«كوجە - قاتىققا» قالا باستىعى جاۋاپتى بولۋ ءتۇزىمىن ناقتاپ تياناقتاندىرايىق
ءتىلشىمىز يۋان لەي 7 - ايدىڭ 18 - كۇنى ۇرىمجىدەن حابارلايدى. 7 - ايدىڭ 17 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، «اۆتونوميالى رايوننىڭ <كوجە - قاتىققا> قالا باستىعى جاۋاپتى بولۋ ءتۇزىمىن باعالاۋ ءادىسىن»، «اۆتونوميالى رايوننىڭ <كوجە - قاتىققا> قالا باستىعى جاۋاپتى بولۋ ءتۇزىمىن باعالاۋ ءادىسىن اتقارۋ ەرەجەسىن» اقىلداسىپ ماقۇلدادى.
ءماجىلىس مىنالاردى اتاپ كورسەتتى: «كوجە - قاتىق» ينجەنەرياسى شارۋالاردىڭ كىرىسىنە جانە قالا تۇرعىندارىنىڭ تۇرمىسىنا تىكە قاتىستى، «كوجە - قاتىق» ينجەنەرياسىن مىقتى يگەرۋ حالىقتى وزەك ەتكەن دامۋ يدەياسىنىڭ ناقتى بەينەسى ءارى ەكونوميكانىڭ، قوعامنىڭ ورنىقتى، اقاۋسىز دامۋىنا كەپىلدىك ەتۋدەگى حالىق تۇرمىسندىق ەڭ تومەنگى شەك. «كوجە - قاتىق» ينجەنەرياسى الەۋمەتتىك، قوعامدىق، نەگىزدىك سيپاتقا يە، «كوجە - قاتىق» ينجەنەريالىق قۇرىلىسىنىڭ ءساتتى ىلگەرىلەۋىنە كەپىلدىك ەتۋدە جەرگىلىكتى ۇكىمەتتەر نەگىزگى جاۋاپكەرلىك ارقالاۋى، «كوجە - قاتىققا» قالا باستىعى جاۋاپتى بولۋدىڭ ەڭ قاتاڭ ءتۇزىمىن، ءسوز جوق، اتقارۋى كەرەك. ال «كوجە - قاتىققا» قالا باستىعى جاۋاپتى بولۋ ءتۇزىمىن باعالاۋدى اتقارۋ قالا ۇكىمەتىنىڭ باسقارۋ، قىزمەت كورسەتۋ قابىلەتىن ساراپتاۋدىڭ ماڭىزدى شاراسى، جەرگىلىكتى ورىننىڭ ءىس ۇقىعىن كۇشەيتۋدىڭ ماڭىزدى جاعى.
ءماجىلىس مىنالاردى تالاپ ەتتى: جەر - جەر، تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، ۇيىمدىق باسشىلىقتى شىن مانىندە كۇشەيتىپ، قالا باستىعىنىڭ «كوجە - قاتىق» ينجەنەريالىق قۇرىلىسىنداعى سۋبيەكتتىك جاۋاپكەرلىگىن تياناقتاندىرۋى؛ «كوجە - قاتىق» ينجەنەريالىق قۇرىلىسىن سايكەستى ىلگەرىلەتۋدىڭ قىزمەت مەحانيزمىن ورناتىپ، كەمەلدەندىرىپ، جۇمىس ءبولىسى بويىنشا سەلبەسىپ ىستەپ، بىرىككەن كۇش قالىپتاستىرىپ، «كوجە - قاتىق» ونىمدەرىن ءوندىرۋ قابىلەتىن، بازار اينالىم قابىلەتىن، ساپا حاۋىپسىزدىگىن باقىلاۋ - باسقارۋ قابىلەتىن، رەتتەۋ - مەڭگەرۋ، قامتاماسىز ەتۋ قابىلەتىن جانە قالا تۇرعىندارىنىڭ رازىلىعىن ارتتىرىپ، «كوجە - قاتىققا» قالا باستىعى جاۋاپتى بولۋ ءتۇزىمىن شىن مانىندە ناقتاپ تياناقتاندىرىپ، حالىق تۇرمىسىن قامتاماسىز ەتىپ جانە جاقسارتىپ، حالىق بۇقاراسىنىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋى كەرەك.
