تيانشان تورى   ›   جاڭالىقتار   ›   شينجياڭ حابارلارى

الدىڭعى جارتى جىلدا رايونىمىز سىرتقا 24 ميلليارد 400 ميلليون كيلوۆات - ساعات ەلەكتر جەتكىزدى

  ءتىلشىمىز چىن چياڭۋي 7 - ايدىڭ 9 - كۇنى ۇرىمجىدەن حابارلايدى. مەملەكەتتىك ەلەكتر تورى سەرىكتەستىگىنىڭ شينجياڭ ەلەكتر شەكتى سەرىكتەستىگىنەن ۇعىسۋىمىزشا، بيىل الدىڭعى جارتى جىلدا شينجياڭنىڭ سىرتقا جەتكىزگەن ەلەكتر كولەمى 24 ميلليارد 444 ميلليون كيلوۆات - ساعاتقا جەتىپ، بىلتىرعى سول تۇستاعىدان %10.21 ارتقان. مۇنىڭ ىشىندە، سىرتقا 10 ميلليارد 115 ميلليون كيلوۆات - ساعات جاڭا ەنەرگيا جەتكىزگەن. بۇل سىرتقا جەتكىزگەن ەلەكتر مولشەرىنىڭ %40تەن استامىن يەلەگەن.

  بيىل الدىڭعى جارتى جىلدا شينجياڭنىڭ جاڭا ەنەرگيانى سىرتقا جەتكىزۋ كولەمى بىلتىرعى سول تۇستاعىدان %28.67ارتىپ، سىرتقا جاڭا ەنەرگيا جەتكىزۋ سالىستىرماسى %6 ارتتى. شينجياڭ 12 ولكەمەن، قالامەن «ەلەكتر ارقىلى شينجياڭعا كومەكتەسۋ» بويىنشا ەلەكتر جەتكىزۋدى ۇزدىكسىز ورىستەتىپ، الدىڭعى جارتى جىلدا جەتكىزگەن ەلەكتر كولەمى 5 ميلليارد 234 ميلليون كيلوۆات - ساعاتقا جەتىپ، بىلتىرعى سول تۇستاعىدان %52 ارتىپ، شينجياڭنىڭ ەلەكترىن سىرتقا جەتكىزۋ جالپى مولشەرىنىڭ %21ىن يەلەپ، يەلەگەن سالىستىرماسى بىلتىرعىدان %6 جوعارىلادى.

  جىل باسىنان بەرى، مەملەكەتتىك ەلەكتر تورى سەرىكتەستىگىنىڭ شينجياڭ ەلەكتر شەكتى سەرىكتەستىگى قىزمەتتەردى «ءىشتى قامداۋ، سىرتقا جەتكىزۋ، جاڭا ەنەرگيانى قابىلداۋ» سىندى 3 ۇلكەن مىندەتتى ارقاۋ ەتە ورىستەتىپ، شينجياڭنىڭ ەلەكترىن سىرتقا جەتكىزۋ مەن جاڭا ەنەرگيانى قابىلداۋ كولەمىن ۇزبەي ارتتىرىپ، ايتارلىقتاي ناتيجەگە قول جەتكىزدى.

  مەملەكەتتىك ەلەكتر تورى سەرىكتەستىگى شينجياڭ ەلەكتر شەكتى سەرىكتەستىگىنىڭ قاتىستى ادامى بىلاي دەپ تالداۋ جاسادى: الدىڭعى جارتى جىلدا شينجياڭنىڭ سىرتقا جەتكىزگەن ەلەكتر كولەمى جانە تازا ەنەرگيا سالىستىرماسىنىڭ «قوس ارتۋدى» جۇزەگە اسىرۋىنا «ەلەكتر ارقىلى شينجياڭعا كومەكتەسۋ» قىزمەتىنىڭ 2018 - جىلى بەلسەنە ىلگەرىلەتىلۋى سەبەپ بولعان، بۇل شينجياڭعا كومەكتەسۋ كەلىسىمىنە مەرزىمىنەن بۇرىن قول قويىلۋىنا مۇمكىندىك جاساپ، شينجياڭعا كومەكتەسۋ ساۋداسىنىڭ «الدىمەن ۇيىمداستىرىلۋىن»، شينجياڭعا كومەكتەسۋ ەلەكتر مولشەرىنىڭ «الدىمەن جەتكىزىلۋىن»، تازا ەنەرگيانىڭ سىرتقى جەتكىزىلۋىنىڭ «الدىمەن قامتاماسىز ەتىلۋىن» ىسكە اسىرىپ، ەلەكتر ارقىلى شينجياڭعا كومەكتەسۋ، سونداي - اق شينجياڭنىڭ ەلەكترىن سىرتقا جەتكىزۋ كولەمىنىڭ ارتۋىنا ءتيىمدى شارت - جاعداي ازىرلەدى. قازىر ەلەكتر ارقىلى شينجياڭعا كومەكتەسۋ شينجياڭنىڭ ەلەكترىن سىرتقا جەتكىزۋدىڭ ماڭىزدى قۇرامداس بولىگىنە جانە كولەمىنىڭ ارتۋ تۇيىنىنە اينالىپ وتىر.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى