تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى كەڭسەسى «پارتيانىڭ نەگىزگى ساتى ۇيىمدارىنىڭ مىندەت وتەۋ مەرزىمى تۋرالى پىكىردى» باسىپ تاراتتى

  شينحۋا اگەنتتىگىنىڭ 7 - ايدىڭ 12 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى كەڭسەسى «پارتيانىڭ نەگىزگى ساتى ۇيىمدارىنىڭ مىندەت وتەۋ مەرزىمى تۋرالى پىكىردى» باسىپ تاراتتى، سونداي - اق حابارلاندىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن بىرلەستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.

  «پارتيانىڭ نەگىزگى ساتى ۇيىمدارىنىڭ مىندەت وتەۋ مەرزىمى تۋرالى پىكىردىڭ» تولىعى تومەندەگىدەي:

  پارتيا 19 - قۇرىلتايىنىڭ پارتيا ۋستاۆىنا وزگەرىس ەنگىزۋ جوباسىندا: «پارتيانىڭ نەگىزگى ساتى كوميتەتىنىڭ، باس ياچەيكا القاسىنىڭ، ياچەيكا القاسىنىڭ ءار كەزەگىنىڭ مىندەت وتەۋ مەرزىمى 3 − 5 جىل بولادى» دەپ بەلگىلەنگەن. پارتيا ۋستاۆىنىڭ بەلگىلەمەسىن دايەكتىلەندىرۋ، تياناقتاندىرۋ، پارتيانىڭ ىشكى ساياسي تۇرمىسىن قاتاڭداستىرۋ، پارتيانىڭ ۇيىمدىق ءتۇزىمىن قاتايتۋ، پارتيانىڭ نەگىزگى ساتى ۇيىمىنىڭ مىندەت وتەۋ مەرزىمىن كەمەلدەندىرۋ ءۇشىن، مىناداي پىكىر ورتاعا قويىلدى.

  ءبىرىنشى، پارتيانىڭ نەگىزگى ساتى كوميتەتىنىڭ ءار كەزەگىنىڭ مىندەت وتەۋ مەرزىمى ادەتتە 5 جىل بولادى، پارتيانىڭ باس ياچەيكا القاسىنىڭ، ياچەيكا القاسىنىڭ ءار كەزەگىنىڭ مىندەت وتەۋ مەرزىمى ادەتتە 3 جىل بولادى، مۇنىڭ ىشىندە، قىستاق جانە الەۋمەتتىك اۋماق پارتيا كوميتەتىنىڭ، باس ياچەيكا القاسىنىڭ، ياچەيكا القاسىنىڭ ءار كەزەگىنىڭ مىندەت وتەۋ مەرزىمى 5 جىل بولادى.

  بۇل پىكىر باسىپ تاراتىلۋدان بۇرىن كەزەك اۋىستىرعان پارتيانىڭ نەگىزگى ساتى ۇيىمدارى پرينسيپتىك جاقتان سول كەزەكتى مىندەت وتەۋ مەرزىمى تولعان سوڭ بۇل بەلگىلەمەنى اتقارا باستايدى.

  ەكىنشى، پارتيانىڭ نەگىزگى ساتى ۇيىمدارى مىندەت وتەۋ مەرزىمى ءتۇزىمىن قاتاڭ اتقارىپ، مىندەت وتەۋ مەرزىمى تولعان سوڭ ۋاعىندا كەزەك اۋىستىرۋ سايلاۋىن وتكىزۋ ءتيىس. مىندەت وتەۋ مەرزىمىن ۇزارتۋ نەمەسە مەرزىمىنەن بۇرىن كەزەك اۋىستىرۋ سايلاۋىن وتكىزۋ قاجەت بولسا، جوعارى دارەجەلى پارتيا كوميتەتىنىڭ بەكىتۋىنە جولداۋ ءتيىس. ۇزارتۋ نەمەسە مەرزىمىنەن بۇرىن بولۋ شەگى ادەتتە ءبىر جىلدان اسپايدى.

  ءۇشىنشى، جەر - جەردىڭ، تاراۋلاردىڭ، ورىنداردىڭ پارتكومدارى (پارتيا باسشىلىق گرۋپپالارى) ايرىقشا ءمان بەرىپ، ۇيىمدىق باسشىلىقتى كۇشەيتىپ، پارتيانىڭ نەگىزگى ساتى ۇيىمدارىنىڭ مىندەت وتەۋ مەرزىمىن رەتتەۋدىڭ ءبىر تۇتاس، ولشەمدى بولۋىنا، ورنىقتى ۇشتاستىرىلۋىنا شىنايى كەپىلدىك ەتۋ كەرەك. پارتيا ۇيىمدارىنىڭ قاراستىلىق قاتىناسى مەن كادرلاردى باسقارۋدىڭ ۇقىق شەگى بويىنشا، جوعارى دارەجەلى پارتيا ۇيىمدارى جاۋاپكەرلىكتى شىنايى ارقالاپ، نەگىزگى ساتى پارتيا ۇيىمدارىنىڭ باسشىلىق القاسىن رەتتەۋ، سەپتەۋ سياقتى كەزەك اۋىستىرۋعا قاتىستى دايىندىق قىزمەتتەردى مۇقيات، ويداعىداي ىستەپ، مەرزىمىندە كەزەك اۋىستىرۋدى دەر كەزىندە ەسكەرتىپ، قۋزاپ وتىرۋ كەرەك.

  ءتورتىنشى، جۇڭگو حالىق ازاتتىق ارمياسىنداعى، جۇڭگو حالىق قارۋلى ساقشى بولىمدەرىندەگى پارتيانىڭ نەگىزگى ساتى ۇيىمدارىنىڭ مىندەت وتەۋ مەرزىمىن ورتالىق اسكەري ىستەر كوميتەتى بەلگىلەيدى.

  بەسىنشى، بۇل پىكىر جاريالانعان كۇننەن باستاپ اتقارىلادى. پارتيانىڭ نەگىزگى ساتى ۇيىمدارىنىڭ مىندەت وتەۋ مەرزىمى تۋرالى باسقا دا قاتىستى بەلگىلەمەلەردىڭ وسى پىكىرگە ۇيلەسپەيتىندەرىنىڭ بارلىعى وسى پىكىر بويىنشا اتقارىلادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.