سۇيەكتىڭ بوساۋى دەنەدەگى سۇيەك زاتى مولشەرىن تومەندەتىپ، سۇيەكتىڭ ورگانيزمدىك قۇرىلىمىن ءبۇلدىرىپ، سۇيەكتىڭ مورتتانۋىن، وڭاي سىنۋىن جانە تۇتاس دەنەنىڭ زات الماسۋ سيپاتىندىق اۋرۋىن كەلتىرىپ شىعارادى. تۇرمىس ريتىمىنىڭ تەزدىگى، دەنەگە قورەكتىك جەتىسپەۋ، ارەكەت از بولۋ سياقتى سەبەپتەردەن سۇيەك بوسايدى.
ساناققا نەگىزدەلگەندە، كەزەكتە ەلىمىزدە 50 جاستان اسقان سۇيەك بوساۋ اۋرۋىنا شالدىعۋشىلاردىڭ سانى 6944كە جەتىپ، مۇنىڭ ىشىندە ايەلدەردىڭ سانى ەرلەردىڭ 3 ەسەسىندەي بولعان. وسىنداي سەبەپتەن مەرتىگۋ، قول - اياقتىڭ قاقساپ اۋرۋى جانە بەل ومىرتقا سۇيەگىنىڭ قالىپسىز يىلۋى سياقتى اۋرۋلارعا كىرىپتار بولۋ سالىستىرماسى كۇن ساناپ ارتۋدا.
ۆيتامين D ادام دەنەسىنىڭ تەپە - تەڭدىك قۋاتىن ساقتاپ، يمۋنيتتەتتىك قۋاتىن ارتتىرادى، مۇنان تىس، كلەتكانىڭ ءوسىپ - جەتىلۋى مەن كوبەيۋىن رەتكە ءتۇسىرىپ، سۇيەك زاتى مولشەرىنىڭ تۇراقتى كۇيىن ساقتاۋدا ماڭىزدى رول اتقارادى. ادام دەنەسى ۆيتامين Dنى ىشكى جانە سىرتقى جاقتان بىردەي قابىلدايدى. ادام تەرىسى كۇن نۇرى مەن ۋلترا كۇلگىن ساۋلەسىن سىمىرگەننەن كەيىن جارىق جانە حيميالىق رەاكسيادان تۇزىلگەن ۆيتامين Dنى قابىلداۋى ىشكى جاقتان قابىلداۋ ەسەپتەلەدى. ازىقتىق زاتتاردىڭ قۇرامىنداعى ۆيتامين Dنى قابىلداۋ سىرتقى جاقتان قابىلداۋعا جاتادى.
قاننىڭ قۇرامىنداعى ۆيتامين Dنىڭ مولشەرى جاساعان ءوڭىر، ازىقتىق قۇرىلىمى جانە كۇن نۇرىمەن بايلانىستى بولادى. ۇقساماعان ءوڭىر، جىنىس، جاس شاماسى، مەزگىل، قان تيپىنە بايلانىستى ۇقساماستىق ءومىر سۇرەدى، ۇقساس رايون، ۇقساس ۇلتتار اراسىندا ۇقساماعان مەزگىلدە ۆيتامين Dنىڭ مولشەرى تۇرلىشە بولعاندىقتان، باۋىر، بۇيرەك قىزمەتىندە ايىرماشىلىق پايدا بولىپ، ۆيتامين Dنىڭ سىمىرىلۋىنە ىقپال جاسايدى.
سوندىقتان، قارتتار، كۇن كوزىنەن تاسادا قىزمەت ىستەيتىندەر، سىرتقى قيمىلمەن از شۇعىلداناتىندار جانە دەنەسىندە ۆيتامين D كەمشىل بولعاندار مەن ۇزاق ۋاقىت جوعارى ەندىك گرادۋس رايوندارىندا قونىستانعاندار ۆيتامين Dنى تولىقتاۋعا كوڭىل بولگەن ءجون.
اۋدارعان: تۇيمەقان يساقان قىزى
