ءتۇزىمى دە بار. يان - انداعى كەزدىڭ وزىندە - اق «كوپتەگەن جاڭا كادرلاردى جوسپارلى تۇردە باۋلۋ − ءبىزدىڭ شايقاس مىندەتىمىز» دەپ ورتاعا قويدى؛ وتكەن عاسىردىڭ 60 - جىلدارىنىڭ باسىندا، پرولەتاريات توڭكەرىسىنىڭ سانسىز ءىزباسارىن باۋلۋ، جەتىلدىرۋ ستراتەگيالىق مىندەتىن ورتاعا قويدى؛ پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن كەيىن، كادرلار قوسىنىنداعى بۋىن جالعانباۋدىڭ قاتاڭ جاعدايىنا مەڭزەس، كادرلار قوسىنىن «تورتتەندىرۋ» باعىتىن ورتاعا قويىپ، جاڭا، كونە كادرلاردىڭ اۋىسۋىن، سەلبەسۋىن ىلگەرىلەتىپ، «3 - ساتى كادرلار قوسىنى» قۇرىلىسىن ورىستەتتى. نەشە ون جىل قۇلشىنۋ ارقىلى كادرلار قوسىنىنىڭ قارت، ورتا جاس، جاس كادرلاردىڭ ساتىلى قۇرىلىمىن نەگىزىنەن قالىپتاستىردى. «ۇزدىكسىز اۋىسادى سالت - سانادا، ەسكىنىڭ ورنىن باسىپ شىعار جاڭا». قازىر رەفورما جاساپ، ەسىك اشۋدان بۇرىن پارتياعا كىرگەن جانە قىزمەتكە قاتىناسقان كادرلار قىزمەت ورىندارىنان شەگىندى نەمەسە شەگىنۋ الدىندا تۇر، 70 - جىلداردىڭ، 80 - جىلداردىڭ تۇلەكتەرىنەن 90 - جىلداردىڭ تۇلەكتەرىنە دەيىنگى جاس كادرلار كادرلار قوسىنىنىڭ نەگىزگى تۇلعاسىنا اينالدى. جوعارى ءبىلىم العان، ويى ۇشقىر، جاڭالىق اشۋعا باتىل ولار كادرلار قوسىنىنا جالىندى ومىرشەڭدىك كۇش قوستى، سونىمەن بىرگە، ولاردا ماركسيزمدىك نازاريانى جۇيەلى ۇيرەنۋ جانە پارتيانىڭ ىشكى ساياسي تۇرمىسىندا قاتاڭ شىنىعۋ سالىستىرمالى تۇردە كەمشىل، كەيبىرەۋىندە نەگىزگى ساتى مەن ماشاقاتتى جەرلەردە تىڭعىلىقتى شىڭدالۋ كەمشىل، كەيبىرەۋىنىڭ بۇقارالىق قىزمەت ىستەۋ قابىلەتى دەگەندەي ەمەس، كەيبىرەۋىندە جاۋاپكەرشىلىك ارقالاپ، ءىس تىندىراتىن ارىن جەتەرسىز. كەيبىر جەرلەر مەن ورىندار جاس كادرلار قىزمەتىنە تولىق ءمان بەرمەيدى، تاڭداپ وسىرۋگە ءمان بەرىپ، باۋلۋعا نەمقۇرايدى قاراۋ جانە ستاجىنا قاراپ قاتارعا تۇرعىزۋ، تەڭگەرىپ قامقورلىق جاساۋ سياقتى قۇبىلىستار ءومىر سۇرۋدە. ءبىز جاۋاپكەرشىلىك سەزىم مەن كوكەي تەستىلىك سەزىمدى شىنايى كۇشەيتىپ، اناعۇرلىم ۇزاق بولاشاقتىق كوز ايامەن، اناعۇرلىم ءونىمدى شارالارمەن جاڭا ءداۋىردىڭ تالابىنا ۇيلەسەتىن ۇزدىك جاس كادرلاردى دەر كەزىندە بايقاپ، باۋلىپ، تولاسسىز تاڭداپ ءوسىرىپ، ىستەتىپ، ءار جاقتاعى، ءار سالاداعى ۇزدىك باسشى دارىندىلاردى بيلىك جۇرگىزۋدىڭ تىرەكتى قوسىنىنا شوعىرلاندىرىپ، پارتيانىڭ جاڭا داۋىردەگى تاريحي بورىشىن جۇزەگە اسىرۋعا كادر جانە دارىندى جاقتان كەپىلدىك ازىرلەۋىمىز كەرەك.

