پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ تامىر تارتۋىن تىڭعىلىقتى ىلگەرىلەتەيىك
ءتىلشىمىز جاۋ جىيۇن 7 - ايدىڭ 9 - كۇنى ۇرىمجىدەن حابارلايدى. 7 - ايدىڭ 9 - كۇنى اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 18 - رەتكى ماجىلىسىندە سويلەگەن ماڭىزدى ءسوزىنىڭ جانە شاڭحاي سەلبەستىك ۇيىمىنىڭ چيڭداۋ باسشىلار باس قوسۋىنىڭ ءساتتى وتكىزىلگەندىگى جونىندە بەرگەن ماڭىزدى نۇسقاۋىنىڭ رۋحىن، اۋىل - قىستاقتاردى وركەندەتۋ ستراتەگياسىن اتقارۋ، ەسىرتكىگە تيىم سالۋ قىزمەتى جونىندەگى ماڭىزدى نۇسقاۋىنىڭ رۋحىن، كوممۋنيستىك جاستار وداعى ورتالىق كوميتەتىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەسكەندە سويلەگەن ماڭىزدى ءسوزىنىڭ رۋحىن، سونداي - اق ۇيىمداستىرۋ قىزمەتى جونىندەگى مەملەكەتتىك ءماجىلىستىڭ رۋحىن جەتكىزدى، ۇيرەندى ءارى جۋىردا اشىلعان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىنىڭ رۋحىن جەتكىزدى، ۇيرەندى.
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى شاۋكەت يمىن ءماجىلىستى باسقاردى ءارى ءسوز سويلەدى.
ءماجىلىس مىنالاردى باسا دارىپتەدى: باس شۋجي شي جينپيڭنىڭ ماڭىزدى ءسوزىنىڭ جانە ماڭىزدى نۇسقاۋىنىڭ رۋحى توتەنشە كۇشتى ستراتەگيالىققا، ساياسيلىققا، يدەيالىققا جانە باعىتتامالىلىققا يە، ءبىزدىڭ قىزمەتتەردى ىشكەرىلەي جاقسى ىستەۋىمىزگە ايقىن العا باسۋ باعدارىن كورسەتىپ، ءتۇبىرلى ولشەم ازىرلەدى. ءبىز باس شۋجي شي جينپيڭنىڭ ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن ۇيرەنۋدى، دايەكتىلەندىرۋدى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ۇيرەنۋمەن، دايەكتىلەندىرۋمەن تىعىز ۇشتاستىرىپ، باس شۋجي شي جينپيڭنىڭ حالىق قۇرىلتايى ءتۇزىمى جونىندەگى يدەياسىن دايەكتىلەندىرۋمەن، تياناقتاندىرۋمەن تىعىز ۇشتاستىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن دايەكتىلەندىرۋمەن، تياناقتاندىرۋمەن تىعىز ۇشتاستىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋمەن، تياناقتاندىرۋمەن تىعىز ۇشتاستىرىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرۋىمىز، اۆتونوميالى رايوندىق پارتكومنىڭ قىزمەت ورنالاستىرۋلارىمەن بىرلىككە كەلتىرۋىمىز كەرەك. حالىق قۇرىلتايى قىزمەتىنىڭ ءىس جۇزىندىگىمەن تىعىز ۇشتاستىرىپ، حالىق قۇرىلتايىنىڭ فۋنكتسياسى مەن باسىمدىعىن تولىق ساۋلەلەندىرىپ، جەرگىلىكتى زاڭ - تۇزىمدەرگە تاباندى بولىپ جانە ولاردى كەمەلدەندىرىپ، باقىلاۋدىڭ ناقتى ونىمدىلىگىن كۇشەيتىپ، حالىق قۇرىلتايى قىزمەتىنىڭ جاڭا جاعدايىن قۇلشىنا اشۋىمىز كەرەك.
ءماجىلىس مىنالاردى اتاپ كورسەتتى: ۇيىمداستىرۋ قىزمەتى جونىندەگى مەملەكەتتىك ءماجىلىس جۇڭگوشا سوتسياليزم جاڭا داۋىرگە ءوتىپ، پارتيانى جاپپاي قاتاڭ جونگە سالۋ تەرەڭدەي تۇسكەن ماڭىزدى ساتتە اشىلعان بەلەستىك مانگە يە ماڭىزدى ءماجىلىس. اۆتونوميالى رايوندىق حالىق قۇرىلتايى تۇراقتى كوميتەتىنىڭ پارتيا باسشىلىق گرۋپپاسى، ورگانداعى ءار دارەجەلى پارتيا ۇيىمدارى باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا قۇلشىنا كۇش سالۋ كەرەك. پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيا قۇرىلىسىنىڭ جاڭا ۇلى ينجەنەرياسىن اناعۇرلىم جوعارى ساياسي سانالىلىقپەن ىلگەرىلەتۋ كەرەك. ۇيىمداستىرۋ قىزمەتىنىڭ ءتۇرلى مىندەتتەرىنىڭ ناقتى تياناقتانۋىن جاپپاي ىلگەرىلەتىپ، ادال، كىرشىكسىز، جاۋاپكەرلىك ارقالايتىن جوعارى ساپالى كادرلار قوسىنىن قۇرۋعا قۇلشىنۋ كەرەك. ۇزدىك جاس كادرلاردى زور كۇشپەن بايقاۋ، باۋلىپ، تاڭداپ ءوسىرىپ، اۆتونوميالى رايوننىڭ جاڭا داۋىردەگى حالىق قۇرىلتايى قىزمەتىن تىڭعىلىقتى ىستەۋگە جاندى ومىرشەڭدىك كۇش قوسۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ورىنباسار شۋجيىلەرى، ورىنباسار مەڭگەرۋشىلەر لي شۋەجۇن، ۋاڭ يۇڭميڭ، پارتيا باسشىلىق گرۋپپاسىنىڭ مۇشەلەرى، ورىنباسار مەڭگەرۋشىلەر ءمۇتالىپ قاسىم، مانەن زەينەل ۇلى، سو يۋە ماجىلىسكە قاتىناستى، ورىنباسار مەڭگەرۋشى دۇڭ شينگۋاڭ ماجىلىسكە سىرتتاي قاتىناستى.
