تيانشان تورى   ›   جاڭالىقتار   ›   شينجياڭ حابارلارى

ەلەكتروندىق ساۋدانىڭ وڭتۇستىك شينجياڭداعى ساپارى اۋىل شارۋاشىلىق قوسىمشا ونىمدەرىنىڭ ساتىلۋ قيىنشىلىعىن شەشتى

  «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتتەرىنە ارقا سۇيەپ، اۋىر كەدەي قىستاقتاردىڭ كەدەيلىكتەن قۇتىلدىرۋدان قامال الۋىنا دەم بەردى

  تىلشىلەرىمىز دۇڭ شاۋحۋا، لياڭ ليحۋا 7 - ايدىڭ 18 - كۇنى ۇرىمجىدەن حابارلايدى. «بيىل ءبىز قىستاقتاعى شىلاننىڭ ساتىلۋىنان الاڭدامايتىن بولدىق. وسى رەت لۇيجياڭ جەمىسشىلىگى بىزبەن ساتىلىمدى كوتەرمەگە الۋ جونىندە نيەت كەلىسىمىنە قول قويدى، ونىڭ ۇستىنە باعاسى دا وتە لايىقتى». 7 - ايدىڭ 16 - كۇنى اۆتونوميالى رايونعا توتە قاراستى ورگاندار قىزمەت كوميتەتىنەن قاعىلىق اۋدانى لوق اۋىلى كەڭكەشىك قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي جاڭ جيە تەلەفوندا تىلشىگە وسىنى ايتتى.

  جاڭ جيە تۇراتىن قىستاق − اۋىر كەدەي قىستاق، 3000 مۋ جەرگە ەگىلگەن شىلان قىستاق تۇرعىندارىنىڭ نەگىزگى تابىس كوزى، الايدا، سوڭعى 2 جىلدا ونىڭ جارتىسى ساتىلماي قالدى. ءبىراز ۋاقىت بۇرىن، «كەدەيلەردى ەلەكتروندىق ساۋدامەن سۇيەمەلدەۋ» وڭتۇستىك شينجياڭ ساپارى اۋىل شارۋاشىلىق قوسىمشا ونىمدەرىن ساتۋ قيمىلىنا قاتىناسقان ەلەكتروندىق ساۋدا كاسىپورىندارى وزدەرى ىزدەپ كەلىپ كەڭەس وتكىزىپ، جاڭ جيەنىڭ كوكەي تەستى قيىنشىلىعىن شەشىپ كەتتى.

  تانىستىرۋعا قاراعاندا، «كەدەيلەردى ەلەكتروندىق ساۋدامەن سۇيەمەلدەۋ» وڭتۇستىك شينجياڭ ساپارى اۋىل شارۋاشىلىق قوسىمشا ونىمدەرىن ساتۋ قيمىلىن اۆتونوميالى رايوندىق «ۇعىسۋ، تيىمدىلىك جاساۋ، توعىستىرۋ» كەڭسەسى باس بولىپ، اۆتونوميالى رايوندىق ساۋدا مەڭگەرمەسىمەن، كەدەيلەردى سۇيەمەلدەۋ كەڭسەسىمەن بىرگە ورىستەتكەن، الي، جيڭدۇڭ، لوۋلان مييۇي سياقتى شينجياڭنىڭ ءىشى - سىرتىنداعى 30دان استام قۋاتتى، تانىمالدىعى جوعارى ەلەكتروندىق ساۋدا كاسىپورىندارىن قوعامدىق جاۋاپكەرشىلىكتەرىن وتەۋگە ۇيىمداستىرۋ ارقىلى، بۇكىل شينجياڭداعى اۋىر كەدەي اۋدانداردىڭ اۋىر كەدەي قىستاقتارىنا ءبىر ميلليارد 500 ميلليون يۋانعا بارابار اۋىل شارۋاشىلىق قوسىمشا ونىمدەرى ساتىلىم مولشەرىن ۇسىنىپ، اۋىر كەدەي اۋدانداردىڭ اۋىل شارۋاشىلىق قوسىمشا ونىمدەرىنىڭ ساتىلىم ارناسىن ونان ارى كەڭەيتىپ، كەدەي وتباسىلاردىڭ كىرىسىن ارتتىرۋىنا كومەكتەسىپ، كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال قۇتىلدىرۋدى ىلگەرىلەتكەن.

