تيانشان تورى   ›   جاڭالىقتار   ›   شينجياڭ حابارلارى

الدىڭعى جارتى جىلدا اۆتونوميالى رايونىمىز جۇمىسقا ورنالاستىرۋ ارقىلى حالىققا تيىمدىلىك جەتكىزۋ ينجەنەرياسىن تىڭعىلىقتى ىلگەرىلەتتى

  جۇمىسقا ورنالاستىرۋدىڭ 3 ءتۇرلى كورسەتكىشىنىڭ نىسانالىق مىندەتتەرى ارتىعىمەن ورىندالدى

  ءتىلشىمىز لي چۇنشيا 7 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، 2018 - جىلى اۆتونوميالى رايونىمىز جۇمىسقا ورنالاستىرۋ ارقىلى حالىققا تيىمدىلىك جەتكىزۋ ينجەنەرياسىن ىشكەرىلەي اتقارىپ، ۋاقىتتىڭ جارتىسى وتكەندە مىندەتتىڭ جارتىسىن ورىنداۋدى جۇزەگە اسىرىپ، قالا - قالاشىقتارداعى جاڭادان جۇمىسقا ورنالاسقان ادامداردىڭ سانى، جوعارى مەكتەپ بىتىرگەن وقۋشىلاردان جۇمىسقا ورنالاسقانداردىڭ سانى، جۇمىسقا ورنالاسۋى قيىن بولىپ وتىرعان قاۋىمنىڭ جۇمىسقا ورنالاسۋ سانى سىندى 3 ءتۇرلى كورسەتكىش بويىنشا جارتى جىلدىق نىسانالىق مىندەتتى ارتىعىمەن ورىنداعان، بۇكىل رايونىمىزداعى جۇمىسقا ورنالاسۋ جاعدايى جالپى تۇلعالىق جاقتان ورنىقتى، جاقسى بولعان.

  بيىل جىل باسىنان بەرى اۆتونوميالى رايونىمىز ماسەلەنى نىشان ەتۋدەن جازباي، جۇمىسقا ورنالاستىرۋ ارقىلى حالىققا تيىمدىلىك جەتكىزۋ ينجەنەرياسىن ىشكەرىلەي اتقارىپ، «جۇمىسقا ورنالاستىرۋ ساياساتىن تياناقتاندىرۋ جىلى» قيمىلىن تىڭعىلىقتى ورىستەتىپ، جۇمىسقا ورنالاستىرۋ، شارۋاشىلىق قۇرۋ ساياساتتارىنىڭ تياناقتانۋىن ۇزدىكسىز كۇشەيتتى.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىسقا ورنالاستىرۋدى جەبەۋ باسقارماسىنىڭ قىزمەتكەرىنىڭ تانىستىرۋىنشا، الدىڭعى جارتى جىلدا رايونىمىزداعى جۇمىسقا ورنالاسۋ جاعدايىندا كاسىپورىنداردا جۇمىسقا ورنالاسۋ سالىستىرماسى جوعارىلاۋ، ورنىقتى جۇمىسقا ورنالاسۋ سالىستىرماسى جوعارىلاۋ سياقتى ەرەكشەلىكتەر جارىققا شىققان. قالا - قالاشىقتاردا جاڭادان جۇمىسقا ورنالاسقانداردىڭ ىشىندە كاسىپورىندارعا 136 مىڭ 600 ادام جۇمىسقا ورنالاسىپ، بىلتىرعى سول تۇستاعىدان %12.89 ارتقان؛ قالا - قالاشىقتاردا جاڭادان جۇمىسقا ورنالاسقانداردىڭ ىشىندە 226 مىڭ 900 ادام ورنىقتى جۇمىسقا ورنالاسىپ، بىلتىرعى سول تۇستاعىدان %10.36 ارتقان.

  اۆتونوميالى رايونىمىز جۇمىسقا ورنالاسۋدى جەبەۋدىڭ كاسىپورىنداردى وزەك ەتكەن قوعامدىق سەلبەستىك سەرىكتەر قوسىلا قيمىلداۋ مەحانيزمىن اتقارىپ، قامداۋ - قاجەتسىنۋ اۋىس - كۇيىسى، ساياساتتى ءتۇسىندىرۋ، جاعدايعا تۇجىرىم جاساۋ سياقتى قيمىلداردى ورىستەتىپ، جەر - جەردىڭ جۇمىسقا ورنالاسۋدى جەبەۋ قىزمەتى مەن ساياساتتى تياناقتاندىرۋىنىڭ تارتىپپەن ىلگەرىلەۋىنە كەپىلدىك ەتتى. سونىمەن بىرگە، دالمە - ءدال كومەكتەسۋدى كورنەكتىلەندىرىپ، ءتۇيىندى قاۋىمنىڭ جۇمىسقا ورنالاسۋىن قامتاماسىز ەتتى. جوعارى مەكتەپ بىتىرگەن وقۋشىلار جونىندە 5 ءىرى ارەكەت جوسپارىن اتقارىپ، وقۋ بىتىرگەندەردى كوپ ارنادا، كوپ فورمادا نەگىزگى ساتىلارعا، كاسىپورىندارعا بارىپ جۇمىسقا ورنالاسۋعا، ءوز كۇشىنە سۇيەنىپ شارۋاشىلىق قۇرۋعا جەتەكتەدى، شابىتتاندىردى. جۇمىسقا ورنالاسۋى قيىن بولىپ وتىرعان قاۋىمعا قاراتا «بىرگە ءبىر» كومەكتەسۋ جانە «بىردە - ءبىر ادامى جۇمىسقا ورنالاسپاعان وتباسىلارىن» ديناميكالى ازايتۋ قىزمەت مەحانيزمىن داعدىلى اتقارىپ، «ءبىر ادامعا ءبىر شارا» بويىنشا ارناۋلى كومەكتەسىپ سۇيەمەلدەۋ تۇزىمىندە تاباندى بولىپ، ساياساتتىڭ، قىزمەت ورىندارىنىڭ جانە قىزمەت كورسەتۋدىڭ ادامدارعا تياناقتانۋىنا كەپىلدىك ەتتى.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا نەگىزدەلگەندە، بيىل الدىڭعى جارتى جىلدا اۆتونوميالى رايونىمىزدىڭ قالا - قالاشىقتارىندا جاڭادان جۇمىسقا ورنالاسقانداردىڭ سانى بىلتىرعى سول تۇستاعىدان ورنىقتى ارتىپ، 342 مىڭ 100 ادام جاڭادان جۇمىسقا ورنالاسىپ، تۇتاس جىلدىق نىسانالىق مىندەتتىڭ %74.4ى ورىندالعان؛ جوعارى مەكتەپتەردەن وقۋ بىتىرگەندەردىڭ جۇمىسقا ورنالاسۋى ورنىقتى ىلگەرىلەپ، اۆتونوميالى رايونعا قاراستى ادەتتەگى جوعارى مەكتەپتەردەن بيىل وقۋ بىتىرگەندەردەن 55 مىڭ 440 ادام جۇمىسقا ورنالاسىپ، العاشقى جۇمىسقا ورنالاسۋ مولشەرى %61.79 بولعان؛ جۇمىسقا ورنالاسۋى قيىن بولىپ وتىرعان ادامداردان جۇمىسقا ورنالاسقانداردىڭ سانى وتكەن جىلداعى سول تۇستاعىدان جوعارىلاپ، 25 مىڭ 700 ادام جۇمىسقا ورنالاسىپ، نىسانالىق مىندەتتىڭ %64.32ى ورىندالىپ، قالا - قالاشىقتارداعى بىردە - ءبىر ادامى جۇمىسقا ورنالاسپاعان وتباسىلارى 24 ساعاتتىڭ ىشىندە ديناميكالى ازايعان.

    شارۋاشىلىق قۇرۋ ارقىلى جۇمىسقا ورنالاسۋى جەبەلگەندەردىڭ سانى زور مولشەردە مولايعان. تۇتاس رايونىمىزدا 37 مىڭ 200 ادام جاڭادان شارۋاشىلىق قۇرىپ، تۇتاس جىلدىق نىسانالىق مىندەت %124 ەتىپ ورىندالىپ، بىلتىرعى سول تۇستاعىدان %33.33 ارتقان، 83 مىڭ 500 ادامنىڭ جۇمىسقا ورنالاسۋى جەبەلىپ، تۇتاس جىلدىق نىسانالىق مىندەتتىڭ %92.78ى ورىندالىپ، بىلتىرعى سول تۇستاعىدان %29.46 ارتقان. سونىمەن بىرگە، 76 مىڭ 700 ادام ونەركاسىپ - ساۋدا تيجارات كۋالىگىن الىپ، بىلتىرعى سول تۇستاعىدان %11.73 ارتقان.

جاۋاپتى رەداكتور : ءمادينا مۇقان

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى