تيانشان تورابى   ›   بىلگەنگە مارجان   ›   دەنساۋلىق

جۇرەككە كوپىر سالۋ وپەراتسياسىنان كەيىنگى كوڭىل بولەتىن تۇيىندەر

  جۇرەككە كوپىر سالۋ − جۇرەك اۋرۋلارىن ەمدەۋدەگى ءونىمدى ادىستەردىڭ ءبىرى. جۇرەككە كوپىر سالۋ وپەراتسياسىنان كەيىن، ناۋقاستار تومەندەگى تۇيىندەرگە كوڭىل بولگەنى ءجون:

  1. جاراقات اۋىزىن كۇتىمدەۋ. شيپاحانادان شىققاننان كەيىن جاراقات اۋىزى بولىمسىز قىزارىپ، اۋىرىپ ىسەدى، كەي كەزدەرى ءتىپتى نەشە ايعا جالعاسادى، بۇل قالىپتى جاعداي. ۇيگە قايتقاننان كەيىن جاراقات اۋىزىن ۇنەمى تەكسەرىپ، قابىنسا دەرەۋ شيپاحاناعا بارىپ تەكسەرىلۋ كەرەك. جاراقات اۋىزىن كۇنىنە ءبىر رەت تازا سۋمەن نەمەسە باكتەريا جويعىش سابىنمەن جۋىپ، تازا داكىمەن وراپ قويۋ قاجەت.

  2. عىلمي ازىقتانۋ. وپەراتسيادان كەيىن ءار كۇنى جەمىس - جيدەك، كوكونىس، بەلوك قۇرامى جوعارى ازىقتاردى (بالىق، جۇمىرتقا تەكتەس ازىقتار) جانە قانىقپاعان ماي قىشقىلى سىندى ازىقتاردى كوپ تۇتىنۋ، قانىققان ماي قىشقىلىن از تۇتىنۋ قاجەت.

  3. اراقتى كوپ ىشپەۋ، تەمەكىگە جولاماۋ. وپەراتسيادان كەيىن ەڭ جاقسىسى اراق ىشپەۋ كەرەك، كۇنىنە ەڭ كوپ بولعاندا 50 ميلليليتر قىزىل اراق ءىشۋ لايىقتى بولادى. تەمەكى جۇرەك اۋرۋىنا حاۋىپ توندىرەتىن ماڭىزدى فاكتورلاردىڭ ءبىرى، سوندىقتان، تەمەكىگە جولاماعان ءجون.

  4. كوپ دەمالۋ. وپەراتسيادان كەيىنگى 4 تە 6 اپتاداعى دەنساۋلىقتىڭ قالپىنا كەلۋ مەزگىلىندە ءار كۇنى 8 دە 10 ساعات ۇيىقتاۋعا كەپىلدىك ەتۋ قاجەت. كوپتەگەن قيمىلداردى جەتكىلىكتى ۇيىقتاعاننان كەيىن ورنالاستىرۋ، قالىپتان تىس شارشاماۋ قاجەت.

  5. ۇيلەسىمدى قيمىلدارعا قاتىناسۋ. شيپاحانادان شىققاننان كەيىن تاڭەرتەڭ جانە كەشتە 10 مينۋت سەيىلدەۋ، ءجۇرىستىڭ قارقىنى مەن ءجۇرۋ ارالىعىن بىرتىندەپ ارتتىرۋ كەرەك. وسى بارىستا باس اۋرۋ، قالجىراۋ، تەر باسۋ جانە ونەبوي قاقساۋ سياقتى جايسىزدانۋلار پايدا بولسا، تەر كوپ شىعىپ، باستىڭ اۋىرعان ۋاقىتى 15 مينۋتتان اسىپ كەتسە، دەرەۋ شيپاحاناعا بارىپ تەكسەرىلۋ قاجەت.

  عيماراتقا شىعۋ ورتا، جەڭىل دارەجەدەگى دەنە قيمىلى ەسەپتەلەدى، عيماراتتا وتىراتىن ناۋقاستار اقىرىن شىعۋ، جەڭىل ءۇي جۇمىستارىن ىستەۋ قاجەت. ماسەلەن، تازالىق ىستەۋ، تاماق جاساۋ جانە كوكونىس جۋۋ سياقتىلار. ال، ءۇي جابدىقتارىن كوشىرۋ، جەر ءسۇرتۋ سياقتى اۋىر زاتتاردى كوتەرىپ، كۇشەمەلىلىگى جوعارى ءۇي جۇمىستارىن ىستەۋگە بولمايدى. وپەراتسيادان كەيىنگى 4 تە 6 اپتاعا دەيىن كوكىرەك كەرۋ ارەكەتىن ىستەۋگە، اۋىر زاتتاردى تاسۋعا، اۆتوكولىك جۇرگىزۋگە بولمايدى.

  6. ەستە ساقتاۋ قابىلەتى مەن كورۋ قابىلەتىنىڭ وزگەرىسىنە كوڭىل ءبولۋ.

  وپەراتسيادان كەيىن ەستە ساقتاۋ قابىلەتى ۋاقىتشا تومەندەپ، زەيىنىن شوعىرلاندىرا الماۋ جاعدايى تۋىلادى. ءبىراق، مۇنداي جاعدايلار كوپكە سوزىلمايدى. قالىپتى جاعدايدا بىرنەشە اپتادا دەنساۋلىعى قالپىنا كەلەدى. وپەراتسيادان كەيىن ادەتتە كورۋ قۋاتىندا وزگەرىس تۋىلادى، الايدا، 6 ايدان كەيىن وپەراتسيادان بۇرىنعى كورۋ قۋاتى قالپىنا كەلەدى.

 اۋدارعان: تۇيمەقان يساقان قىزى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى