بۇراتالا موڭعۇل اۆتونوميالى وبلىستىق ۇلت - ءدىن ىستەرى كوميتەتىنىڭ جىڭ اۋدانى تاقيا قالاشىعى ۋىنحۋا الەۋمەتتىك اۋماعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، ءبىرىنشى شۋجي
جەڭىس مۇقان ۇلى
مەن كىشكەنتايىمنان ءار ۇلت اعا - باۋىر، اپەكە - قارىنداستارىممەن بىرگە ەسەيدىم، پارتيانىڭ دانا، دۇرىس باسشىلىعىندا مەكەنىمىزدىڭ قوعامىنىڭ جاراسىمدى دا ورنىقتى بولعاندىعىن، ەكونوميكاسىنىڭ تەز قارقىنمەن دامىعاندىعىن، حالىقنىڭ باقىتتى دا الاڭسىز تۇرمىس كەشىرگەندىگىن شىنايى سەزىندىم. مەن پارتيانىڭ ابزال ساياساتىنىڭ ارقاسىندا جوعارى دارەجەلى تاربيە الىپ، بىرتىندەپ پارتيالى كادر بولىپ ەسەيىپ، پارتيا ءۇشىن، حالىق ءۇشىن قىزمەت ىستەيتىن ساحناعا يە بولدىم. مەن پارتيانىڭ باۋلۋىنا العىس ايتامىن، ماڭگى پارتيانىڭ سوزىنە قۇلاق اسىپ، پارتياعا ىلەسەمىن.
باس شۋجي شي جينپيڭ پارتيا 19 - قۇرىلتايىنىڭ بايانداماسىندا: «پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعى، العاباسارلىعى تاربيەسىن تەرەڭدەتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتىپ، ۇلتتاردىڭ اناردىڭ دانىندەي تىعىز ۇيىسىپ، ىنتىماقتاسا كۇرەس جۇرگىزىپ، بىرگە كوركەيىپ - گۇلدەنۋىن، دامۋىن جەبەۋ كەرەك» دەپ اتاپ كورسەتتى. پارتيانىڭ تالاي جىلدىق تاربيەسى مەن باۋلۋىندا ەسەيگەن كادر رەتىندە، مەن ۇلتتار ىنتىماعىنىڭ شينجياڭنىڭ قوعام ورنىقتىلىعى مەن باياندى تىنىشتىعىنداعى كەلەلى ءمانىن تەرەڭ ءتۇسىندىم، مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جاپپاي دۇرىس ۇيرەنىپ، ءتۇسىنىپ، پارتيا 19 - قۇرىلتايىنىڭ رۋحىن دايەكتىلەندىرىپ، تياناقتاندىرىپ، قىزمەتتەردى قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتە وتىرىپ جوسپارلايمىن، ىلگەرىلەتەمىن.
مەن پارتيانىڭ ۇلت، ءدىن ساياساتىن جانە زاڭدارىن، زاڭ - ەرەجەلەرىن جۇيەلى جان - جاقتى ۇيرەنىپ، قالىڭ حالىق بۇقاراسىنا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن كەڭىنەن ۇگىتتەيمىن؛ شينجياڭداعى ءار ۇلت حالقىنىڭ قۇلشىنا كۇرەس جاساۋىنىڭ ارقاسىندا شينجياڭداعى تۋىلعان زور وزگەرىستەردى ۇگىتتەيمىن؛ شەكارا ءىشى - سىرتىنداعى «ءۇش ءتۇرلى كۇشتىڭ» «ۇلتتى» جەلەۋ ەتىپ، «ءدىن» تونىن جامىلىپ، ءپانىسلاميزم، پانتۇركيزم يدەياسىن ۋاعىزداپ، مەملەكەتتى بولشەكتەۋگە ۇرىنعان جاۋىزدىق ءمانىن ايقىن ءتۇسىندىرىپ، ءار ۇلت بۇقاراسىن ىنتىماقتاسا جاۋعا بىرگە كەكتەنىپ، «ءۇش ءتۇرلى كۇشپەن»، «ەكىبەتكەيلەرمەن» باتىل كۇرەس جاساۋعا تاربيەلەيمىن، باستايمىن.
مەن بىلاي دەپ سەرت بەرەمىن: اۋەلگى ماقساتتى ۇمىتپاي، بورىشتى ەستە بەرىك ساقتاپ، «ءتورت تانىمدى» مىقتاپ ورناتىپ، «ءتورت سەنىمدى» بەكەمدەپ، قاي - قاشان دا باس نىسانانى تياناقتاندىرۋدىڭ اتويشىسى بولامىن؛ «ءۇش ءتۇرلى كۇشپەن»، «ەكىبەتكەيلەرمەن» باتىل كۇرەس جاسايمىن؛ كەزەكتەگى قىزمەتتەردى ويداعىداي ىستەپ، ءوزىمنىڭ ونەگەلىك ارەكەتىممەن ءار ۇلت بۇقاراسىنىڭ پارتياعا العىس ايتۋىنا، پارتيانىڭ سوزىنە قۇلاق اسۋىنا، پارتياعا ىلەسۋىنە بەلسەندى ىقپال كورسەتىپ جانە ولاردى جەتەكتەپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋعا ءتيىستى ۇلەسىمدى قوسامىن.
