ءتاڭىرتاۋ تورابى   ›   بىلگەنگە مارجان   ›   دەنساۋلىق

بەل - ومىرتقا شەرشەۋى ءوسۋىنىڭ الدىن الۋداعى ۇتىمدى ادىستەر

  1. دەنە ارەكەتىمەن شۇعىلدانۋ. بەل - ومىرتقا شەرشەۋى ءوسۋىنىڭ الدىن الۋدا ۇزاق ۋاقىت ءتۇرلى دەنە ارەكەتىمەن شۇعىلدانۋ قاجەت، بۇل ورتا جاستاعىلار مەن قارتتاردا بولاتىن سۇيەك بوساۋ اۋرۋى مەن شەرشەۋ ءوسۋ اۋرۋلارىنىڭ الدىن الۋدا اسا پايدالى، دەنە ارەكەتىمەن شۇعىلدانۋ ادىستەرى: جاياۋ ءجۇرۋ، دەنە شىنىقتىرۋ گيمناستيكاسى، تايجي جۇدىرىقكەرلىگى، الىسقا جۇگىرۋ سياقتىلار.

  2. تاماشا وتىرۋ داعدىسىن ساقتاۋ. ۇزاق ۋاقىت وتىرىپ قىزمەت ىستەيتىندەر نەمەسە ۇيرەنۋشىلەر ورىندىققا سۇيەنىپ وتىرسا، بەلگە تۇسەتىن اۋىرتپالىقتى جەڭىلدەتەدى، ءۇرتىس ءبىر ساعات وتىرعاندار ورنىنان تۇرىپ، بەل ءبولىمىن ارەكەتتەندىرىپ، بەل بۇلشىق ەتىنىڭ زاقىمدالۋىنان ساقتانعانى ءجون.

  3. جايلى توسەك تاڭداۋ. ادام ءومىرىنىڭ ۇشتەن ءبىر بولەك ۋاقىتى توسەكتە دەم الۋمەن وتەدى. سوندىقتان، جايلى توسەك تاڭداۋ وتە ماڭىزدى. قاتتى توسەك تاڭداۋ قاجەت، بولات سىمدى توسەكتى تاڭداماعان ءجون، ادام شالقاسىنان جاتقاندا جۇمساق توسەك بەل - ومىرتقانىڭ فيزيولوگيالىق مايىسقاقتىق دارەجەسىندە وزگەرىس تۋدىرىپ، بەل - ومىرتقا شەرشەۋى ءوسۋ اۋرۋىنا شالدىعۋ سالىستىرماسىن جوعارىلاتادى.

  4. بەلدىڭ زاقىمدالۋىنان، سۋىق تيگىزۋدەن ساقتانۋ.

  5. دەنە سالماعىن جەڭىلدەتۋ. دەنە سالماعىنىڭ ارتۋى بۋىن شەمىرشەگىنىڭ ءوسۋىن كەلتىرىپ شىعاراتىن نەگىزگى سەبەپتەردىڭ ءبىرى. ارتىق دەنە سالماعى بۋىن سۇيەگىنىڭ مۇجىلۋىن تەزدەتىپ، شەرشەۋ ءوسۋدى كەلتىرىپ شىعارادى. سوندىقتان، دەنە سالماعى ارتقاندار دەنە سالماعىن جەڭىلدەتىپ، شەرشەۋ ءوسۋ اۋرۋىنىڭ الدىن العانى ءجون.

  6. ۇزاق ۋاقىت كۇشەمەلىلىگى جوعارى ارەكەتپەن شۇعىلدانۋدان ساقتانۋ. ۇزاق ۋاقىت كۇشەمەلىلىگى جوعارى ارەكەتپەن نەمەسە قيمىلمەن شۇعىلدانۋ شەرشەۋ ءوسۋدى كەلتىرىپ شىعاراتىن نەگىزگى سەبەپتەردىڭ ءبىرى. كۇشەمەلىلىگى جوعارى ارەكەت بۋىنعا تۇسەتىن قىسىم مەن مۇجىلۋدى ارتتىرىپ، شەرشەۋ ءوسۋدى كەلتىرىپ شىعارادى.

  7. عىلمي ازىقتانۋعا كوڭىل ءبولۋ. ادەتتەگى جاعدايدا كالتسي قۇرامى جوعارى ازىقتار، ءسۇت، ءسۇت ونىمدەرى، كەپتىرىلگەن سۋ شايانى، تەڭىز قۇراعى، كۇنجىت قويمالجىڭى، بۇرشاق ونىمدەرى سياقتى ازىقتىقتاردى كوپ تۇتىنىپ، كالتسي تولىقتاۋ مەن قورەكتىڭ قۇرىلىمىنا كوڭىل ءبولۋ قاجەت.

 اۋدارعان: تۇيمەقان يساقان قىزى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى