تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوننىڭ حالىق قۇرىلتايى جۇيەسىنىڭ پارتيا قۇرىلىسى قىزمەتى اڭگىمە ءماجىلىسى وتكىزىلدى

  پارتيانىڭ حالىق قۇرىلتايى قىزمەتىنە جاپپاي باسشىلىعىنا بۇلجىماي تاباندى بولايىق

  ءتىلشىمىز جاۋ جىيۇن 7 - ايدىڭ 18 - كۇنى ۇرىمجىدەن حابارلايدى. 7 - ايدىڭ 18 - كۇنى اۆتونوميالى رايوننىڭ حالىق قۇرىلتايى جۇيەسىنىڭ پارتيا قۇرىلىسى قىزمەتى اڭگىمە ءماجىلىسى وتكىزىلدى.

  اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، تۇراقتى كوميتەتتىڭ مەڭگەرۋشىسى شاۋكەت يمىن ماجىلىسكە قاتىناستى ءارى ءسوز سويلەدى.

  اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين پارتيانى قاتاڭ جونگە سالۋدى تياناقتاندىرۋ، پارتيانىڭ حالىق قۇرىلتايى قىزمەتىنە باسشىلىعىن كۇشەيتۋ جونىندە ءسوز سويلەدى.

  ءماجىلىس مىنالاردى اتاپ كورسەتتى: اۆتونوميالى رايوندىق پارتكومنىڭ پارمەندى باسشىلىعىندا، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ پارتيا باسشىلىق گرۋپپاسى پارتيانىڭ باسشىلىعىنا تاباندى بولۋدى جانە ونى كۇشەيتۋدى حالىق قۇرىلتايى قىزمەتىن جاقسى ىستەۋدىڭ نەگىزى ەتىپ، حالىق قۇرىلتايىنىڭ پارتيا قۇرىلىسى قىزمەتىندە تىڭ ونىمدىلىكتەرگە قول جەتكىزدى. جاڭا جاعداي، جاڭا مىندەت حالىق قۇرىلتايى قىزمەتىنە ءتىپتى دە جوعارى تالاپتار قويىپ، ماڭىزدى تاريحي جاۋاپكەرلىك جۇكتەدى، ءسوزسىز، حالىق قۇرىلتايى قىزمەتىنىڭ «رولىن» ءدال، مىقتاپ يگەرىپ، حالىق قۇرىلتايى قىزمەتتەرىندە پارتيانىڭ باسشىلىعىنا بۇلجىماستان تاباندى بولۋعا كەپىلدىك ەتىپ، پارتيانىڭ باسشىلىعىن توتەنشە ىجداعاتپەن ايگىلەۋ كەرەك.

  ءماجىلىس مىنالاردى باسا دارىپتەدى: پارتيانىڭ باسشىلىعىنا تاباندى بولۋ − حالىق قۇرىلتايى ءتۇزىمىن جۇرگىزۋدىڭ ماندىك تالابى، حالىق قۇرىلتايى ءتۇزىمىنىڭ ماڭىزدى ەرەكشەلىگى جانە ابزالدىلىعى، جاڭا داۋىردەگى حالىق قۇرىلتايى قىزمەتىن جاقسى ىستەۋدىڭ ءتۇبىرلى كەپىلى. اۆتونوميالى رايوننىڭ حالىق قۇرىلتايى جۇيەسىندەگى پارتيا باسشىلىق گرۋپپالارى پارتيا قۇرىلىسىنداعى سۋبيەكتتىك جاۋاپكەرلىكتەرىن مۇقيات تياناقتاندىرىپ، پارتيانىڭ باسشىلىعىن حالىق قۇرىلتايى قىزمەتىنىڭ ءار جاقتارىمەن جانە تۇتاس بارىسىمەن ساباقتاستىرۋ كەرەك. حالىق قۇرىلتايى جۇيەسىندەگى پارتيانىڭ ساياسي قۇرىلىسىن كۇشەيتىپ، ساياسيدا ادال بولۋعا كەپىلدىك ەتىپ، «ەكىنى قورعاۋدى» جۇزەگە اسىرۋ كەرەك؛ ساياسي باعداردى بەكەمدەپ، نازاردى شينجياڭ قىزمەتىنىڭ باس نىساناسىن تياناقتاندىرۋعا شوعىرلاندىرىپ، حالىق قۇرىلتايىنىڭ ءتۇرلى قىزمەتتەرىن جوسپارلاۋ، ورىستەۋ، ىلگەرىلەتۋ كەرەك؛ ساياسي تاعاندى بەكەمدەپ، بۇكىل ىنتا - پەيىلمەن حالىق ءۇشىن قىزمەت ەتۋ كەرەك. حالىق قۇرىلتايى جۇيەسىندەگى پارتيانىڭ يدەيالىق قۇرىلىسىن كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، ۇگىتتەۋدى، دايەكتىلەندىرۋدى ماڭداي الدى ساياسي مىندەت ەتۋدەن جازباي، جەتە ۇيرەنۋ، جەتە يگەرۋ، شىنايى تياناقتاندىرۋ جاعىنا بارىنشا كۇش سالىپ، ۇزدىكسىز كۇش قوسۋ كەرەك. حالىق قۇرىلتايى جۇيەسىندەگى پارتيانىڭ ۇيىمدىق قۇرىلىسىن كۇشەيتىپ، جاڭا داۋىردەگى پارتيانىڭ ۇيىمدىق لۋشيانىن امالياتتا ايگىلەپ، پارتيانىڭ ۇيىمدىق جۇيەسى قۇرىلىسىن كۇشەيتىپ، جوعارى ساپالى كادرلار قوسىنىن قۇرۋ كەرەك. حالىق قۇرىلتايى جۇيەسىندەگى پارتيانىڭ ستيل قۇرىلىسىن كۇشەيتىپ، ۇيرەنۋ سالتىن بارىنشا جانداندىرىپ، ساياسي جاۋاپكەرلىكتى كۇشەيتىپ، ساياسي ەكولوگيانى كىرشىكسىزدەندىرىپ، ساياسي قاسيەتتى ماڭگى ساقتاۋ كەرەك. حالىق قۇرىلتايى جۇيەسىندەگى پارتيانىڭ ءتارتىپ قۇرىلىسىن كۇشەيتىپ، ساياسي ءتارتىپتى قاتايتىپ، ءتارتىپ تاربيەسىن كۇشەيتىپ، ءتارتىپتى اتقارۋدى كۇشەيتۋ كەرەك. حالىق قۇرىلتايى جۇيەسىندەگى پارتيانىڭ تۇزىمدىك قۇرىلىسىن كۇشەيتىپ، پارتيانى ءتۇزىم بويىنشا جونگە سالىپ، ۇقىقتى ءتۇزىم قاپاسىنا ەنگىزىپ، كادرلاردى ءتۇزىم ارقىلى قاتاڭ باسقارۋ كەرەك.

  ءماجىلىس مىنالاردى اتاپ كورسەتتى: حالىق قۇرىلتايىنىڭ قىزمەتتەرىن مىقتاپ يگەرۋدە، ءسوزسىز، ەڭ اۋەلى، حالىق قۇرىلتايىنىڭ پارتيا قۇرىلىسى قىزمەتىن مىقتاپ يگەرىپ، پارتيا قۇرىلىسىن باسشىلىققا الىپ، پارتيا قۇرىلىسى ارقىلى قوسىندى جەتەكتەيتىن، قىزمەتتەردى جەبەيتىن تاماشا جاعداي قالىپتاستىرۋ كەرەك. ءار دارەجەلى حالىق قۇرىلتايلارىنىڭ پارتيا باسشىلىق گرۋپپالارى پارتيا قۇرىلىسىنىڭ سۋبيەكتتىك جاۋاپكەرلىگىن شىنايى ارقالاپ، پارتيا قۇرىلىسى قىزمەتىن ناقتى يگەرۋ، ىشكەرىلەي يگەرۋ، يگەرۋدەن ونىمدىلىك جاراتۋ كەرەك. قۋزاۋدى، جەتەكشىلىك ەتۋدى كۇشەيتىپ، پارتيانى باسقارۋدىڭ، پارتيانى جونگە سالۋدىڭ جاۋاپكەرلىگىن ساتى سايىن جەتكىزىپ، ساتى سايىن تياناقتاندىرىپ، جالپى جاعدايعا قىزمەت ەتۋ بارىسىندا زەيىن - زەردەنى، كۇش - قۋاتتى ۇيىستىرىپ، نازاردى نەگىزگى ىسكە شوعىرلاندىرۋ بارىسىندا ناقتى ىستەپ، جاۋاپكەرلىك ارقالاپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن ۇلەس قوسۋ كەرەك.

  ماجىلىستە ىلە قازاق اۆتونوميالى وبلىستىق، ءۇرىمجى قالالىق، قاشقار ايماقتىق، شىحىزى قالالىق حالىق قۇرىلتايى تۇراقتى كوميتەتتەرىنىڭ پارتيا باسشىلىق گرۋپپالارى پىكىر اۋىستىرىپ ءسوز سويلەدى.

  اۆتونوميالى رايوندىق حالىق قۇرىلتايى تۇراقتى كوميتەتى باسشىلىق القاسىنىڭ مۇشەلەرى لي شۋەجۇن، ۋاڭ يۇڭميڭ، ءمۇتالىپ قاسىم، دۇڭ شينگۋاڭ، باداي، گۇلشات ابدىقادىر، مانەن زەينەل ۇلى، سو يۋە ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.