وتكەن جىلعى سايكەس مەزگىلدەگىمەن سالىستىرعاندا ارتۋ جىلدامدىعى %15 كە، جۇمىسقا ورنالاستىرۋدى جەتەكتەۋ ارتۋ جىلدامدىعى %15.2 كە جەتتى
تىلشىلەرىمىز دۇڭ شاۋحۋا، لياڭ ليحۋا 7 - ايدىڭ 11 - كۇنى ۇرىمجىدەن حابارلايدى. قول تەلەفونداعى كارتانى اشساڭىز، شينجياڭداعى بارلىق قالالارداعى ساياحات كورىنىس تۇيىندەرىنىڭ جوعارى تۇنىقتىقتى سۋرەتىن كورە الاسىز. وسى كورىنىس تۇيىنىنە جەتكەننەن كەيىن، ساياحاتشىلاردى باستاۋ بويىنشا قىزمەت كورسەتۋ، اينالاداعى ءدامدى تاعامدار، قوناق ۇيلەر، ت.ب قولدانىلمالى ينفورماتسيالار قول تەلەفونىڭىزدان «سەكىرىپ» شىعادى − وسىنىڭ بارلىعى جىبەك جولى ەكونوميكالىق بەلدەۋى ساياحات جيناقتاۋ - ءبولۋ ورتالىعى ينفورماتسيالانعان قىزمەت كورسەتۋ قولدانبالى باعدارلاماسى ۇلگى كورسەتۋ نىسانىنىڭ ۇزدىكسىز كەمەلدەنۋى ناتيجەسىندە ىسكە اسىپ وتىر.
قازىر بۇكىل شينجياڭدا 84 مەملەكەتتىك 5A دارەجەلى، 4A دارەجەلى كورىنىس اۋماعىنىڭ اعىمداعى ادام سانى، ۇستىنەن باسقارۋ، قاتىناس اينالىمى سياقتى ساياحات كۇيىنىڭ ناقتى ۋاقىتتاعى باقىلاۋ ساندى دەرەكتەرى وسى تۇعىرعا ىركەس - تىركەس جالعانۋ ۇستىندە. «تۇعىردىڭ ۇزاق بولاشاقتىق جوباسى بويىنشا، ساياحات ساندى دەرەكتەرىن تەلەگەي تەڭىزدەي توپتاۋ ارقىلى، قالا ساياحاتىن باسقارۋ جۇيەسىنىڭ ءبىر تولىق ۇلكەن ميعا اينالۋىنا تىرەك بولۋعا بولادى، ءسويتىپ، ساياحاتشىلارعا قىزمەت كورسەتۋمەن بىرگە، اقىلدى ساياحات، حاۋىپسىز ساياحات، شۇعىل جاعدايعا توتەپ بەرۋ جونىندە الدىن الا ساقتاندىرۋ سياقتىلاردى ارقاۋ ەتە وتىرىپ ەكونوميكالىق، قوعامدىق دامۋعا قىزمەت كورسەتۋگە بولادى». وسى تۇعىردىڭ قۇرىلىسىنا جاۋاپتى شينجياڭ ساياحات قارجى قوسۋ - باسقارۋ شەكتى سەرىكتەستىگى عىلىم - تەحنيكا جانە ينفورماتسيا باسقارماسىنىڭ قاتىستى جاۋاپتىسى ليۋ چۋان وسىلاردى ءبىلدىردى.
سوڭعى جىلدارى، اۆتونوميالى رايونىمىز قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جاڭا بۋىن ينفورماتسيا تەحنيكالارىن اشۋ مەن قولدانۋدى جەدەلدەتۋ ارقىلى، ونەركاسىپ ينتەرنەتىندە جاڭالىق اشۋ دامۋ ستراتەگياسىن ىشكەرىلەي اتقارىپ، ناقتى ەكونوميكانىڭ سيفرلانۋعا، زەردەلىلەنۋگە قادام تاستاۋىن جەدەلدەتتى. بۇگىنگى كۇندە، سيفرلى ەكونوميكا شينجياڭ ەكونوميكاسىنىڭ جاڭا ارتۋ تۇيىنىنە اينالىپ ۇلگىردى.
وتكەن جىلى 6 - ايدا شينجياڭ جوعارى، جاڭا اقىلدى ءىرى ساندى دەرەكتەر ينفورماتسيا تەحنيكالارى شەكتى سەرىكتەستىگى اشقان شينجياڭ اۋىل شارۋاشىلىعى ءىرى ساناق دەرەكتەر تۇعىرى ءۇرىمجى جوعارى، جاڭا تەحنيكا رايونى (جاڭا قالا رايونى) چيڭگىداحۋ اۋىلىندا جەلىگە شىعارىلىپ، شارۋالار ءۇشىن اۋىل شارۋاشىلىق ونىمدەرى قامداۋ - قاجەتسىنۋ ينفورماتسيالارىنىڭ سايكەسسىز بولۋ ماسەلەسىن شەشۋمەن بىرگە، شارۋالارعا تيىمدىلىك جاساۋ ساياساتى، عىلمي ەگىنشىلىك، تابيعي اپاتتان الدىن الا سيگنال بەرۋ سياقتى قىزمەتتەر كورسەتىپ، قالىڭ شارۋالاردىڭ بازاردىڭ وزگەرىسىنە جانە حاۋىپ - قاتەرگە توتەپ بەرۋ قابىلەتىن ءونىمدى تۇردە جوعارىلاتتى. قازىر وسى تۇعىر شارۋالارعا جالپى 2 ميلليون ادام - رەتكە جۋىق قىزمەت كورسەتتى.
«جىبەك جولى ەكونوميكالىق بەلدەۋى وزەكتى رايونى قۇرىلىسىن تىرەك ەتىپ، اۆتونوميالى رايونىمىز قازىر ءىرى ساندى دەرەكتەر نەگىزدىك قۇرىلعىلارىن قۇلشىنا كەمەلدەندىرىپ، ءىرى ساندى دەرەكتەر كاسىپورىندارىنىڭ تياناقتانۋى مەن زورايۋىن شوعىرلاندىرىپ جانە سۇيەمەلدەپ، ءىرى ساندى دەرەكتەردىڭ قولدانبالى قىزمەت كورسەتۋ قابىلەتىن ۇزدىكسىز جوعارىلاتىپ، ينفورماتسيالاندىرۋدىڭ ۇلى تاسقىنىندا جاڭا دامۋعا ۇمتىلىس جاساۋدا»، - دەدى اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ مەڭگەرۋشىسى حۋ كايجياڭ. قازىر اۆتونوميالى رايونىمىز جۇمساق دەتال جانە ينفورماتسيا تەحنيكالارىمەن قىزمەت كورسەتۋدى نەگىز، ەلەكتروندىق ينفورماتسيا جاساۋ كاسىبى مەن حابارلاسۋعا قىزمەت كورسەتۋ كاسىبىن ارتۋ ءتۇيىنى ەتكەن، زات ينتەرنەتى، بۇلتتىق ەسەپتەۋ، ءىرى ساندى دەرەكتەر، ەلەكتروندىق ساۋدا ارقىلى توعىسپالى قولدانۋدى ىلگەرىلەتكەن سيفرلى ەكونوميكانىڭ دامۋ جۇيەسىن العاشقى ادىمدا قالىپتاستىردى.
ولشەۋ - ەسەپتەۋ بويىنشا، 2017 - جىلى اۆتونوميالى رايونىمىزدا سيفرلى ەكونوميكانىڭ كولەمى مولشەرمەن 250 ميلليارد يۋان بولىپ، GDPدا ۇستايتىن ارا سالماعى %22.9كە جەتىپ، سايكەس مەزگىلدەگىدەن ارتۋ جىلدامدىعى %15 بولىپ، GDPنىڭ ارتۋ جىلدامدىعىنان 7.4 پايىز جوعارى شىققان. اسىرەسە، جۇمىسقا ورنالاستىرۋدى جەتەكتەۋ جاعىندا سيفرلى ەكونوميكانىڭ ارتۋ جىلدامدىعى %15.2كە جەتىپ، مەملەكەت بويىنشا الدىڭعى وندىققا كىرگەن.
سوڭعى جىلدارى جۇڭگو تەلەگرافى سياقتى 3 ۇلكەن ىسكە قوسۋ ساۋداگەرىنىڭ ساندى دەرەكتەر ورتالىعى ىركەس - تىركەس شينجياڭ ينفورماتسيا كاسىپ باقشاسىنا ىرگە تەۋىپ، سانجى حۇيزۋ اۆتونوميالى وبلىسى ءىرى ساندى دەرەكتەر كاسىپ سالاسىنىڭ جەدەل دامۋىن پارمەندى تۇردە جەبەدى. تەك جۇڭگو تەلەگرافى ينفورماتسيالانعان ۇلگى كورسەتۋ بازاسىنىڭ وزىندە 22 مىڭ شارشى مەترلىك ساندى دەرەكتەر ورتالىعى كومپيۋتەر ءۇيى سالىنىپ، 30 مىڭ دانا فيزيكالىق قىزمەت كورسەتۋ اپپاراتىنىڭ كوتەرىمدىلىك قابىلەتىن ازىرلەدى.
ال قارامايلى بۇلتتىق ەسەپتەۋ كاسىپ باقشاسىندا شينجياڭ جىلجىمالى حابارلاسۋ ساندى دەرەكتەر ورتالىعى، جۇڭگو مۇناي - تابيعي گاز توبى ساندى دەرەكتەر ورتالىعى... كوپتەگەن ەل ىشىندەگى وزىق ينفورماتسيالانعان كاسىپورىنداردىڭ ىرگە تەبۋى ءبىر قۋاتتى ءىرى ساندى دەرەكتەر شەبىن قالىپتاستىردى.
«شينجياڭ ۇيعۇر اۆتونوميالى رايونىنىڭ بۇلتتىق ەسەپتەۋ مەن ءىرى ساندى دەرەكتەر كاسىپ سالاسىنىڭ <13 - بەسجىلدىق> دامۋ جوباسى» بويىنشا، اۆتونوميالى رايونىمىز ءداستۇرلى كاسىپ سالالارىن جاڭالاۋ مەن جاڭادان گۇلدەنگەن كاسىپ سالالارىنىڭ دامۋىن ارقاۋ ەتىپ، ءىرى ساندى دەرەكتەردىڭ مۇناي، حيميا ونەركاسىبى، كومىر، كومىر - حيميا ونەركاسىبى، بولات - تەمىر، جاڭا ەنەرگيا، ءتۇستى مەتال، توقىماشىلىق، قۇرىلىس ماتەريالدارى، ماشينا سياقتى كاسىپ سالالارداعى تەرەڭ توعىسۋىن ىلگەرىلەتىپ، ءىرى ساندى دەرەكتەر بويىنشا ماڭىزدى قولدانبالى ۇلگى كورسەتۋ ينجەنەريالارىن العا جىلجىتىپ، قىزمەت كورسەتۋ ۇلگىسىن جاڭالاپ، جاڭادان گۇلدەنگەن كاسىپ فورماتسيالارىن باۋليدى.
«الداعى جەردە ءبىز رايون ىشىندەگى ينفورماتسيا - حابارلاسۋ جەلىسىنىڭ نەگىزدىك قۇرىلعىلارىن ونان ارى كەمەلدەندىرىپ، سيفرلى تەحنيكا مەن ءداستۇرلى كاسىپ سالالارىنىڭ توعىسپالى قولدانىلۋى مەن دامۋىن جەدەلدەتىپ، شينجياڭدا سيفرلى ەكونوميكانىڭ جەدەل دامۋىنا تىرەك بولامىز»، - دەدى حۋ كايجياڭ.
