1. شەكەنى ۋقالاۋ. ءار كۇنى تاڭەرتەڭ تۇرعاننان كەيىن كوزدى جۇمىپ، ورتاڭعى ساۋساقتى شەكەگە تىرەپ، اتسىز بارماقپەن قاستى باسىپ تۇرىپ، باس بارماقپەن سامايدى 5 مينۋتتاي ۋقالاسا، كوزدىڭ اۋىرعانى جەڭىلدەيدى.
2. كوزدى سۋىق سۋمەن جۋۋ. ءار كۇنى تاڭەرتەڭ تۇرعاندا جانە جاتاردا كوزدى سۋىق سۋمەن جۋۋ كەرەك. كوزدى ءبىر مينۋتتان 2 مينۋتقا دەيىن تازا سۋىق سۋمەن جۋىپ، ونان تازا ورامالمەن ءسۇرتىپ، ساۋساقپەن كوزدىڭ اينالاسىن 30 رەتتەي جەڭىل ۋقالاۋ قاجەت.
3. كوز الماسىن اينالدىرۋ ارەكەتىن ىستەۋ. كوزدى قايتا - قايتا اشىپ - جۇمعاندا كوز جاينايدى، ونان سوڭ، كوز الماسىن وڭدى - سولدى، جوعارى - تومەن اينالدىرسا، كوز نەرۆتەرىندەگى قاننىڭ اينالۋى جاقسارىپ، كوزدىڭ ەرتە نۇرسىزدانۋىنىڭ الدىن الۋعا بولادى.
4. كوزگە ىستىق وتكىزۋ. بەتتى جۋاردان بۇرىن ورامالدى ىستىق سۋعا مالىپ، ماڭداي مەن كوز شاناعىنا ىستىق وتكىزگەندە، كوزدەگى قان تامىرلاردىڭ اينالىسى جاقسارادى. مۇنان سىرت، قوس الاقاندى ءبىر - بىرىنە ۇيكەپ ىسىتىپ، ەكى كوزگە ءبىر مينۋتتاي جەڭىل باسسا دا بولادى.
5. الىسقا قاراۋ. ءار كۇنى تاڭەرتەڭ دالاعا شىعىپ، الىستاعى جاسىل وسىمدىكتەرگە قاراسا كوزدىڭ كورۋ قۋاتى جاقسارادى.
