3 ايدا 10 كيلوگرام سالماق تاستاپ، «جانكۇيەرلەرى» كوبەيدى
61 جاستاعى باۋ جىحۋا بيلەگەن الاڭ ءبيى باسقالاردىكىنە ۇقسامايدى، ونىڭ بيلەپ جاتقانى توراپتا كەڭىنەن تارالعان ءبي. ونىڭ كەسكىنى توراپتا جاريالانعاننان كەيىن، «توراپ جۇلدىزىنا» اينالدى.
بوران-شاشىندى كۇندەرى بولماسا، ءار كۇنى ساعات 19 دا باۋ جىحۋا ءۇرىمجى قالاسى ميدۇڭ رايونى حالىق باقشا الاڭىنا بارىپ، 2 ساعات بيلەيدى. 7-ايدىڭ 13-كۇنى تۇستەن كەيىن، ءتىلشى ونىمەن كەزدەسكەندە، ول شاكىرتتەرىنە ءبي ۇيرەتىپ جاتىپتى، اينالا قورشاپ تۇرعان تۇرعىندار تۇگەل قولفوندارىمەن كەسكىنگە ءتۇسىرىپ جاتتى.
«شەشە، اتاي نەدەگەن جاقسى بيلەيدى».
«قاريا جاستاردىڭ ءبيىن كەرەمەت بيىلەيدى ەكەن». سەرۋەندەۋگە شىققان تۇرعىنداردىڭ بارلىعى باۋ جىحۋانى اۋىز جاپپاي ماقتادى.
7-ايدىڭ 13-كۇنى تۇستەن كەيىن، ءۇرىمجى قالاسى ميدۇڭ رايونى حالىق باقشاسى الاڭىندا باۋ جىحۋا كوپشىلىكپەن بىرگە بيلەۋدە.
پەنسياعا شىققانىنا ءبىر جىل بولعان باۋ جىحۋا بۇرىن ميدۇڭ رايونىنداعى مەكەمەنىڭ شوفەرى ەدى، بىلتىر 10-ايدا، ول توراپتاعى كەسكىننەن كورىپ قىزىعۋشىلىق تانىتقان بولاتىن. «مەن بۇرىن بيلەپ كورمەگەنمىن، كەسكىننەن وسى ءبيدىڭ جاندى، يكەمدىلىگى جوعارى ءارى دەنە شىنىقتىرۋعا لايىقتى ەكەنىن كورىپ ۇيرەنگىم كەلدى»،-دەيدى باۋ جىحۋا. ول كەزدە ءبىراز سەمىز، جوعارى قان قىسىم، باۋىر مايلاسۋ ناۋقاسى بار بولاتىن، دەنە شىنىقتىرۋدى ماقسات ەتكەن ول كەسكىنگە نەگىزدەلىپ، ءار كۇنى 4 ساعات ۇيرەنەدى.
مۇقيات جاتتىعۋ ارقىلى باۋ جىحۋا ەكى ايدا ەكى ءبي ۇيرەنىپ الدى. «ءار جولى تەرگە مالشىنىپ جاتتىققانىممەن، بيلەپ بولعاننان كەيىن جەڭىلدەپ قالامىن، 3 اي تاباندى جاتتىعىپ، 10 كيلوگرام سالماق تاستاعانىمدى ءوزىم دە سەزبەي قالدىم، تاعى تەكسەرتكەندە ەشقانداي ناۋقاس جوق بولىپ شىقتى»،-دەدى باۋ جىحۋا.
باۋ جىحۋا بىلاي دەدى: «بۇل ءبي قاراعاندا اياق ارەكەتىن نەگىز ەتەتىن سياقتى بولعانىمەن، تۇتاس دەنە قوزعالىسقا تۇسەدى، بيلەگەندە دەنە قۋاتتى قاجەت ەتەدى، العاش ۇيرەنگەندەردىڭ تولىق بيلەۋى قيىن. كەيىن كەلە، بۇل بيگە دە ۇيرەنىپ كەتتى، قازىر ولاردىڭ تۇرمىسىنداعى ماڭىزدى بولەككە اينالدى».
باۋ جىحۋانىڭ ايەلى ما حۇڭيان بىلاي دەدى: «جولداسىمنىڭ بۇل ءبيدى ۇيرەنگەنى وتە جاقسى بولدى، دەنساۋلىعى جاقسارعانىن ايتپاعاندا، تۇرمىسقا دەگەن قىزعىندىلىعى ارتا ءتۇستى».
بيلەگەنىنە بىرنەشە كۇن بولماي جاتىپ، نەشە ونداعان ادام ودان ءبي ۇيرەنەتىن بولدى. «مەنىڭ وقۋشىلارىمنىڭ ىشىندە جاسى ەڭ ۇلكەنى 50 نەشەدە، ەڭ كىشكەنەسە 8 جاستا، مەنىڭ وسى جاسقا كەلسەم دە بيلەي العانىمدى كورىپ سەنىمدەرى ارتا ءتۇستى، ءبىراق، بۇنى ۇيرەنۋگە تاباندىلىق پەن قاجىرلىلىق كەرەك، ءبىر، ەكى كۇندە ۇيرەنە المايدى»،-دەدى باۋ جىحۋا.
«باۋ جىحۋانىڭ بۇنداي ءبيدى بيلەگەنىن العاش كورگەنىمدە تاڭىرقاعان بولاتىنمىن، كەيىن ونى ۇستاز تۇتىپ ۇيرەندىم، ەرەكشە ىجداعاتپەن ۇيرەتەدى، ۇيرەنىپ جۇرگەنىمە 2 اي بولدى، 13 كيلوگرام سالماق تاستادىم»،-دەدى چي يانليڭ.
«مەنشە، اتاي كەرەمەت ەكەن، بۇل كوشە ءبيى سياقتى قيىن ءبي، مەن اتايدان ۇيرەنگىم كەلەدى»،-دەدى 8 جاستاعى جيا يۇيشۋان.
ءبىر شەتتە تاماشالاپ تۇرعان 27 جاستاعى جاڭ كىجۇن بىلاي دەدى: «اتاي وتە جەڭىل بيلەيدى ەكەن، ونىڭ رۋحى ۇيرەنۋگە تاتيدى».
