لين شينيىڭ: ساقتالۋ مەرزىمىنىڭ ءمانى «ءونىمنىڭ قالىپتى شارت - جاعدايداعى ساپاسىنا كەپىلدىك ەتۋ ۋاقىت شەكتەمەسى» سانالادى، ساقتالۋ مەرزىمى ىشىندە ساۋداگەر ءونىمنىڭ ساپاسىنا جاۋاپتى بولادى، سوندىقتان ساقتالۋ مەرزىمى ىشىندە تۇتىنۋدى ۇسىنىس ەتەمىز، الايدا ساقتالۋ مەرزىمى ازىقتىق ساپاسىنىڭ وزگەرگەن - وزگەرمەگەنىن بەلگىلەيتىن بىردەن - ءبىر ولشەم ەمەس، مۇندا ناقتى جاعدايعا قاراي تۇجىرىم جاساۋعا تۋرا كەلەدى. ساقتالۋ مەرزىمى ىشىندە ازىقتىقتار ساقتالۋ ءادىسى، ورتا سياقتى فاكتورلاردىڭ ىقپالىندا ۋاقىتىنان بۇرىن بۇزىلىپ كەتۋى دە مۇمكىن. ساقتالۋ مەرزىمى اسىپ كەتكەن ازىقتىق بۇزىلعان، جەۋگە كەلمەيدى دەۋگە بولمايدى، بۇل ىشكەرىلەي تەكسەرىپ تۇجىرىم جاساۋدى قاجەت ەتەدى، - دەدى.
كەپتىرىلگەن ازىقتىقتار
اعاش ساڭىراۋقۇلاعى سياقتى كەپتىرىلگەن ازىقتىقتاردى (حالىقارالىق ولشەم بويىنشا سۋ قۇرامى %14تەن تومەن بولۋى كەرەك دەپ بەلگىلەنگەن) لايىقتى شارت - جاعدايدا 3 تە 4 جىل ساقتاۋعا بولادى. ساقتالۋ مەرزىمى اسىپ كەتكەن كۇندە دە كوگەرىپ بۇزىلماسا، بوگدە ءيىس بولماسا جانە دامىندە ەشقانداي وزگەرىس بولماسا ۇزدىكسىز تۇتىنۋعا بولادى. الايدا ەسكەرۋگە ءتيىستىسى، مۇنداي ازىقتىقتاردىڭ پەشەتى بۇزىلسا، وڭاي دىمدانىپ، ساپاسى تەز وزگەرەدى.
ازىقتىق ماي
قاراماققا مايدىڭ ءتۇسى، ءدامى وزگەرمەگەن سياقتى بولعانىمەن، قاقپاعى اشىلىپ، وتتەگىمەن جاناسقاننان كەيىن مايدىڭ اسقىن توتىعۋ كورسەتكىشى كۇرت جوعارىلاپ كەتەدى، ۇزاق ۋاقىت مۇنداي مايدى ىستەتكەندە جۇرەك - مي قان تامىر اۋرۋى مەن راك اۋرۋىنا شالدىعۋ حاۋپىن ارتتىرۋى مۇمكىن. قاقپاعى اشىلعان مايدى 3 ايدىڭ ىشىندە ىستەتىپ بولۋ؛ بولەك ىدىسقا قۇيىلعان ماي ءبىر اپتانىڭ ىشىندە ىستەتىلىپ بولۋى كەرەك.
نەگىزگى ازىق - تۇلىك
نەگىزگى ازىق - تۇلىك سۋ قۇرامىنىڭ از - كوپتىگىنە قاراي 2 تۇرگە بولىنەدى، سۋ قۇرامى كوپ بولعاندار بۋ نان، بولكا سياقتىلار. سۋ قۇرامى از بولعاندار پراندىك سياقتىلار. بولكا مەن بۋ ناننىڭ ساقتالۋ مەرزىمى ادەتتە 3 تە 7 كۇن بولادى، ساقتالۋ مەرزىمى ءوتىپ كەتىپ، كەۋىپ، قاتىپ قالسا تالقان جاساپ جەۋگە بولادى، الايدا كوگەرىپ، ءدامى شىعىپ كەتسە جەۋگە بولمايدى. پراندىكتىڭ قۇرامىنداعى سۋ مولشەرى وتە از بولادى، ەگەر ساڭلاۋسىز قوراپتالعان بولسا، ادەتتەگى جاعدايدا ساقتالۋ مەرزىمى ءبىر جىلدان ارتىق بولادى، قورابىنىڭ ىشىنە اۋا كىرىپ، دىمدانىپ كەتپەگەن جاعدايدا ساقتالۋ مەرزىمى اسىپ كەتسە دە ءدامى وزگەرمەسە ۇزدىكسىز تۇتىنۋعا بولادى.
ءسۇت ونىمدەرى
ساقتالۋ مەرزىمى اسىپ كەتكەن سيىر ءسۇتى قويمالجىڭدانىپ، بىركەلكى بولماعان سۇيىقتىق كۇيدە بولسا نەمەسە ءىرىپ، كوگەرىپ كەتسە ىستەتۋگە بولمايدى. ءسۇت تالقانىنىڭ قۇرامىندا سۋ بولمايدى، سوندىقتان ساقتاۋ مەرزىمى ءبىرشاما ۇزاق بولادى، ساقتالۋ مەرزىمىنىڭ ءوتىپ كەتكەنىنە ۇزاق بولماعان، رەڭى قاراۋىتىپ وزگەرمەگەن، جاي كوزبەن كورۋگە بولاتىن بوگدە زات، بوگدە ءيىس بولماسا، شىرىگەن، كوگەرگەن، بورسىعان ءدام بولماسا ۇزدىكسىز تۇتىنۋعا بولادى؛ ساقتالۋ مەرزىمى اسىپ كەتكەن ايراننان اراقتىڭ ءدامى، اشىعان، كوگەرگەن ءدام شىعىپ قالسا ىشۋگە بولمايدى.
مۇزداتىلعان ەت پەن بالىق
مۇزداتىلعان جاعدايدا بالىق پەن ەتتى ۇزاق بولعاندا ءبىر جىلعا دەيىن ساقتاۋعا بولادى. الايدا ماماندار مۇزداتقىشتىڭ ەسىگى ۇنەمى اشىلىپ - جابىلاتىندىقتان، مۇزداتقىشتىڭ ىشكى تەمپەراتۋراسىندا ۇنەمى وزگەرىس تۋىلىپ، ساقتالۋ مەرزىمىن قىسقارتاتىندىعىن، ەگەر بورسىعان، ساسىق ءيىس بولسا، جىبىتكەننەن كەيىن بەتىندە ءبىر قابات جابىسقان نارسە پايدا بولسا، وندا جەۋگە بولمايتىندىعىن ەسكەرتەدى.
سۋسىندىق
سۋسىندىقتار جايشىلىقتا ساڭلاۋسىز قوراپتالادى، ساقتالۋ مەرزىمى اسىپ كەتسە دە سىرتقى كورىنىسىندە كورنەكتى وزگەرىس بولماسا، رەڭى وزگەرىپ كەتپەسە، لايلانىپ تۇنىپ قالماسا ۇزدىكسىز ىشۋگە بولادى، الايدا ءدامىن تاتىپ كورۋ قاجەت. دامىندە وزگەرىس بولسا ىشۋگە بولمايدى، قاقپاعى اشىلعان سوڭ ءبىر كۇندە ءىشىپ بولۋ كەرەك.
ەڭ سوڭىندا لين شينيىڭ مىنالاردى ەسكەرتەدى: كەيبىر ازىقتىقتاردىڭ ساقتالۋ مەرزىمى اسىپ كەتسە دە پايدالانۋعا بولادى، الايدا ونىڭ قورەكتىك قۇنى مەن دامىنە كەپىلدىك ەتۋ ءۇشىن ساقتالۋ مەرزىمى ىشىندە تۇتىنعان ءجون.
اۋدارعان: احات سانياز ۇلى
