شي جينپيڭ اراب بىرىككەن امىرلىگىندە، سەنەگال رەسپۋبليكاسىندا، رۋاندا رەسپۋبليكاسىندا، وڭتۇستىك افريكا رەسپۋبليكاسىندا مەملەكەتتىك ساپاردا بولۋ، بريكس ەلدەرى باسشىلارىنىڭ 10 - رەتكى كەڭەسىنە قاتىناسۋ، ەلگە قايتار جولىندا ماۋريتيۋس رەسپۋبليكاسىنا ايالداپ دوستىق ساپاردا بولۋ ءۇشىن بەيجيڭنەن اتتاندى
7 - ايدىڭ 19 - كۇنى مەملەكەت ءتوراعاسى شي جينپيڭ ارناۋلى ۇشاقپەن ابۋدابيگە بارىپ، اراب بىرىككەن امىرلىگىندەگى مەملەكەتتىك ساپارىن باستادى. اراب بىرىككەن امىرلىگىنىڭ ورىنباسار زۇڭتۇڭى، قوسىمشا زۇڭليى مۇحاممەد، ابۋدابي پاتشا مۇراگەرى مۇحاممەد اۋەجايدا شي جينپيڭدى قارسى الۋ ءراسىمىن وتكىزدى. سۋرەتتە: شي جينپيڭ مەن حانىمى پىڭ لييۋان اراب بىرىككەن امىرلىگىنىڭ ورىنباسار زۇڭتۇڭى، قوسىمشا زۇڭليى مۇحاممەد، ابۋدابي پاتشا مۇراگەرى مۇحاممەدتىڭ سەرىك بولۋىمەن كوزدەن كەشىرۋ زالىنا كەتىپ بارادى. شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 7 - ايدىڭ 19 - كۇنى ابۋدابيدەن بەرگەن حابارى (تىلشىلەر سۋ شياۋپو، لي جۇڭفا، جىڭ كايجۇن). 7 - ايدىڭ 19 - كۇنى مەملەكەت ءتوراعاسى شي جينپيڭ ارناۋلى ۇشاقپەن ابۋدابيگە بارىپ، اراب بىرىككەن امىرلىگىندەگى مەملەكەتتىك ساپارىن باستادى.
شي جينپيڭ وتىرعان ارناۋلى ۇشاق اراب بىرىككەن امىرلىگىنىڭ اۋە كەڭىستىگىنە كىرگەندە، اراب بىرىككەن امىرلىگى اۋە ارمياسىنىڭ سوعىس ۇشاعى كوككە كوتەرىلىپ، قورعاپ ۇشتى. جەرگىلىكتى ۋاقىت تۇستەن كەيىن ساعات 5تەن 40 مينۋتتاي وتكەندە، ارناۋلى ۇشاق ابۋدابي زۇڭتۇڭ اۋەجايىنا جەتتى. شي جينپيڭ مەن حانىمى پىڭ لييۋان ۇشاق ەسىگىنەن شىققاندا، اراب بىرىككەن امىرلىگىنىڭ ورىنباسار زۇڭتۇڭى، قوسىمشا زۇڭليى مۇحاممەد، ابۋدابي پاتشا مۇراگەرى مۇحاممەد ءدالىز كوپىردىڭ اۋزىندا ىستىق ىقىلاسپەن كۇتىپ الدى. اراب بىرىككەن امىرلىگى بالالارى شي جينپيڭ مەن پىڭ لييۋانعا گۇل ۇسىندى.
ورىنباسار زۇڭتۇڭ، قوسىمشا زۇڭلي مۇحاممەد اۋەجايدا شي جينپيڭدى قارسى الۋ ءراسىمىن وتكىزدى.
شي جينپيڭ مەن پىڭ لييۋان ورىنباسار زۇڭتۇڭ، قوسىمشا زۇڭلي مۇحاممەدتىڭ، پاتشا مۇراگەرى مۇحاممەدتىڭ سەرىك بولۋىمەن كوزدەن كەشىرۋ زالىنا باردى، قۇرمەت قاراۋىلى ساپ تۇزەپ قارسى الدى. 21 مارتە قۇرمەت زەڭبىرەگى اتىلدى. شي جينپيڭ مەن پىڭ لييۋان ورىنباسار زۇڭتۇڭ، قوسىمشا زۇڭلي مۇحاممەدپەن بىرگە كوزدەن كەشىرۋ مىنبەسىنە شىقتى. اسكەري وركەستر جۇڭگو مەملەكەت ءانىن ورىندادى.
مەملەكەت ءانى اياقتاعاننان كەيىن، شي جينپيڭ مەن پىڭ لييۋان ورىنباسار زۇڭتۇڭ، قوسىمشا زۇڭلي مۇحاممەدتىڭ، پاتشا مۇراگەرى مۇحاممەدتىڭ سەرىك بولۋىمەن كەزدەسۋ زالىنا بارىپ، اراب بىرىككەن امىرلىگى باستى ىشكى كەڭسە مينيسترلەرى جانە ماڭىزدى پاتشا اۋلەتى مۇشەلەرى سياقتى اراب بىرىككەن امىرلىگى جاعىنىڭ قارسى الا شىققان ادامدارىمەن قول الىستى. ورىنباسار زۇڭتۇڭ، قوسىمشا زۇڭلي مۇحاممەد، پاتشا مۇراگەرى مۇحاممەد جۇڭگو جاقتىڭ بىرگە جۇرگەن ادامدارىمەن قول الىستى. شي جينپيڭ ورىنباسار زۇڭتۇڭ، قوسىمشا زۇڭلي مۇحاممەدپەن، پاتشا مۇراگەرى مۇحاممەدپەن ىستىق ىقىلاستى اڭگىمەلەستى.
شي جينپيڭ جۇڭگو ۇكىمەتى مەن حالقى اتىنان، اراب بىرىككەن امىرلىگى ۇكىمەتى مەن حالقىنا شىن جۇرەكتەن سالەم بەرىپ، ىزگى تىلەك ءبىلدىردى. شي جينپيڭ مىنانى اتاپ كورسەتتى: جۇڭگو مەن اراب بىرىككەن امىرلىگى ديپلوماتيالىق قاتىناس ورناتقان 34 جىلدان بەرى، ەكى مەملەكەت ءارقاشان ءوزارا قۇرمەت ەتىپ، تەڭ تۇرعىدا مامىلە جاسادى، ەكى جاقتى قارىم - قاتىناس قارىشتاپ دامۋعا قول جەتكىزىپ، ءار سالاداعى سىندارلى سەلبەستىكتىڭ ناتيجەسى قوماقتى بولدى. اراب بىرىككەن امىرلىگى مەنىڭ وسى جولعى ساپارىمداعى ءبىرىنشى بەكەت، سونداي - اق جۇڭگونىڭ مەملەكەت ءتوراعاسى بولىپ سايلانعاننان كەيىن ءوزىم ساپارعا شىققان ءبىرىنشى مەملەكەت، بۇل جۇڭگو جاقتىڭ جۇڭگو مەن اراب بىرىككەن امىرلىگىنىڭ قارىم - قاتىناسىنا ءمان بەرەتىندىگىن ايگىلەيدى. ابۋدابيگە جەتە سالا، مەن اراب بىرىككەن امىرلىگى حالقىنىڭ قىزۋ دوستىعىن سەزىنىپ، تەرەڭ تەبىرەندىم. مەن اراب بىرىككەن امىرلىگى باسشىلارىمەن ەكى ەلدىڭ قارىم - قاتىناسىن دامىتۋ جونىندە تەرەڭ پىكىر اۋىسۋدى ءۇمىت ەتەمىن. ەكى جاقتىڭ بىرگە قۇلشىنۋىمەن، وسى رەتكى ساپاردىڭ ءساتتى بولىپ، ەكى ەل مەن ەكى ەل حالقىنىڭ دوستىعىن نىعايتاتىنىنا سەنەمىن.
ورىنباسار زۇڭتۇڭ، قوسىمشا زۇڭلي مۇحاممەد پەن پاتشا مۇراگەرى مۇحاممەد ءتوراعا شي جينپيڭنىڭ اراب بىرىككەن امىرلىگىنە مەملەكەتتىك ساپارمەن كەلگەندىگىن قىزۋ قارسى الىپ، مىنالاردى ءبىلدىردى: ءتوراعا شي جينپيڭ − اراب بىرىككەن امىرلىگى حالقىنىڭ كونە دوسى، جاقسى دوسى، ءتوراعا شي جينپيڭنىڭ اراب بىرىككەن امىرلىگىن جۇڭگونىڭ مەملەكەت ءتوراعاسى بولىپ قايتالاي تاعايىندالعاننان كەيىنگى تۇڭعىش ساپارىنىڭ تۇڭعىش بەكەتى ەتىپ تاڭداعانىن ماقتانىش ەتەمىز، اراب بىرىككەن امىرلىگى جاعى ءتوراعا شي جينپيڭنىڭ وسى رەتكى ماڭىزدى، تاريحي ساپارىن قىزۋ كۇتىپ وتىر. ءتوراعا شي جينپيڭنىڭ وسى رەتكى ساپارى اراب بىرىككەن امىرلىگى مەن جۇڭگونىڭ ستراتەگيالىق قارىم - قاتىناسىنىڭ اناعۇرلىم دامۋىن پارمەندى تۇردە جەبەيتىندىگىنە سەنەمىز.
شي جينپيڭ مەن پىڭ لييۋان ورىنباسار زۇڭتۇڭ، قوسىمشا زۇڭلي مۇحاممەدتىڭ، پاتشا مۇراگەرى مۇحاممەدتىڭ سەرىك بولۋىمەن كەزدەسۋ زالىنان شىقتى. جەرگىلىكتى جاستار مەن بالالار اراب بىرىككەن امىرلىگىنىڭ ەرەكشە ءبيىن بيلەپ، ەڭ قۇرمەتتى قوناقتى قارسى الدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار ۇشاقپەن بىرگە جەتتى.
جۇڭگونىڭ اراب بىرىككەن امىرلىگىندەگى ەلشىسى ني جيان دا اۋەجايعا شىعىپ قارسى الدى.
اراب بىرىككەن امىرلىگىندەگى مەملەكەتتىك ساپارى اياقتاعاننان كەيىن، شي جينپيڭ تاعى سەنەگال، رۋاندا، وڭتۇستىك افريكاعا مەملەكەتتىك ساپارمەن بارادى، وڭتۇستىك افريكانىڭ يوحاننەسبۋرگىندە وتكىزىلەتىن بريكس ەلدەرى باسشىلارىنىڭ 10 - رەتكى كەزدەسۋىنە قاتىناسادى، جولشىباي ماۆريتيۋستان وتەدى ءارى دوستىق ساپاردا بولادى.
شي جينپيڭ مەن پىڭ لييۋان ورىنباسار زۇڭتۇڭ، قوسىمشا زۇڭلي مۇحاممەدپەن بىرگە كوزدەن كەشىرۋ مىنبەسىنە شىقتى.
شينحۋا اگەنتتىگىنىڭ 7 - ايدىڭ 19 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ اراب بىرىككەن امىرلىگىنىڭ زۇڭتۇڭى حاليفانىڭ، سەنەگال رەسپۋبليكاسىنىڭ زۇڭتۇڭى سالدىڭ، رۋاندا رەسپۋبليكاسىنىڭ زۇڭتۇڭى كاگاميدىڭ، وڭتۇستىك افريكا رەسپۋبليكاسىنىڭ زۇڭتۇڭى راماپوسانىڭ ۇسىنىسىنا ساي، جوعارىداعى 4 ەلدە مەملەكەتتىك ساپاردا بولۋ ءۇشىن، وڭتۇستىك افريكا رەسپۋبليكاسىنىڭ زۇڭتۇڭى راماپوسانىڭ ۇسىنىسىنا ساي، وڭتۇستىك افريكانىڭ يوحاننەسبۋرگ قالاسىندا وتكىزىلەتىن بريكس ەلدەرى باسشىلارىنىڭ 10 - رەتكى كەڭەسىنە قاتىناسۋ ءۇشىن، 7 - ايدىڭ 19 - كۇنى ارناۋلى ۇشاقپەن بەيجيڭنەن اتتانادى؛ وسى 4 ەلدەگى مەملەكەتتىك ساپارىن اياقتاتقاننان كەيىن ءارى بريكس ەلدەرى باسشىلارىنىڭ 10 - رەتكى كەڭەسىنە قاتىناسقاننان كەيىن ەلگە قايتار جولىندا شي جينپيڭ ماۋريتيۋس رەسپۋبليكاسىنا ايالدايدى ءارى دوستىق ساپاردا بولادى.
شي جينپيڭگە سەرىك بولىپ ساپارعا شىققاندار: ءتوراعا شي جينپيڭنىڭ حانىمى پىڭ لييۋان، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەتى كوميتەتى كەڭسەسىنىڭ مەڭگەرۋشىسى ياڭ جيەچى، مەملەكەتتىك كەڭەستىڭ مۇشەسى ءارى سىرتقى ىستەر مينيسترى ۋاڭ ي، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ قاتارلىلار.
