ەرىكتى ءتىلشى جوۋ حايشيا 7 - ايدىڭ 11 - كۇنى باعراش اۋدانىنان حابارلايدى. جىلىنا ءبىر رەت گۇل اشاتىن ءلالا گۇلىن تاماشالاعىڭىز كەلسە باعراشقا كەلىڭىز. 6 - ايدان بەرى باعراش اۋدانى حىشياڭبەيۋان كورىنىس اۋماعىنداعى 380 مۋ ءلالا گۇلى باقشاسىنداعى ميلليون شوققا جۋىق ءلالا گۇلى قۇلپىرا گۇل اشتى، 7 - اي ءلالا گۇلىن تاماشالاۋدىڭ ەڭ جاقسى مەزگىلى بولعاندىقتان، كوپتەگەن ساياحاتشىنى باۋرادى.
«جاسىل ءتۇستى قاس تاستاي كوزدىڭ جاۋىن الاتىن ءلالا گۇلى جاپىراقتارى كوز جەتكىسىز اۋماققا جايىلىپ، ءلالا گۇلدەر كۇن شۇعىلاسىندا ەرەكشە قىزىل تۇسكە ەندى». 7 - ايدىڭ 8 - كۇنى اۆتور حىشياڭبەيۋان كورىنىس اۋماعىنىڭ ءلالا گۇلى باقشاسىنا باردى، شوق - شوق ءلالا گۇلدەرى جارىسا گۇل اشىپ، سامال جەلمەن باياۋ ىرعالادى، اۋىق - اۋىق حوش ءيىس مۇرىندى جارىپ، كوپتەگەن ساياحاتشىنى ءتانتى ەتەدى.
حاربيندىك ساياحاتشى حي يىڭجە جۇبايى مەن قىزىن ەرتىپ ءلالا گۇلى كولشىگىنىڭ بويىندا كوپ سۋرەتكە ءتۇستى. ول: قىزىم جازعى دەمالىسقا تاراعاننان كەيىن، كورلاعا تۋىسشىلاۋ ورايىندا، باعراش كولىنە ارنايى ات باسىن بۇردىق، بۇل ارادا مۇنداي تاماشا ءلالا گۇلى بار ەكەنىن ويلاماعان ەكەنبىز، ءتۇسى دە، ءتۇرى مول ەكەن، تارتقان سۋرەتىمىز دە وتە تاماشا شىعادى، - دەدى.
باعراش اۋدانى حىشياڭبەيۋان كورىنىستىك اۋماعىنىڭ جاۋاپتىسى لين شيانشۇي بىلاي دەپ تانىستىردى: ءلالا گۇلى باقشاسىندا ءلالا گۇلىنىڭ ءبىرتالاي سورتى بار، بيىل تاعى جياڭسۋ ولكەسىنەن ون نەشە سورتتى ەنگىزدىك، باقشانىڭ اۋماعىن 180 مۋدان 380 مۋعا كەڭەيتتىك. ايتالىق، مىناۋ كوك ءتۇستى ءلالا گۇلىنىڭ جاپىراعى قالىڭ، ءبىر ەرەسەك ادامدى كوتەرە الادى، تاعى مىنا ءۇندىستاننان ەنگىزگەن ءلالا گۇلى، ياعني كوك كوز دەپ اتايمىز، ساندىك قۇنى جوعارى. ساياحاتشىلاردىڭ سەزىنۋىن كۇشەيتۋ ءۇشىن، ءبىز تاعى 240 شارشى مەترلىك ءلالا گۇلى كورمە زالىن سالدىق، ساياحاتشىلار ءلالا گۇلىن تاماشالاپ، ءلالا گۇلىن تەرۋمەن بىرگە، ءلالا گۇلىنە قاتىستى بىلىمنەن ساۋات الا الادى.
ۇعىسۋعا قاراعاندا، ءلالا گۇلىنىڭ گۇل اشۋ مەزگىلى 6 - ايدان 10 - ايعا دەيىن جالعاسادى، ءلالا گۇلى كولشىگىندە اعاش شارباق جول سالىنعان، ساياحاتشىلار ءلالا گۇلىن جاقىننان تاماشالاپ، سۋرەتكە تۇسىرۋىنە بولادى. سونىمەن بىرگە ولار سۋ ءۇستى كوڭىل اشۋ نىسانىن العا قويىپ، ساياحاتشىلاردىڭ سۋ كەشىپ كوڭىل كوتەرىپ، قايىقپەن وزدەرى شامگۇل ساباعىن تەرىپ، جاس شامگۇل ساباعىنان جاسالعان ءتۇرلى تاعامداردان ءدام تاتۋىنا بولادى.
«ءبىر مۋ ءلالا گۇلى كولشىگىنەن قىرۋار پايدا تۇسەدى، ءلالا گۇلىنىڭ ساندىك قۇنى بار، شامگۇل ساباعىن ازىق ەتۋگە بولادى، شامگۇل جاڭعاعىنىڭ ازىقتىق جانە ەمدىك قۇنى بار، ءلالا گۇلى كولشىگىندە سترەولىق باعىمشىلىقپەن شۇعىلدانۋعا بولادى»، - دەدى لين شيانشۇي. ول تاعى: قازىر ءلالا گۇلى شايىن، شامگۇل ساباعىن، شامگۇل جاڭعاعىن ءوندىرىپ ساتۋمەن شۇعىلدانامىز، اۋەلى، ءلالا گۇلىنىڭ جاپىراعىنا كۇرىش ءتۇيىپ، ەرەكشە حوش ءيىستى تاعام جاساۋعا بولادى. ءبىر مۋ جەردەگى ءلالا گۇلىنىڭ پايداسى 5000 يۋاننان اسادى، ونىڭ ۇستىنە ءوتىمى كۇسەت. كەلەسى قادامدا حىشياڭبەيۋان كورىنىستىك اۋماعى توعىسپالى دامۋ جولىمەن ءجۇرىپ، كورىنىستىك اۋماقتى اۋىل - قىستاق ساياحاتىن، سەيىل - سەرۋەن اۋىل شارۋاشىلىعى، مادەنيەت ءتۇيسىنۋ، ەگىنشىلىك، باۋ - باقشا سەيىل - سەرۋەنى سياقتى كوپ فۋنكتسيانى ءبىر تۇلعالاندىرعان ءلالا گۇلىن نەگىز ەتكەن سان سالالى باۋ - باقشا جۇيەسىن قۇرامىز، - دەدى.
