ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

تويلى قىستاعىنداعى «قوس بايشەشەك»

ەرىكتى تىلشىلەر يان پيڭ، ليۋ لين

  6 - ايدىڭ 24 - كۇنى ءتۇستىڭ الدىندا، بۇراتالا قالاسى ارالتوعاي مال فەرماسى تويلى قىستاعىنىڭ قازاق تۇرعىنى نۇرگۇل موڭعۇل اپەكەسى ۋيىڭمەن تەلەفوندا سويلەسىپ بولىسىمەن - اق، ساڭزى مەن باۋىرساق پىسىرۋدى باستاپ كەتتى. بىرنەشە كۇننەن كەيىن ول وسى تاعامدارىن الىپ، شارشيلي جاراتىلىستىق قورىعىندا كۇتىنىپ جاتقان ۋ اپەكەسىنەن حال سۇراي بارماقشى ەدى.

  4 - ايدىڭ 29 - كۇنى ءتۇستىڭ الدىندا، ۋيىڭ بۇراتالا قالاسىنىڭ شياۋيىڭپان قالاشىعىنا زات ساتىپ الۋعا بارعاندا، ابايسىزدان جىعىلىپ قالىپ، سول جاق اياعىنىڭ قىزىل اسىعى ۇساتىلىپ سىنىپ كەتەدى. نۇرگۇل مۇنى ەستي سالا لەزدە بۇراتالا موڭعۇل اۆتونوميالى وبلىستىق حالىق شيپاحاناسىنا بارىپ، اپەكەسىنە 10 نەشە كۇن قارايلاسادى. ۇيقى قىسىپ كەتكەن كەزدەردە، توسەكتىڭ ەرنەۋىنە باسىن قويىپ قانا ءسال مىزعاپ الىپ ءجۇردى، ەشقاشان رەنىش بىلدىرمەدى.

  ۋيىڭ شيپاحانادان شىققاننان كەيىن تويلى قىستاعىنداعى ۇيىنە كەلىپ كۇتىنەدى، كۇيەۋى مەن ەكى بالاسى جانىندا بولماعاندىقتان، تۇرمىستان قينالىپ قالادى. نۇرگۇل ۋيىڭگە سەرىك بولىپ شيپاحانادان قايتىپ كەلگەن سوڭ، ءوز بوساعاسىن اتتاماعان بويى اپەكەسىنىڭ ۇيىندە جاتىپ، وعان قارايلاسادى، كوكونىس باقشاسىن باپتاپ، ەكى لاعىن باعادى.

  ۋيىڭ بيىل 53 جاستا، نۇرگۇلدەن ءبىر جاس ۇلكەندىگى بار، بىرەۋى موڭعۇل، بىرەۋى قازاق بولسا دا، ولاردىڭ دوس بولىپ ارالاسقانىنا 27 جىل بولعان، كىمنىڭ ۇيىندە قيىنشىلىق بولسا، بار كۇشىمەن كومەكتەسىپ ءجۇردى، ەشقاشان بەت جىرتىسىپ كورمەگەن ولار تۋعان اپەكەلى - سىڭلىدەي تاتۋ ءوتىپ كەلەدى.

  1989 - جىلى 3 - ايدىڭ 12 - كۇنى 24 جاستاعى ۋيىڭ بۇراتالا قالاسىنىڭ ۇتىبۇلاق قالاشىعىنان تويلى قىستاعىنا ۇزاتىلىپ باردى، 3 جىلدان كەيىن نۇرگۇل دە وسى قىستاققا ۇزاتىلىپ كەلەدى. مىنەزى اشىق، اۋەسى مول ۋيىڭ قىستاقتىڭ ويىن - ساۋىق بەلسەندىسى. ال نۇرگۇلدىڭ مىنەزى تۇيىق، ادامدارمەن كوپ ارالاسا قويمايدى، جايشىلىقتا ءبىر نارسەگە كەسىم جاساي الماي قالسا بولعانى، ەڭ الدىمەن ۋيىڭ اپەكەسىنەن اقىل سۇرايتىن.

  ۋيىڭنىڭ كۇيەۋى شارشيلي جاراتىلىستىق قورىعىندا شەكارا كۇزەتشىسى بولىپ ىستەيدى، جىلدىڭ ءتورت ماۋسىمىندا ۇيىنە قايتا المايدى. ەگىس جۇمىسىنىڭ قاربالاستىعى كەزىندە ۋيىڭ ءبىر جاعىنان، اتىزداعى ەگىس جۇمىسىمەن ابىگەر بولسا، ەندى ءبىر جاعىنان، ۇيدەگى 2 ءسابي بالاسىن دا باعۋمەن قاربالاس بولاتىن، مۇرنىنا سۋ جەتپەي قالعاندا، بالالارىن نۇرگۇلدىڭ ۇيىنە اپارىپ قويادى. سول كەزدە قىستاقتىڭ باستاۋىش مەكتەبىندە ۋاقىتشا وقىتۋشى بولىپ ىستەيتىن نۇرگۇل ۋيىڭنىڭ بالالارىن ءوز بالاسىنداي كورىپ، ۇيىنە قوندىرىپ، تاماعىن ىستەپ بەرەدى جانە ولاردىڭ ساباعىنا پىسىقتاۋ جاساپ بەرەدى.

  2001 - جىلى 9 - ايدا نۇرگۇل ءۇشىنشى بالاسىن دۇنيەگە اكەلەدى، ۋيىڭ ءۇي جۇمىسىن قايىرىپ قويىپ، ءبىر اي بويى نۇرگۇلدىڭ تاماعىن جاساپ، ءۇيىن جيىستىرىپ، بالاسىنا قارايلاسىپ، سىڭلىسىنە بار پەيىلىمەن قاراسادى.

  نۇرگۇلدىڭ 2 قىزى، ءبىر ۇلى بار، ولار ۋ يىڭدى ءوز شەشەسىندەي مەيىرلى سەزەتىن. بالالار ۇنەمى ۋيىڭمەن سىرلاسىپ، كوڭىلىندەگىسىن جاسىرمايتىن، ونىڭ اقىلىن تىڭداعان بالالار دا ءاپ - ساتتە جادىراپ شىعا كەلەتىن. 2013 - جىلدان 2015 - جىلعا دەيىنگى ارالىقتا نۇرگۇلدىڭ 3 بالاسى ارت - ارتىنان داشۋەگە قابىلدانادى. انالىق بورىشىن اقتاماق بولعان ۋيىڭ نەشە جىل ىشىندە ولارعا 3000 يۋاننان استام وقۋ قاراجات كومەگىن بەرەدى.

  2016 - جىلى 10 - ايدا ۋيىڭنىڭ 90 جاستان اسقان شەشەسى ناۋقاستانىپ شيپاحاناعا جاتىپ قالادى. جالعىز ءوزى بار ىسكە ۇلگەرە الماعان ۋيىڭ قاتتى قينالادى، اۋەلى، كوز جاسىن كولدەتىپ تە ءجۇردى. ول كەز كۇزگى جيىن - تەرىننىڭ ەڭ قاربالاس ۋاقىتى ەدى، نۇرگۇل اتىزداعى جۇگەرىسىن جيناۋمەن، قوراسىنداعى قوي، سيىرىن باعىپ ابىگەر. اپەكەسىنىڭ جاعدايىنان حابار العان سوڭ، ول ءۇي شارۋاسىن كۇيەۋىنە تاپسىرادى دا، دەرەۋ شيپاحاناعا جەتىپ، اپەكەسىنىڭ شەشەسىن ساۋىعىپ شيپاحانادان شىققانشا تۋعان قىزىنداي كۇيىنىپ، قارتتى بار كۇشىمەن كۇتىمدەيدى.

  ۋيىڭ جارالانىپ ءبىر اي ۇيىندە كۇتىنىپ جاتقان كەزدە، نۇرگۇل ۋيىڭ اپەكەسىنە جان - جاقتىلى قارايلاسادى. ءبىر ايدان كەيىن، ۋيىڭنىڭ كۇيەۋى شارشيلي جاراتىلىستىق قورىعىنان ۇيىنە كەلىپ، ايەلىن ءوزى قىزمەت ىستەيتىن جەردە كۇتىمدەمەكشى بولادى. قوشتاسار كەزدە اپەكەلى - ءسىڭلىلى ەكەۋى ءبىرىن - ءبىرى قيمايدى، ۋيىڭ كوزىنە جاس الىپ، ءسىڭلىسىنىڭ ءبىر ايدان بەرگى قامقورلىعىنا تەرەڭ العىس ايتادى. نۇرگۇل اپەكەسىنىڭ قولىن قىسىپ تۇرىپ: ول اراعا بارعاندا ءوزىڭدى جاقسى كۇت، كوپ وتپەي كوڭىلىڭدى سۇراي بارامىن، - دەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • 2018-جىلعى جۇڭگو شينجياڭ ىلە تۇلپارى مەرەكەسى 7-ايدىڭ ورتاسىندا وتكىزىلەدى
  • بۇراتالا وبلىسى: اشىق اسپان، تۇنىق سۋدى قورعاپ، ەكولوگيالىق مەكەندى بىرگە قۇردى
  • جۇڭگو - ەۆروپا كەزەكشى پويەزدەرى ەسىك اشۋ جولىن ءتىپتى دە كەڭەيتە ءتۇستى
  • سانجى وبلىسى: جاسىل ءتۇستى ەكولوگيانىڭ نەگىزىنە، دامۋدىڭ تىرەگىنە اينالدىردى
بىزبەن بايلانىس جارناما قىزمەتى لەبىز قالدىرۋ ءبىز تۋرالى