  ۇزدىك جاس كادرلاردى باۋلۋدا، تاڭداپ وسىرۋدە، ەڭ الدىمەن، جاڭا داۋىردەگى پارتيا مەن حالىق ىستەرىنىڭ قانداي ءىزباسار قاجەت ەتەتىندىگىن ايقىنداپ الۋ كەرەك. ۇزدىك جاس كادرلار، ءسوز جوق، پارتياعا ادال بولۋى، جۇڭگوشا سوتسياليزم جولىمەن جۇرۋگە تاباندى بولۋى، پارتيانىڭ سوزىنە بۇلجىماستان قۇلاق اسىپ، پارتياعا ىلەسۋى كەرەك. ءبىز ۇزدىك جاس كادرلاردى تاڭداۋدا، ەڭ الدىمەن، ونىڭ پارتياعا ادال - ادال ەمەستىگىنە قاراۋىمىز؛ ءبىز ۇزدىك جاس كادرلاردى باۋلۋدا، ەڭ الدىمەن، ولاردى پارتياعا ادال بولۋعا تاربيەلەۋىمىز، ساياسيداعى ەكىبەتكەيلەردەن باتىل ساقتانۋىمىز كەرەك. ۇزدىك جاس كادرلاردا ءىزباسار بولۋعا جەتكىلىكتى قابىلەت بولۋى كەرەك. سانالى تۇردە امالياتتان ۇيرەنەتىن - ۇيرەنبەيتىنىنە، حالىقتى ۇستاز تۇتاتىن - تۇتپايتىنىنا، دەن قويا وتىرىپ قىزمەت ىستەيتىن - ىستەمەيتىنىنە، ەش الاڭسىز كاسىپكە دەن قوياتىن - قويمايتىنىنا قاراۋ؛ مىزعىماس بەرىك سەنىممەن، بولاتتاي مىعىم ەرىك - جىگەرمەن باتىلدىقپەن ۇدەرە العا تارتا الاتىن - المايتىنىنا، ساتسىزدىكتەرگە جولىققاندا قايسارلىق كورسەتە الاتىن - المايتىنىنا، شەشۋشى ساتتە توتەپ بەرە الاتىن - المايتىنىنا، اۋىر مىندەت ارقالاي الاتىن - المايتىنىنا، سۇراپىل شايقاس جۇرگىزە الاتىن - المايتىنىنا، قيىندىققا توزە الاتىن - المايتىنىنا قاراۋ كەرەك. ۇزدىك جاس كادرلار شىنايى ادام بولۋدى، شىنايى سويلەۋدى، شىنايى ءىس ىستەۋدى ومىرلىك مۇراتى ەتۋ كەرەك. وڭاي ولجاعا جۇگىرەتىن، ورايشىلدىق ىستەيتىن، ىڭعايعا باعاتىن، جىلپوس، ءوزىن ادەمى كورسەتەتىن، سىرتى جىلتىر، سانىنە ساي ءمانى جوق ادامداردىڭ تاڭدالۋىنا، وسىرىلۋىنە استە جول بەرمەي، جاس كادرلاردى ءوزىن - ءوزى شىنىقتىرۋعا، ءادىل دە قالتقىسىز بولىپ، اقيقاتتى تانۋعا، الدىن الا ساقتانۋعا، پرينسيپ، تومەنگى شەك، قاعيدا بولۋعا جەتەكتەۋ كەرەك. ۇيىمدىق جاقتان جاس كادرلاردى بايقاۋدا، باۋلۋدا بەلگىلى مولشەر - كولەم بولۋ، ونان دا ماڭىزدىسى، ساپانى جوعارىلاتۋعا ءمان بەرۋ، كادر تاڭداپ، القا سەپتەگەندە جاس كادردىڭ «بار - جوقتىعىنا»، «كوپ - ازدىعىنا» عانا قاراماي، ونان دا ماڭىزدىسى، «جاقسى ما، ەمەس پە»، «ۇزدىك پە، ەمەس پە» دەگەنگە قاراۋ كەرەك.

  ادام باۋلۋ وڭاۋ ەمەس. جاس كادرلاردى باۋلۋدا كولدەتىپ سۋارۋ ءتاسىلىن قولدانۋعا بولمايدى، ونىڭ تابيعي وسۋىنە قاراپ وتىرۋعا تىپتەن بولمايدى، تامىرىن تەرەڭگە جىبەرىپ، دەن قويا باپتاۋ، باپتاۋدى كۇشەيتىپ، دەر كەزىندە تىڭايتقىش، سۋ بەرىپ، بۇتاپ، زياندى جاندىكتەردى الاستاپ، دەرت - دەربەزدەن ساقتانىپ وتىرۋ كەرەك. ساياسي جاتتىعۋدى كورنەكتىلەندىرۋدىڭ ماڭىزدى ءتۇيىنى − پارتيانىڭ نازارياسىن، اسىرەسە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، پارتيانىڭ توڭكەرىس تاريحى مەن تاڭداۋلى ءداستۇرىن ۇيرەنۋ. امالياتتا شىڭدالۋدى كۇشەيتىپ، قايناعان امالياتتى ەڭ جاقسى ساباقحانا ەتىپ، كادرلاردىڭ بوران - شاشىندى باستان وتكەرۋىنە، ءومىردى بىلۋىنە، توپشىسىن قاتايتىپ، ونەر - قابىلەتىن وسىرۋىنە مۇمكىندىك جاساۋ كەرەك. مۇمكىندىگى بار ۇزدىك جاس كادرلاردى كۇش - قارىمدى تالاپ ەتەتىن قىزمەت ورىندارىندا، ماڭىزدى قىزمەت ورىندارىندا شىنىعۋدان وتكىزۋ، قيىن ىستەردە، توتەنشە ىستەردە، ءتىپتى، «قازانعا تۇسكەن قۇمىرىسقاداي» كۇي كەشەتىن جاعدايدا سىننان وتكىزۋ كەرەك. وزەگى قۋىس «بويشاڭ اعاشتان»، «اتى بار، زاتى جوق»، «ءوزى مۇندا، ويى باسقا دا»، «كەيدە بار، كەيدە جوق» بولۋدان، نەگىزگى ساتىدا تۇردى دەگەن اتقا ىلدەبايلاپ قول جەتكىزۋدەن ساقتانۋ، كادرلاردىڭ وزىنە - ءوزى جوسپار قۇرۋىنان ساقتانۋ كەرەك. باۋلۋ كەلەشەگى بار ۇزدىك جاس كادرلارعا قاراتا، ستاجىنا قاراپ قاتارعا تۇرعىزۋ، تەڭگەرىپ قامقورلىق جاساۋ، ءمىنسىز، مۇلتىكسىز بولۋدى تالاپ ەتۋ سياقتى كوزقاراستاردى تاستاپ، جاسىرىن باسپالداقتى تالقانداپ، ءبىر سارىندىلىققا سالىنباي باتىلدىقپەن ىستەتۋ، سونىمەن بىرگە، مايسانى سوزىپ وسىرۋدەن ساقتانۋ كەرەك. جاس كادرلاردى باۋلۋدا، تاڭداپ وسىرۋدە، جۇيەلى ويلاۋعا جانە جالپى جاعدايلىق كوزقاراسقا تاباندى بولۋ كەرەك. يكەمدى تۇردە جاڭالاپ تۇرۋ، اۋسەلەسى شامالى بولعانداردى دەر كەزىندە رەتتەپ شىعارىپ تاستاۋ، جاڭا ۇزدىك كانديداتتارمەن تولىقتىرۋعا ءمان بەرىپ، جالىندى تىنىستى ءارقاشان ساقتاۋ كەرەك. كادرلار قىزمەتىنىڭ جالپى جاعدايى بارىسىندا جاس كادرلار قىزمەتىن ىلگەرىلەتىپ، ءار ءتۇرلى جاس شاما كەزەڭىندەگى كادرلاردىڭ بەلسەندىلىگىن ويداعىداي ساۋلەلەندىرىپ، بۇكىل كادرلار قوسىنىندا ىسكەرلىك قايرات، تالپىنىس، ءۇمىت بولۋعا مۇمكىندىك جاساۋ كەرەك.

  جاس كادرلار قىزمەتىن ويداعىداي ىستەۋ − بۇكىل پارتيانىڭ ورتاق مىندەتى. ءار دارەجەلى پارتكومدار جاس كادرلاردىڭ اقاۋسىز ءوسىپ - جەتىلۋىنە كوڭىل ءبولۋدى، ءسوزسىز، ورىنداۋعا ءتيىستى ساياسي جاۋاپكەرشىلىك ەتىپ، ۇزاق بولاشاقتىق جوبانى كۇشەيتىپ، قىزمەت جاۋاپكەرشىلىگى ءتۇزىمىن كەمەلدەندىرىپ، ۇزدىك جاس كادرلاردى دەر كەزىندە بايقاۋ، باۋلۋ، ىستەتۋ كەرەك. پارتيا كادرلاردى باسقارۋعا، ۇيىم ادام تاڭداۋعا تاباندى بولىپ، ۇزاق بولاشاقتىق دامۋ ستراتەگياسىن كوزدەپ، تاڭداۋ، تاربيەلەۋ، ىستەتۋ، باسقارۋ بۋىندارىن ءبىر تۇتاس جوسپارلاپ، دالمە - ءدال عىلمي اتقارۋعا تاباندى بولىپ، قىزمەتتەردى تەرەڭدەي، ەگجەي - تەگجەيلى، ناقتى ىستەۋگە كەپىلدىك ەتۋ كەرەك.

(شينحۋا اگەنتتىگىنىڭ 7 - ايدىڭ 7 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى