تيانشان تورى   ›   جاڭالىقتار   ›   شينجياڭ حابارلارى

7-ايدا مايتاۋ-كۇشار تاس جولىنا كەلىپ، قاردا سىرعاناق ويناڭىز

ساياحاتشىلار بالاسىن الىپ قار ۇستىندە سىرعاناۋدا.

  7-ايدىڭ 8-كۇنى، جاز باسى وتىسىمەن، ەلىمىزدىڭ جەر-جەرىنىڭ كوپ جەرىندە كۇن وتە ىستىق بولدى، ال، شينجياڭدا ءوز كولىگىمەن مايتاۋ-كۇشار تاس جولىنا بارعان ساياحاتشىلار قاردا سىرعاناق ويناپ، ءماز-مايرام بولدى.

  سول كۇنى، ءتىلشى ماشينامەن مايتاۋ-كۇشار تاس جولىنا بارعاندا، تەڭىز دەڭگەيىنەن 3400 مەتر كەلەتىن قاشلىعىن تاس جول تۋنەلىنىڭ ماڭىنان كوپتەگەن جەكە كولىك ايداعان ساياحاتشىلاردىڭ وسى جەردە جۇرگەنىن كوردى.

  حاڭجوۋلىق ساياحاتشى لي جيە بىلاي دەدى: «جازعى دەمالىس ۋاقىتىنان پايدالانىپ، بالامىزدى الىپ شينجياڭعا ساياحاتقا كەلدىك، مايتاۋ - كۇشار تاس جولى وتە كوركەم دەپ ەستىپ، ءوزىمىز جەكە كولىكپەن كەلدىك، ويلاماعان جەردەن جازدى كۇنى قىستى كورە الدىق، بالالار شاڭعى تەۋىپ، وتە كوڭىلدى بولدى».

  مايتاۋ-كۇشار تاس جولىنىڭ جالپى ۇزىندىعى 561 كيلومەتر ، مەملەكەت تاس جولى 217-لەنياسىنىڭ ماڭىزدى قۇرامداس بولەگى، ول قارامايلى قالاسى مايتاۋ جانە اقسۋ ايماعىنىڭ كۇشار اۋدانىن باسىپ وتەدى ٴارى شينجياڭداعى 2 - تارماق تيانشان تاس جولى. مايتاۋ - كۇشار تاس جولىنىڭ ەرەكشە جاعراپيالىق جانە كليماتتىق شارت-جاعدايى بولعاندىقتان، تۇتاس جىلدا قالىپتى قاتىناۋىنا كەپىلدىك ەتۋگە بولمايدى، ءار جىلى 11-ايدىڭ باس شەنىنەن كەلەسى جىلى 5-ايعا دەيىن قىستىق قاتىناس جولى بەكىتىلىپ، 6-ايدان 10 ايعا دەيىن نە ءبارى 5 اي قاتىنايتىن بولسا دا، ءار جىلى ٴبىر ميلليوننان استام ادام بۇل اراعا كەلىپ ساياحاتتاپ كەتەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى