ءتىلشىمىز لي چۇنشيا
«بيىل وتباسى تۇرمىسىمدا وراسان زور وزگەرىس بولدى، مەنىڭ ورتاق ءتىل دەڭگەيىم ءوستى، اقشا دا تاپتىم»، - دەدى شينجياڭ جۇڭتاي توبى حۋاتاي سەرىكتەستىگىندە تۇنگى جۇمىستان ەندى قايتقان كۇيدىرگىش ءسىلتى سەحىنىڭ قىزمەتشىسى اباباكىر ءومارالي 7 - ايدىڭ 11 - كۇنى تىلشىگە جۇزىنەن قۋانىش ەسىپ.
جۇمىسقا ورنالاستىرۋ − حالىق تۇرمىسىنا قاتىستى ەڭ ۇلكەن ءىس. اۋىل - قىستاق ارتىق ەڭبەككۇشتەرىن باسقا سالاعا ويىستىرىپ جۇمىسقا ورنالاستىرۋ اۆتونوميالى رايونىمىزدىڭ جۇمىسقا ورنالاستىرۋ قىزمەتىندەگى ەڭ ماڭىزدى قىزمەت، سونداي - اق كەدەي بۇقارانى كەدەيلىكتەن قۇتىلدىرىپ، بايۋعا باستاۋدىڭ ماڭىزدى جولى. اۆتونوميالى رايوندىق پارتكوم مەن ۇكىمەت شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، ۇكىمەتتىڭ جەتەكشىلىگىن نەگىز ەتكەن، ۇيىمدى تۇردە باسقا سالاعا ويىستىرىپ جۇمىسقا ورنالاستىرۋ جاڭا مەحانيزمى جونىندە ىزدەنىس جاسادى جانە ونى ورناتتى، وسىنىڭ ناتيجەسىندە وڭتۇستىك شينجياڭداعى كەدەي وتباسىلارىنداعى اناعۇرلىم كوپ ەڭبەككۇشتەر پارتيانىڭ جاقسى ساياساتىنىڭ يگىلىگىن كورىپ، ەڭبەگىمەن ءوزىن دامىتۋدىڭ ورايىنا يە بولدى. يىڭسار اۋدانىنان كەلگەن اباباكىر سولاردىڭ ءبىرى.
2017 - جىلى 4 - ايدا اۆتونوميالى رايون قاشقار، حوتان ايماعىنان 3 جىلدا 100 مىڭ ادامدى جۇمىسقا ورنالاستىرۋ جوسپارىن اتقاراتىندىعى تۋرالى حابار تيانشاننىڭ تۇستىگى مەن تەرىستىگىنە تارالدى. كوپ وتپەي، قاشقار، حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردەن تۇڭعىش توپتا 1000 ادام باسقا سالاعا ويىسىپ، شينجياڭ جۇڭتاي توبىنا جۇمىسقا ورنالاستى، اباباكىر ايەلىمەن بىرگە شينجياڭ جۇڭتاي توبى حۋاتاي سەرىكتەستىگىنە جىبەرىلىپ، جارتى جىل تەحنيكا، زاڭ بىلىمدەرى سياقتى كۋرستىق تاربيەگە قاتىسىپ، بىلتىر 10 - ايدىڭ سوڭىندا قاتىستى ەمتيحاننان ءوتىپ، سەرىكتەستىكتىڭ باسقا سالادان كەلىپ، جۇمىسقا رەسمي قابىلدانعان تۇڭعىش توپتاعى قىزمەتشىلەرىنىڭ بىرىنە اينالدى، ولاردىڭ ايلىق ەڭبەكاقىلارى دا 2000 يۋاننان كوبەيىپ 3000 يۋاننان استى.
«سەرىكتەستىك ءبىزدى تۇرعىن ۇيمەن، تۇرمىستىق بۇيىمدارمەن قامتاماسىز ەتىپ، <توتە عانا كىرە سالۋىمىزعا> جاعداي جاسادى، ءبىز بۇدان قاتتى اسەرلەندىك»، - دەيدى اباباكىر تىلشىگە، ونىڭ ايتۋىنشا، ايەلى ەكەۋى وسى جۇمىس ورايىن ايرىقشا قاستەرلەپ، ءوندىرىس جۇمىستارىنا قاتىستى تەحنيكالاردى قۇلشىنا ۇيرەنىپ، قىزمەتتە كوزگە كورىنىپتى، بىلتىر جۇمىسقا رەسمي قابىلدانعان سوڭ، ايەلى ەكەۋى ايىنا از دەگەندە 7000 يۋان تابادى ەكەن. بيىل 4 - ايدا ولار ەڭبەكاقىلارىنا سۇيەنىپ، وتباسىنىڭ 30 مىڭ يۋاننان استام قارىزىن قايتارعان. «بۇرىن كەدەي وتباسى ەدىك، بيىل كەدەيلىكتەن قۇتىلدىق»، - دەيدى ول. ايەلى ەكەۋى ۇزدىكسىز قۇلشىنىپ، كوبىرەك اقشا تاۋىپ، جيناپ، سەرىكتەستىكتىڭ ماڭىنان ءۇي ساتىپ الىپ، اناعۇرلىم جاقسى ءبىلىم الۋى ءۇشىن، 2 قىزىن وسىندا اكەلىپ وقىتپاقشى.
2017 - جىلى قاشقار، حوتان ايماقتارىنىڭ قالا، اۋىلدارىنداعى 47 مىڭنان استام ارتىق ەڭبەككۇش اباباكىر سياقتى باسقا سالاعا ويىسىپ، سولتۇستىك شينجياڭداعى، شىعىس شينجياڭداعى قالالاردا ورنىعىپ، جۇمىسقا ورنالاسۋ ارقىلى تۇرمىستارىن جاقسارتىپ، يدەيا - كوزقاراستارىنا بۇرىلىس جاسادى، ءسويتىپ، ولار وڭتۇستىك شينجياڭداعى اناعۇرلىم كوپ ارتىق ەڭبەككۇشتەردىڭ، اسىرەسە، كەدەي وتباسىلارىنداعى ەڭبەككۇشتەردىڭ ۇيلەرىنەن شىعىپ، جارقىن ءومىردىڭ جەلكەنىن جايۋىنا ىقپال ەتتى.
بيىل جىل باسىندا اۆتونوميالى رايونىمىز قاشقار، حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردى ۇيىمدى تۇردە باسقا سالاعا ويىستىرىپ جۇمىسقا ورنالاستىرۋ قىزمەتىن ارقاۋ ەتىپ، قامتۋ اۋماعىن كەڭەيتىپ، وڭتۇستىك شينجياڭنىڭ 3 ايماق، ءبىر وبلىسىنداعى اۋىر كەدەي وڭىرلەردە جۇمىسقا ورنالاستىرۋ ارقىلى كەدەيلەردى سۇيەمەلدەۋدىڭ 3 جىلدىق جوسپارىن جاساپ، اتقارىپ، نازاردى اۋىر كەدەي اۋداندارداعى ارحيۆ تۇرعىزىلىپ، كارتچكا بەرىلگەن كەدەي وتباسىلارىنداعى ەڭبەككۇشتەرگە شوعىرلاندىرىپ، «التى ءبىر توپ» ارقىلى 3 جىلدا 100 مىڭ ادامدى، 2018 - جىلى 40 مىڭ ادامدى باسقا سالاعا ويىستىرىپ جۇمىسقا ورنالاستىرادى.
اۆتونوميالى رايوننىڭ جۇمىسقا ورنالاستىرۋ ارقىلى كەدەيلەردى سۇيەمەلدەۋ ساياساتىنىڭ يگىلىگىن كورۋشىلەردىڭ ءبىرى رەتىندە، بيىل 5 - ايدىڭ 15 - كۇنى كەريا اۋدانى ارال اۋىلى ارال قىستاعىنان كەلگەن يبىرايىم ءماتتۇردى قىستاقتاعى 20 اداممەن بىرگە باسقا سالاعا ويىسىپ، شينجياڭ جۇڭتاي توبى حۋاتاي سەرىكتەستىگىنە جۇمىسقا ورنالاستى، قازىر كۋرستىق تاربيەدەن وتۋدە، ال ونىڭ ۇستازى ءبىز جاڭا ايتقان اباباكىر ەكەن. «ۇستازىمنىڭ قازىر وسىنداي جاقسى ىستەپ جاتقانىن كورىپ، مەن دە قۇلشىنا ۇيرەنسەم، ەرتەرەك رەسمي جۇمىسقا قابىلدانسام دەيمىن»، - دەيدى يبىرايىم.
ساناققا قاراعاندا، قازىرگە دەيىن وڭتۇستىك شينجياڭنىڭ قالا، اۋىلدارىنان 2500دەن استام ارتىق ەڭبەككۇش باسقا سالاعا ويىسىپ، شينجياڭ جۇڭتاي توبىنا جۇمىسقا ورنالاسقان. بيىل الدىڭعى جارتى جىلدا وڭتۇستىك شينجياڭنىڭ 3 ايماق، ءبىر وبلىسىنداعى 22 اۋىر كەدەي اۋداننىڭ ارحيۆ تۇرعىزىلىپ، كارتچكا بەرىلگەن كەدەي وتباسىلارىنىڭ ەڭبەككۇشتەرىنەن 62 مىڭ 33 ادام باسقا سالاعا ويىسىپ، جۇمىسقا ورنالاسقان. اباباكىر سياقتى وڭتۇستىك شينجياڭداعى كەدەي وتباسىلارىنان اناعۇرلىم كوپ ەڭبەككۇش قازىر جارقىن ومىرگە دەگەن جاڭا ۇمىتتەرىن ارقالاپ، جاڭا قىزمەت ورىندارىندا قۇلشىنىپ، كۇرەس جۇرگىزىپ، باقىتتى، جاڭا تۇرمىسقا تالپىنۋدا.
