تيانشان تورابى   ›   جاڭالىقتار   ›   شينجياڭ حابارلارى

سانجى وبلىسى تۇتاس الاپتىق ساياحات ارقىلى سان كاسىپتىڭ گۇلدەنۋىن جەبەدى

  ەرىكتى ءتىلشى جىڭ لييۋان 7 - ايدىڭ 9 - كۇنى سانجىدان حابارلايدى. جەمسارى اۋدانى چۋانزىجيە قالاشىعى شاڭجيۋحۋ قىستاعى تيانشان تاۋىنىڭ ەتەگىنە ورنالاسقان، وسى ارادان الدىعا قاراي جۇرگەندە، چىشى (كاسي) كونە جولى كورىنىستىك اۋماعىنا بارۋعا بولادى. شاڭجيۋحۋ قىستاعى «ساياحات + اۋىل شارۋاشىلىعى» سىندى توعىسا دامۋدىڭ جاڭا ورايىن مىقتاپ يگەرىپ، كورىكتى اۋىل - قىستاق قۇرىپ، شارۋالار شاتتىعى ساياجايىن تۇتاس قىستاق بويىنشا ىلگەرىلەتىپ، جەمىس ءۇزۋ باقشالارىن اشىپ، جاسىل ەگىنشىلىك - باعىمشىلىقتى دارىپتەدى...

  بيىل جىل باسىنان بەرى سانجى حۇيزۋ اۆتونوميالى وبلىسى ساياحاتقا رەفورما جاساۋ، ساياحاتتان جاڭالىق اشۋ شارالارىن ۇزدىكسىز جولعا قويىپ، مەملەكەت دارەجەلى ساياحات كاسىبىندە رەفورما جاساۋ، جاڭالىق اشۋدىڭ كوشباسشى رايونىن جانە تۇتاس الاپتىق ساياحاتتان ۇلگى كورسەتۋ رايونىن قۇرۋعا بار كۇشىن سالىپ، ساياحاتتى تۇتاس الاپتاندىرىپ دامىتۋ، ساياحاتتى جونگە سالۋدى ارناعا ءتۇسىرۋ، ساياحاتپەن قامداۋدى ساپالىلاندىرۋ، «ساياحات +» ۇلگىسى بويىنشا كوپ كاسىپتى توعىستىرا دامىتۋ، ساياحات ارقىلى حالىقتى بايىتۋ سياقتى جاقتاردا باستاپقى ونىمدىلىككە قول جەتكىزدى. تۇتاس الاپتىق ساياحاتتىڭ دامۋ جەتىستىگى ءار جاقتى تيىمدىلىككە كەنەلتىپ، بىرتە - بىرتە جەرگىلىكتى ورىننىڭ ەكونوميكالىق، قوعامدىق دامۋىنداعى ماڭىزدى تىرەككە اينالدى.

  تۇتاس الاپتىڭ قونىستانۋعا، شارۋاشىلىقپەن شۇعىلدانۋعا، ساياحاتتاۋعا لايىقتى بولۋىن جۇزەگە اسىرۋ ءۇشىن، سانجى وبلىسى كوپ ءتۇرلى رەفورما جاساۋ، جاڭالىق اشۋ شارالارىن جولعا قويدى: ساياحات تۇزىلىسىندەگى جان - جاقتى رەفورمانى تەرەڭدەتىپ، تۇتاس الاپتىق ساياحات جوسپارىن جوعارى ولشەم بويىنشا جاسادى؛ تۇتاس الاپتىق ساياحاتتى دامىتۋدى جەدەل ىلگەرىلەتۋ جونىندەگى پىكىر جانە تيىمدىلىك ساياساتتاردى ورتاعا قويدى؛ «7+1» ساياحات قوعامى قۇرىلىمىن تۇلعالاپ، ساياحات اۋماعى، دەمالۋ اۋماعى، زات ساتىپ الۋ اۋماعى، ساياحات شاعىن قالاشىعى، دالاعا تۇنەۋ بازاسى، جاسىل جول سياقتى امبەباپ كولەمدى ساياحات نىسانا ورىندارىن بار كۇشپەن تۇلعالادى؛ تۇتاس الاپتىق ساياحاتتىڭ قاتىناس، اس - سۋ، جاتاق، زات ساتىپ الۋ، توپتاۋ - جونەلتۋگە قىزمەت كورسەتۋ سياقتى جۇيەلەرىن كەمەلدەندىرىپ، ءوز اۆتوكولىگىمەن ساياحاتتاۋ ءدالىزى، شۇعىل جاعدايعا توتەپ بەرۋ - كومەك بەرۋ، زەردەلى ساياحات جۇيەسىن كەمەلدەندىردى، بۇكىل وبلىستىڭ نەگىزگى تاس جولدارىنان كورىنىس رايوندارىنا باراتىن جولدار تۇگەلدەي اسفالتتاندىرىلدى؛ ءۇرىمجى قالاسىمەن، تۇرپان قالاسىمەن بىرلەسىپ «تيانشان تاۋىن اينالا ساياحاتتاۋدىڭ 1000 كيلومەترلىك تاڭداۋلى جەلىسىن»، «تيانشان 100 شاقىرىمدىق قىزىل تاۋ جىنىسى اينالما جەلىسىن»، ءۇرىمجى - سانجى - شىحىزى - قارامايلى قالالار شەڭبەرى ساياحات اينالما جەلىسىن تۇلعالاپ، اناعۇرلىم كولەمدى الاپتىڭ قونىستانۋعا، شارۋاشىلىقپەن شۇعىلدانۋعا، ساياحاتتاۋعا لايىقتى بولۋىن جۇزەگە اسىردى.

  اۆتونوميالى رايوندىق پارتكومنىڭ ساياحات كاسىبىن دامىتۋدى ستراتەگيالىق تىرەكتى كاسىپ سالاسىنا اينالدىرۋ سىندى شەشىم - ورنالاستىرۋىن دايەكتىلەندىرۋ، تياناقتاندىرۋ ءۇشىن، سانجى حۇيزۋ اۆتونوميالى وبلىسى ءداستۇرلى كاسىپ سالاسىنىڭ دەڭگەيىن كوتەرىپ، دارەجەسىن جوعارىلاتۋدى ىلگەرىلەتۋ، ءبىرسىپىرا جاڭا كاسىپ سالاسىن، جاڭا كاسىپ قالىبىن جەتىلدىرۋدى جەبەۋ ماقساتىندا «ساياحات + قاتىناس»، «ساياحات + مادەنيەت»، «ساياحات + اۋىل شارۋاشىلىعى»، «ساياحات + ونەركاسىپ» سىندى ىشكەرىلەي توعىسا دامۋدىڭ 4 سايكەستى حۇجاتىن شىعارىپ، 2020 - جىلدىڭ سوڭىندا ساياحات كاسىبىنىڭ «ءبىر كاسىپ ارقىلى سان كاسىپتى گۇلدەندىرۋ» سىندى جەتەكشىلىك رولىن العاشقى ادىمدا ىسكە اسىرادى.

  سانجى قالاسىنداعى شينجياڭ شياۋچۋ ازىق - تۇلىك شەكتى سەرىكتەستىگىنەن ولشەمدى ءوندىرىس سەحىنىڭ دامدەندىرگىش ماتەريالداردىڭ شىعۋ تاريحىنا، ءوندىرىس بارىسىنا قاتىستى قىزىقتى بىلىمدەر كورمەسى رولىن دا قوسا اتقارعاندىعىن كورە الاسىز. ساياحاتشى ۋاڭ شين: «ساياحات + ونەركاسىپ» فورماسى دا كاسىپورىنداردىڭ ساپاسىن جوعارىلاتىپ، كىرىسىن ارتتىرا الادى ەكەن، - دەدى.

  جاقىنعى جىلداردان بەرى، سانجى وبلىسى ساياحات ارقىلى مالشىلاردى بايىتۋ، كاسىپتەندىرۋ، ساياحات بايلىعىنا جارنا قوسۋ، پايداسىن ءبولىسۋ، ساياحات تيجاراتىنا قاتىناسۋ سياقتى الۋان ءتۇرلى تاسىلدەر ارقىلى قالىڭ بۇقارانىڭ كىرىستەرىن ارتتىرىپ، اۋقاتتانۋعا جول الۋىن ىلگەرىلەتۋگە بار كۇشىن سالدى. 2017 - جىلى تۇتاس وبلىس بويىنشا ساياحات كاسىبىمەن تىكەلەي شۇعىلدانۋشىلاردىڭ سانى 46 مىڭ ادامعا، قاتىستى كاسىپ سالاسى بويىنشا كاسىپتەنگەندەردىڭ سانى 230 مىڭ ادامعا جەتتى. ءبىر توپ كەدەي بۇقارا ساياحات كاسىبىمەن شۇعىلدانۋ ارقىلى كىرىستەرىن ارتتىرىپ، كەدەيلىكتەن قۇتىلۋدى جۇزەگە اسىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى