وتباسىلىق قىزمەت كورسەتۋ كاسىبىنىڭ دامۋىن بەلسەنە ىلگەرىلەتەيىك
ءتىلشىمىز لي ياڭ 7 - ايدىڭ 18 - كۇنى ۇرىمجىدەن حابارلايدى. 7 - ايدىڭ 18 - كۇنى تۇستەن بۇرىن اۆتونوميالى رايوندىق ساياسي كەڭەس ايلىق كەڭەس اڭگىمە ءماجىلىسىن اشىپ، «وتباسىلىق قىزمەت كورسەتۋ كاسىبىنىڭ دامۋىن بەلسەنە ىلگەرىلەتەيىك» اياسىندا كەڭەستى، اڭگىمەلەستى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ءماجىلىستى باسقاردى ءارى ءسوز سويلەدى.
اڭگىمە ماجىلىستە مۇشەلەردەن، مامانداردان، كاسىپورىنداردان، الەۋمەتتىك اۋماقتاردان 10 ۋاكىل ساياسات جۇيەسىن كەمەلدەندىرۋ، جوعارى دەڭگەيلى جوبانى كۇشەيتۋ، زەينەتكەرلىك قىزمەت كورسەتۋ جۇيەسى قۇرىلىسىن تەزدەتۋ، اۋىل - قىستاق ساياحاتى ارقىلى وتباسىلىق قىزمەت كورسەتۋ كاسىبىنىڭ جاڭا مازمۇنىن بايىتۋ، قىزمەت كورسەتۋ مەن باسقارۋعا تەڭ ءمان بەرۋگە تاباندى بولۋ، ءۇي شارۋاسىنا قىزمەت كورسەتۋ كاسىبىنىڭ دامۋىن تەزدەتۋ سياقتى جاقتاردى ارقاۋ ەتىپ سىندارلى اقىل - كەڭەس بەردى. كوپشىلىك بىلاي دەپ قارادى: وتباسىلىق قىزمەت كورسەتۋ كاسىبىن دامىتۋ − حالىق تۇرمىسىن جاقسارتۋداعى، جۇرت تىلەگىن ۇيىستىرۋداعى، كاسىپتەنۋدى مولايتۋداعى، كەدەيلىكتەن قۇتىلدىرۋدان قامال الۋدى ىلگەرىلەتۋدەگى، قوعامدىق جاراسىمدىلىقتى جەبەۋدەگى ماڭىزدى شارا. كوپشىلىك مىناداي ۇسىنىس بەردى: قاتىستى ساياساتتاردى اناعۇرلىم كەمەلدەندىرىپ جانە تياناقتاندىرىپ، رايونىمىزدىڭ وتباسىلىق قىزمەت كورسەتۋ كاسىبىنىڭ ورتا، ۇزاق مەرزىمدىك دامۋ جوباسىن جاساپ، كاسىپ سالاسى دامۋىنىڭ جەتەكتەۋ قابىلەتىن جوعارىلاتۋ؛ زاڭ - ەرەجە قۇرىلىسىن تەزدەتىپ، بازار ءتارتىبىن ارناعا ءتۇسىرىپ، دامۋ ورتاسىن جاقسارتۋ؛ نەگىزدىك قوسىمشا قۇرىلعىلاردى كۇشەيتىپ، الەۋمەتتىك قىزمەت كورسەتۋدى كەمەلدەندىرۋ؛ سۇيەمەلدەۋ تەبىنىن ارتتىرىپ، ءبىر توپ وتباسىلىق قىزمەت كورسەتۋ كاسىپورىندارىنىڭ زورايۋىنا، كۇشەيۋىنە، ماركا قالىپتاستىرۋىنا جەتەكشىلىك ەتۋ جانە قولداۋ كورسەتۋ؛ وتباسىلىق قىزمەت كورسەتۋدىڭ كاسىپتىك دارىندىلارىن ونەرگە باۋلۋدى كۇشەيتىپ، وتباسىلىق قىزمەت كورسەتۋ كاسىبىنىڭ اقاۋسىز دامۋىن ىلگەرىلەتۋ كەرەك.
اۆتونوميالى رايوندىق ساياسي كەڭەستىڭ ورىنباسار ءتوراعاسى ءجۇرات يمىن تاقىرىپتىق ءسوز سويلەدى.
اۆتونوميالى رايوندىق حالىق ۇكىمەتىنىڭ قاتىستى باسشىلارى ماجىلىسكە قاتىناسقانداردىڭ پىكىر - ۇسىنىستارىنا اڭىس قايتاردى جانە جاۋاپ قاتتى.
ءسوزدى تىڭداعاننان كەيىن نۇرلان ءابىلماجىن ۇلى مىنالاردى اتاپ كورسەتتى: اۆتونوميالى رايوندىق پارتكوم مەن ۇكىمەت شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن مۇقيات دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، حالىق تۇرمىسى قىزمەتىن قاشاندا كورنەكتى ورىنعا قويىپ، وتباسىلىق قىزمەت كورسەتۋ كاسىبىنە مەڭزەس ءبىر قىدىرۋ ساياساتتىق شارالار شىعارىپ، رايونىمىزدىڭ وتباسىلىق قىزمەت كورسەتۋ كاسىبىنىڭ اقاۋسىز دامۋىن جەبەدى. ايتسەدە، رايونىمىزدىڭ وتباسىلىق قىزمەت كورسەتۋ كاسىبىنىڭ دامۋىندا ءالى دە ولقىلىقتار جانە ماسەلەلەر ورىن تەبۋدە، ول ءارقايسى تاراۋلاردىڭ، ورىنداردىڭ، قوعامداعى ءار سالانىڭ ءمان بەرۋ تەبىنىن كۇشەيتىپ، بىرلىكتە جەڭۋىن جانە شەشۋىن قاجەت ەتەدى.
نۇرلان ءابىلماجىن ۇلى مىنالاردى اتاپ كورسەتتى: وسى رەتكى ايلىق كەڭەس اڭگىمە ءماجىلىسى پارتكومنىڭ وزەكتى قىزمەتىن مىقتاپ ارقاۋ ەتىپ، نازاردى حالىق تۇرمىسىن قامتاماسىز ەتۋگە جانە جاقسارتۋعا شوعىرلاندىرىپ، ساياسي كەڭەس مۇشەلەرىنىڭ جانە قاتىستى جاقتارداعى ۋاكىل قايراتكەرلەردىڭ اقىل - پاراسات باسىمدىعىن ساۋلەلەندىرىپ، وتباسىلىق قىزمەت كورسەتۋ كاسىبىنىڭ دامۋىن ىلگەرىلەتۋدى كىرىسۋ ءتۇيىنى ەتىپ، بەلسەنە كەڭەس بەرىپ، قۇندى پىكىر - ۇسىنىستاردى العا قويىپ، ورتاق تانىمدى اناعۇرلىم ارتتىرىپ، زەيىن - زەردە مەن كۇش - قۋاتتى ۇيىستىردى. ءاربىر مۇشەلەردەن رايونىمىزدىڭ وتباسىلىق قىزمەت كورسەتۋ كاسىبىنىڭ دامۋىنا جالعاستى نازار اۋدارىپ، بۇقارانىڭ ءۇنىن اڭىس ەتۋ، شەشىم جاساۋعا كەڭەس بەرۋگە قىزمەت كورسەتۋ، دەموكراتيالىق باقىلاۋدى كۇشەيتۋ جاقتارىندا كۇش - قۋاتتارىن ارناۋىن ءۇمىت ەتەمىن. اۆتونوميالى رايوندىق پارتكوم مەن ۇكىمەتتىڭ تاياۋ جىلداردان بەرگى وتباسىلىق قىزمەت كورسەتۋ كاسىبىنىڭ دامۋىن جەبەۋدە ىستەگەن قىزمەتتەرىن، قول جەتكىزگەن ناتيجەلەرىن، سونداي - اق ساياسي كەڭەستىڭ كەڭەستىك دەموكراتيانى ىلگەرىلەتۋدەگى جاندى امالياتىن جانە مول تابىسىن بارىنشا ۇگىتتەپ، بۇقارانىڭ ات سالىسۋ اياسىن كەڭەيتىپ، ىقپال كۇشى مەن ورتاق تانىم دەڭگەيىن ارتتىرۋ كەرەك. ماجىلىستەن كەيىن ساياسي كەڭەس كەڭسەسى وسى رەتكى ماجىلىستەگى تاماشا تاجىريبەلەردى، ادىستەردى مۇقيات قورىتىندىلاپ، وسى رەتكى ءماجىلىستىڭ نەگىزگى مازمۇنىن، قالىپتاسقان ورتاق تانىمدى جانە ماڭىزدى پىكىر - ۇسىنىستاردى دەر كەزىندە جيناقتاپ، رەتتەپ، كەڭەس ۇسىنىس بايانداماسى ۇلگىسىندە اۆتونوميالى رايوندىق پارتكومعا جانە ۇكىمەتكە جولدادى.
اۆتونوميالى رايوندىق ساياسي كەڭەستىڭ ورىنباسار ءتوراعالارى چىڭ جىنشان، ماعاۋ سەيتقامزا ۇلى، جاڭ بو، ءمۇتالىپ وبۇل، يلحام سابىر، ما شيۇڭچىڭ ماجىلىسكە قاتىناستى.
