تيانشان تورابى   ›   جاڭالىقتار   ›   ساياحات

اۋىل - قىستاق ساياحاتى كەدەيلىكتەن قۇتىلدىرۋدان قامال الۋدا زور رول اتقارادى

  فان حۇڭي

  «2017 - جىلى 80 مىڭ يۋانعا تاياۋ اقشا تاپتىم، بۇلاي بولارىن بۇرىندارى ويلاپ تا كورمەگەم»، «بيىل ساياحاتشىلار بۇرىنعى جىلداعىدان كوپ، كىرىسىم دە بىلتىرعىدان جوعارى بولادى». 7 - ايدىڭ 10 - كۇنگى «شينجياڭ گازەتىندە» جاريالانعان «قىزمەت اترەتى قىستاق تۇرعىندارىنىڭ ساياحاتقا سۇيەنىپ بايۋىنا كومەكتەستى» دەگەن حاباردا: «<ۇعىسۋ، تيىمدىلىك جاساۋ، توعىستىرۋ> بويىنشا قىستاقتا تۇراتىن قىزمەت اترەتىنىڭ قولداۋىندا بۋىرشىن اۋدانى شۇڭقىر قالاشىعى قىزىلقايىڭ قىستاعى جاراتىلىستىق بايلىق باسىمدىعىنا جانە ۇلتتىق ەرەكشە مادەنيەتكە سۇيەنىپ ساياحات كاسىبىن دامىتتى، كوپتەگەن قىستاق تۇرعىندارى ساياحات كاسىبىنە سۇيەنىپ بايۋ جولىنا قادام تاستادى» دەلىنگەن.

  كەدەيلىكتەن قۇتىلدىرۋدان قامال الۋ شايقاسىندا، اۋىل - قىستاق ساياحاتى كەدەيلىكتەن قۇتىلىپ، بايۋداعى ماڭىزدى تۇتقاعا اينالاتىندىعى ءشۇباسىز. كەزەكتە اۆتونوميالى رايونىمىز ساياحات كاسىبىن بارىنشا دامىتىپ، ءبىر تۇتاس جەلى سەرۋەن ساياحاتىن جوبالاۋدان سىرت، تاعى ساياحاتتى پارىقتى دامىتۋدى ىلگەرىلەتىپ، سەرۋەندەۋ مەن تىنىعۋعا تەڭ ءمان بەرىپ، ساياحات ونىمدەرىن مولايتتى. ايتالىق، قابا اۋدانى مول اق قايىڭ ورمانى بايلىعىنا سۇيەنىپ، «قايىڭ ورمانى جاسىل القابىن» ءتۇيىندى قۇردى؛ قاشقار كونە قالاسى 100 جىلدىق تۇرعىندار رايونىندا قىش ىدىستارىن جاساۋ، نان جابۋ، شاي ءىشۋ سياقتىلار ارقىلى سەزىنۋ ساياحاتىن اشتى؛ كۇنەس اۋدانى نارات ساحاراسىن جانە قازاق ۇلتىنىڭ ۇلتتىق ءداستۇرىن ارقاۋ ەتىپ، ساحارا كوشپەندىلەرى مادەنيەتىن جالپىلاستىردى. مۇنان تۇتاس شينجياڭنىڭ ساياحات كاسىبى جۇيەسىندە «اۋىل - قىستاقتىڭ» ماڭىزدى ورىن يەلەگەندىگىن كورۋگە بولادى، وسىدان اۋىل - قىستاق ساياحاتىنىڭ كەدەيلىكتەن قۇتىلدىرۋدان قامال الۋدا زور رول اتقاراتىندىعىن مەجەلەۋگە دە بولادى.

  اۋىل - قىستاق ساياحاتىن دامىتۋدا شينجياڭ وزىندىك ەرەكشە باسىمدىققا يە. باسىمدىقتان ويداعىداي پايدالانساق، اناعۇرلىم زور باسىمدىق جاراتۋعا بولادى. قىزىلقايىڭ قىستاعىن الىپ ايتار بولساق، بۇل ارانىڭ ءداستۇرلى ۇلتتىق سالت - سانا مادەنيەت باسىمدىعى كورنەكتى. 2016 - جىلدىڭ سوڭىنا دەيىن قىستاقتا «قىزىل جاپىراقتى ورمان» ۇلتتىق سالت - سانا اۋلا ساياحات قوعامى قۇرىلىپ، ۇكىمەت جەتەكشىلىك ەتۋ، پارتيا مۇشەلەرى باستاماشى بولۋ، ءبىر تۇتاس جوبالاۋ، ءبىر تۇتاس باسقارۋ، جارنا بويىنشا تابىس ۇلەسۋ ۇلگىسىن قولدانىپ، قونالقى ساياحاتىن دامىتتى. جەرگىلىكتى مالشى ەربولات ۇيرەنۋگە قۇلىقتى، ويعا جۇيرىك، قازىر ونىڭ «10 - ءنومىرلى ۇلتتىق سالت - سانا ءۇيى» الىس - جاقىنعا نەداۋىر تانىمالى، شينجياڭنىڭ ءىشى - سىرتىنان كەلگەن ساياحاتشىلاردى وزىنە باۋراعان «جەلىدە تانىمالى» قونالقىعا اينالدى.

  بۇكىل ەل كولەمىنەن العاندا، اۋىل - قىستاق ساياحاتى ءىشىنارا ولكەلەردىڭ، اۆتونوميالى رايونداردىڭ كەدەيلىكتەن قۇتىلدىرۋدان قامال الۋداعى اسىلىنا اينالدى. گۋاڭشيدى ايتساق، ساياحات − گۋاڭشيدىڭ ەرەكشە ساياحات ايگىلى اۋدانىن قۇرۋداعى ماڭىزدى مازمۇنى ءارى كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋدەگى ماڭىزدى تۇتقاسى. گۋاڭشيدىڭ يۇيلين قالاسى رۇڭشيان اۋدانى ساياحاتتى دامىتۋدان قامال الۋدىڭ 16 ءتۇيىندى نىساناسىن ويداعىداي يگەرۋگە كۇش سالۋدان سىرت، ءارقايسى قالاشىق، قىستاق ءىس جۇزىندىگىنە نەگىزدەلىپ، اۋىل - قىستاق ساياحات رايونى، شارۋالار ساياجايى، ەرەكشە ەگىنشىلىك، باعىمشىلىق سياقتى 12 نىساندى جوبالادى، قۇردى. ساياحات نىساندارى قۇرىلىسى ارقىلى ساياحات كاسىبىنىڭ كولەمىن كەڭەيتىپ، ەكونوميكانى دامىتۋعا ىقپال كورسەتىپ، دەم بەرىپ، جەرگىلىكتى بۇقارانىڭ كىرىسىن ارتتىردى.

  «ءبىر كاسىپ گۇلدەنسە، سانسىزداعان كاسىپ كوركەيەدى». اۋىل - قىستاق ساياحاتىن دامىتۋ اۋىل - قىستاقتارداعى كوپتەگەن كاسىپتەردىڭ دامۋىنا جان − جاقتى دەم بەرەدى، ءتىپتى دە كوپ جۇمىستانۋ قىزمەت ورنىن ازىرلەيدى، شارۋالاردىڭ كىرىسىن ارتتىرادى. سونىمەن بىرگە، ساياحات كاسىبى كوركەيسە، قاتىناس، اۋىل - قىستاق ورتاسى سياقتىلاردىڭ دامۋىن جەبەيدى، سونان سوڭ قىستاقتىڭ جالپى تۇلعالىق قۇرىلىسىن ىلگەرىلەتەدى. اماليات ساياحات ارقىلى كەدەيلىكتەن قۇتىلدىرۋ قۋاتتى بازار باسىمدىعىنا، تەبىندى قان جاساۋ قۋاتىنا جانە دەمەۋ رولىنا يە ەكەندىگىن، ونىڭ كەدەيلىكتەن قۇتىلدىرۋ ونىمدىلىگى كورنەكتى بولاتىندىعىن، كەدەيلىكتەن قۇتىلدىرۋدىڭ باياندىلىعى كۇشەيەتىندىگىن، قايتالاي كەدەيلەسۋ سالىستىرماسى تومەندەيتىندىگىن دالەلدەدى. ونىڭ ۇستىنە ساياحاتتى دامىتۋ جاسىل تاۋ مەن تۇنىق سۋدى قورعاۋمەن بىرگە، كەدەي بۇقارانى «باعالى بايلىققا» كەنەلدىرەدى.

    ساياحات پەن كەدەيلەردى سۇيەمەلدەۋ ىشكەرىلەي تۇيىلىسسە، اۋىل - قىستاق ساياحاتى كەدەيلىكتەن قۇتىلدىرۋدان قامال الۋدىڭ جاڭا قوزعالتقىشىنا اينالادى، سونىمەن بىرگە «تۇنىق سۋ، جاسىل تاۋ − باعالى بايلىق» ۇستانىمىنىڭ تياناقتانۋىنا، تەرەڭ تامىر تارتۋىنا، گۇل اشۋىنا، جەمىس بەرۋىنە مۇمكىندىك جاسايدى. ءبىز ساياساتتىق قولداۋ، ءادىس - شارالاردى اتقارۋ، تابىس ءبولىسى سياقتى جاقتاردا ۇزدىكسىز ىزدەنىس جاساپ، جاڭالىق اشىپ، ساياحات ارقىلى كەدەيلىكتەن دالمە - ءدال قۇتىلدىرۋدى ىلگەرىلەتىپ، ءتىپتى دە كوپ قىستاق تۇرعىندارىنىڭ شارۋالار ساياجايىنىڭ جانە قونالقىنىڭ قوجايىنى، كورىنىس رايونىنىڭ قىزمەتكەرى بولىپ، ساياحات كاسىبىن دامىتۋ الا كەلگەن پايدادان يگىلىكتەنۋىنە مۇمكىندىك جاساۋىمىز كەرەك.

جاۋاپتى رەداكتور : ءمادينا مۇقان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى