شينحۋا اگەنتتىگىنىڭ 7 - ايدىڭ 13 - كۇنى بەيجيڭنەن بەرگەن حابارى (ءتىلشى چىن جيانشيڭ). 7 - ايدىڭ 13 - كۇنى تۇستەن بۇرىن ج ك پ ورتالىق كوميتەتىنىڭ باس شۋجيى شي جينپيڭ حالىق سارايىندا جۇڭگو گومينداڭ پارتياسىنىڭ بۇرىنعى ءتوراعاسى ليان جان باستاعان تايۋاننىڭ ءار سالا قايراتكەرلەرىنىڭ ەكسكۋرسيا ۇيىرمەسىمەن كەزدەسكەن كەزدە مىنالاردى باسا دارىپتەدى: اقيقات جولىن، حالىق قالاۋىن بوگەۋ مۇمكىن ەمەس. بىزدە دۇرىس باعداردى مىقتى يگەرەتىن، ەكى جاعالاۋ قارىم - قاتىناسىنىڭ بەيبىت دامۋىن تاباندىلىقپەن ىلگەرىلەتەتىن، وتاننىڭ بەيبىت بىرلىككە كەلۋ ءۇردىسىن ىلگەرىلەتەتىن تولىق سەنىم جانە جەتكىلىكتى قابىلەت بار. ەكى جاعالاۋداعى باۋىرلاستاردىڭ بىرگە قۇلشىنىپ، ءبىر جۇڭگو پرينسيبىن ايگىلەيتىن «1992 - جىلعى ورتاق تانىمعا» تاباندى بولىپ، «تايۋان تاۋەلسىزدىگىنە» باتىل قارسى تۇرىپ جانە ونى تەجەپ، ەكى جاعالاۋدىڭ ءار سالاداعى اۋىس - كۇيىسى مەن سەلبەستىگىن كەڭەيتىپ جانە تەرەڭدەتىپ، باۋىرلاستاردىڭ تۋىستىق سۇيىسپەنشىلىگى مەن ىرىس - قۇتىن ارتتىرىپ، جاڭا داۋىردە جۇڭحۋا ۇلتىنىڭ ۇلى گۇلدەنۋىنىڭ جاڭا پاراعىن قول ۇستاسا جازۋىن ءۇمىت ەتەمىن.
شي جينپيڭ مىنالاردى اتاپ كورسەتتى: «ەڭ بيىكتەن كورسەتە الساڭ ءوزىڭدى، كوشپەلى بۇلت توسا المايدى كوزىڭدى». كوپشىلىك بيىكتە تۇرىپ، الىسقا كوز تاستاسا، نەگىزگى اعىمدى انىق اڭعارىپ، جالپى بەتالىستى يگەرىپ، ەكى جاعالاۋ قارىم - قاتىناسىنىڭ قيىندىقتاردى جەڭە العا ىلگەرىلەۋىن بىرگە جەبەي الادى. ءبىز ەكى جاعالاۋ قارىم - قاتىناسىنىڭ بولاشاعىنا تولىق سەنىمدىمىز، ويتكەنى ەكى جاعالاۋ قارىم - قاتىناسىنىڭ بەيبىت دامۋىن ىلگەرىلەتىپ، ۇلتتىڭ گۇلدەنۋى ءۇشىن قول ۇستاسا كۇش سالۋ − ۇلتتىڭ جالپىلىق مۇددەسىنە ۇيلەسەتىن، ءداۋىر اعىمىنا ۇيلەسەتىن، ەكى جاعالاۋداعى باۋىرلاستاردى باقىتقا كەنەلتەتىن، ەكى جاعالاۋداعى باۋىرلاستاردىڭ قولداۋىنا يە بولعان دۇرىس جول؛ ويتكەنى مەيلى قانشالىق بوران - شاشىندى باستان وتكەرسە دە، ەكى جاعالاۋداعى باۋىرلاستار ۇلتتى، مادەنيەتتى شىنايى مويىنداۋ جانە سۇيىسپەنشىلىك جاعىندا ەشقاشان اجىراعان ەمەس؛ ويتكەنى نەشە ونداعان جىلداردان بەرى ەكى جاعالاۋ قارىم - قاتىناسى قۇبىلمالى بولىپ كەلگەنىمەن، جالپى بەتالىسى العا دامىدى؛ ويتكەنى ەكى جاعالاۋ بولۋگە كەلمەيتىن، قۋانىش - قايعىسى ءبىر تاعدىرلاس ورتاق تۇلعا. ەكى جاعالاۋداعى باۋىرلاستاردىڭ اناعۇرلىم جارقىن ومىرگە دەگەن ورتاق ۇمتىلىسىن، ەكى جاعالاۋ قارىم - قاتىناسىنىڭ جاقىنداۋىنا، جاقسارۋىنا دەگەن ءبىر اۋىزدى تالپىنىسىن ەشكىم دە بوگەي الماق ەمەس.
شي جينپيڭ مىنالاردى اتاپ كورسەتتى: «اۋەلگى ماقساتتى ۇمىتپاعاندا عانا، سوڭعى ناتيجەگە قول جەتكىزۋگە بولادى». دۇرىس جولدا تاباندىلىقپەن جۇرە بەرۋ كەرەك. اسىرەسە، تايۋان بۇعازىنىڭ قازىرگى جاعدايىندا، ەكى جاعالاۋداعى باۋىرلاستار سەنىمدى ونان ارى بەكەمدەۋى، ىنتىماقتاسا وتىرىپ العا تارتۋى كەرەك.
ءبىرىنشى، «1992 - جىلعى ورتاق تانىمعا» بۇلجىماستان تاباندى بولۋ، «تايۋان تاۋەلسىزدىگىنە» قارسى تۇرۋ. «تايۋان تاۋەلسىزدىگى» مەملەكەتتىڭ يەلىك ۇقىعى مەن تەرريتوريا تۇتاستىعىنا زيان جەتكىزىپ، تايۋان بۇعازىنىڭ بەيبىتشىلىگى مەن ورنىقتىلىعىن ءبۇلدىرىپ، ەكى جاعالاۋداعى باۋىرلاستارعا تەك قانا اپات اكەلەدى. ءبىز «تايۋان تاۋەلسىزدىگى» كۇشتەرىنىڭ لاڭ سالۋىنا استە ءتوزىپ تۇرا المايمىز، «تايۋان تاۋەلسىزدىگىنە» قاتىستى ءارقانداي ارام نيەتتىڭ ىسكە اسۋىنا تيتتەي دە جول بەرمەيمىز، وتاندى بولشەكتەيتىن بارلىق ءىس - ارەكەتتەر تۇبىندە، ءسوز جوق، جەڭىلىسكە ۇشىرايدى! ەكى جاعالاۋداعى باۋىرلاستار «تايۋان تاۋەلسىزدىگىنىڭ» بولشەكتەۋشىلىك ارام نيەتى مەن ءىس - ارەكەتىنە باتىل قارسى تۇرۋى جانە ونى شاۋجايلاۋى، ناقتى ارەكەتتەرىمەن ادىلەتتىڭ كۇشىن جانە ءۇنىن ايگىلەۋى كەرەك.
ەكىنشى، ەكى جاعالاۋدىڭ اۋىس - كۇيىسىن، سەلبەستىگىن بۇلجىماستان كەڭەيتۋ، تەرەڭدەتۋ. اۋىس - كۇيىستى كەڭەيتىپ، سەلبەستىكتى تەرەڭدەتۋ ەكى جاعالاۋداعى باۋىرلاستاردىڭ ورتاق مۇددەسىنە ۇيلەسەدى، ەكى جاعالاۋعا دا پايدالى. ەكى جاعالاۋداعى باۋىرلاستاردىڭ كەيبىر ماسەلەلەرگە ۇستانعان كوزقاراستاعى الاۋىزدىقتارى ەكى جاعالاۋدىڭ قالىپتى اۋىس - كۇيىسىنە، سەلبەستىگىنە ىقپال جاساماۋى ءتيىس، ونىڭ ەكى جاعالاۋدىڭ اۋىس - كۇيىسىن، سەلبەستىگىن بوگەيتىن سىلتاۋعا اينالىپ قالۋىنا تىپتەن بولمايدى. ءبىز تايۋاندىق باۋىرلاستاردىڭ ەرەكشە كوڭىل كۇيىن تولىق تۇسىنەمىز، تايۋاندىق باۋىرلاستاردىڭ قازىرگى قوعامدىق ءتۇزىمى مەن تۇرمىس تاسىلىنە تولىق قۇرمەت ەتەمىز، سونداي - اق ۇلى قۇرلىقتاعى باۋىرلاستار ۇزاق ۋاقىت قۇلشىنۋ، تىنباي كۇرەس جۇرگىزۋ ارقىلى جۇڭگوشا سوتسياليزم جولىنا ءتۇسىپ، كۇللى دۇنيەنىڭ نازارىن اۋدارعان وراسان زور جەتىستىكتەرگە قول جەتكىزدى، بۇل دا تايۋاندىق باۋىرلاستاردىڭ قۇرمەت ەتۋىنە تاتيدى. ەكى جاعالاۋداعى باۋىرلاستار ءبىر - ءبىرىنىڭ قامىن ويلاپ، ءوزارا قامقور بولىپ، تۇسىنىستىكتى، شىنايى مويىنداۋدى تەرەڭدەتىپ، جۇرەكتەردى توعىستىرۋى كەرەك.
ءۇشىنشى، ەكى جاعالاۋداعى باۋىرلاستاردىڭ باقىتىن كوزدەۋدەن جازباۋ. ەكى جاعالاۋ ەتەنە تۋىس، بارلىعى دا جۇڭگولىقتار، تايۋاندىق باۋىرلاستار ءبىزدىڭ ەت باۋىر جاقىندارىمىز. رەفورما جاساپ، ەسىك اشقان 40 جىلدا ەكى جاعالاۋداعى باۋىرلاستار ءارقاشان تار جول، تايعاق كەشۋدەن بىرگە ءوتىپ، ۇدەرە العا تارتىپ كەلەدى. جۇڭحۋا ۇلتىنىڭ ۇلى گۇلدەنۋى اناعۇرلىم جارقىن بولاشاعىن كورسەتتى، ءبىزدىڭ باۋىرلاستارىمىزدىڭ باقىتىن كوزدەيتىن قابىلەتىمىز اناعۇرلىم كۇشەيدى، شارت - جاعدايىمىز اناعۇرلىم جاقساردى. بىرتىندەپ تايۋان كاسىپورىندارىنا، تايۋاندىق باۋىرلاستارعا ۇلى قۇرلىق كاسىپورىندارىمەن، ۇلى قۇرلىقتاعى باۋىرلاستارمەن بىردەي مامىلە جاساۋءبىزدىڭ ايبىندى ۋادەمىز. بيىل 2 - ايدا ءبىز ەكى جاعالاۋدىڭ ەكونوميكالىق، مادەنيەت اۋىس - كۇيىسىن، سەلبەستىگىن جەبەۋ جونىندە 31 تارماقتى شارا جاريالاپ اتقاردىق، بۇعان ەكى جاعالاۋ جاقسى اڭىس ءبىلدىردى. ءبىز تاعى ىشكەرىلەي زەرتتەپ، لايىقتى كەزدە اناعۇرلىم كوپ جاڭا ساياسات - شارالاردى ورتاعا قويىپ، بىردەي مامىلەنى بىرتىندەپ ناقتاپ تياناقتاندىرامىز.
ءتورتىنشى، ەكى جاعالاۋداعى باۋىرلاستاردى ۇلتتىڭ گۇلدەنۋى ءۇشىن بىرگە كۇش شىعارۋعا تاباندىلىقپەن ىنتىماقتاستىرۋ. ۇلتتىڭ قۇدىرەتتەنىپ - كوركەيۋى − باۋىرلاستارعا ورتاق قۇت، ۇلتتىڭ السىرەپ، بىلىقپالىققا ۇشىراۋى − باۋىرلاستارعا ورتاق جۇت. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى، سان ۇرپاق جۇڭگولىقتار قاجىماي - تالماي كۇرەس جۇرگىزگەن ورتاق ءىس. ۇلتتىڭ گۇلدەنۋى جولىندا تايۋاندىق باۋىرلاستاردىڭ قاعىس قالۋىنا بولمايدى ءارى، ءسوز جوق، قاعىس قالمايدى. ەكى جاعالاۋداعى باۋىرلاستار تاريحتىڭ جالپى بەتالىسىنا بويسۇنىپ، ۇلتتىڭ ۇلى مۇراتىن بىرگە ارقالاپ، ەكى جاعالاۋ قارىم - قاتىناسىنىڭ بەيبىت دامۋىن بىرگە ىلگەرىلەتىپ، وتاننىڭ بەيبىت بىرلىككە كەلۋ ءۇردىسىن جەبەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن بىرگە جۇزەگە اسىرۋ كەرەك.
ليان جان ءبىر جۇڭگو، ەكى جاعالاۋدىڭ بەيبىتشىلىگى، ءوزارا تيىمدىلىك جاساپ توعىسۋ، جۇڭحۋانى كوركەيتۋ سىندى 4 ءتۇيىندى دارىپتەمە ورتاعا قويدى. ول بىلاي دەدى: 2005 - جىلى گومينداڭ پارتياسى مەن كوممۋنيستىك پارتيا بىرلەسىپ، ەكى جاعالاۋدىڭ بەيبىت دامۋى جونىندەگى 5 ءتۇرلى تىلەكتى، «1992 - جىلعى ورتاق تانىمعا» تاباندى بولۋ مەن «تايۋان تاۋەلسىزدىگىنە» قارسى تۇرۋدى نەگىز ەتكەن ورتاق تۇسىنىكتى جاريالاپ، ەكى جاعالاۋ قارىم - قاتىناسىنىڭ بەيبىت دامۋدىڭ دۇرىس ارناسىنا ءتۇسۋىن ىلگەرىلەتتى. كەزەكتە تايۋان جاعدايى تۇراقسىزدىققا كىرىپتار بولىپ، تايۋان حالقىنىڭ حاۋىپسىزدىگى مەن باقىتىنا حاۋىپ تونۋدە. ەكى جاعالاۋ حالقى بىردەي جۇڭحۋا ۇلتى، كەزىندە قۋانىش - قايعىسى ورتاق تاريحتى باستان وتكەرگەن، اۋەلدەن ءبىر شاڭىراقتىڭ ادامى بولاتىن، ىشكى ءيتىس - تارتىستان اۋلاق بولىپ، قاتار ءجۇرىپ، ەكى جاعالاۋدىڭ بەيبىت، بىرگە گۇلدەنۋىنە تالپىنۋ ءۇشىن ءادىس - امال قاراستىرىپ، كۇش - قايرات قوسىپ، بەيبىت بۇعازدى جانە گۇلدەنگەن ەكى جاعالاۋدى بىرلەسىپ قۇرۋىمىز ءتيىس.
ليان جان بىلاي دەدى: ەكى جاعالاۋ «1992 - جىلعى ورتاق تانىم» نەگىزىندە ساياسيداعى ءوزارا سەنىمدىلىكتى نىعايتىپ، كەڭەستى قايتا باستاپ، تاريحتان قالعان ساياسي الاۋىزدىقتى ءتارتىپتى تۇردە بىرتىندەپ ءبىر جاقتى ەتكەنى ءجون. سونىمەن بىرگە، ەكونوميكالىق سەلبەستىك، مادەنيەت اۋىس - كۇيىسى، حالىقتار ارا بارىس - كەلىس ارقىلى ءوزارا تيىمدىلىك جاساۋدى ۇزدىكسىز كەڭەيتىپ، ەكى جاعالاۋ حالقىنىڭ باۋىرلاستىق سۇيىسپەنشىلىگىن، تۋىسقاندىق سۇيىسپەنشىلىگىن تەرەڭدەتىپ، توعىسۋدى ۇزدىكسىز كۇشەيتىپ، جۇڭحۋانى كوركەيتۋدىڭ، ۇلتتى گۇلدەندىرۋدىڭ جارقىن بولاشاعىن اشۋدى بىرگە جەبەۋ كەرەك.
ديڭ شۋەشياڭ، ياڭ جيەچى، ت.ب كەزدەسۋگە قاتىناستى.
