تيانشان تورى   ›   بىلگەنگە مارجان   ›   پايدالى كەڭەس

بانان قابىعىنىڭ پايداسى

     1. كۇمىستى تازالايدى. باناننىڭ قابىعى ءوڭى كەتىپ قالعان كۇمىس زاتتاردى قالپىنا كەلتىرەدى. ول ءۇشىن قابىقتى ىدىسقا سالىپ ءتىس پاستاسىنا ۇقساعانعا دەيىن سۋ قوسىپ ەزەمىز. ارتىنان جۇمساق ماتامەن كۇمىستى تازالاساق، بىرتىندەپ قارا داقتاردىڭ كەتىپ جاتقاندىعىن كورەسىز. ودان كەيىن، كۇمىستى بانان قابىعىنىڭ قالدىقتارىنان تازارتىپ، جىلتىراتۋ ءۇشىن جۇمساق ماتامەن جاقسىلاپ سۇرتەمىز.

  2. اياق كيىمگە ارنالعان جاقپا ماي. بانان قابىعىنىڭ قۇرامىنداعى مايلار مەن بالاۋىز ونى اياق كيىمدى تازالاپ، جىلتىراتۋ ءۇشىن قولدانۋعا مۇمكىندىك بەرەدى. اياق كيىمدى قابىقتىڭ ىشكى جاعىمەن ءسۇرتىپ، ۇستىنەن قۇرعاق ماتامەن سۇرتەسىز.

  3. CD نەمەسە DVD ديسكىلاردىڭ سىزىلعان جەرلەرىن قالپىنا كەلتىرەدى. سىزىلعان ديسكىلاردى، ەڭ اۋەلى، باناننىڭ وزىمەن سۇرتەمىز، ارتىنان 2 مينۋت بويى باناننىڭ قابىعىمەن سۇرتەمىز. سوسىن، ديسكانى تەرەزە تازالاۋعا ارنالعان زاتقا مالىنعان جۇمساق ماتامەن ءسۇرتىپ، كەپتىرىپ قويامىز. باناننىڭ جۇمساعى مەن قابىعىنداعى بالاۋىز ديسكىنى تازالاۋعا كومەكتەسەدى.

  4. ءتىستى اعارتادى. كادىمگى ءتىس پاستاسىمەن ءتىسىڭىزدى تازالاپ بولعاننان كەيىن، تىستەرىڭىزدىڭ ءۇستىن بانان قابىعىنىڭ ىشكى بولىگىمەن 2 مينۋتتاي ءسۇرتىڭىز. قابىقتاعى كالي، كالتسي، ماگني، مارگانەتس جانە فوسفور سىندى مينەرالدار تىسكە پايدالى ءارى ونى اعارتۋعا سەپتىگىن تيگىزەدى. ارتىنان باناننىڭ قالدىقتارىن كەتىرۋ ءۇشىن، ءتىسىڭىزدى تاعى ءبىر رەت جۋىپ، ءتىسىڭىزدى اعارتۋ ءۇشىن وسىلاي كۇنىنە 1 - 2 رەتتەن قايتالاپ تۇرىڭىز.

  5. تىكەندى شىعارادى. ەگەر دەنەڭىزگە تىكەن كىرىپ كەتىپ، ونى الا المايتىنداي جاعداي بولسا، تىكەن كىرگەن جەرگە باناننىڭ قابىعىن ىشكى بەتىمەن قويىپ، 42 ساعاتقا تاڭىپ قويىڭىز. بانان قابىعىنداعى فەرمەنتتەر تىكەندى تەرىنىڭ سىرتىنا شىعارىپ، جارانىڭ تەزىرەك جازىلۋىنا سەپتىگىن تيگىزەدى.

  6. جارانى جازادى. باناننىڭ قابىعىنىڭ قۇرامىنداعى ءتۇرلى تابيعي مايلار مەن فەرمەنتتەر كۇنگە كۇيۋدەن، جارانى تەز جازاتىن قاسيەتكە يە. سونىمەن قاتار، ول قابىنۋ مەن ءتۇرلى جاندىكتەردىڭ شاعۋىنان پايدا بولاتىن تىتىركەنۋدى دە باسادى. ول ءۇشىن باناننىڭ قابىعىن ىشكى جاعىمەن جاراعا نەمەسە شاعىلعان جەرگە قويىپ تاڭىپ تاستايمىز نەمەسە ىسقىلايمىز. كۇنىنە بىرنەشە رەت وسىلاي ىستەسەڭىز، جارا تەز جازىلىپ كەتەدى.

  7. سۇيەلدى كەتىرەدى. باناننىڭ قابىعى حالىق ەمىندە سۇيەلدى كەتىرۋ ءۇشىن قولدانىلادى. ول ءۇشىن باناننىڭ قابىعىن ءىش جاعىمەن سۇيەلدىڭ ۇستىنە قويىپ ءبىر كۇنگە بايلاپ قويامىز. سۇيەل جوق بولىپ كەتكەنشە وسىلاي ىستەپ ءجۇرۋ كەرەك. كەيبىر سۇيەلدەر ءبىر اپتادا كەتسە، كەيبىرەۋلەرىنىڭ كەتۋى ءۇشىن ءبىر ايداي ۋاقىت قاجەت.

  8. بەزەۋدى كەتىرەدى. بەزەۋدى كەتىرۋ ءۇشىن، باناننىڭ قابىعىن ىشكى قاباتىمەن قابىنعان جەرلەردى سۇرتسەڭىز، بىرنەشە كۇننەن كەيىن وزگەرىستەردى بايقاي باستايسىز.

  9. تەرىگە پايدالى. بانان قابىعىن مينەرالدار مەن انتيوكسيدانتتارعا باي. ەگەر كۇندەلىكتى ونىمەن بەتىڭىزدى، موينىڭىزدى ءسۇرتىپ تۇرساڭىز، تەرىڭىز ىلعالدانىپ، ءاجىمنىڭ ءتۇسۋى ازايادى. 

(ماتەريالدان)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى