تيانشان تورابى   ›   جاڭالىقتار   ›   شينجياڭ حابارلارى

اۆتونوميالى رايونىمىز قوعامدىق قامتاماسىزداندىرۋدان حالىققا تيىمدىلىك جاساۋ تورىن جاپپاي ءجيى توقىدى

  ءتۇرلى قامسىزداندىرۋ تۇرلەرىنىڭ قامتۋ كولەمىن كەڭەيتۋدىڭ تۇتاس جىلدىق مىندەتى الدىڭعى جارتى جىلدا الدىن الا تولىعىمەن ورىندالدى

  اۋىر كەدەي وڭىرلەردەگى ارحيۆ تۇرعىزىلىپ، كارتچكا بەرىلگەن كەدەيلەردىڭ «اربىرىندە ءبىر كارتچكا بولۋ» نەگىزىنەن جۇزەگە استى

  تىلشىلەرىمىز لي چۇنشيا، ۋي حۇڭپيڭ 7 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، بيىل الدىڭعى جارتى جىلدا اۆتونوميالى رايونىمىز قوعامدىق قامتاماسىزداندىرۋدان حالىققا تيىمدىلىك جاساۋ ينجەنەرياسىن جاپپاي اتقارىپ، ماڭىزدى تۇيىندەر مەن قيىن تۇيىندەردە ءبىر - بىرلەپ سەرپىلىس جاساپ، زەينەتكەرلىك قامسىزداندىرۋىنا، ەمدەۋ قامسىزداندىرۋىنا جاپپاي قاتىناستىرۋدى بار كۇشپەن ىلگەرىلەتىپ، ءار ۇلت بۇقاراسىنىڭ تابىس سەزىمىن، باقىت سەزىمىن ۇزدىكسىز كۇشەيتكەن.

  6 - ايدىڭ اياعىنا دەيىن بۇكىل رايوندا نەگىزگى زەينەتكەرلىك، نەگىزگى ەمدەۋ، جۇمىسسىزدىق، جۇمىس ۇستىندە جارالانۋ، تۋۋ سىندى 5 ءتۇرلى قوعامدىق قامسىزداندىرۋعا 38 ميلليون 294 مىڭ 600 ادام (رەت) قاتىناسىپ، 2017 - جىلدىڭ سوڭىنداعىدان ءبىر ميلليون 240 مىڭ ادام (رەت) كوبەيگەن، ءتۇرلى قامسىزداندىرۋ تۇرلەرىنىڭ قامتۋ كولەمىن كەڭەيتۋدىڭ تۇتاس جىلدىق مىندەتى الدىن الا تولىعىمەن ورىندالىپ، اۋىر كەدەي وڭىرلەردەگى ارحيۆ تۇرعىزىلىپ، كارتچكا بەرىلگەن كەدەيلەردىڭ «اربىرىندە ءبىر كارتچكا بولۋ» نىساناسى نەگىزىنەن جۇزەگە اسقان.

  2018 - جىلى اۆتونوميالى رايونىمىز قوعامدىق قامسىزداندىرۋ ارقىلى كەدەيلەردى سۇيەمەلدەۋدى ىشكەرىلەي ىلگەرىلەتىپ، كەدەي حالىقتى جالپى حالىقتى قامسىزداندىرۋعا قاتىناستىرۋ جوسپارى اياسىنداعى مىندەتتى تۇردە قامسىزداندىرىلاتىندار قاتارىنا ەنگىزىپ، قامسىزداندىرۋعا قاتىناستىرۋدىڭ كوكتەمگى ارناۋلى ارەكەتىن ورىستەتۋ سياقتى شارالار ارقىلى كەدەيلەردىڭ نەگىزگى زەينەتكەرلىك، نەگىزگى ەمدەۋ قامسىزداندىرۋىنا جانە سالماقتى ناۋقاس قامسىزداندىرۋىنا تۇگەل قاتىناسۋىنا كەپىلدىك ەتىپ، كەدەيلەردىڭ قامسىزداندىرىلۋعا تيىستىلەرىنىڭ مۇمكىندىگىنشە قامسىزداندىرىلۋىن جۇزەگە اسىرۋعا قۇلشىندى. قازىر ىلە قازاق اۆتونوميالى وبلىسى، التاي ايماعى، سانجى حۇيزۋ اۆتونوميالى وبلىسى، ءۇرىمجى قالاسى، قۇمىل قالاسى، تۇرپان قالاسى، اقسۋ ايماعى، قىزىلسۋ قىرعىز اۆتونوميالى وبلىسى سياقتى جەرلەر كەدەي حالىققا قوعامدىق قامسىزداندىرۋ كارتچكاسىن بەرۋ مولشەرىن %100كە جەتكىزۋدى جۇزەگە اسىردى.

  «ءبىز وڭتۇستىك شينجياڭنىڭ 3 ايماق، ءبىر وبلىسىنداعى 22 اۋىر كەدەي اۋداننىڭ كەدەي حالىقتارىن قامسىزداندىرۋعا قاتىناستىرۋ قىزمەتىن جەدەل ىلگەرىلەتىپ، قالا، اۋىل تۇرعىندارىنىڭ زەينەتكەرلىك قامسىزداندىرۋىنا، ەمدەۋ قامسىزداندىرۋىنا قاتىناسپاعان كەدەيلەردىڭ ينفورماتسيالارىن ارنايى جەلىمەن ايماق، اۋدان، اۋىلدارعا جەتكىزىپ، وتباسىعا، ادامعا دەيىن انىقتاپ، باسقارۋ اشىق ەسەبىن ورناتىپ، قامتۋ كولەمىن دالمە - ءدال كەڭەيتەمىز»، - دەيدى اۆتونوميالى رايوندىق قوعامدىق قامسىزداندىرۋدى باسقارۋ مەكەمەسىنىڭ باس بۇعالتىرى ۋاڭ ۋي.

  اۆتونوميالى رايوندىق قوعامدىق قامسىزداندىرۋدى باسقارۋ مەكەمەسىنىڭ ساناعى بويىنشا، 7 - ايدىڭ 16 - كۇنىنە دەيىن، وڭتۇستىك شينجياڭنىڭ اۋىر كەدەي 22 اۋدانىنداعى كەدەي حالىقتىڭ كارتچكا جاساۋ شارت - جاعدايىنا يە قامسىزداندىرۋعا قاتىناسقاندارىنا قوعامدىق قامسىزداندىرۋ كارتچكاسىنىڭ تاراتىلۋ مولشەرى %99.97كە قوعامدىق قامسىزداندىرۋ فۋنكتسياسىنىڭ ىسكە قوسىلۋ مولشەرى %100كە جەتكەن. سونىمەن بىرگە، ءجۇرىپ - تۇرۋى قولايسىز، قوعامدىق قامسىزداندىرۋ كارتچكاسىن الۋعا ءوتىنىش بەرە المايتىندارعا ۇزاق مەرزىمدى ۋاقىتشا كارتچكادان 492سى تاراتىلىپ، اۋىر كەدەي وڭىرلەردەگى ارحيۆ تۇرعىزىلىپ، كارتچكا بەرىلگەن كەدەيلەردىڭ «اربىرىندە ءبىر كارتچكا بولۋ» نىساناسى نەگىزىنەن جۇزەگە اسىرىلعان. «ءبىردى كۇشىنەن قالدىرۋ، ەكىنى جوعارىلاتۋ، ءبىردى تومەندەتۋ» ەمدەۋ قامسىزداندىرۋى جاعىندا بەيىمدەلىپ كومەكتەسۋ - سۇيەمەلدەۋ ساياساتى تىڭعىلىقتى ىلگەرىلەتىلىپ، كەدەي حالىقتىڭ ەمدەۋ قامسىزداندىرۋىمەن قامتاماسىز ەتىلۋ دەڭگەيى جوعارىلاعان. بيىل الدىڭعى جارتى جىلدا، بۇكىل رايونداعى ارحيۆ تۇرعىزىلىپ، كارتچكا بەرىلگەن كەدەي حالىقتان بالنيتساعا جاتقان، امبولاتوريادا تەكسەرىلگەن، سوزىلمالى اۋرۋىن امبولاتوريادا تەكسەرتكەن ادام ءبىر ميلليون 958 مىڭعا (رەت)، جۇمسالعان قاراجاتتىڭ جالپى سوماسى ءبىر ميلليارد 260 ميلليون يۋانعا جەتىپ، قوردان 870 ميلليون يۋان تولەنگەن. ولكە اتتاپ سىرت جەردە ەمدەلۋ بويىنشا توتە ەسەپ جابۋ قىزمەتى ءساتتى ىلگەرىلەپ، سىرت جەردەن كەلىپ ەمدەلگەن اناعۇرلىم كوپ ناۋقاستىڭ «از جۇگىرۋ» قولايلىلىعىنان يگىلىكتەنۋىنە مۇمكىندىك جاسالدى. قازىر اۆتونوميالى رايونىمىزدان ىشكى ولكەلەرگە بارىپ جۇمىسقا ورنالاسقاندار مەن سىرت جەرلەردەن شينجياڭعا كەلىپ جۇمىس ىستەيتىندەر سىرت جەردە ەمدەلۋ كولەمىنە تۇگەلدەي ەنگىزىلىپ، نەگىزگى ەمدەۋ قامسىزداندىرۋى، قوماقتى سوماداعى ەمدەلۋ جاردەماقىسى، سالماقتى ناۋقاس قامسىزداندىرۋ اقىسى بويىنشا شيپاحانادا «ءبىر قاعازبەن» ەسەپ جابۋ جۇزەگە استى. 6 - ايدىڭ سوڭىنا دەيىن، اۆتونوميالى رايونىمىزدا مەملەكەتتىڭ سىرت جەردە ەمدەلۋ بويىنشا ەسەپ جابۋ جۇيەسىنە جيىنى 72 مىڭ 948 ادام ەستەلىككە الىنىپ، باسقا ولكەدەن 28 مىڭ 876 ادام اۆتونوميالى رايونىمىزدا ەستەلىككە الىنىپ، ولكە اتتاپ سىرت جەردە ەمدەلۋ بويىنشا 9373 ادام (رەت) ەسەپ جاۋىپ، جۇمسالعان قاراجاتتىڭ جالپى سوماسى 183 ميلليون يۋانعا جەتىپ، ەمدەۋ قامسىزداندىرۋى قورىنان 136 ميلليون يۋان تولەندى.

  

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى