ەكى ەل باسشىلارى ءبىر اۋىزدان جۇڭگو - كۆەيت ستراتەگيالىق سەرىكتەستىك قارىم - قاتىناسىن ورناتۋدى ۇيعاردى
مەملەكەت ءتوراعاسى شي جينپيڭ 7 - ايدىڭ 9 - كۇنى حالىق سارايىندا كۆەيتتىڭ ءامىرى ساباحپەن كەڭەس وتكىزدى. كەڭەستىڭ الدىندا، شي جينپيڭ حالىق سارايىندا ساباحتى قارسى الۋ سالتىن وتكىزدى.
شينحۋا اگەنتتىگىنىڭ 7 - ايدىڭ 9 - كۇنى بەيجيڭنەن بەرگەن حابارى (ءتىلشى باي جيە). مەملەكەت ءتوراعاسى شي جينپيڭ 7 - ايدىڭ 9 - كۇنى حالىق سارايىندا كۆەيتتىڭ ءامىرى ساباحپەن كەڭەس وتكىزدى. ەكى ەل باسشىلارى ءبىر اۋىزدان جۇڭگو - كۆەيت ستراتەگيالىق سەرىكتەستىك قارىم - قاتىناسىن ورناتىپ، جاڭا داۋىردەگى جۇڭگو - كۆەيت قارىم - قاتىناسىنا تىڭ قوزعاۋشى كۇش قوسىپ، جاڭا بولاشاق اشۋدى ۇيعاردى.
شي جينپيڭ ساباحتىڭ جۇڭگوعا 7 - رەت ساپارلاي كەلگەندىگىن قارسى الىپ، ساباحتىڭ جۇڭگو - كۆەيت قارىم - قاتىناسىنىڭ دامۋىنا ماڭىزدى ۇلەس قوسقاندىعىن القادى. شي جينپيڭ بىلاي دەپ اتاپ كورسەتتى: جۇڭگو - كۆەيت قيىن - قىستاۋدا شىنايى سۇيىسپەنشىلىك كورسەتە بىلگەن جاقسى دوستار. ديپلوماتيالىق قارىم - قاتىناس ورناتقان 47 جىلدان بەرى، تاراپتاردىڭ شىن نيەتىمەن دوستاسۋ، تەڭ مامىلە جاساۋ، ناقتى سەلبەسۋ تەرەڭدىگى مەن كەڭدىگى باستان - اياق ۇزدىكسىز جالعاسىپ، ەكى ەل حالقىنا شىنايى تيىمدىلىك اكەلدى. بۇگىنگى دۇنيە وزگەرىس جاساۋدىڭ، رەتتەۋدىڭ شەشۋشى كەزەڭىندە تۇر، جۇڭگونىڭ ادامزاتتىڭ تاعدىرلاس ورتاق تۇلعاسىن قۇرۋدى العا قويۋىنىڭ ءوزى سەلبەستىك ارقىلى ورتاق مۇددەنى تەرەڭدەتىپ، توعىسۋ ارقىلى دۇنيە ءجۇزىنىڭ بەيبىتشىلىگىن جەبەپ، دۇنيە جۇزىندەگى ءار ەلمەن بىرگە سەلبەسىپ تەڭ يگىلىككە كەنەلىپ، بىرگە دامۋدى ىسكە اسىرۋ.
شي جينپيڭ مىنالاردى باسا دارىپتەدى: جۇڭگو كۆەيتتى شىعاناق باعىتىندا «ءبىر بەلدەۋ، ءبىر جولدى» بىرگە قۇرۋداعى جانە ءوڭىردىڭ ورنىقتىلىعىن قورعاۋداعى ماڭىزدى سەلبەستىك سەرىگى سانايدى. تاراپتار ساياسي جاقتاعى ءوزارا سەنىمدى نىعايتىپ، ءبىر - ءبىرىنىڭ وزەكتى مۇددەسىن باتىلدىقپەن قولداۋ كەرەك. جۇڭگو كۆەيتتىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن بۇرىنعىداي قولدايدى. كۆەيت − جۇڭگومەن «ءبىر بەلدەۋ، ءبىر جولدى» بىرگە قۇرۋ سەلبەستىك حۇجاتىنا ەڭ ەرتە قول قويىسقان مەملەكەت.
تاراپتار دامۋ ستراتەگياسىن ۇشتاستىرۋدى كۇشەيتىپ، سەلبەستىك نىساندارىنان باستاپقى كەزەڭدىك ناتيجە شىعارۋعا تالپىنۋ كەرەك. ەنەرگيا، نەگىزدىك قۇرىلعى، فينانس، ساۋدا، قارجى قوسۋ سياقتى سالالارداعى سەلبەستىكتى كەڭەيتىپ، گۋمانيتارلىق اۋىس - كۇيىستى جيىلەتىپ، حاۋىپسىزدىك جانە لاڭكەستىككە قارسى تۇرۋ جاعىنداعى سەلبەستىكتى تەرەڭدەتۋ كەرەك. جۇڭگو كۆەيتپەن قارىم - قاتىناستى جانە سايكەسۋدى كۇشەيتۋدى قالايدى، جۇڭگونىڭ شىعاناقتاعى اراب ەلدەرى سەلبەستىك كوميتەتىمەن قارىم - قاتىناسىنىڭ ورنىقتى قاداممەن العا دامۋىن ىلگەرىلەتەدى، ءوڭىردىڭ بەيبىتشىلىگىن، ورنىقتىلىعىن بىرگە جەبەيدى.
ساباح بىلاي دەدى: جۇڭگو − دۇنيە ءجۇزى قاۋىمى مويىنداعان بەيبىتشىلىكتى سۇيەتىن مەملەكەت. كۆەيت ۇلى جۇڭگومەن ءداستۇرلى دوستىعىن جانە قويۋ سەلبەستىك قاتىناسىن قاستەرلەيدى، جۇڭگونىڭ حالىقارالىق ىستەردە اقيقاتتان، ادىلەتتەن تايماعاندىعىن جوعارى باعالايدى، جۇڭگونى سەنىمدى دوس جانە سەرىك رەتىندە قارايدى. كۆەيت ءبىر جۇڭگو ساياساتىن باتىل اتقارادى. مەن وسى رەتكى ساپارىمدا بۇرىن - سوڭدى بولماعان كولەمدى ۋاكىلدەر ۇيىرمەسىن الا كەلدىم، كۆەيت جۇڭگومەن ءوزارا سەنىم ارتۋ نەگىزىندە ناقتى ىستەۋ رۋحىن تياناق ەتە وتىرىپ، ساياسي، ەكونوميكا، مادەنيەت، حاۋىپسىزدىك سياقتى سالالارداعى سەلبەستىك قارىم - قاتىناسىن كۇشەيتىپ، «ءبىر بەلدەۋ، ءبىر جولدى» سەلبەسىپ قۇرىپ، شىعاناق ءوڭىرىنىڭ، ءتىپتى، دۇنيە ءجۇزىنىڭ بەيبىتشىلىگى مەن حاۋىپسىزدىگىن بىرگە جەبەۋدى قالايدى.
كەڭەستەن سوڭ، ەكى ەل باسشىلارى ءبىر قىدىرۋ ەكى جاقتى سەلبەستىك حۇجاتتارىنا قول قويىسۋعا كۋا بولدى. تاراپتار تاعى «جۇڭحۋا حالىق رەسپۋبليكاسى مەن كۆەيت مەملەكەتىنىڭ ستراتەگيالىق سەرىكتەستىك قارىم - قاتىناسىن ورناتۋ جونىندەگى بىرلەسكەن مالىمدەمەسىن» جاريالادى.
كەڭەستىڭ الدىندا، شي جينپيڭ حالىق سارايىندا ساباحتى قارسى الۋ سالتىن وتكىزدى. ياڭ جيەچى، ساۋ جيانميڭ، ۋاڭ ي، گۋ شىڭزۋ قاتارلىلار سالتقا قاتىناستى.
