7-ايدىڭ 14-كۇنى، شينجياڭ حىجىڭ اۋدانى كۇنەس قالاشىعىندا 3-كەزەكتى «تاۋ گۇلى مەرەكەسى» جانە نادام جينالىسى اشىلدى.
7-اي كۇنەس تاۋىنىڭ گۇلمەن كومكەرىلەتىن مەزگىلى، ءدال وسى كەزدە جان-جاقتان كەلگەن قوناقتاردىڭ اياعى ۇزىلمەيدى. كۇنەس كورىنىس رايونىن باسقارۋ كوميتەتى ۇستىنە الىپ وتكىزگەن «تاۋ گۇلى مەرەكەسى» جايقالا اشىلعان تاۋ گۇلدەرىنىڭ اراسىندا وتكىزىلدى.
سول كۇنگى اشىلۋ سالتىندا، حادا اترەتى، جەك (پالۋان) اترەتى كۇنەس قالاشىعىنىڭ 3 قىستاعىنىڭ تۇرعىندارى اراسىنان ۇلتتىق ەرەكشەلىگىمەن كوز تارتتى. تيبەت سيىرى، قاراباس قويدان قۇرالعان اترەت جۇرتتى تامساندىردى.
تارتىمدى ادەبيەت-كوركەمونەر قيمىلى باستالىپ، مالشىلار ءان-ايتىپ بيگە باستى. توپتىق ءبي «باقىتتى مالشىلار» مالشىلاردىڭ وسى توپىراقتاعى باقىتتى تۇرمىسىن بەينەلەدى. موڭعۇلشا ءان «اتامەكەن» اۋىل ساعىنىشىن بەينەلەسە، كۇركىرەمە قيمىل الاڭىن جوعارى ورلەۋگە كوتەردى.
تارتىمدى ويىن نومىرلەردەن كەيىن، ات بايگەسى، «تاۋ گۇلى مەرەكەسى» قيمىلىنىڭ مەرەيىن اسىردى، جايلاۋدى جارىس الاڭى، تاۋ بەتكەيىن كورەرمەندەر مىنبەسى ەتكەن جارىستا ەلىمىزدىڭ جەر-جەرىنەن كەلگەن ساياحاتشىلار مارە-سارە بولدى.
ۋحاننان كەلگەن ساياحاتشى ليۋ سۇڭبو بىلاي دەدى: «ءبىز ەكى وتباسىنىڭ ادامدارى جەكە كولىكپەن شينجياڭعا ساياحاتتاي كەلگەنبىز، كۇنەس قالاشىعى وتە كوركەم ەكەن. جاسىل جايلاۋ مەن اق بۇلت جاراسىم تاۋىپ ايبىندى كورىندى. بۇگىن نادام جينالىسىنا قاتىناسىپ، اتتار مەن سيىرلاردى كوردىك، وتە سۇيكىمدى ەكەن، كەيىن ءبىز تاعى كەلىپ كۇنەس مەملەكەتتىك ورمان باقشاسىن ارالايمىز».
حىجىڭ اۋداندىق پارتكومنىڭ مۇشەسى، ۇگىت ءبولىمىنىڭ باستىعى چين لۇڭ بىلاي دەدى: «كۇنەستىڭ ‹تاۋ گۇلى مەرەكەسى› — بيىل حىجىڭ اۋدانى كۇش سالا دامىتقان ساياحات كاسىبىنىڭ ماڭىزدى ءبىر بولەگى. كەزەكتە باينىبۇلاق نادام جينالىسىن وتكىزەمىز، كۇن سايىن «نادام مەرەكەسى» قيمىلى ارقىلى ساياحاتتىڭ دامۋىن جەبەيمىز. بيىل، ءبىزدىڭ ساياحاتىمىز باستىسى مادەنيەت، ەكولوگيا، ەكونوميكا-ساۋدا ماركاسىن جاراتىپ، گۋمانيتارلىق ساياحات لەنياسىن، ايگىلى كورىنىس رايونى ساياحات لەنياسىن، ۇلتتىق سالت-ءداستۇردى سەزىنۋ لەنياسىن اشۋ ارقىلى ساياحاتشىلاردىڭ ۇقساماعان قاجەتىن قاناعاتتاندىرادى».
