شينحۋا اگەنتتىگىنىڭ 7 - ايدىڭ 16 - كۇنى بەيجيڭنەن بەرگەن حابارى. 7 - ايدىڭ 16 - كۇنى نيەرەرە باسشىلىق قابىلەتى شۋەيۋانىنىڭ ىرگە قالاۋ سالتى تانزانيادا وتكىزىلدى. ج ك پ ورتالىق كوميتەتىنىڭ باس شۋجيى شي جينپيڭ قۇتتىقتاۋ حاتىن جولدادى.
شي جينپيڭ بىلاي دەدى: تانزانيا توڭكەرىستىك پارتياسى، وڭتۇستىك افريكا افريكالىقتار حالىقتىق كەڭەسى، موزامبيك ازاتتىق شەبى پارتياسى، انگولا حالىق ازاتتىق قوزعالىسى، ناميبيا حالىقتىق ۇيىم پارتياسى، زيمبابۆە افريكا ۇلتتىق وداعى − وتانشىلدىق شەبى سىندى 6 ەتەنە پارتيا بىرلەسىپ قۇرعان نيەرەرە باسشىلىق قابىلەتى شۋەيۋانىنىڭ ىرگە قالاۋ سالتى بايلانىسىمەن، مەن جۇڭگو كوممۋنيستىك پارتياسى اتىنان، سونداي - اق ءوز اتىمنان شۋەيۋاننىڭ قۇرىلعاندىعىن قىزۋ قۇتتىقتايمىن.
شي جينپيڭ بىلاي دەپ اتاپ كورسەتتى: وڭتۇستىك افريكاداعى 6 ەتەنە پارتيا ءوز ەلدەرىنىڭ ۇلتتىق ازاتتىق كۇرەسى مەن ەكونوميكالىق قۇرىلىسىنداعى ماڭىزدى كۇشتەر. ولاردىڭ بىرلەسىپ نيەرەرە باسشىلىق قابىلەتى شۋەيۋانىن قۇرۋى، 6 ەتەنە پارتيانىڭ پارتيانىڭ ءوز قۇرىلىسىن كۇشەيتىپ، بيلىك جۇرگىزۋ قابىلەتىن جوعارىلاتۋداعى ماڭىزى شاراسى بولۋمەن بىرگە، ول ءارقايسىسىنىڭ ءوز ەلدەرىنىڭ دامۋىندا، العا باسۋىندا بەلسەندى رول اتقارادى. شي جينپيڭ بىلاي دەدى: ۇزاق ۋاقىتتان بەرى، جۇڭگو كوممۋنيستىك پارتياسى 6 ەتەنە پارتيامەن ءداستۇرلى دوستىق قارىم - قاتىناستى ساقتاپ، تاراپتاردىڭ مەملەكەتتىك قارىم - قاتىناسىن دامىتۋدا ماڭىزدى ساياسي جەتەكشىلىك رول اتقاردى. جۇڭگو كوممۋنيستىك پارتياسى وسى قىمباتتى ورايدان پايدالانىپ، 6 ەتەنە پارتيانى قامتىعان افريكاداعى ءار ەلدىڭ ساياسي پارتيالارىمەن اۋىس - كۇيىستى كۇشەيتىپ، ءوزارا ۇيرەنىپ، ءوزارا ۇلگى الىپ، اناعۇرلىم تىعىز جۇڭگو - افريكا تاعدىرلاس ورتاق تۇلعاسىن قۇرۋدى بىرگە ىلگەرىلەتىپ، ادامزاتتىڭ بەيبىتشىلىگى مەن دامۋى سىندى وسكەلەڭ ىسكە تىزە قوسا وتىرىپ بەلسەندى ۇلەس قوسۋدى قالايدى.