  وسى قيمىلدا «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتتەرىنىڭ كۇشىنە ءتۇيىندى تۇردە ارقا سۇيەۋ ارقىلى كەدەي قىستاقتاردىڭ بايلىعى ءبىر تۇتاس جوسپارلانىپ، ەلەكتروندىق ساۋدانى اۋىل - قىستاقتارعا جەتكىزۋدەن جالپىلىق ۇلگى كورسەتۋ نىسانىنىڭ كومەگىندە، اۋىر كەدەي قىستاقتاردىڭ اۋىل شارۋاشىلىق قوسىمشا ونىمدەرىنە جالپىلاي تۇرگە ايىرۋ ساناعى جۇرگىزىلىپ، ءونىم ءتىزىمى قالىپتاستىرىلىپ، العاشقى مانەرلەۋدەن وتكىزىلىپ، ەلەكتروندىق ساۋدا كاسىپورىندارىنىڭ ساتىپ الۋىنا جانە بۇدان كەيىن اۋىل شارۋاشىلىق ونىمدەرىن كولەمدەندىرۋ مەن ولشەمدەندىرۋگە، كاسىپ قۇرىلىمىن رەتتەۋگە تولىق دايىندىق جاسالىپ، تاماشا نەگىز قالاندى.

  ەلەكتروندىق ساۋدا كاسىپورىندارىنىڭ اۋىل شارۋاشىلىق قوسىمشا ونىمدەرىن ساتىپ الۋ بارىسىندا ءساتتى تۇيىسۋىنە كەپىلدىك ەتۋ ءۇشىن، اۆتونوميالى رايوندىق «ۇعىسۋ، تيىمدىلىك جاساۋ، توعىستىرۋ» كەڭسەسى، ساۋدا مەڭگەرمەسى، كەدەيلەردى سۇيەمەلدەۋ كەڭسەسى تاعى اۆتونوميالى رايوندىق ەكونوميكا جانە ينفورماتسيالاندىرۋ كوميتەتى، ەگىن شارۋاشىلىق مەڭگەرمەسى، ونەركاسىپ - ساۋدانى اكىمشىلىك باسقارۋ مەكەمەسى سياقتى 9 قاتىستى مەڭگەرمە - مەكەمەنى سايكەستىرىپ، «كەدەيلەردى ەلەكتروندىق ساۋدامەن سۇيەمەلدەۋ» وڭتۇستىك شينجياڭ ساپارى اۋىل شارۋاشىلىق قوسىمشا ونىمدەرىن ساتۋ قيمىلىن سايكەستىرۋ ءماجىلىسىن اشىپ، مىندەت ءبولىسىن ونان ارى ايقىنداپ، ءوز - ءوزىنىڭ قىزمەت جاۋاپكەرشىلىگى بويىنشا تياناقتاندىرۋدى مىقتاپ يگەرىپ، ەلەكتروندىق ساۋدا كاسىپورىندارىنىڭ اۋىل شارۋاشىلىق قوسىمشا ونىمدەرىن ساتىپ الۋىنا ءتىپتى كوپ قولايلى قىزمەت كورسەتۋدى جانە شارت - جاعداي ازىرلەۋدى تالاپ ەتتى.

  6 - ايدىڭ 19 - كۇنىنەن 28 - كۇنىنە دەيىن، باس بولىپ ۇيىمداستىرۋشى 3 ورىن ەلەكتروندىق ساۋدا تۇعىرلارى مەن ەلەكتروندىق ساۋدا كاسىپورىندارىنىڭ جاۋاپتىلارىن ۇيىمداستىرىپ، 3 گرۋپپاعا ءبولىنىپ، 18 اۋىر كەدەي اۋدانداعى 62 اۋىر كەدەي قىستاققا بارىپ، 138 اۋىل شارۋاشىلىق قوسىمشا ونىمدەرى ءوندىرىس بازاسى، كووپەراتيۆى، مانەرلەۋ كاسىپورنى سياقتىلاردى جۇمىس ۇستىندە كوزدەن كەشىردى ءارى العاشقى ادىمداعى ساتىپ الۋ - ساتۋ كەلىسىمىنە قول قويدى. «وسى رەتكى ءتۇيىستىرۋ قيمىلىندا، ءبىزدىڭ 5 ەلەكتروندىق ساۋدا كاسىپورنىمىز كەلپىن اۋدانىنداعى اۋىر كەدەي قىستاقتارمەن جالپى 12 مىڭ قوي، 130 توننا شامعۇر جانە 440 توننا ورىك ساتىپ الۋ كەلىسىمىنە قول قويدى، كەيىنىرەك، ءبىز وڭتۇستىك شينجياڭنىڭ كەدەي اۋداندارىنداعى پىستە، بارىن ورىگى سياقتى اۋىل شارۋاشىلىق قوسىمشا ونىمدەرىنىڭ ءونىم مولشەرى مەن ساتىلىم مولشەرىنىڭ جاعدايىنا قاراي تاپسىرىستى تۇراقتاندىرامىز». اقسۋ «شي - يۇي نيۋنيۋ» ەلەكتروندىق ساۋدا سەرىكتەستىگىنىڭ نەگىزىن سالۋشى نيۋ يانچيڭ بىلاي دەدى: «كەدەيلەردى ەلەكتروندىق ساۋدامەن سۇيەمەلدەۋ» قيمىلى اۋىر كەدەي اۋداندارداعى اۋىل شارۋاشىلىق قوسىمشا ونىمدەرىنە ينتەرنەتتىڭ قاناتىن جالعاپ، ەلەكتروندىق ساۋدانىڭ «توتە جولىنا» ءتۇسىردى.

  بيىل، جيڭدۇڭ زات اينالىمى كوپتەگەن تاجىريبە جانە سىناق ارقىلى، شينجياڭدا «تۇتاس بارىستى سالقىن تىزبەك» زات اينالىمى ۇلگىسىن جاڭالىق اشا وتىرىپ ورتاعا قويدى. «كەدەيلەردى ەلەكتروندىق ساۋدامەن سۇيەمەلدەۋ» قيمىلىنا تاياۋدا عانا قاتىناسىپ بولعان جيڭدۇڭ زات اينالىمىنىڭ شينجياڭ رايوندىق بولىمشەسىنىڭ باس ديرەكتورى دو يجى بىلاي دەدى: جيڭدۇڭ زات اينالىمى ساۋدا سارايى ارقىلى كۇش سالىپ، ساۋدا اينالىمى ارقىلى زات اينالىمىن جەتەكتەپ، زات اينالىمى ارقىلى ساۋدا اينالىمىن جەبەپ، شينجياڭداعى اۋىر كەدەي قىستاقتاردىڭ اۋىل شارۋاشىلىق ونىمدەرىنىڭ جەلىگە شىعارىلۋىنا دەم بەرىپ، جەرگىلىكتى كەدەي وتباسىلاردىڭ كەدەيلىكتەن كۇن ىلگەرى قۇتىلۋىنا كومەكتەسەدى.

  «بۇدان كەيىن، ءتۇرلى اۋىل شارۋاشىلىق قوسىمشا ونىمدەرىنىڭ پىسۋ مەزگىلىنە سايكەس، قىستاقتا تۇراتىن قىزمەت اترەتتەرى ەلەكتروندىق ساۋدا كاسىپورىندارىنىڭ ساتىپ الۋ قىزمەتىنە جاردەمدەسىپ، وڭتۇستىك شينجياڭنىڭ 3 ايماق، ءبىر وبلىسىنداعى اۋىر كەدەي قىستاقتاردىڭ اۋىل شارۋاشىلىق قوسىمشا ونىمدەرىنىڭ جەلىدە ساتىلۋىنا ۇزدىكسىز تۇردە كومەكتەسەدى». اۆتونوميالى رايوندىق ساۋدا مەڭگەرمەسى باستىعىنىڭ كومەكشىسى ساۋ شياڭ بىلاي دەدى: سونىمەن قاتار، اۆتونوميالى رايوندىق «ۇعىسۋ، تيىمدىلىك جاساۋ، توعىستىرۋ» كەڭسەسى، ساۋدا مەڭگەرمەسى، كەدەيلەردى سۇيەمەلدەۋ كەڭسەسى تاعى اۋىر كەدەي اۋدانداردىڭ اۋدان، اۋىل، قىستاق ءۇش دارەجەلى ەلەكتروندىق ساۋدا جەلىسىن قۇرۋىنا كومەكتەسەدى ءارى نەگىزگى ساتى ەلەكتروندىق ساۋدا قىزمەت كورسەتۋ پۋنكتتەرىندەگى قىزمەتكەرلەرىن ۇيىمداستىرىپ، اۋىل شارۋاشىلىق قوسىمشا ونىمدەرىن ساتىپ الۋدىڭ ناقتى ىستەرى جونىندە پىسىقتاۋ، تاربيەلەۋ جۇرگىزىپ، «كەدەيلەردى ەلەكتروندىق ساۋدامەن سۇيەمەلدەۋ» وڭتۇستىك شينجياڭ ساپارى اۋىل شارۋاشىلىق قوسىمشا ونىمدەرىن ساتۋ قيمىلىنىڭ ءساتتى، ءتارتىپتى جۇرگىزىلۋىنە كەپىلدىك ەتەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى