جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، شينجياڭعا كومەكتەسۋ قىزمەتىن تەكسەردى، ۇشتاستىردى

　　چىن چۋانگو، ليۋ چي، شوكىرات زاكىر، لي پىڭشين قيمىلعا قاتىناستى

　　تىلشىلەرىمىز ياۋ تۇڭ، دۇڭ شاۋحۋا، يۋان لەي 7 - ايدىڭ 14 - كۇنى اقتاۋدان حابارلايدى. 7 - ايدىڭ 12 - كۇنىنەن 14 - كۇنىنە دەيىن جياڭشي ولكەلىك پارتكومنىڭ شۋجيى، ولكە باستىعى ليۋ چي جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ۇشتاستىردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتىستى قيمىلدارعا قاتىناستى.

　　7 - ايدىڭ 12 - كۇنى تۇستەن كەيىن، اۆتونوميالى رايون جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسىمەن قىزمەت كەڭەسىن وتكىزدى. چىن چۋانگو اۆتونوميالى رايوندىق پارتكوم، ۇكىمەت جانە تۇتاس رايونىمىزداعى ءار ۇلت حالقى اتىنان جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسىنىڭ شينجياڭعا قىزمەت تەكسەرۋگە كەلگەندىگىن قىزۋ قارسى الىپ، جياڭشي ولكەسىنىڭ ۇزاق ۋاقىتتان بەرى شينجياڭ قىزمەتىنە كورسەتكەن زور قولداۋىنا جانە قالتقىسىز كومەگىنە شىن جۇرەكتەن العىس ايتتى، جياڭشي ولكەسىنىڭ باس شۋجي شي جينپيڭنىڭ ماڭىزدى نۇسقاۋىن جاپپاي دايەكتىلەندىرىپ، تياناقتاندىرىپ، باي، كوركەم، باقىتتى وسىزاماندانعان جياڭشي قۇرۋدا قول جەتكىزگەن ناتيجەلەرىن شىن كوڭىلدەن قۇتتىقتادى. چىن چۋانگو بىلاي دەدى: اۆتونوميالى رايوندىق پارتكوم مەن ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ورنىقتىلىققا، دامۋعا قاتىستى ءتۇرلى قىزمەتتەردى تىڭعىلىقتى ويداعىداي ىستەپ، ءتۇرلى ىستەردە قۋانارلىق ناتيجەگە قول جەتكىزدى، تۇتاس شينجياڭدا جالپى جاعداي ورنىقتى، اۋقىمى مەڭگەرىمدى، بەتالىسى جاقسارعان كۇي قالىپتاستى. بۇل ناتيجەلەر شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ كورەگەن ءدانىشپاندىعىنىڭ، جياڭشي ولكەسى سياقتى باۋىرلاس ولكە، قالالاردىڭ قالتقىسىز كومەگىنىڭ، شينجياڭداعى ءار ۇلت حالقىنىڭ قۇلشىنا كۇرەس جاساۋىنىڭ ارقاسى.

　　چىن چۋانگو مىنالاردى اتاپ كورسەتتى: جياڭشي ولكەلىك پارتكوم، ولكەلىك ۇكىمەت شينجياڭعا كومەكتەسۋ قىزمەتىن باستان - اياق ماڭىزدى ساياسي جاۋاپكەرشىلىك ەتىپ، حالىق تۇرمىسىن جاقسارتۋعا باسا ءمان بەرىپ، كاسىپ جاعىنان شينجياڭعا كومەكتەسۋدى كورنەكتىلەندىرىپ، جۇمىستانۋدى، شارۋاشىلىق قۇرۋدى جەبەپ، قامتاماسىز ەتۋ دەڭگەيىن جوعارىلاتىپ، ۇلتتار ىنتىماعىن كۇشەيتىپ، نەگىزگى ساتىنىڭ نەگىزىن بەكەمدەپ، قىزىلسۋ وبلىسى اقتاۋ اۋدانىنىڭ ورنىقتىلىققا، دامۋعا قاتىستى ءتۇرلى ىستەرىنە قۇدىرەتتى قوزعاۋشى كۇش ۇستەپ، پارمەندى تىرەك ازىرلەپ، ءار ۇلت كادر - بۇقاراسىنىڭ جاقسى باعاسىنا جانە بارىنشا القاۋىنا يە بولدى. چىن چۋانگو بىلاي دەدى: ءبىز الداعى جەردە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى مەن پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، شينجياڭعا كومەكتەسۋ باسىمدىعىن تولىق ساۋلەلەندىرىپ، ىنتىماقتى، جاراسىمدى، كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭدى قۇلشىنا قۇرىپ، ۇزدىك ناتيجەلەر ارقىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەرەكشە قامقورلىعىنا العىس ايتامىز، جياڭشي حالقىنىڭ قالتقىسىز كومەگىنە العىس ايتامىز.

　　ليۋ چي مىنالاردى اتاپ كورسەتتى: شينجياڭ ەلىمىزدىڭ باتىسقا ەسىك اشۋداعى ماڭىزدى قاقپاسى، ەرەكشە ستراتەگيالىق ورىنعا يە. تاياۋ جىلداردان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ ۇيعۇر اۆتونوميالى رايونى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ورنىقتىلىققا، دامۋعا قاتىستى ءتۇرلى قىزمەتتەردى تىڭعىلىقتى ىلگەرىلەتىپ، جالپى جاعداي ورنىقتى، اۋقىمى مەڭگەرىمدى، بەتالىسى جاقسارعان كۇي قالىپتاستىرىپ، ەكونوميكالىق ناقتى قۋاتى ۇزدىكسىز كوتەرىلدى، حالىق تۇرمىسى ءۇرتىس جاقساردى. ءبىز شىن جۇرەكتەن قۋاندىق جانە سۇيىندىك. شينجياڭنىڭ تاماشا تاجىريبەسى، تاماشا ءادىسى ءبىزدىڭ ىشكەرىلەي ۇيرەنۋىمىزگە تاتيدى.

　　ليۋ چي مىنالاردى اتاپ كورسەتتى: شينجياڭعا باعىتتامالى كومەكتەسۋ قىزمەتى پارتيا ورتالىق كوميتەتى شىعارعان كەلەلى ستراتەگيالىق شەشىم، ءبىزدىڭ بۇلتارتپاس ساياسي جاۋاپكەرشىلىگىمىز. ەلىمىز بويىنشا ەڭ ەرتە شينجياڭعا كومەكتەسكەن 8 ولكەنىڭ ءبىرى بولعان جياڭشي شينجياڭعا كومەكتەسۋ قىزمەتىنە باستان - اياق وسكەلەڭ ءمان بەرىپ، كاسىپ ارقىلى شينجياڭعا كومەكتەسۋدى، وقۋ - اعارتۋ ارقىلى شينجياڭعا كومەكتەسۋدى، حالىق تۇرمىسى ارقىلى شينجياڭعا كومەكتەسۋدى بارىنشا ىلگەرىلەتىپ، قىزىلسۋ وبلىسىنىڭ جانە اقتاۋ اۋدانىنىڭ قوعام ورنىقتىلىعىن، ەكونوميكالىق دامۋىن، ۇلتتار ىنتىماعىن جەبەدى. كەلەر قادامدا جياڭشي شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، نازاردى كەدەيلىكتەن قۇتىلدىرۋدان قامال الۋ، قوعام ورنىقتىلىعى، كاسىپتى دامىتۋ سياقتى تۇيىندەرگە شوعىرلاندىرىپ، تەرەڭ ۇلتتىق سۇيىسپەنشىلىك جانە ناقتى ءىس ىستەۋدەي قىزمەت ستيلى ارقىلى جاڭا داۋىردە شينجياڭعا باعىتتامالى كومەكتەسۋ سىندى وسى شايقاستى باتىل ويداعىداي جۇرگىزەدى. ليۋ چي بىلاي دەدى: جياڭشي مەن شينجياڭنىڭ ارالىعى الىس بولعانىمەن، الايدا ەتەنە شينجياڭعا كومەكتەسۋ سۇيىسپەنشىلىگى ەكى جەردى تىعىز بايلانىستىرۋدا. جياڭشي مەن شينجياڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ءار جاقتىڭ باسىمدىعىن تولىق ساۋلەلەندىرىپ، سەلبەسۋ مەحانيزمىن اناعۇرلىم كەمەلدەندىرىپ، «ءبىر بەلدەۋ، ءبىر جول» قۇرىلىسىنا بىرگە ات سالىسىپ، كاسىپ سەلبەستىگىن تەرەڭدەتىپ، ەكى جەردىڭ مادەنيەت سەلبەستىگىن، اۋىس - كۇيىسىن مولايتىپ، ۇلتتاردىڭ ىشتەسۋىن، توعىسۋىن جەبەپ، ءبىر - بىرىنە دەمەۋشى بولىپ، دامۋدان تەڭ يگىلىككە كەنەلۋدى جۇزەگە اسىرۋىن ءۇمىت ەتەمىن.

　　شينجياڭداعى كەزىندە جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسى اقتاۋ اۋدانىنىڭ اۋىل - قالاشىقتارىن، كاسىپورىندارىن، مەكتەپتەرىن، اقپارات ورىندارىن ارالاپ، شينجياڭعا كومەكتەسۋ نىساندارىنىڭ اياق الىسى جاعدايىن تەكسەرىپ، ەگىنشى - مالشىلاردان احۋال ۇعىسىپ، حال سۇراپ، شينجياڭعا كومەكتەسۋ قىزمەتى اڭگىمە ءماجىلىسىن اشتى ءارى شينجياڭعا كومەككە كەلگەن كادرلارعا امانداستى، ولاردان حال سۇرادى.

　　اۆتونوميالى رايوننىڭ باسشىلارىنان ما شۋەجۇن، سارقىت اقان ۇلى، جاۋ چۇڭجيۋ قاتارلىلار قاتىستى قيمىلدارعا قاتىناستى.