لي كىچياڭ، ۋاڭ حۋنيڭ، حان جىڭ ماجىلىسكە قاتىناستى
شينحۋا اگەنتتىگىنىڭ 7 - ايدىڭ 13 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق قازىنا - ەكونوميكا كوميتەتىنىڭ مەڭگەرۋشىسى شي جينپيڭ 7 - ايدىڭ 13 - كۇنى تۇستەن كەيىن ورتالىق قازىنا - ەكونوميكا كوميتەتىنىڭ 2 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى باسا دارىپتەدى: شەشۋشى وزەكتى تەحنيكالار − مەملەكەتتىڭ ماڭىزدى قارۋى، ەلىمىز ەكونوميكاسىنىڭ جوعارى ساپالى دامۋىن ىلگەرىلەتىپ، مەملەكەتتىڭ حاۋىپسىزدىگىن قامتاماسىز ەتۋدە توتەنشە ماڭىزدى مانگە يە، ءسوز جوق، ەلىمىزدىڭ شەشۋشى وزەكتى تەحنيكالاردان جاڭالىق اشۋ قابىلەتىن شىن مانىندە جوعارىلاتىپ، عىلىم - تەحنيكانى دامىتۋدىڭ ىرىقتىلىق ۇقىعىن ءوز قولىمىزدا بەرىك ۇستاپ، ەلىمىزدىڭ دامۋىن عىلىم - تەحنيكامەن پارمەندى قامتاماسىز ەتۋىمىز كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق قازىنا - ەكونوميكا كوميتەتىنىڭ ورىنباسار مەڭگەرۋشىسى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، ورتالىق قازىنا - ەكونوميكا كوميتەتىنىڭ مۇشەسى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىڭ كەڭەستىڭ ورىنباسار زۇڭليى، ورتالىق قازىنا - ەكونوميكا كوميتەتىنىڭ مۇشەسى حان جىڭ ماجىلىسكە قاتىناستى.
ماجىلىستە مەملەكەتتىك دامۋ جانە رەفورما كوميتەتىنىڭ، عىلىم - تەحنيكا مينيسترلىگىنىڭ، ونەركاسىپ جانە ينفورماتسيالاندىرۋ مينيسترلىگىنىڭ، جۇڭگو عىلىم اكادەمياسىنىڭ، جۇڭگو ينجەنەريالىق عىلىمدار اكادەمياسىنىڭ مالىمەتتەرى تىڭدالدى.
ماجىلىستە مىنالار اتاپ كورسەتىلدى: سوڭعى جىلدارى ەلىمىزدىڭ عىلىم - تەحنيكا ىستەرىنىڭ دامۋى وتە ۇلكەن جەتىستىكتەرگە قول جەتكىزىپ، عىلىم - تەحنيكالىق جاڭالىق اشۋ قابىلەتى كورنەكتى تۇردە كوتەرىلدى، الايدا ەلىمىزدىڭ عىلىم - تەحنيكاسىنىڭ دامۋ دەڭگەيى، اسىرەسە، شەشۋشى، وزەكتى تەحنيكالاردان جاڭالىق اشۋ قابىلەتى حالىقارالىق وزىق دەڭگەيمەن سالىستىرعاندا ءالى ايتارلىقتاي پارىقتى، «قوس 100 جىلدىق» كۇرەس نىساناسىن ىسكە اسىرۋدىڭ تالاپتارىنا ءالى دەگەندەي سايكەس ەمەس. كوكەي تەستىلىك سەزىم مەن تاۋقىمەت سەزىمىن شىنايى كۇشەيتىپ، سەنىمدى بەكەمدەپ، بار جىگەرمەن ۇتىلاي قۋىپ، سۇرانىستى باعدار ەتۋ، ماسەلەنى باعدار ەتۋ، نىسانانى باعدار ەتۋ بويىنشا ەلىمىزدىڭ دامۋ قاجەتىن تياناق ەتىپ، تەحنيكالىق جاڭالىق اشۋ قابىلەتىن كوتەرىپ، نەگىزدىك زەرتتەۋدى كۇشەيتىپ، ماڭىزدى ءتول جاسامپازدىق جەتىستىكتەرگە قۇلشىنا قول جەتكىزۋ كەرەك.
ماجىلىستە مىنالار باسا دارىپتەلدى: سوتسياليستىك بازار ەكونوميكاسىنىڭ ايرىقشا رولىن تولىق ساۋلەلەندىرىپ، ەلىمىز سوتسياليستىك ءتۇزىمىنىڭ ارتىقشىلىعىن تولىق ساۋلەلەندىرىپ، عالىمدار مەن كاسىپورىنشىلاردىڭ جاڭالىق اشۋ سۋبيەكتىلەرى رەتىندەگى رولىن تولىق ساۋلەلەندىرىپ، شەشۋشى، وزەكتى تەحنيكالاردان قامال الۋ ءتۇزىلىسىن قالىپتاستىرۋ كەرەك. نازاردى مەملەكەتتىڭ قاجەتىنە شوعىرلاندىرىپ، كۇشتەردى ءبىر تۇتاس جوسپارلاپ بىرىكتىرىپ، ەل ىشىندەگى بازاردىڭ باسىمدىعىن ساۋلەلەندىرىپ، جوبامەن جەتەكتەۋدى كۇشەيتىپ، اناعۇرلىم باعىتتامالى عىلىم - تەحنيكالىق جاڭالىق اشۋدىڭ جۇيەلى ورنالاستىرۋى مەن عىلىم - تەحنيكالىق جاڭالىق اشۋ تۇعىرىنىڭ جۇيەلى ورنالاستىرۋىن قالىپتاستىرۋ كەرەك.
ماجىلىستە مىنالار اتاپ كورسەتىلدى: ۇكىمەت فۋنكتسياسىنا بۇرىلىس جاساۋدى جەدەلدەتىپ، ەلەۋلى عىلىم - تەحنيكا نىساندارىن تۇرعىزۋ مەن ۇيىمداستىرىپ اتقارۋ ءتاسىلىن رەفورمالاپ، جەتىستىكتى باعدار ەتۋدى كۇشەيتىپ، عىلمي زەرتتەۋ نىساندارىن باسقارۋ ءتارتىبىن ىقشامداپ، عىلمي زەرتتەۋ ورىندارى مەن عىلمي زەرتتەۋ قىزمەتكەرلەرىنە ءتىپتى كوبىرەك دەربەستىك بەرۋ كەرەك. عىلمي زەرتتەۋ ناتيجەسىن باعالاۋ مەحانيزمىن رەفورمالاپ، عىلمي تۇرگە ايىرىلعان، ۇيلەسىمدى دە كوپ ۇيەكتى باعالاۋ جۇيەسىن ورناتىپ، مەملەكەتتىڭ عىلىم - تەحنيكالىق سيلاۋ ءتۇزىمىن رەفورمالاۋ كەرەك. جۇمساق - قاتتى نەگىزدىك قۇرىلعىلار قۇرىلىسىن كۇشەيتىپ، عىلمي زەرتتەۋ تۇعىرلارىن اشىق ۇستاۋ ءتۇزىمىن كەمەلدەندىرىپ، مەملەكەتتىڭ عىلىم - تەحنيكا بايلىعى قامباسىن كەمەلدەندىرىپ، وزىق عىلمي اسپاپ - جابدىقتار جاساۋ كاسىپورىندارىنان ءبىر توبىن باۋلىپ، ءبىلىم مەنشىگى ۇقىعىن قورعاۋ مەن مەنشىك ۇقىعىن ىنتالاندىرۋدى كۇشەيتۋ كەرەك. ءوندىرۋ، وقىتۋ، زەرتتەۋ، قولدانۋدىڭ ءبىر تۇلعالانۋىن ىلگەرىلەتىپ، باستاماشى كاسىپورىنداردىڭ عىلمي زەرتتەۋ ورىندارىنىڭ، جوعارى مەكتەپتەردىڭ كۇشىن بىرىكتىرۋىنە قولداۋ كورسەتىپ، جاڭالىق اشۋ بىرلەستىكتەرىن قۇرىپ، عىلمي زەرتتەۋ ورىندارى مەن عىلمي زەرتتەۋ قىزمەتكەرلەرىن كاسىپورىندارعا بارۋعا ىنتالاندىرىپ، جاڭالىق اشۋدىڭ قوسىلىم مەحانيزمى مەن عىلىم - تەحنيكالىق قارجى قۇراۋ ساياساتىن كەمەلدەندىرۋ كەرەك. دارىندىلاردىڭ جاڭالىق اشۋ، جاراتۋ ومىرشەڭدىگىن تولىق ساۋلەلەندىرىپ، كوشباسشى قايراتكەرلەر مەن توپ جارۋشى دارىندىلاردى ويداعىداي تاڭداپ، ويداعىداي پايدالانىپ، جوعارى تەحنيكا سالاسىنداعى ارناۋلى دارىندىلاردى تاربيەلەۋدى نىعايتۋ كەرەك.
ماجىلىستە مىنالار باسا دارىپتەلدى: ەسىك اشقان، سەلبەسكەن جاڭالىق اشۋعا تاباندى بولىپ، عىلىم - تەحنيكا سالاسىنىڭ سىرتقا ەسىك اشۋىن كەڭەيتىپ، حالىقارالىق جاڭالىق اشۋ بايلىقتارىنان تولىق پايدالانىپ، كوپ ۇيەكتى سەلبەستىك ارناسىن اشىپ، سەلبەستىك سالاسىن دالمە - ءدال تاڭداپ، جوعارى مەكتەپ، عىلمي زەرتتەۋ ورىندارى سياقتىلاردىڭ سىرتپەن عىلىم - تەحنيكالىق اۋىس - كۇيىسى مەن سەلبەستىگىن كۇشەيتىپ، جاڭالىق اشۋداعى سەرىكتەستىك قاتىناسىن كۇشەيتۋ كەرەك.
ماجىلىستە مىنالار اتاپ كورسەتىلدى: شەشۋشى، وزەكتى تەحنيكالاردان ناتيجەگە جەتۋدىڭ تەتىگى ادامنىڭ بەلسەندىلىگىن ءونىمدى تۇردە ساۋلەلەندىرۋدە. «ەكى بومبى، ءبىر سەرىك» رۋحىن ساۋلەلەندىرىپ ۇلعايتىپ، تاماشا رۋحاني بەينە قالىپتاستىرۋ كەرەك. قالىڭ عىلىم - تەحنيكا قىزمەتكەرلەرىن جاۋاپكەرشىلىك تانىمدى كۇشەيتىپ، عىلىم رۋحىن ساۋلەلەندىرىپ، سەنىمدى بەكەمدەپ، بەرىلە زەرتتەۋ جۇرگىزىپ، اناعۇرلىم كوپ قۇندى ءتول جاسامپازدىق جەتىستىكتەرىن قۇلشىنا شىعارۋعا تاربيەلەۋ جانە جەتەكتەۋ كەرەك. ۇزدىك باستاماشىلار تاربيەلەۋ ءارى جاقسى كوماندا بولۋ كەرەك. جاس عالىمداردىڭ رولىن ساۋلەلەندىرىپ، تاڭداۋلى جاس دارىندىلاردىڭ قارا ءۇزىپ شىعۋىنا مۇمكىندىك تۋدىرۋ كەرەك.
ماجىلىستە مىنالار باسا دارىپتەلدى: پارتيا ورتالىق كوميتەتىنىڭ عىلىم - تەحنيكا قىزمەتىنە ورتالىقتانعان ءبىر تۇتاس باسشىلىعىن كۇشەيتىپ، شەشۋشى، وزەكتى تەحنيكالاردا شەپ بۇزۋدى ىلگەرىلەتۋدىڭ قۋاتتى بىرىككەن كۇشىن قالىپتاستىرۋ كەرەك. عىلىم - تەحنيكا سالاسىنداعى كادرلار قوسىنى قۇرىلىسىن كۇشەيتىپ، پارتيا مەن مەملەكەتتىڭ عىلىم - تەحنيكا ساياساتىن دايەكتىلەندىرە، تياناقتاندىرا الاتىن ۇيىمداستىرۋشى تۇرىندەگى دارىندىلاردىڭ قالىڭ ءبىر توبىن تاربيەلەپ، ولاردى عىلىم - تەحنيكا قىزمەتىنە باسشىلىق ەتۋدىڭ مامانى مەن عىلمي زەرتتەۋ قىزمەتكەرلەرىنىڭ جان دوسىنا اينالدىرۋ كەرەك. عىلىم جالپىلاستىرۋ قيمىلىن كەڭ كولەمدە ورىستەتىپ، عىلىمدى سۇيەتىن، عىلىمدى ۇلىقتايتىن قوعامدىق اۋقىم قالىپتاستىرىپ، جالپى ۇلتتىڭ عىلىم ساپاسىن جوعارىلاتۋ كەرەك.
ورتالىق قازىنا - ەكونوميكا كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
