پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىتپاي دايەكتىلەندىرىپ، رەفورمانى جاپپاي تەرەڭدەتۋدىڭ ىشكەرىلەي ىلگەرىلەۋىن جەبەۋ كەرەك
چىن چۋانگو ءماجىلىستى باسقاردى
تىلشىلەرىمىز ياۋ تۇڭ، دۇڭ شاۋحۋا 7 - ايدىڭ 10 - كۇنى ۇرىمجىدەن حابارلايدى. 7 - ايدىڭ 9 - كۇنى تۇستەن كەيىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 3 - رەتكى ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، اۆتونوميالى رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس بىلاي دەپ اتاپ كورسەتتى: باس شۋجي شي جينپيڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 3 - رەتكى ماجىلىسىندە سويلەگەن ماڭىزدى سوزىندە پارتيا 19 - قۇرىلتايىنان بەرگى رەفورمانى جاپپاي تەرەڭدەتۋدە قول جەتكىزگەن تىڭ دا ەلەۋلى ىلگەرىلەۋشىلىكتەردى جۇيەلى قورىتىندىلاپ، رەفورمانى جاپپاي تەرەڭدەتۋدى بۇلجىتپاي ىشكەرىلەي ىلگەرىلەتۋدىڭ كۇشتى سيگنالىن تاراتىپ، جاڭا داۋىردە رەفورمانى جاپپاي تەرەڭدەتۋىمىزگە ءتۇبىرلى ولشەم ازىرلەپ بەردى. ءبىز يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، رەفورما شارالارىنىڭ شينجياڭدا تەرەڭ تامىر تارتۋىن ىلگەرىلەتۋىمىز كەرەك.
ءبىرىنشى، ناتيجەنى كورە ءبىلۋ، سەنىمدى بەكەمدەۋ كەرەك. پارتيا 19 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا 18 - قۇرىلتايىنان بەرگى رەفورما جەتىستىكتەرىن تەرەڭدەتۋ نەگىزىندە، ورايدى مىقتى يگەرىپ، جالپى جاعدايلىق كەلەلى رەفورمالاردى ىلگەرىلەتىپ، رەفورمانى جاپپاي تەرەڭدەتۋدە تىڭ دا ەلەۋلى ىلگەرىلەۋشىلىكتەرگە قول جەتكىزىپ، ءسوزسىز جەڭىسكە جەتۋ سەنىمىن اناعۇرلىم بەكەمدەپ، جاڭا داۋىردەگى رەفورمانى سوڭىنا دەيىن بۇلجىماي جاپپاي تەرەڭدەتكەندىگىن جەتە تانۋ كەرەك.
ەكىنشى، ءتۇزىمدى كەمەلدەندىرۋ، ومىرشەڭدىكتى قاۋلاتۋ كەرەك. رەفورما جاساۋ، جاڭالىق اشۋ سەرپىنىن ارتتىرىپ، ءتۇزىلىس، مەحانيزم تۇساۋىن بۇزىپ، ءتۇزىمنىڭ ءتۇبىرلى رولىن تولىق ساۋلەلەندىرىپ، ءتۇزىم ارقىلى بايلىقتى جانداندىرىپ، ونىمدىلىكتى جوعارىلاتىپ، رەفورمانى جاپپاي تەرەڭدەتۋدى تۇزىممەن قامتاماسىزداندىرۋ كەرەك.
ءۇشىنشى، تاجىريبەلەردى قورىتىندىلاۋ، دەر كەزىندە جالپىلاستىرۋ كەرەك. كەيبىر ورىنداردىڭ، سالالاردىڭ رەفورما سىناقتارىن دەر كەزىندە قورىتىندىلاپ، رەفورما جوبالارىن كەمەلدەندىرىپ، ءونىمدى ەكەندىگى دالەلدەنگەن تاجىريبەلەردى، ادىستەردى دەر كەزىندە قورىتىندىلاپ، سۇرىپتاپ، كەمەلدەندىرىپ، جۇيەلىلەندىرىپ، جالپىلاستىرىپ، ۇلگىلىك، جەتەكشىلىك رولىن تولىق ساۋلەلەندىرۋ كەرەك.
ءتورتىنشى، زاڭدىلىققا بويسۇنۋ، جەرگىلىكتى ورىننىڭ جاعدايىنا ۇيلەستىرۋ كەرەك. زاڭدىلىقتى يگەرىپ، زاڭدىلىققا بويسۇنىپ، وبيەكتيۆ زاڭدىلىق بويىنشا ءىس ىستەپ، رەفورمانى عىلمي، ءونىمدى تەرەڭدەتىپ، تۇرلىشە جاعدايلاردى پارىقتاندىرىپ، تۇرلەرگە ءبولىپ جەتەكشىلىك ەتىپ، شارانى دالمە - ءدال اتقارۋدان جازباي، رەفورمانى تۇيىندەردە سىناق ەتۋ قىزمەتىنىڭ ونىمدىلىگىن جوعارىلاتۋ كەرەك.
بەسىنشى، جاۋاپكەرشىلىكتى تياناقتاندىرۋ، جاۋاپكەرشىلىكپەن ءىس تىندىرۋ كەرەك. ءار دارەجەلى پارتكومدار رەفورمانى جاپپاي تەرەڭدەتۋدىڭ سۋبيەكتتىك جاۋاپكەرشىلىگىن ارقالاپ، ءبىرىنشى باسشى تىكە يگەرۋ، باستى جاۋاپكەرشىلىكتى ارقالاۋ كەرەك. جاۋاپكەرشىلىكتى ساتىلار بويىنشا تياناقتاندىرىپ، تاراۋلار قىزمەت ءبولىسى بويىنشا جاۋاپتى بولىپ، رەفورمانى جاپپاي تەرەڭدەتۋدىڭ ءاربىر قىزمەتىندە جاۋاپكەرشىلىكتى ادامدارعا تۇراقتاندىرۋ، جاۋاپكەرشىلىكتى قۋزاستىرۋ كەرەك. كادرلاردى ىسكەرلىك كورسەتۋگە ىنتالاندىراتىن ساياسات - شارالاردى ورناتىپ، كەمەلدەندىرىپ، رەفورماشىلاردىڭ ءىس ىستەگىسى كەلۋىنە، ءىستى ىستەي الۋىنا، ىستەن ناتيجە شىعارۋىنا مۇمكىندىك تۋدىرىپ، رەفورمانى جاپپاي تەرەڭدەتۋدىڭ پارمەندى بىرىككەن كۇشىن ۇيىستىرۋ كەرەك.
التىنشى، تيپ ورناتۋ، راي قالىپتاستىرۋ كەرەك. رەفورما جاساپ، ەسىك اشۋدىڭ 40 جىلدىعىن قۇتتىقتاۋدى وراي ەتىپ، رەفورماداعى ۇزدىك تيپتەردەن ءبىر توبىن بايقاپ، ماراپاتتاپ، ولاردىڭ تاڭداۋلى ىزگى ىستەرىن كەڭىنەن ۇگىتتەپ، بۇكىل قوعامدا رەفورما رۋحىن بار كۇشپەن اسقاقتاتىپ، رەفورمانى جاپپاي تەرەڭدەتۋگە تاماشا راي قالىپتاستىرۋ كەرەك.
ءماجىلىس باسقا دا ىستەردى اقىلداستى.
شوكىرات زاكىر، شاۋكەت يمىن، نۇرلان ءابىلماجىن ۇلى، سۇن جينلۇڭ، لي پىڭشين، ليۋ ۋانلۇڭ، لي ۋي، شۇي حايرۇڭ، ەركىن تۇنياز، ما شۋەجۇن، تيان ۋىن، لو دۇڭچۋان، جاڭ چۇنلين ماجىلىسكە قاتىناستى.
